ام زوجي واقفه ابلعومي

[وردة وطني]

حرام عليج ترا الحياه سلف ودين


كما تدين تدان تحمليها وعامليه زين ماراح تخسرين شي والله
وزوجج طبيعي اللي يسوي جذي اغلبهم يحبون يبينون شخصيتهم
وبعدين حبيتي اهيه مؤ قاعده عندج قاعده عند ولدها يعني اهيه الداخله
وانتي الطالعه هذي امه ي قلبي
احسني ضنج واتقي ربج

 

[دلوعة أبوهآ]

ماسألتيه عن سبب معاملته لكِ بهالطريقه وتغييره المفاجيء عليكم ؟؟

أتوقع الصراحه احسن ححل

 

[Patcholli]

اذا فتره وبتعدي اتحملي واتجنبي وخلج ساكته هالفتره لا لج ولا عليج

واحتسبي فيها الاجر اي شي تظايقج فيه تحملي وقولي يارب اجرني

 

[رنيم الروح]

حبيبتي من العنوان توقعت شي ثاني انه اهواش ونكد طول اليوم هههههه بس السالفه بسيطه سالفة زوجك يمنعك من الطلعه يبيك تقعدين معها او خذيها معك مراح يمنع ساعتها ولا تظلمينها تراها مثل امك يمكن مالها ذنب يمكن زوجك من نفسه اتغيير يبي يبين قدامها انه شخصيته قويه وهو المسيطرفانتي عطيه الدور قدامها

 

[تحرير @]

لالالالا بنات فهمتوني غلط أنا احبها عادي بس تصرفاتها معي اذا ريلي موجود لما الدب عيالي امنعهم من طبعه بوقت محدد ويبكون تقعد تقرقر على راسه ماله داعي تطردهم خلها تجنبهم مسويه نفسها انها تربيهم واحيانا تهاوش لما تعرف سعر بدله او سعر أثاث فسقانه المره اللي ماتحفظ الفلوس يعرس عليها ريلها واذا شافته جا من دوامه مسكت المكنسة البيت مرتبته الشغاله يروح يهاوشني امي ترتب بيتج وانتي نائمه شي شي اعرفها واعرف عنادها الله يسخره يارب ويهديها لنفسها

 

[وردة وطني]

سالفتها. بمسكت المكنسه واستفزازه لج
الله يعينج حبيبتي تحملي فتره وتعدي بس انا لمصلحتج اقول
عشان ربي يوفقج انتي وعيالج وزوجج

وأن شاءالله ع حركتها هذي تروح عنج باقرب وقت

والله يعينج حبيبتي

 

[شوكلاتة سويسرية]

شوفي عزيزتي
مالك الا الصبر والدعاء
صبري وتحملي وحاولي تصييرين حليوة وماتخلين مجال لاحد يغلط ابد
ضغطي على نفسك معليش ام زوجك مش مخلده للابد.
ثانيا دايما ادعي ربك ان زوجك الله يسخره لك والله يسخرها لك ويصرفها عنك ويليها بشي غيرك
الدعاء ثم الدعاء ثم الدعاء

 

[البـنـدري]

للــــرفـــــع

 

[مناير ...!]

كسبيها
حاولي اتحببينها فيج
ساعتها اهي ماتخلي ريلج يغلط بحقج وريلج بيحطج فوق راسه

 

[سوبر لولو]

دلعي أمه جدامه شوفي شلون راح يتغير ويستانس عليج

والله يعينج ويزاج الله خير

 

[نبض السعاده]

ياهنيج. بالاجر. حبيها. صفي. النيه. خليها. تكلم. على كيفها. دام. ان. صالحه. مصليه. تقربي. قولي. هذا. حق ربي. لا يمر. يوم. الى. انتي. ادورين الاجر. بكل. شي. عسا. ربي. يطول. بعمرها. يهدينا. اجمعين

 

[$قطوه$]

لو العمه حبت الكنه كان ابليس دخل الجنه .

 

[رنيم الروح]

لو العمه حبت الكنه كان ابليس دخل الجنه .

ههههههههههه ام زوجي الله يرحمها كانت تعاملني مثل بنتها
وكانت دافع عني حتى لو انا غلطانه والسبب اتحط الغلط بزوجي وماشاءالله
خواته الحين فديتهم مستلمين الدور مايرضون علي بشي
ومثل خواتي واكثر الله يديم علينا المحبه

 

[جذابه بنت ذيابه]

حبيبتي

خلج اطيب و اسنع منهم قومي فيها هذي جدة اعيالج ..


و طووفي اي شي يزعلج فتره وتعدي

 

[دلال و غلا]

الله يكون بعووووونج حاسه فيج

تحملي ما يخالف وقولي كل شي بسويه ابيه يكون لوجهك يا ربي

وفتره و تعدني باذن الله