ام محبطه

[توفي اللطيفه]

السلام عليكم .انا ام مجتهده في تدريس اولادها ....ولدي الكبير عمره 9 برابعة ابتدائي بس ......صدمني بدرجاته في الامتحانات هذي (الفتره الاولى *) وكل المدرسات اللي رحت لهم قالولي ان احنا مصدومين بهالولد توقعنا يجيييب علامه كامله او مرتفعة [ ....المهم شنو تقترحون علي اسوي ..للعلم انا ادرس واراجع مهاه واعطيه امتحانات لكن ما يتني للحين نتيجه تبرد القلب .....وما ادري اذا خلاص راح عليه هالفصل والا الامتحانات اليايه اذا رفع نفسه (ان شاء الله )ممكن يلحق عالامتياز ساعدوني بالرد

 

[ضحـاوي]

الله يعينج بس لا تحبطين نفسج وتحبطينه معاج

ممكن يلحق على الامتياز اذا عوض هالفتره بالفتره اليايه بعلامات مرتفعه

يمكن بستعيل بالامتحان او يرتبك ,, وصيه انه يهدى وقت الامتحانات واوعديه بهديه حلوه

 

[(كويتيه عسل)]

اخاف مانايم عدل او مو مركز بالامتحان

او مايقرا السؤال عدل وموفاهم المطلوب في السؤال ترى هالشي يأثر على الاجابه

او يستيعيل علشان يخلص الاول ههههههههه :krkrkr: كلا جذي الصبيان

اللي يخلص الامتحان اول واحد اهوا اشطر واحد مادري ليش يفكرون جذي

او اللي يراقبونهم بالامتحان عصبين

انا طالباتي في سادس معنى شطار في الشفوي الامتحانات القصير وحلهم في الدفتر يهبل

بس اغلب الصف بالامتحان الطويل عفسو الدنيا في الامتحان

ياتلهم وحده تزهم وتصرخ عليهم مو تراقبهم ماقدرو يركزون في جم بنيه قامت تبجي في الامتحان

فنفسيتها صارت موزينه ماقدمت عدل معنى ماشالله عليها شاطره وياتلهم رئيسة القسم ماتعطيهم وي

وشديده وتضايقو منها وانا طبعا ممنوع اروح لهم في الامتحان شوفي شصار فيهم :0bee2e8d89:

 

[basema]

لا زم نلاحظ أولياء الأمور إن لعيالنا قدرات مستويات نتعب معاهم بس يجيج مستوي يصدمك لا تنحبطين عديها و قولي إن شاء الله الشهر الجاي يعدلها

 

[توفي اللطيفه]

مشكووورين على الرد والله يبرد قلوبكم وينجح حبايبكم .....وان شاء الله يعدلها الشهر الياي

 

[alhayen]

لا تبينين لولدج شعورج السلبي لأنه راح يتأثر فيه بشكل لا ارادي حاولي تهونين الموضوع عليه وبحثي معاه وين الخلل لابد فيه شي خلاه مايقدم الاختبارات بالمستوى المطلوب لأنه على حد كلامج اهو شاطر والمدرسات كانوا متوقعين له علامات مرتفعة فلابد هناك سبب يا في محيط اصدقاءه او شي ثاني اهم شي تكلمي معاه ترى الحوار ايييب نتيجة وكوني صديقته قبل امه وراح تلقين الخلل بإذن الله وان شاء الله
اييب العلامة الممتازة ومع مرتبة الشرف تمنياتي له كل التوفيق

 

[شهد_77]

واي ضيقتي خلقي انا ولدي لما الحين يمتحن الله يستر انا حاسه ان نفس ولدج الله كريم بس ترى هم ماينلامون عيل اكو يهال بالعمر جذيه امتحانات وشطولهم وصعب الله يعينهم