ام ريلي كارهتني

[shams2008]

كسبيها بعد شتسوين !!
وليش ماتكلمين ريلج وتقوليليه انه يعيد وياج
او تروحين وياه
الله يعينج

 

[EGO WOMEN]

انا ما اقدر اتاقلم انا نوعي اجتماعيه ما احب الحكره وما اطوف اي يوم زواره
بس انا احسن منج خواته عسل وايننون ويحبوني بس اهي اللي امعقده الموضوع

هههههههههههههههههه حمدي ربج اذا شفتي مصايب غيرج تهون عليج مصيبتج حبيبتي
انا ماخذه ولد عمي على طول وزوجة عمي وبنات عمي يكرهوني كره العمى ما بقول انتِ اللي تقولي ماخذه ما يقرب لج
حمدي ربج بس

 

[ام _خلودي]

الله يهدى سركم

 

[tota kim]

الصبر زين حبيبتي وكاافي ريلج يعرفهاا

 

[وضوح الشمس]

حبيبتي حاولي ماتكوني رسمية معها بالكلام يعني حسسيها انك وحدة من بناتها سمي عليها ليش لا بالعكس تكبرين بعين زوجك اهم شي الهدايا تراها سحر قلوب العجايز اقمشة خاتم ذهب واشياء واجد اهديها ترا سر سعادتك مع زوجك سببها امة يعني اذا ماحبتك راح تكرة زوجك فيك واذا حبتك راح تحببة فيك مهما قست بيني لزوجك انك تحبين امة مو تشكين منها قدامة واللة يحنن قلبها عليك

 

[الريادة]

لا حول و لا قوة الا بالله ..
مسلسل الخالات ما يخلص.

 

[زوزي الكويت]

ولله أنانفس حالتج وألعن تدرين ليش لأن أنا عايشه معاهم وموبس هي خواته بعد سبعه نفس أمهم الخدامه حسره علي أناديهاوهي خدامتي تخيلي قبل عيدزواجي بجم يوم تهاوشت أخته وطقتني وداني لهلي قال شسوي وماأطلع لسوق ولاأزورأحدلأنهاتزعل وتسافرمعاها تشرط ماروح وشرط ماأسافرمعاه بروحي لازم السبع بنات معاي الله ياخذهم ولله عايشه بحسره بس ربج المستعان

 

[الشهد كله]

هذي مقولة أمهاتنا يقولونها على طول ...........

" لو الخالة تحب الكنة جان إبليس دش الجنة "

ولا عندي تعليق لج غير الله المستعان ..........​

 

[(نبنوبه)]

حبيبتيي اصبري وخلج على طبعج الحلو ترى والله مو بسرعة تبين النتايج اصبري ومع الايام راح تعرف مقدارج اذا طاحت مريضة بعد الشر عليها طبعا وشافتج مجابلتها راح تحبج تذكرين مسلسل الحقيقة والسراب يوم كانت سمية الخشاب خالتها فيفي عبده شلون كانت ادقر فيها وما تواتواطنها بعيشة الله _03BA:وكانت المسيكينة صابرة وساكته ويوم طاحت فيفي عبده منو قابلها غير جنتها الحبيبة وعرفت مقدارها

يعني المسالة مسألة وقت كما غنى عبدالله رويشد

((مالت علي اجيب شواهد من التلفزيون )) من كثر ماني مقابلته صارت عندي خبرة في الحياة لوووووووووووووول

ياحياتي لا تضايقين عمرج يابلبلة قصدي يا سمية الخشاب

والا تدرين صيري مثل نسمة مع خالتي قماشة او اي شخصية تعجبج

المهم جابلي المسلسلات اللي بالتلفزيون الي من هالنوع واخذي خبرة

وبالتوفيق انشا الله

 

[noorq8]

يروح لهاااااااااا يجابلها كل النهااار كيفها لكن توصل لي السفر لالالالالاو أيام عيد لي هني وأقول اسمحيلي لازم تحطين حد لكل شي وساعات طولة اللسان تنفع أخذج غصب مو مالج عليج بمخفر .......... قلنا امه ويعني ليش انتي منتي بنت حموله وناس !!! احترمها لكن ماتدوسني هذا رايي وانتي حرّه

 

[كوارين]

الله يعينج

 

[^^ام ميمي^^]

الصبر ثم الصبر ثم الصبر


وتحملي كل اللي تقوله ولا تزعلين


واذا قالت شيء يزعل رددي دايم وقوليلها خالتي انتي مثل امي وما ينزعل منج


وترى يحبون اللسان الحلووو


ودايم مدحي فيها


وحتى عند اقرب الناس لها ترى يوصلون الحجي لها



وحاولي اتسافرين معاهم و تقربي منها اكثر



ومثل ما قلتلج الصبر ثم الصبر ثم الصبر


اعرف وربي تقول كرامتي اقطها بالشارع قبل لا ادش بيت اهل زوجي و شوفي ماشاء الله عليها اللحين شايلينها وشايلين عيالها شيل ويموتون عليها . لانها صبرت .