ام يديده وخبرتي على قدي و ابي منكم مساعده!!!

[tooofy81]

السلام عليكم

بنات مثل مانتوا شايفين في توقيعي عندي ولد وعمره 2 ونص الله يخليه لي ومعتمده بتغذيتة على الحليب والاعشاب والماي بس

فبعرف متى يبدي ياكل ؟؟؟ ومتى يتحجى ؟؟؟ ومتى يمشي؟؟؟؟

اتمنى تفيدوني من خبراتكم

وسي يوووووووو حبايبي

 

[آهات الليل]

عمره جم؟؟شهرين ونص
ولاسنتين ونص؟؟
اا شهرين ونص عادي حبيبتي من يدش الشهر الرابع ابدي وكليه شوي شوي خضار وفواكه وبسكوت طبعا اكل اليهال
شربيه من الحين ماي وتمر وايد زين

 

[آهات الليل]

ان شالله يسنن من عمر 6شهور ويمشي عاد بعدها بجم شهر ترى ياهل عن ياهل يفرق موشرط يبدي من 6شهور يسنن عادي لاتخافين

 

[lovely jojo]

من الشهر الرابع ذوقيه الاكل وبعدين شوي شوي عطيه بطاط مهروس وجزر
والتسنين حسب انا بنتي من الشهر السابع سننت ومن الشهر السادس تحطينه بالدراجة وجذي
انا نفسج بعد بنتي بجر بس صرت خبرة الحين لووول

 

[LA TROO7]

دكتور قالي لاتبلشين تأكلين الطفل الا بعد الشهر السادس لان الاكل مبكر يسبب مشاكل طول العمر بالجهاز الهضمي

 

[ناتشوو]

أكليه ع الشهر السادس لا تستعجلين
بالنسبة للمشي والتسنين يختلف من طفل لي الثاني
انا ولدي بدى يسنن ع السابع عنده ضرسين تحت الحين
وتقريبا 5شهور ونص او 6 شريت له الدراجة
المشي بنتي مشت متأخرة مقارنة باللي حواليها( عيال اخواني)
مشت سنة وشهرين واسبوعين!
بدت تقعد بدون مساعدة ع الشهر التاسع
راح تجربين وتشوفين والطفل الاول كبش فداء دايما كل التجارب عليه
الله يخليه لج ويبارك لج فيه

 

[tooofy81]

الله يخليكم لي حبايب قلبي ولا يحرمني منكم بصراحه صج صج استفدت وناطرة بعد خبرات يديدة

وعلى قولتكم الطفل الاول هو كبش الفداء والللي تسال عن عمره اهوا شهرين ونص