امي ما تكلمني

[PuPa^^SWeeT]

اكيييد اهيا بينج و بين ابووج


خفي الطلعات شوي و قعدي عندها و داريها شوي


امج هذي

 

[Tom ♥ Jerry]

.،


روحي تسامحي من آمج و سمعي كلآمهآ
قالتلج اي اي لا لأ !
لا تطولينهآ معآهآ هاذي آمج مو رفيجتج !
و كآفي قاعده تستحمل ريلها و كلآمه عشانج !
عندج آم عظيمه ترا و مآ تتعوض ،
لا تخسرينهآ روحي طيحي على راس آمج يلا يا حلوة ؛**

 

[miss_jamsheer]

ميخالف حبيبتي انتي بسن مراهقه واكيد خايفه عليج اهي ماصرخت عليج الا لانها كانت حاطه بقلبها وانفجرت قومي حبي راسها واتسامحي منها
عاد صج قعدت البيت تملل انا لوبيدي كل يوم طالعه بس قمت امصخها وريلي يعصب فشسوي اقعد يومين واطلع متي ماقدرت عشان لااعطيه فرصه يتكلم انتي سوي جذي حاولي اذا مكان مومهم او مالج خلق قعدي عشان لاتعطينها فرصه اتقول انتي كله طالعه

 

[عزوتي خمس صقور]

الله يهدينا ويهديج
لو اقولج شي ماتصدقين صارلي شهرين ماطلعت بس محد مطلعني
وماحب اطلع مع ابوي يغث ليش جية لا تسوين جية وصرت مطلع معاة​

 

[خاله دلوول]

الحق مع أمك وهي خايفه عليك
تعوذي من الشيطان وروحي أعتذري منها وحاولي تخففين طلعاتك

 

[مس روبنز]

البنات ما قصروا بالردود آنا اللي بعرفه >>>>>

قال تعالى (الجنه تحت اقدام الأمهات )

<<<<< هذي آيه !!! من أي سوره استشهدتي فيها


( تثبتي بارك الله فيج )​

 

[جـوود الحب]

لا الام حنوووونه بترضى زعلهااااا مايطووول ان شاءالله

 

[Unusual]

هي تبغى تحسسك بغلطك ...
حبوووووبة لاتثقلي على امك بكثرة الطلبات والروحات والجيات ..
راعي سنها حتى لو ماكنت كبيرة بالعمر .. بتمل وتتعب من روووح وتعال ..
والمثل يقول (( لاتثقل على امك وابوك بيكرهوك )))

روووووحي بسرعة وبوسي يدها وراسها واحضنيها ...
اعتذري منها واتفقي معاها ع ايام محددة للخروج ...
مو طووول الاسبوع طلعة ..
عادي اشغلي نفسك بأي شي ثاني ..
نت وتي في وغيييييره كثير ..

 

[آلـغـنـدَ ،]

.


.



أمج ما عصبت وتنرفزت الآ من خوفهآ علييج
أنتي بنيه والنآس مالهآ الا القيل والقآل
بآجر ما راح يلومونج أنتي بيقولون الشرهه على أمها الي مخليتهآ
وانتي ما ترضينهآ لأمج أكييد
قللي طلعآتج شوي واذا ضاق خلقج عزمي رفيحآتج عندج

أمج جنتج ونآرج
بوسه على الرآس ترضيهآ

 

[..<< ندى الورد >>..]

حبوبه ي قلبي امج لو ما تحبج جان ماقالت هالكلااام ترا اهي خايفه عليج وشوفي تتحمل كلام ابوج وتنغث واهي ساكته وهمها انها تسعدج واخر شي انتي تقولين لها بروح ودبريني مالي شغل !!!

حبوبه هاذي جنتج ونارج شلون تنامين واهي زعلانه منج !!! ترا اهي بقلبهااا ميته تسولف معاج ولا زعلت عليج بس من خوفها عليج قالت لج جذي وما كلمتج

حبوبه انتي الحين تعوذي من الشيطان والطلعات لاحقين عليهاا ياما بتملين منها واتقولين خلاااص بقعد بالبيت .... قومي الحين وبوسي راس امج واستسمحي منهاا وفهميهااا اللي في خاطرج ... ومهما هاوشتج تضلين ساكته وعينج بالارض هاذي امج مو اختج والا صديقتج

 

[ياحُبِي لِلكويت]

موضوع صارله شهر ونص يمكن..؟؟ اكيد امها رضت عليهاا

 

[golnaz]

حبيبتي خفي شوي عن الطلعات وامج زعلت عليج لانهة تحبج روحي راضيها وحبي راسها وقوليلها خلاص ماني طالعة راح اقعد اجابلج بالبيت وقوليلها اصلا قعدتج تسوى طلعات الدنيا كلها يعني بجذي كلام حلو ومعسول منج صدقيني راح ترضى
وعسى الله يخليهة لج ويطولج بعمرها

 

[miss_whitemocha]

الله يهنيج عندج أم سنعة و تخاف عليج.. راضيها حتى لو تبوسين ريلها.. والله يا حبيبتي إن في بنات يتمنون أم نفس أمج عسى الله يحفظها لكم.. وصدقيني كثرة الطلعات ماهي حلوة لج..مو حلوة البنت و يهها يصير مكشوف بالسكيك و كل يوم تطلع.. انا متزوجة و ما عندي أحد يحاسبني على طلعتي و هم ما أطلع إلا حق بيت أمي و يدتي.. عزمي رفيجاتج عندج بالبيت..والله أونس ألف مرة من طلعة الشارع..​

 

[دلع العتبان]

اهجعي والله يهديج بس ،،،،​

 

[نهى الأحمد]

يا حظج والله عندج ام مثل امج


ما عليه ياقلبي تحملي وصبري
لانها تبقى امج ورضاها عنج اهو سبب سعادتج

وحاولي تغيرين من روتين حياتج

 

[FeShinGoOo]

مثل ماقلتي انتي بسن المراهقه ولازم امج تكون حريصه عليج بهالسن اذا ما خافت عليج بهالعمر متى بتخاف عليج ؟؟

انتي بسن حرجه وكلشي ممكن يأثر عليج من جذي امج اتحاتي قومي بوسي راسها واشتريلها هديه اليوم وسمعي كلامها بكلشي