ام زووجي

[a7la_7b]

الله يعينج
حمدي ربج زوجج زين معاج وبعدين على قولتج مره كبيره شتسوين بعد تبين ولدها يغلط عليها ؟؟؟
انتي لاتكثرين نزله تحت يعني نزلي مرتين بالأسبوع على قولتهم رووووح بعيد وتعال سالم

 

[زوجة عزيز]

الله يعينج والله أنا خواته كلهم مو وحده ولا ثنتين حجيهم سجاجين بالقلب بس صبري عشان ريلج وسوات الله أبرك الله يصبرج عليها

 

[دلال86]

داام زوجج زين

لا تردين لاحد أعتبار

وام زوجج عاادي اسمعي من اذن وطلعي الكلام من اذن الثانيه

والله لو تسكتين وماتتكلمين تقهرينها

وحاولي تكسبينها ..

وعسى الله يسخر لج أم زوجج

ويسخر لج زوجج ويوفقكم يارب

 

[ام زهقانه]

الله يعينكم



ما عندي اي شي اقوله غير اكسبي ريلج مافي ريال يرضى على امه حتى لو معاج الحق


انسى وطنشي ومردها تركد


الحمدلله خالتي عسى الله يطول بعمرها حنوونه ويااي وماترضى علي ولي شافتني تفز من مكانها

لان العلاقة بيني وبينها بس اسمع وابتسم ما ارد ولا اسولف غير سوالف تسرها


دام ريلج حنون وزين وياج ما عليج من احد هذا حسد اعوذ بالله منه



الله يهديها لج

اتفق معاها

 

[PuPa^^SWeeT]

حبيبتي مبين انها اتغار من خالتج لأنه مرت ريلها


لو بتدور الدنيا الله لايقوله


حطي روحج مكانها


هذي غيرة حريم و عادي تمشي حالها مافيها مشكلة


وريلج مقدر ولو اني ضد انج اتعلمينه بشي مهما يكون




انتي قالت لج ليش رايحة هناك وو ولا من كلامها عطيها كلمة حلوة تحرجها


يعني شسوي يا خالتي صلة رحمي ولا القعدة وياج انتي تسوا الدنيا كلها


خلج دبلوماسية



اتخسرين بيتج لأنها اتغار على ريلها و ولدها و عليج انتي بعد ليش اتروحين عند مرت ريلها


كسبيها شوي

 

[بيتي بوب بس كويتيه]

تحمليها ام ريلج هذي
ولا تقطعينها ومع الوقت راح تعرف انج زينه
انا خالتي كان بيني وبينها لويه بس تحملتها والله كانت تشيش ريلي علي بس اشوا ريلي عاقل كان يسكت عنها ويقولي شنو قالت يبيني اكون بالصوره
لدرجه ابجي واقوله ليش تسوي فيني جذي
والله لو واحد ثاني جان طلقني علشانها عاتشيش
وسبحان الله مع الوقت كثر ما ابرها وما اقصر معاها وكله اقعد عندها
الحين تموت علي
ومن وراي تروح لعماته وتقولهم احسن جناتي بيتي
لدرجه عمته لما تسلم علي تقولي حبيبه خالتها
سبحان الله مع الوقت تغيرت
وكسبتها
والله يديم
وصج مرات تفصل علي وتقط حجي بس اسوي روحي ما افهم *

 

[جوري 2007]

نصيحه : لا تعورين راسه بسوالف امه واهله الريال عارف عدل شنو امه وشتسوي ومع هذا قالج ميخالف وتحمليها يعني اشبيسوي بيروح

يتهاوش مع امه !! تجنبيها قد ماتقدرين ريحي بالج وباله وتعلمي فن الطناش وترييح البال وقطي ورا ظهرج وفوق هذا دوري راحتج بانج

ماتزورينها وايد خلي ولدها وحفيدتها يزورونها وايد وانتي بالشهر مرة كافي والله يعين

 

[مناير ...!]

تبين ريلج
كسبي امه
مافيه قدامج اي حل ثاني

 

[لمسه ضياء]

الله يعينج

تحمليها عشان زوجج ​

 

[dareen1980]

ربي يسخر لج امورج يارب ويرزقك بالولد الصالح ويرزقن كلنا بالذريه الصالحه اللهم امين يارب العالمين يارحيم يارحيم

 

[فوفو الدلوعه]

الله يهديها تحملي عشان خاطر زوجك