ام زووجي

[الذوق والرقه]

مسا الخير كتبت قبل فتره مووضووعي شطوله واخير شي مانزل مدري ليه ؟؟ مع ان مافيه شي
المهم انا متزوجه ولد عمي اول شي ابوي وعمي ماخذين خوات اللي هم امي وخالتي وعمي هم تزوج على خالتي وحده موكويتيه وانا ماخذه ولد اللي موكويتيه لان خالتي ماعندها صبيان عندها بنات بس وعلاقتي معاهم فووق الممتازه ثنتين عند خواني وهم بحسبة خواتي الكبار المشكله ان رجلي يعاملهم زين ولايفرق بينهم وبين خواته من امه من قبل لاياخذني بس امه علبالها ان اللي محنن قلبه عليهم وتقط نغزاات حيل عليهم قدامي وارد عليها المشكله قدامهم ماتقول شي عندي اتكلم وادري تبي تقهرني انا واتكلم في خالتي وتعيب ولا ارضى عليها هذي المشكله الاولى المشكله الثانيه
انا تطلقت من زوجي بعدين ردينا لبعض وهي لايومج تقط نغزات بهالموضووع اردج بيت اهلج بدون رده وقلت لرجلي هالموضوع وقال عشان خاطري طوفي امي شنو اقول لها وانا عندي بنوته وموعاجبها انتي مثل خالتج شكل خلفتج
بنات اول تسكت بعدين تسال متى يجي ولد ابني شارد عليها ساعات استعبط اقول بالجمعيه شوي ويرد ساعات
الله كريم بس لاتطاااق ورجلي يقوولي استحملي عشاني مره كبيره وهو مايقصر لا شافني تضايقت منها غير جوي
ويدلعني بس شالفايده كلامها يجرح وفوووق هذا ماتبني اقعد ماخالتي خالتي بنفس البيت بس مكان منفصل وتزعل اذا
قعدت عندها خلاص عندج مرت ولدج الثاني انا كيفي واليوم اللي اقعد عند خالتي ويمر رجلي يقعد عندنا شوي هني تقوم القيامه غيرتييييه علي ياللي ماتخافين الله الله لايرزقج بالولد مع اني اقعد معاها بسما اطول لان قعدتها ممله
ورجلي محترم ورجال ولا ابي اخسره عشان امه بس مليت ومدري شالحل معاها

 

[ياغفور اغفر لي]

لاتخسرين بيتج وزوجج عشان امه
عندي وعندج خير انا صارلي اكثر منج واشيا تموت من القهر بس صابرة وساكته ومحتسبه الاجر واهلي بديرة وانا بديرة نصيحة حافظي ع بيتج وكبري عقلج لا اخر درجة وفهمي زوجج قولي له انت شايف بعينك اللي يصير لي وترت كرامتي من كرامتك ولنفروض ماترضا علي لاني زوجتك وام بنتك وامك ع عيني وراسي بس كل شي له حدود وانا ترا بصبر عشانك وبتحمل عشانك بس لايجي يوم وانصدم فيك او تخذلني

 

[! بــدويه وآآيــد !]

،



وووي حبيبتي تدرين ام زوجي العن من ام زوجج وزوجي حبوب ومثل زوجج ولا افكر اخسره عشان احد وانا ماخش عنه شي اي شي يصير بيني وبين اهله اقطه باذونه اي والله لاحد يقول حسوده ومادري شنو لا عشان اذا صار الي صار يكون بالصوره من الاول ويقولي تحملي امي عشاني واتحملها عشانه مثل مايقولون لاجل عين تكرم مدينه بس صرت مازورها واجد يدوب بالشهرين نص ساعه وساعات تمر 3 شهور ما اجيها وصرت لما ادش تلمني وتبوسني وترحب وتهلي صج لي قالو خلك بعيد حبك يزيد وانتي قوليله بس قوليله عن طريق الفضفضه مو هوشه او زعل وخلي علاقتج سطحيه معاها ولاتنزلين كل يوم اول شي قولي تعبانه بعدين نزلت علي الدوره تعورني بعدين فيني نوم بعدين صداع لما تتعود انج ماتنزلين خلج بعيد عنها وماله داعي تعرف قعدتي مع خالتج او لا روحي من وراها او شقي لج درج ينزل بروح اذا ساكنه معاهم
والله يسخر لج زوجج ويخليه لج ويسخر خالتج ويسكر حلجها عنج < خوش دعوه لووول

 

[روووح المطر]

الله يعينكم



ما عندي اي شي اقوله غير اكسبي ريلج مافي ريال يرضى على امه حتى لو معاج الحق


انسى وطنشي ومردها تركد


الحمدلله خالتي عسى الله يطول بعمرها حنوونه ويااي وماترضى علي ولي شافتني تفز من مكانها

لان العلاقة بيني وبينها بس اسمع وابتسم ما ارد ولا اسولف غير سوالف تسرها


دام ريلج حنون وزين وياج ما عليج من احد هذا حسد اعوذ بالله منه



الله يهديها لج

 

[شلة بنات وبس]

الله يكون بعونكم ويصبركم

 

[منو انت]

دام زوجج حبوب وزين استحملي بعد شتسوين مافي شي كامل يعني عيب زوجج امه والحمدالله ان هالعيب مقدور عليه احسن مايكون عيبه شي ماله حل وامه الله يهديها ان شاءالله

 

[سنو - وايت]

الله يعينج

 

[7aram 3zoz]

عندي وعندج خالتي استغفرالله يعني مو كبيره عشان اقول مخرفه
بس حركاته مو صاحيه غرفته بالدور ارضي ماتقدر تصعد من سكر تصعد لمن ثالث دور تي شقتي
تقولين بنام عندكم وتقط نغزات لاني تاخرت ماحملت الحمدالله الحين حامل تحملي عشان زوجج ياقلبي وامه بطقاق مو كل يوم
لازم تراوينه ويهج واذا عن خالتج زوريها وروحي وسولفي واهيا بطقاق اذا قاتل شي قولي خالتي حرام اقطع صلة الرحم فيه خير تحجى

والله يعينج عليه ويهديه لج ويرزقج بالولد

 

[عـِرۈۈق قلبــه]

الله يسخر لج زوجج ويخليه لج ويسخر خالتج
​

 

[عيوني مودي]

احمدي الله ع النعمة مافية احد شاف الي شفتة انا سكرت بيتها وسكنت عندي وانا معاي بنتين وماعندي خدامة
وشوفي بس فالصالة ليش نمتي ومن تكلمين وليش بنتك كذاغير الاوامر وانا خلاص طاقتن تسبدي من الحياة وللدها
ولو تقول لزوجي عني شي صدقها مايبين بعينة كرهتة

 

[جعلي فدوه لبوي]

اقول صبري انتي علي الاقل زوجك مقدر ويقولج تحملي انا شقولج الي تغار مني ولو طلعت لسوق معاه ردبنا للبيت ولا مطنقره ودايمن زوجي يشوفني انا الغلطانه*

 

[هذا مزاجي]

الله يعينج

 

[Tulips]

حبيبتي سوي اللي يريحج وطنشي خالتج

ولا تكلمين ريلج عن تصرفات امه لانه واضح انه غاسل ايده منها وماكو فايده فأحسن حل انج تعطينها طاف

 

[سكوتي بذوقي]

الله يهديها يارب

غيرة حريم هاذي

ماعليه تحمليها مره كبيره عدي كل شي لخاطر زوجك

 

[" ام حمود "]

طنشي طنشي ولا تهتمين لهم .. انا قاطعه عنهم ولا اروح لهم كلش بس عيالي يروحون ريلي يوديهم والله مرتاحه حيييييييييييييل والحمدالله
المهم انتي عندج ريلج وعيالج والحمدالله

 

[لي لي78]

حبيبتي يوم ريلج معج زين مالج خص فأمه ترى كل الأمهات جذبه ولاتخسرين بيتج وحاولي الطنشين أنا ام ريلي اتسمعني كلام مثل السم اول كنت كل مااسمع اقعد أصيح وعقب كبرت عقلي وسرت اطنش وفنفس الوقت سويلها الزين عشان خاطر ريلج والله ايعينج

 

[اميره1980]

دام الريال زين وياج طنشي امه و لا جنج سامعه شي و حاولي انج تكسبينها
شوفي شنو الشي اللي ينفع معاها من معامله و سويه و اهم شي تطخ عنج و تتركج بسلام مو خوف منها بس علشان تتقين شرها

 

[** باربي **]

اهم شي الي يبرد القلب انه ريلج عارف امه ويقولج تحمليها واهو زين معاج

احسن ما اييلج واحد يقولج لا انتي غلط وامي صح ويشيل عليج سبتها وما يقولج لو مرة انها نص غلط

هاذي ترى تحرق يعني يحس بمضلوميتج شال نص القهر بس الي ما يحس وفوق مضولميتج يقولج ظالمة تقطعين هدومج

وفوق هذا يكون اهو اساسا مو كفو لا منه ولا من امه ولا من اهله ولا من حقانيته ودفاعه عن زوجته

دام يعترف انه انه الي مو زينة احسن ما يقول اهي الزينة وانتي الي موزينة قتلج ترى هذا القهر

حقريها يا حبي حقريها وقثيها من تحت لي تحت عشان تخاف شوي ما اتمادى
وانتي جدامها خلجدايمن مبتسمة عشان تمل تقول مهما اغثها ما تهتم وتحس انه اهي بس الي حارقة روحها على بلاش
لا تعطينها امنيتها اهي اشكرة قطتها روحه بلا ردة قوليلها يا مسكينة لا تطردينا من قصرج الي اهديتنا ياه
وخليها وحياتج رده بلا روحه صيري شاطرة مو اهي الي تشيطر عليج سليحط

 

[دارين العنبر]

الله يساعدج ويحنن قلبها عليج
جوفي عن ام الزوج كلنه لنه قصص معاهم مو بس انتي ولو نتكلم ما بنخلص
وانتي مشكلة ام زوجج انها تغار من خالتج وهذا طبيعي لانها ضرتها فاتني تجنبي المشاكل ولا تبينين لها حبج لخالتج اكسبيها اهي عشان زوجج وخالتج بتفهم الوضع وربي يصلح حالكم ويرزقج الولد الصالح

 

[حوررريه]

طلعي فبيت بروحج وفكي عمرج من عوار الراس لانه هالمشكلة مالها نهاية عند هالنوعية من الحريم الكبار..
والله يخليلج ريلج وبنتج