ام زوجي .!!

[reem_UAE]

السلام عليكم ورحمه الله وبركاته

اشحالكم بنات ؟

بنات انا معرسه من 3 شهور تقريبا

مشكلتي اني ياسه مع اهل زوجي


وامه تتدخل بشكل كبير في حياتنا لدرجه ان يوم بنطلع ولا شي تعارض !!!

و حتى يوم نشتري اغراض من برع تشوف شو شارين ..!!

واااايد اشياءء ما اعرف كيف اتصرف وياهاااا ..!!

ساعدوني قولولي شو الحل ؟

 

[فاقده ابوهاااا]

رد : ام زوجي .!!

انج تطلعين في بيت لحالج يعني اخذوا بيت او شقه وسكني انتي وريلج ..هذا الحل

 

[فنانة الكويت]

حبيبتي
الله يعينج نفس معاناتي
الحل انج تطلعين وان ما طلعتي من الحين وانتي توج متزوجه خلاص مافي امل
نفس حالتي لي يومج وانه اعاني منها صار لي سبع سنين متزوجه وعندي يهال ولين الحين التدخل والتحكم والاذيه واي بس شقول وشخلي

 

[*ريما*]

رد : ام زوجي .!!

الله يعين
صبري مالك الا الصبر

 

[روحي تحبه غصب]

يمكن الحل الوحيد لمشكلتج انج نطلعين من البيت

الله يعينج ويسخرلج ريلج

 

[تعويذه الحب]

حبيبتي ميخالف طولي بالج مره كبيره اعتبريها مثل امج لا تنظرين لها نظره خاله

الحين لو امج بتسألج شو شريتي اكيد راح تجاوبينها وتورينهاااااا بعد فليش تستثقلون سؤال الخاله

حبيبتي مهما كان هذي ام زوجج بريهااااااا لان باجر انتي بتصيرين خاله فاكيد ما ترضين ان مرت ولدج تتكلم عنج وتقول انج تدخلين

 

[قوية الباس]

رد : ام زوجي .!!

الله يعينج بس هذي امه لازم تتحملين ودر بالج تشتكين منها عند ريلج

بس. ممكن حل وسط شنو؟؟؟اشتريلج اغراض خاصه وخليها تفتشهم جود تفتشل واستغلي الفرصه واشتكي لريلج بس باسلوب حلو قولي اهيا حسبة امي بس هذي اغراضي وخصوصياتي فشله تنبش بالاغراض استحي وانه فبيت اهلي ماتعودنه على جذي

ولاحظي قولي فبيت اهلي

وعلي سالفة الطلعه لازم تتفقين مع ريلج وبسرعه طلعو يعني لاتعطونها مجال تتحجي وخل يقولها ولدها انه مستعيل

بس لازم تتفاهمين مع ريلج وتقنعينه باسلوب وكلام حلو لان اهو لوحيد اللي يقدر يوقف بويه امه بس طبعن باسلوب حلو ولاتشتكين. منها قوليله اهيا حسبة امي بس ابي خصوصيه

والله يوفقج

 

[بنوته عوبه]

واي عيل انا شقوووول تخيلي مره كنت طالعه مع زوجي جان امه ادق علينا وتقول شنو طالعين قالها اي جان تقول عندي عزيمه اليوم لازم تجي معاي << اهي ماقالت طوال اليوم يووم طلعت اطلعت العزيمه قالها ريلي احنا طالعين تخيلي تصارخ وتزف وصكرته بوجه

والله ما شوف الا قطني البيت قالي روحي معاها تخيلي ولا طلعت ااااااااااخ هم هم قاعده عانس ابرك لي

 

[نورآ المحده]

رد : ام زوجي .!!

هذي امه حلووة اللبن

وانتي توج عروس ياقلبي لازم تصبرين
يمكن حرام نيتهاا صافيه
ويمكن طبعها فضولي ..

ماشوف فيهاا شي بصراحه
عامليهاا مثل ماودج حريم اخوانج يعاملون امج
وترى كل شي مردوود ياقلبي ..

كلش ولا امه ..

 

[كاميليا1]

يابنتي صبرنا وربي عوضنا الكبار يبيلهم صبر صبرصبر
اذاتقدرين اصبري او روحي ببيت بروحكم اقرب حل

 

[cat^q8]

يامعوده اذا سالفه تشوف الاغراض و تسال هينة

طوفي حبيبتي و لا تحطين هالشغلات البيسطة في بالج

في غيرها ما ينطاقون (

 

[TamraBarney]

رد : ام زوجي .!!

اغلبية الحريم الكبار كذا يحسونا مانفهم ولانعرف عشان كذا يتدخلون بكل كبيره وصغيره

خالتك خذيها بالمسايس وانتي اذا دخلتي البيت وسلمتي عليها انتي بنفسك فرجيها عاللي شريتيه الا اذا كان في اشياء خاصه خبيها بالشنطه وخلي الباقي بالاكياس
هي خايفه تخبون عنها شي عشان كذا تراقب وتسالك وتتفرج
اذا سايستيها صدقيني فتره بسيطه وتمل ويطيح اللي براسها ​

 

[شموسة كيوت]

رد : ام زوجي .!!

زوجك شنو موقفة من تصرفاااات امة

اذا عاجبتة مو متضايق يباااا لاتحرين نفسك خلها تشوف وخلها تسال بس لانكم توكم معرسين بعدين تعطيكم طاااف ماتدخل بحياتكم

 

[i'am THE ONE]

رد : ام زوجي .!!

tamara انا معاها

 

[بخـــارى]

رد : ام زوجي .!!

الله يعينج

 

[زوجة عزيز]

الله يعينج عليها طلعي بشقه بروحج احسن حل

 

[مناير ...!]

رد : ام زوجي .!!

هذي امه انتبهي تشكين منها
قربي نفسج لها وحاولي تكسبينها بطيبج