امي ولازوجي تكفون ابي حل

[ام فطوم الخالدي]

انا في مشكله امي ولازوجي ابي حل تكفون ساعدوني ارضيل يوم العيد وانا زعلانه مع امي اتغار من ريلي موراضيه تقتنع اني خلاص صرت ملك زوجي تغار منه وتدرون شنو سبب زعلها ليش اني طبخت حق زوجي اول يوم العيد تقولي ليش مايطلب من المطعم وريلي يحاول يرضيها علشاني بس عيز موقادر بليز ساعدوني منو امي ولازوجي :082502bye_prv:

 

[Q8aaa]

رد : امي ولازوجي تكفون ابي حل

لا حبيبتي اكييييييييييييد ارضي ريلج هذي حياتي الخاصه محد له شغل فيكم انت و ريلج لاتسمعين كلام امج ياحلاة لمة الزوجين حزة الاكل لما تكون الزوجة طابخه وانتي طبخي لريلج ولا تقولين حق امج خذيها على قد عقلها

 

[xprincessx]

رد : امي ولازوجي تكفون ابي حل

طبعا ترضين الاثنين
طبخي حق زوجج و سويله كل اللي تبين
بس مو ضروري امج تدري بكل شي
خلي بينكم شوية اسرار
الحين ارضي امج و طيبي خاطرها و الله يوفقكم

 

[white**angel]

اهم شي الي تقوولج بدي زوجج على امج !!!!
حاولي تحببين الاثنين في بعض يعني لي قعدتي مع امج قوليلها والله فلان جذي قال عنج انج خووش عمه ويحمد ربه انه الله رزقه بهالعمه الي تحبه وتعتبره ولدها حتى لو ماكان هالشي طالع من زوجج بس مضطره عشان تحببينه فيهاا ولي تنقصتيلها بشي قوليلها يماا تراا فلان الي تذكرج قال حق عمتي لانه يعتبرج امه
صدقيني بتغير وبتحبه وبتعتبره مثل ولدهاا
لا تلوومينهاا ترا تفكير الامهات جذيي عبالهم انه خلاص لمن يااا الريل انه بنتهم بتنساهم انتي ثبتيلها العكس انه لمن تزوجتي تقربتي منها زيااده
ومالج شغل بالي تقولج اهتمي بزوجج اكثر من امج مهما يكون هذي امج جنتج وناارج انشالله ما ازعل امي عشااان ريااال

 

[Miss Cherry]

السالفه مو سالفة تخيير ... كلهم لهم حق اذا رجلج مو مقصر مع امج ولا ضارها خلاص بعد هو له حق عليج

ارضي الطرفين وانتي وشطارتج

 

[دلوعة أبوهآ]

كلهم لهم حق عليكِ
وواجب عليكِ ترضين أمك وواجب عليكِ ترضين زوجك ../

دامك عارفه مشكلة امك يعني الحل بيدك ..
هي تغار من زوجك ودامها تغار لاتجيبين طاريه قدامها
ولاتقولين لها سويت له هالشي او ...

خلاص حياتك الخاصه محد له دخل فيها ..
خلي حياتك مع امك غير وحياتك مع زوجك غير
لاتخطين بينهم عشان مستقبلا ماتصير لك مشاكل مع زوجك والسبب أمك ..,

 

[{{لورا}}]

رد : امي ولازوجي تكفون ابي حل

الاثنين حاولي تفهمين امج انها اهم شخص بحياتج وان الزوج في غيره زوج بس الام ماتتغير وان رضاها من رضا الله وبرها يدخلج الجنه و قوليلها ان زوجج دايما يوصيج عليها انج ماتقصرين معاها شوي شوي لين تقتنع وعلى قولتهم الزن على الودان اقوى من السحر
وطبعا مع هذا لاتقصرين مع زوجج بولا شي واحمدي ربج انه ارزقج برجل صالح ويحبج ... عسى الله يوفقج

 

[كويتية و عتيبية]

رد : امي ولازوجي تكفون ابي حل

أمج وزووجج..

مو ضرووري امج تدرري بكل شي داام انه طبخج لزوجج يضاايقهاا لا تعلمينهااا ..

الله يعيينج ويووفقج ..

 

[شواشه]

رد : امي ولازوجي تكفون ابي حل

مايحتاج تسالين اكيد زوجج باين من كلامج انه مو مسوي شي غلط وامج لتزعلين علي بس الظاهر تبي تأدي دور العمه عدل مدل وانت عقلج براسج وتعرفين خلاصج

 

[DốǾốDї]

امممممممممممم ماادري

بس اذا بشوف السالفه بنظري انااا بقول ريلي لانه علاقتي مو ذاك الزود بامي لوول

 

[Creazy]

لله يعينج لازم تفهمينها

قبل ما تكبر السوالف

 

[بخـــارى]

لاحول ولاقوة الا بالله

 

[فوقهن و تسواهن]

رد : امي ولازوجي تكفون ابي حل

حياتي انا صارتلي نفس مشكلتج امي كانت تغار من زوجي على شغلات بسيطة بس انا صراحة بديت زوجي وبنفس الوقت طيبت خاطر امي بالكلمة الحلوة و السياسة و الهدايا وكنت اجيب الهدية و اقولها ان زوجي جايبها لها لما بعدين صارت زينة معاه و الحمدلله بس حياتي زوجج اولى وياما حريم اتطلقوا لأن خلوا امهاتهم يتحكمون بحياتهم (سمله عليكم انشاله) الله يسخرلج قلوب الاثنين و بالتوفيق

 

[كويتيه مذهله 87]

رد: رد : امي ولازوجي تكفون ابي حل

طبعا ترضين الاثنين
طبخي حق زوجج و سويله كل اللي تبين
بس مو ضروري امج تدري بكل شي
خلي بينكم شوية اسرار
الحين ارضي امج و طيبي خاطرها و الله يوفقكم

:icon30: :icon30: :icon30:

 

[كراميلا مرة]

شوفي مولازم تقولين لامك كل شيء ارضي زوجك بس بطريقه ماتزعلين امك فيها
لانه مبين انها تبقي مصلحتك وتبيك ترتاحين

 

[Tom ♥ Jerry]

.



صعب تختارين وآحد منهم !
كلهم لهم حق !
كلمي أبوج يقعد مع امج و يفهمهآ آنج خلاص صرتي ملك لزوجج

 

[هرانية وأفتخر]

رد : امي ولازوجي تكفون ابي حل

شــوفي ما قريت موضوعج
بس أقولج طيعي زوجج
لأن هالشي أمر من الله
ريلج قبل أهلج كلهم


هرانية وأفتخر​

 

[غرور وايل]

بصراحه كلهم لازم ترعاينهم


والله يعين

 

[sakura-san]

رد : امي ولازوجي تكفون ابي حل

حبوبة امج حملتج وربتج وتعبت عليج ما اظن ريلج سوا كل هذا لج !!! غريبة محتارة تختارين بين منو و امج مارضت انج تطبخين في يوم العيد لان ما بغتج تتعبين في يوم حلووو ومبارك حتى نحن ما نخلي الوالدة تطبخ نروح و ناخذ الغداء من المطعم وهاي مب غيرة

وإذا ريلج ما يحب ياكل إلا من طباخج اطبخي بس لا تخبرين الوالدة ومهما صااار دوم الام تخاف وما ترضى على بنتها وهاي من تجربة انا دووم اتزاعل مع الوالدة بس لو حد زعلني او صيحني ما ترضى تسوي حرب عليهم هههههه

 

[بنوتة كول]

انا اقول ارضي الي معاه الحق