امي و زوجي والسكن...!!؟

[Lulu Morales]

السلام عليكم بنات شلونكم
سالفتي بسرررررعه جذي ...
مشكلتي اهو السكن
صارلي 4 شهور مملجه, وانا طالبه وعلى اساس ان اهلي متفقين مع زوجي ياخذني بعد هالكورس يخلص يعني شهر واحد 2014 ...
وكل ما ادور شقه امي تقول ليييش مستعيلين نطرو بعد
وانا اقولها شنو ننطر باقي شهر وين يمديني ازهب شقتي
مابي ارد من سفرة الشهر عسل وانا بعدي ماعندي شقه
مو حلووه كلش ارد بيت اهلي تالي :eh_s(11):
ولمن لقيت شقة وكل شي تماااااااام
امي مارضت تقول وايد بعيد عني بحجة ان اذا اهي تبي تمر علي او تساعدني على اساس انا طالبه وماعندي خدامه !! :/
والمنطقه مو بعيده بيني وبينها يمكن 8 دقايق بالكثييير :eh_s(16):

احترت معاها
وريلي مصمم يقول يبي الشقه
وامي زعلانه علي !!
مااادري ليش امي الا تبيني يمها يمهااااا

مع ان ريلي ساكن قريب يم دوامي عشاااني واهو دوامه بعيييييييييد مسكين !!

مادري ليش امي تسوي جذي والمشكله اختي مطاوعتها بعد تشيشها

شنو اسسوووي مابي امي تزعل علي
وبنفس الوقت ابي ارضي زوجي وهم انا عاجبتني الشقه :eh_s(11):
تقولي هذا الدرب رووحي يلاااا كيفج لكن تالي لا تشتكين
اشتكي من شنو؟ :eh_s(2):
واااي جنها متخليه عني

الحل ؟؟؟؟​

 

[Lulu Morales]

؟؟؟؟؟؟؟؟؟؟؟؟؟؟

​

 

[Lulu Morales]

بنات وييييينكم ابي رايكم ​

 

[latkt7as]

وعليكم السلام

شوفي حبوبه بصراحه امج مالها حق
ترفض الشقه وتزعل عليج تحديدا ان كل الدرب 8 دقايق
والسياره تقرب البعيد عادي

وثاني شي اهم شي انتي يكون دوامج قريب يعني مو كل يوم تطقين درب
رايحه راده

انتي سايرها قولي ان شاء الله بدور غيرها
وصلي صلاه استخاره وكثري استغفار صدقيني ربي بيسرها لج
ويكتب لج الخير وين ماكان

 

[مولاي الفرج]

شكلج انتي بجرها عشان جذي متعلقه فيج

قنعيها بالكلام الحلو وقوليلها ان ريلي خلاص يبي هالشقه واكيد انتي بتمرينها كل ما فضيتي عادي

 

[Lulu Morales]

وعليكم السلام

شوفي حبوبه بصراحه امج مالها حق
ترفض الشقه وتزعل عليج تحديدا ان كل الدرب 8 دقايق
والسياره تقرب البعيد عادي

وثاني شي اهم شي انتي يكون دوامج قريب يعني مو كل يوم تطقين درب
رايحه راده

انتي سايرها قولي ان شاء الله بدور غيرها
وصلي صلاه استخاره وكثري استغفار صدقيني ربي بيسرها لج
ويكتب لج الخير وين ماكان

ادري مالها حق وادري اهي تبي لي الخير
بس مادري ليش تسوي جذي
ان شاء الله بحاول اتفاهم معاها مع انها ماااتبي تكلمني :eh_s(11):
الله ايسر لنا الخير
مشكوره حبي​

 

[Lulu Morales]

شكلج انتي بجرها عشان جذي متعلقه فيج

قنعيها بالكلام الحلو وقوليلها ان ريلي خلاص يبي هالشقه واكيد انتي بتمرينها كل ما فضيتي عادي

لا انا الجعده
عادي امرها ماعندي مانع اكيد ماراح اقطعهااا
بحاول اكلمهااا​

 

[دلوعه ززوجي]

الله يوفقك. ويخليلج امج. قولي هذي اللي لقيناها وبسسسسس

 

[هيبة ملك]

الله. يوفقج يارب

من خوفها عليج تبيج. يمها


خلي. حد من خوانج. او خواتج يكلمها. كلش كلش خل. زوجك. يقول. لها خلاص اجرتها

 

[Mrs_Orchidia]

امج ما تبي تفقدج .. و انتي لو تسكنين البيت اللي يمها و للا تسكنين بديرة انية فاقدتج فاقدتج خصوصا اول الفترة .. اقول طيعي زوجج و ساحلي الوالدة عشان ما تزعل

موفقة حبي

 

[أمورته]

الله يسخرهااا لج والف مبررروك

حاولي تسايرينها قولي لها مالقينا غيرهاا مؤقت لاحد مانشوف اجرب منهااا

عشان ماعندنا وقت ي غاليه وخلي احد من اهلج يساعدج علييهاااا


حبيبتي��

 

[العطاء عمر اخر]

حبيبتي اتفقي مع زوجك انو يستاجرها بدون علم امك انك عندك خبر قولي لها الرجال مل من كثر مايدور شقق واستاجرها بدون علمي وحطني امام الامر الواقع ودفع الفلوس مقدم سنه
ترى باقي شهر يمر كانه يوم غير الاثاث يبي لكم فره بالسوق وتعب
خفوو على الرجال م يكفي قرب لدوامك وضحى
ضحوو شووي وفكرو فيه بطلو انانيه
توكلو على الله واستاجروها والله يوفقكم

 

[نـعـومـه]

الله يهدي امج مسويه مشكلة من لاشي

اول شي امشي ورا راي زوجج لاتخربين بيتج بسبب تدخل حتى لو كانت امج سالفه كلش ماتستاهل انه امج تزعل اصلا فشله ريال بياخذ امج تقول لا لا لاياخذها !!!

دام شقه عاجبه زوجج وعاجبتج ومافيها اي شي يعيبها خلاص اخذيها وطيعي زوجج وامج قوليلها يما الشقه عاجبتني واشوف انها حلوه وقريبه منج 8 دقايق ولا شي والحين الاجارات مونفس اول سهاله الحين الواحد يالله يحصل

ومثل ماقلتي حلاته عقب ماتردين كلشي جاهز

 

[امـ خــزامـى]

نصيحه

تداركي الوضع رضا امك بكفه وزوجك بكفه

لكن لاتدخلين امك بحياتك لاتعرف مشاكلك

حطي حدووود لان لو ماحطيتي حياتك فاشله
وبتضيعين وانت الخسرانه الوحيده

شوفي قلبي

امك مثل ماقالوا البنات سايربها وقولي ايه بندور بس اللحين بنحجزها خوفي مانلقى وابعد عنك اكثر

وحبيبتي انت بتزوجين وبتصيربن صاحبة بيت وان شاءالله ام

ليش امك تجي تساعدك

انت رتبي امورك واتفقي مع زوجك وكل شي سهاله ان شاءالله
الطبخ والتنظيف مايبيله شي ابد


وانا بالخدمه اسااعدك


ربي يوفقك ويسر امرك ويهدي سرك ويهنيك

 

[*E.B.D.A.3*]

لا تشدين يمين واهي يسار، دايما هناك حل معتدل !!!،،
فتحي الوسيط .. ودوري المنطقه الي تبين ! اقسملج ماتاخذ حتى يوم والله !!
حطي كل الارقام بورقه .. ودقي على واحد واحد .. شوفي جم الاجار واحجام الغرف
اعجبتج شقـة ؟ او ثنتين ؟ او ثلاث ؟
مشوار ماياخذ اكثر من ساعه ونص ...
روحي للعماره الفلانية وطلي فيها
والعلانية
وعليها تقررين ... ابي هذيج!!
ردي للحارس وقوليله هاك المقدم "اذا عنده هالنظام "
ويحجزلكم الشقة



توته توته خلصت الحزورة !!
الموضوع كبر براسج لانج مضغوطه صدقيني ...
خففي الدراما .. صكي بابها !

موضوع الاجارات والدوراة محد يدري فيها اكثر مني صدقيني

 

[Um Tuki]

حبيبتي أكره شي انج اتطبين بين نارين
نار امج ونار ريلج

لكن تبين شوري ..

امج شكلها تغار .. شلون بنتي بتهدني وتروح .. ماتبيج تفارقيني

لكن لا تخلين هالشي يخرب بينج وبين ريلج

باجر يقول اهلج يتدخلون بحياتنا ..

باجر هالشي يأثر على حياتج

ياما ناس انفصلت لأن الريل لاعت جبده
هالشي خاص فيج و في ريلج

شدخل أمج و اختج !!

الله يهديهم و يصلح بينج وبين ريلج

دام انتي مرتاحة للشقة وريلج يبيها توكلي على الله

 

[M!ss CoLoRz]

رضا أمج وبرج لها شي

و تدخلها في حياتج مع زوجج شي ثاني

من احين بتتدخل في مكان سكنكم بعدين بتتدخل في كل شي وحياتج مع زوجج بتتدمر

مشوار 8 دقايق ولا عشر ولا نص ساعة ما يستاهل التفكير ولا النقاش ... قولي لها صاحب الشقة قال انه احد ثاني يبي هالشقة وانتوا ما تبون تضيعونها وانتي خلي خطيبج ينهي الموضوع هاي شي خاص بينج وبينه لا أكثر ولا أقل ومثل ما قالوا البنات انتي ساحلي امج واذا حجتها التنظيف والخدامة انتي بعدين يبي بالساعات اللي ينظفون واشتري راحتج

 

[مذهلة2013]

حبيبتي ساحلي امج

ونصيحه لاتخليها تتدخل وااااايد بحياتكم

وقوليلها تبين ازعل ريلي ومن هالكلام

 

[فيلجاويه كيوت]

اخذي بخاطرها لاتزعلينها

وخلي زوجج يكلمها

 

[taliya]

حاولي تقنعينها قد ماتقدرين وترا طاعه الزوج اولى من طاعه الوالدين زوجج الاهم شوفيه شيقول وطيعيه وامج مردها بترضا