امي والحل وياها ?

[مولاي الفرج]

مطيريه حبيبتي امج نوعها حريصه ودقيقه وايد عشان جذي تراقبج وهالاشياء


والشي الثاني بيتكم اهو بيتها تبي كل شي يمشي عاللي تحبه فتحسين جنها متحكمه فيج

ترى والله موقصدها لا ارادي يصير هالشي

بس انتي طبخي مرتين ثلاث راح تتعود على هالشي وبيصير عاديييي

 

[# غنوجة بيبي #]

يا حلات الامهات

اقولج شي

انا كبرت و تزوجت و حامل و قريب اصير ام
تعاملني نفس اختي اللي عمرها 12

مع ان عمري 22

تخيلي تسالني كليتي شسويتي

بس مع هذا استانس لما احس امي تحاتيني

فديت جنتها اللي تحت ريولها

عادي حبيبتي كل الامهات جذي

 

[Patcholli]

حوبي اغلب الامهات جذي انا متزوجه وباواخر العشرين وليلحين بدقون يزفوني لوول فديتهم يمونون الله يحفظهم ويخليهم لنا لازم نتقبلهم ونوسع صدورنا وترى التغيير راح يكون مستحيل حتى لو كلمتيهم انتي غيري نفسج وحاولي تتقبلين كلشي منهم عشان ترتاحين لاتشدين ولاتصيرين حساسه وكلشي اخذيه على ظحك وغشمره

 

[سامية1]

يس فية امهات مايستهلن لقب امومة انا الحين فوق الثلاثين وامى اللة يرحمها كانت قاسية بالمرة علي ومعملتها حق اخوانى الاولاد غير وتعامل حريم اخونى زين خاصة بنت اختها وزعلانة وتقول هذى هى تزوجت وهى صغيرة وانا وش دخلنى طيب والحين مانى طايقة ولا وحدة من حريم اخونى ولا اخوانى امى توفت مانزلت دمعة منى لها الدرجة حاقدة عليها اللة يرحمها ويسمحها

 

[myaar]

الله يهديج

اكو بنت عاقله تقول هالكلام عن امها

اذكري ربج ومالج الا امج

ترى مالج بهالدنيا سند الا امج

لايغرج ضحك الرفيجات وغيره

احترمي امج واستغفري ربج لا يبليج

 

[Huda alotaibi]

للآسف يفقد الاباء تربيه الحب
حينها ينتج المقارنات والاهتمام المففرط
الحب هو ثقه بين الابناء الحب هو ان اساعدهم في انجاز مهامهم
المسؤوليه نعمه والكثير فاقدها مما نتج اعتماد على الاخرين ومنهم العماله الوافده

المسؤوليه مشتركه اعزائي الاباء

#الابناء نعمه

 

[شوق عينك]

سخيفه وماعندش سالفه
زعلانه عشان امش خايفه عليش
ومو عاجبش شكلها ولبسها ؟؟
من كان يسبحش ويلبسش ي سحيله مو امش
دين تدان تكبرين يجونش عيال نفسش

 

[سعادتهم]

حتى لو تزوجتي ورحتي بيتك
أمك تشوفك بنيتها الصغيره

الله يخليها لك ولا يحرمك من حنانها ولا يحرمها برك


أمك وخايفه عليك

 

[أمانيQ8]

حبيبة قلبي اقري كلامي زين...اولا انا عندي بنتي البجر بالجامعه توها اولى جامعه تدرين اني ما اخليها اتشغل الجوله او اي شي فيه كهربا!! تدخل المطبخ تبي بيض او اي شي ادخل معاها انا شخصيا واشب لها الجوله وانطرها اوقف على راسها اخاف تتوهق والا تحترق لا سمح الله...واحس فيها تتضايق افهمها من كلامها (((لما تقول اشدعوه يمه ترا كبرت انا موياهل)))
اقولها ادري يا امي انج مو ياهل لكن انا واقفه اراقب من بعيد اعتبريني مو موجوده سبحان الله توهقتي هذي نار مو لعبه...حتى ساعات اهي ما تروح معانا بيت امي زوارة الخميس تقعد بالبيت لانها تحب البيت ولا تحب الطلعه احلفها ماتدخل المطبخ ولا تتعبث بالكهربا ...واخلي وحده من الخدم حولها وقت ماتحتاج شي اتناديها ..

تدرين ليش كل هالحرص؟؟
لان امي عسالله يخليها كانت مثلي وتعاملني بنفس الطريقه تخليني ادخل المطبخ بس لازم احد يشرف على وكنت اتضايق واحيان ابجي مو بس على سالفة طباخ وكهربا ..يعني ماجبته من بعيد... وصدقيني بعدها لي كبرتي وجبتي اعيال ان شاءالله بتصيرين نفس امج واكثر ووقتها راح تتذكرين وتدعين لها...في امور كثيره ضايقتنا واحنا صغار وزعلنا منها بوقتها وبجينا وصرخنا بس لما كبرنا عرفنا ان هالشي بصالحنا..وعشان نعرف اشلون نحسن تربية عيالنا...والله وانتي اتكلمين اتذكر وضع بناتي معاي حاليا...
على سالفة التلفزيون اهم يطالعون مسلسل فرضا ..انا اقول لهم بوقت الفاصل قصروا عليه لانه يصير عالي ومزعج....
ساعات يقصرون وساعات ينسون فوق ازعاج التلفزيون ازعاجهم !! طبيعي اتضايق

ف طولي بالج حبيبتي على امج والله انج ماتسوين شي من غيرها ...
وسالفة انها صغيره وماتهتم بنفسها ...يمكن تمر بظروف او تعبانه من شي...ومالها خلق..الام يا حبيبتي مو كل شي توضحه وتقوله ...كل تفكيرها يصير بعيالها بالدرجه الاولى ...فا اكيد ماتبي اتكدركم وبالاخير هذا امر يخصها اكيد لها اسبابها
انا اكلمج من واقع تجربه والله
انا تزوجت صغيره واعتبر صغيره بس تمر علي ظروف او تعب والله مالي خلق حتى امشط شعري اشرايج؟؟؟


ميخالف ادعي لاميمتج ان الله يخليها ويطول بعمرها وان شاءالله الظروف بتتعدل

على طاري ((قومي درسي))مافي ام بالكويت ماتقولها لاعيالها انا يمكن اعيدها عليهم باليوم الف مره لمصلحتهم طبعا

اي شي اي كلمه بالخاطر عندج الخاص كلميني لاني مو دايم ادخل المواضيع
وعسالله يوسع صدرج ويريح بالج

 

[معزوفة عشق&]

ااااه ي الام جنه الدنيا

 

[Sosota_20]

انا مادري جم عمرج بس انا من وقت البلوغ تقريبا لي 17 وامي تعاملني على اني ياهل وكنت اتضايق
واحس نفسي كبيره وابي كل شي على كيفي

لكن من بعد ال 17 امي تغيرت صارت رفيجتي مافي حدود بينه كل شي تسولفلي فيه وتعلمني
اي شي اطلبه تقولي كيفج يمه

والحين صج عرفت فهمت كنت ياهل وامي من حقها تخاف علي هالمرحله الي انتي فيها كلنه نمر فيها نبي نحس انه كبار ومستغلين بس مردج تكبرين وتفهمين

صج انتي بمرحله تحتاجين معامله خاصه بس صدقيني مو ذنب امهاتنه مو كل ام عندها فكره عن علم النفس والتعامل مع كل مرحله
اهم يتعاملون معانه بعفويه كلها جم سنه وتضحكين على نفسج وهالمشكله باجر انشالله لي كبرني تلقين امج اول وحده تفتح معاج مواضيع كبار وتغير معاملتها وتنصحج شتسوين وتعلمج حتى شلون تطبخين

وبعدين حبيبتي عيب تقولين شكل امي وماتهتم انتي توج صغيره مافهمتي على هالحياة ترا ام عيال غير عن بنت ام 20 امج وراها مسوليات اهم
واهي من نفسها تعرف الوقت الي تغير من شكلها وتهتم فيه مو فاضيه كل يوم طالعه بستايل