امي وازمه الفراغ في سن الخمسين،.،حياگم ابي اقتراحاتكم

[Australia girl]

خل تاخذ وراح تستانس انا امي الله يطول بعمرها بعمر ال50 خذت شهاده 9 شهور دوره والحين موظفه صارلها 5 سنين بالمواصلات وايد مستانسه انها لها حياة ورفيجات ووظيفه ونفسيتها مرتاحه انصحج تكمل دراستها اونس وتاخذ دوره 9 شهور وتتوظف

 

[رحيل المرافيء]

خل تاخذ دورات كمبيوتر سكرتارية ولغة انجليزية
وتقدر تشتغل فيهم سكرتيرة بمدرسة ولاتشتغل بدور الرعاية مثلااااا

 

[Moim]

اي والله خل تدخل انا اذكر امي دخلت دار القرآن وكان نضامهم مثل مدرسه تسوي واجبات وجذي احس نفسيتها وايد مرتاحه وتييني تستانس تقول عندي واجبات عبالج بس انتي واجبات ؟ وتيي تقولي سمعيلي وتقولي باجر امتحان
صج احسها مستانسه يكفي لما تروح تتعرف على ناس كبرها ونفس حالتها حبيبتي امي الله يخليها ويططول بعمرها
ويخليلج اميمتج :***

 

[نونينونو]

ياحياتي تسلمووون
ربي يخليلنا امهاتنا

جد عجبتني فكره الدورات



 

[mf6nt el3lat]

مدام متعلمه ليش ماتقدم على وضيفه بالديوان صج انه الراتب مو شي بس قتل للفرااااغ
ولا خلي تروح عند الاوقاف يعينونها محفظه ...


والله يخليها لكم

 

[ما كو اسم]

بهذا الزمن ام خمسين ما تفرق عن ام عشرين ............ خليها اتكمل ومحد راح يتكلم واذا اتكلموا من الحره وليش هي ضرت احد .

 

[زهرة الفردوس]

انا مع اول رد
خليها تدرس بدار القران وتجرب شهر او شهرين راح تستفيد دنيا ودين والحلو انها راح تلقى حريم بعمرها يدرسون معاها
وهم لو تخرجت تقدر تدرس محفظه للقرآن
قال الرسول صلّ الله عليه وسلم ( العلم من المهد الى اللحد ) ( من يرد الله به خيرا يفقه فى الدين)

 

[فوشيهـ]

نونينونو


حبيبتي صاحبة الموضووع نونينونو اسفه على قطتي بموضوعك

بس موضووعك نزل علي مثل الفررررج من عند ربي

من زماااااان وانا افكر ابغا انزل نفس هالموضوع بس ماكنت عارفه ايش اقوول !!


امي نفس امك بس تقدرين تقولين الحاله اصعب بكثير واسمحي لي بتكلم بالتفااصيل واتمنى الاقي اقترااحااات حلووه

انا امي متعلمه وكانت مدرسه وبعدها مديرهـ وتقاعدت لما حملت فيني يعني من 20 سنه ..

امي طبعها عصبيييييييه ونظيفه بقوووووه تدقق ع اصغر الاشياااء بالبيت ..

وللأسف اقولها .. ماعندها ثقه بنفسها .. وربي اقولها وانا مره قلبي يعورني ..

بس هذا الجد .. صار لها موقف مع الوالد وبعدها خلاص صاارت نظرتها سوده لكل شي وماعادت تثق بنفسها .. لابلبس ولا ميك اب وولا شي ابد ..

24 ساعه معصبه وتتمشكل مع الكل ..

فكرت كثييييييير ادخلها معاي بالمعهد الانجليزي .. بس تقوول لي انو ياخذ من وقت الطبخ ..

مثلا الكلاس يبدا 8ونص ممكن يخلص بعد 3 ساعات .. ف تقول مايمديني اطبخ ومن هالكلام ..

حاجه ثانيه دايم تقول شووفي خالتك فلانه شلون تعرف للكمبيوتر واحنا جالسين كذا مانعرف حق شي ..

ف اقول ادخلها كورس للكمبيووتر تتعلم بس ماعرف !!

وهي عندها كرشه معذبتها ف ابغا ادخلها معاي نادي ريااضه هذاا ضروووري

بس الي يمنعني اسوي كل هذا من نفسي .. هي الماده .. يعني مابقدر على مصاريف كل هذا عرفتي؟

ابووي ماهو مرن بالنقااش .. مايبيك تتكلمين معاه وتاخذين وتعطينن .. لا خليكي رسميه قولي الي عندك وخلاص ..

اقول له من فتره بابا نبغا نسوي شي حق امي .. ابغا ادخلها نادي رياضه وكذا ...

قال ايه حق الطلعه كل يوم وماعرف ايش !!

بس ماتووقع اذا قلت له ابغا فلووس حق كذا بيرفض .. مستحيل ابوي مره كريم ..

بس امي نفسها تتثيقل انها تاخذ منه مبلغ عرفتي؟ يعني علاقه رسميه حبتين بهالامور ..


ف محتااره شويتين .. احس اول شي ادخلها النادي .. لان صديقاتها ايام التدريس موجودين معاي بالنادي .. ف حلوو تغير جو معاهم وتسوولف ..


عطيني افكار وسامحيني قطيت بموضوعك بس من جد حسيت موضوعك يلمس شي فيني ماكنت عارفه اقوله لأحد ..
​

 

[Beautiful soul]

انتي امج بيت خالتي يعانون من ابوهم اذا قعد في البيت يرتفع ضغطه ومعصب ويراقب الراقد والقاعد والطالع
صاروا مايرتاحون الا اذا راح العزبه وانشغل شوي مع الحلال
والله العظيم يكسرون الخاطر اللي في هالعمر وخصوصا اللي مالهم علاقات كثيره ومب اجتماعيين يقعدون في البيت 24 ساعه وماحد يحس فيهم
حاولوا اطلعون لها فكره او مشروع او اي شي هي تحبه خل تسويه
والله يخليها لكم ويطول في عمرها

 

[الريم اللعوب]

الله يوفقكها ويسر لها كل خيررر

 

[عادت ذكرياتي]

الله يخليها لج ... آمين

شجعيها تكمل

 

[نونينونو]

تسلموون ع الردود الطيبه


واخت فوشيه ارحبي الموضوع موضوعج

شركيها معك
واعتقد اشتراك نادي بماانك قبلها مشتركه اتوقع يسوون لج خصم لانك ثنتين مسجلات بالنادي
انتي منتي بخسرانه شي
كلمي اداره النادي

واذا علا الطبخ قوليلها تجهز قبل بيوم او الصبح
يعني تحمس الغدا واذا جات من مشوار تكمله

عادي اغلب الرجال كذا طبعهم

انتي روحيله من مبدا ان امك ماعاد عندها شي تسويه فتزيد عصبيتها وانتي تبينها تندمج مع الناس عشان تزيد ثقتها وتستغل وقتها بشي مفيد واهم شي انها تروح معك للنادي ع اساس مايحاتيكم


اذا ماتقدرين علا كل هالامور فيج تخلينها تسوي بزنس خاص
اذا ماهره باكلات معينه او حلويات او موالح او محاشي حتا لو ذبايح
خليها تسوي بمقابل سعر رمزي بالبدايه
او بما انها مديره سابقا تقدر تروح تشتغل بمدارس خاصه او بالحضانات

عصرت مخي

اتمنئ افدتج
وحيااااكم الرحمن

 

[غربه الروح]

حلوه اللبن هاذي خليها تدلع وتامر باللي تبيه
انا مرت عمي كبرت اعيالها وما قصرت والحين فاتحه مشروعها الخاص
تبي تضيع وقتها بشي ينفعها وينفع الناس
الله يحفظها ويحفظ لنا امهاتنا يارب

 

[أعشقه]

لا والله مافيها شي حتى لو خلتيها تكمل دراستها هي تحب العلم وماعليها من حد
الي يسمع كلام الناس يتعب وعمره ماينجز شي
انا اقول اذا الفكره جازت لها خل تكمل دراستها والله اعرف وحده جده بس ماشاء الله نشيطه والله دخلت وكملت
وماحد قال شي بالعكس كلن قام يدخل وصارت هي مثال لهم
انا امي تبي تدخل بس مشكلتها عندها عيال صغار ابوي مارضى .. لو تحصل لها والله مابنطق خبر لحد
اهم شي هي ونفسيتها وش تنجز لنفسهااا .. محد بيسال عنها ولا عن نفسيتها ولا عن الفراغ الي تعيشه
اقولك توكلي ع الله وهيئو لها الجو خل تدرس وتتعلم وربي يوفقهااا وهذا انا اول من يشجعها وبدعي لها .. وسلمي عليها

 

[حظ من عنده انا]

حلوو العلم


وماشا الله دام عندها طمووح سجليها


تستفيد من وقتها بشي زين وتحقق طموحها

 

[مس روبنز]

الله يخلي لج أميمتج وللمسلمين جميعا

شي حلو شوفي رايها بالموضوع وخل تختار اللي يعجبها وتدخله أهم شي تكون حابه المكان​

 

[شادن33]

والله صدقيني احسن شي بهالسن تسجل في تحفيظ القران خليها تخدم ربها وكله فايده

 

[سارونه الامورة]

اب اب اب

 

[! تئبر تسبدي !]

لا بإلعكس خليهآ تكمل آحس بتستآنس حييييل
و مإععليتس من كلآمم آلنإسس !
خليهإ تكمل و تملي هَ آلفرآغغ شوي
موفقةة

 

[راعية الطويلة]

دور القرآن الكريم مو حفظ و بس
لأ يا الغلا
فيها علم شرعي كامل
عقيدة و تفسير و سيرة و حديث و فقه

و إذا حبت تكمل تعليمها زين على زين

و غير هذا إدارة التنمية الأسرية
تنظم دورات ممتعة لربات البيوت

مثل
مركز شروق اللي في سلوى

الله يوفقج و يوفقها
و يخليها لكم