امي تزعل من أقل شيء

[لمار ياسر]

السلام عليكم بنات




مدري في أحدي مثلي و لا لا


انا عندي امي تزععل من أقققققققققل شيء و لا عندهـا رووح للمزح و الضحك
تعبنا معاها نقول لها ابسط شيء تزعل و ما تكلمك
ولو هي غلطانه معانا ما تقولنا سوري او شيء عادي


مثلا لو هي زعلت احد فينا تزعل هي ليش انت زعلت انها زعلتك فاهمين كيف


مشكلة امي انها مو اجتماعية أبدا وماعندها ثقة في نفسهـا ابدا و انا الاحظ هذا الشيء

انا ابغا اجلس معاها واحل مشاكلها بس هي بطبعها مستحيل تتقبل

حتى انا ابغى امي تكون صديقتي بس هي من الصغر عودتنا انها تظل الأم

فاهمين كيف بنات

امي على راسي وعيني بس لازم تتغير من أجلها و أجلنـا

ايش السوات ؟

هي عصبية انا اقول لها تروح طبيب نفسي عشان عصبية بس مو عشان الشيء الثاني بس ما تبي


مثلا اشوف عمتي كيف تتعامل مع بنتها وتضحك معاها وتحكي لها اول ايام الزواج وكذا

احب امي نفس الشيء


الي امهم كذا كيف تتعاملون معاهم؟

 

[نوارة امها]

هلا اختي
مهما كان وضع امك لازم ماتقارنينها باي احد
واذا قلتي لها بوديك عند دكتور نفسي اكيد بتزعل
بعد هاالعمر تقولين لها هاالكلام
حاولي تمدحينها واذا شفتيها قليلها ليه القمر زعلان
وتعرفين الحريم اذا كبروا يبغون يحسون باهتمام عيالها فيها
وسولفي معها حتى لو زعلت بيني لها اهتمامك
وقولي لها مثلا امي ياعمري صديقتي في مشكله ومالقينا لها حل ياليت تساعدينا بسبب خبرتك بالحياه
وقوليلها احسكم يالكبار تحكمون الامور بعقولكم تكفين ياامي ساعديني
وانتي وشطارتك طلعي لصديقتك مشكله وخلي امك تحلها
وبكذا انشاء الله راح تتغير معاملتها واخر شي اقوله لاتقارنينها باي احد قلي لها مثلا انتي اجمل ام بالدنيا ومشاكلي مااقدر احلها الا اذا اخذت بشورك
وكفايه حنو علينا وربونا هاالسنين واستحملو زعلنا وعصبيتنا الحين صار دورنا نستحملهم ونرضيهم قد مانقدر

 

[مسك حياتي]

حبيبتي اغلب الامهات حساسين و تبي تبين حق عيالها انها زعلانه عشان ما يكررون الغلط ...

بس صدقيني قلبها عليكم و تحبكم و هالشي ما فيه شك ...

بس يمكن امج ما تبي تخوض بجدال فتزعل و خلاص ...

مع الوقت تتغير اذا بينتي لها ان هالشي يزعجكم ...

حاولي تكثرين قعده معاها و ناقشيها بمواضيع و بيني ان رايها مهم و انج محتاجته ...

و بين السوالف واجهيها بان الزعل عمره ما يحل مشكله بالعكس يزيدها و تكبر الفجوه بينكم و بينها ...

الله يخليها لج و يصلح بالها و يهديها و يسخرها لكم و يحفظها و يعينكم على برها ....

 

[Beyoncee]

حبيبتي انتى بنتها وتحللين شخصيتها وتبينها تروح طبيب نفسي
اذا امج منفصله عن ابوج الزعل وسيلتها عشان تسيطر عليكم
انتى افتحى قلبج لها ومايجوز تقارنينها بعمتج
دلعيها ابدئي تاخذين رايها بامورج وصارحيها بهمومج
انا ام ولو عرفت انه نظرة بنتى لى نفس نظرتج لامج اكيد بزعل
بس بزعل من روحي شلون ما قدرت اكسب بنتى واصادقها
يمكن انتى مو معطيتها مجال تصير صديقتج

 

[قمرية الفيس]

انتي قاتيها بنفسج امج ماعندها صديقات وهيه اتوقع من النوع الي تميل للحزن والكابة الله يشرح صدرها وصدقيني الزمن بغيرها بس الاهم انه الله يخليها لكم مهما كانت الام من مشاكلها او سلبيتها تظل الشمعة المنورة في حياتنا والي احنا مالنا غناة عنها

 

[قمر بيت أبوها]

هههههههههههههههههههههههههههه
طيب وش رأيك باللي أمها ماربتها أول طفولتها يعني مااعتبرتها بنتها
وعلاقاتها كثر الترآآآب وتطلع وتضحك مع الكل وحتي أسرارها عندك اللي يسوي ومايسوي
الإ أنــــا
أنا أمون علي الكل الإ أمي أحسب للكلمه والحركه معاها لانها تنظر لي نظره خأإأإصه بس بي,,,,,,, فيضتي علي جروحي بهالموضوع

 

[تُخْفِي غَلَاها]

.,
لا اله الا الله

اول شي حـــــــــبيبتي اصابع ايدج مو سوا يـــمكن الوالده تعبـــانه لا تقرنينها بعــمتج وكلـــن له ضـــروفه يـــمكن تفكر بشي وبعـــــدين هــــذي ست الاحـــــبايب حــــــــــــلوت الـــبن تقــــربي منــها صـــدقينـــي حـــــــبيبتي مـــثل ما نحـــنا نحتـــاج حنـــان الام هم اهم يـــحتجونا ويــحتجون بـــــــــــرنا لــــــــــهم وعـــطفنــــا عليهم وبعـــــــدين صــــــــــدقيني محد بدنـــيا هذي يخـــاف علينا كـــثرهم حتى لو عصبت عليج
وكفايه ربونا وســهرو علينا ها السنين وكــــبـــرونا الحين صار دورنانـــشـــلهم بعـــيونا وتـــــــاج عـــلى راسنا ونرضيهم قد مانقدر ...
وبــــــــعدين تحت اقــدمها جنة الـــفردوس ..


الله يــــرزقـــني ويـــزقــج والمسلمين اجمــعين بـــــــرهم يارب العالمين...

ادري طولت عليج بس احــسبيني اخــتج وتنــصحج
.,



اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ، أن تبسط على والدتي من بركاتك ورحمتك ورزقك


اللهم ألبسها العافية حتى تهنئا بالمعيشة ، واختم لها بالمغفرة حتى لا تضرها الذنوب ، اللهم اكفيها كل هول دون الجنة حتى تُبَلِّغْها إياها .. برحمتك يا ارحم الراحمين


.,
​

 

[غراوي]

محد بيحس فيج الا اللي يعيش نفس معاناتج
امج طبجه عن امي بالضبط وزيدي عليها الظلم والحقد والكرهه وتحرش
يعني انا عايشه معاناة مع امي ودايم اسكت ماتكلم عشان لا ارتكب ذنب كبير

حاولت اقعد مع امي قعدت بنت لامها بس تحسفت لانها طلعت ماتحب احد يناقشها معن الكل يدري ان واجد من تصرفاتها غلط
حبيبتي هالنوعيه من الامهات والله ماينفع معاهم الحوار سئليني انا معاناة معاها من فهمت الدنيا وكبرت

اللي قاعده اسوي الحين الصمت والله تزف تقول اللي تقوله اعطيها طاف واطلع داري
لانها تظلم وماتبي احد يناقشها وان ناقشتها قالت لسانج طويل
للعلم اناقشها باسلوب حلو ومنمق لكن تعتبر اني ايوي شي مو من حقي
هذي مشكلت الام اذا صارت مو متعلمه ولا تعرف حق ربها بعيالها
اذبحونا كل ماقلنا لهم شي قالو القران وصي عالوالدين زين واحنا العيال نضيع بينكم مالنا حق
يبا تفكير مايحترمونه طبخنا مايعجبها شغلنا مايعجبها ذوقنا مايعجبها كلامنا كله غلط ان عصبنا قالو انتم عاقين وان تكلمنا بادب واحترام قالو لا انتم ماتفهمون

ماقول الا اللي عندها ام حنونه وحبيبه لاتقارن نفسها بلي عايشه ظيم مو كل الامهات مثل امكم صدقوني احنا عايشين ظيم وظلايم
حسبنا الله*

 

[امل وكلي آمآل]

ماذا اكتب وماذا اقول امي هي تاج راسي بس مشكلتي كبيره معها
شخصيتها تظغط كثيرا على نفسها من اجل الناس تظغط الى حد الانفجار
وين المشكله ؟
المشكله هي انها تعتبرني جزءا منها فيشملني هذا الظغط وتجبرني على فعل اشياء
لا اريدها وقد انحرج مع زوجي والناس يعرفون امي فاذا طلبوا مني طلبا ورفضت
ماهي الا سويعات والاجبار قادم
مثال: ايام زواجي كنت لاارغب في ان يرى احد اغراضي لاكنها اجبرتني ان اضع
كل مااشتريت تحت رويئه خالاتي وتجربه ملابسي وانا بي من الغيض ماالله به عليم
وهكذا
الان لاتفعل هذا مع اخواتي اطلاقا وهو مايحز في نفسي كثيرا
ولا استطيع مناقشتها لو السكين على رقبتي لانها لاتتقبل ذلك
وانا التي ساخسر
الان اخفي كل مااستطيع اخفائه واذا اجبرتني على شئ اقول في نفسي لم يبقى لها من العمر اكثر من الي راح
صأصبر ولي الجنه -

 

[اميره1980]

الله يعينج و الله
بس قولي الحمدلله انها موجودة وياج
تخيلي الله لا يقولها انها مو موجودة بالدنيا شبيصير فيج؟؟
يمكن لانها مره كبيرة و ترا العمر يأثر بأعصاب الواحد و خصوصا اذا كانت عليها ضغوطات كبيرة
اذا امج فيها ضغط او سكر عذروها
انا عمري 31 سنة و فيني سكر و عصبية حييييييييييل بس لمن اهدأ اتحسف و اقول ليش سويت جذي ؟؟ عيل اشلون الكبيرة بالعمر ؟؟

استغليها فرصة الشهر الياي 21 - 3 عيد الام
سوو مفاجأة حق امكم و ييبو لها هدايا كلكم اللي بالبيت مع كيكة و باجي السوالف و بوسو راسها وونسوها
صيري انتي رفيجتها اذا ما عندها رفيجات و حاولي تجاملينها كثر ما تقدرين حتى لو مو مقتنعة قولي لها حاضر تامرين و شوفي التغيير
الله لا يحرمكم منها ترا اذا الام راحت البيت يخترب

 

[Sara988]

حبيبتي اغلب الامهات حساسات
ونحنا نمشي على القران ونهج الرسول الكريم وقد وصونا بالوالدين احسانا

 

[mona q8]

شالسالفه كلكم انهديتوا ع أمهاتكم كأنكم تبون الحجه عليهم
نسيتوا حملها وولادتها وتربيتها طول هالسنين
والحين جريين تحاسبون أمهاتكم
لا تقولون أنا ما احس فيكم
لا احس لان أمي إنسانه صارمه مثل أمهاتكم
ومافي بينها وبيني اي ميانه
بس ما سويت مثل ماتسوون
صح كنت اقول نفس الكلام وانا مراهقه بال١٦
بس الحين أمي احسن معاي
قبل حتى حضن ما احضنها
ولو سافرت أودعها كانها وحده غريبه
بس الحين لو سافرت أودعها وداع البنت للام
بجي ودموع واحضان وقبلات
وكل ماشفتها قاعده بالصاله جيتها وحضنتها
اجيها مره من المرات واحط راسي بحضنها وأقولها فلي راسي
قمت كل يوم أتقرب منها
شتبون اكثر من أمي كانت تقولي الله ياخذج عشان تهاوشت مع جنتها
اذا احد حرشها علي تصدقه وانا كانت تجذبني
وكان ع بالي انها تكرهني
ويوم من الايام جاها تشجنج فجاه وع بالها انها بتموت
تدرون شئون قبل ماتفقد وصت اخوي علي
تخيلوا لو في انسان قبل مايموت يوصي الناس فيج
شنو معناته
معناته انتي أغلي من روحه
فكروا بالأمر عدل راح تعرفون
ان حتى لو الام ماربتج بس حملت وولدت
وغيرها ماسوتلج شي
فلها فضل كبير عليج
لان الرسول صلى الله عليه وسلم قال بما معناه
ان لو تخدمين الام طول عمرج ماراح توفين صيحه من صيحاتها واهي تضنا فيج

 

[على الدنيا سلام]

ياا ليت كل الناس نفس امي الله يرحمها حبيبتي هذا طبع امج احمدي ربج انها موجوده وحوالينج وحاولي تتقربين لها صعبه بعد هالعمر تجين وتقولين لها بوديج دكتور نفسي والناس اطباع لا تقارنينها بغيرها ...

 

[لمى...]

الله يخلي لنا امهاتنا

والله بكيت مو عشان بعيد عن أمي بكيت عشان بعيدة عن بنتي

ومو بعيدة وايد كاهي يمي بنفس المنطقة بس مو نايمة بحظني

وخايفة يجي يوم وتقول مثل ماتقولون عن امهاتكم

اخ ياقلبي

 

[روح مغليهاM]

ي رب ي كريم مايجي هاليوم الي اقوول عن امي كذا
جعلي امووت والاانطق هالكلام
شنو امي ترووح للدكتوره نفسيه ؟؟؟
وتتغير ع شاانكم
انتي تغيري عشااانها
الله يهيدكم

 

[دنيا ماتسوى تعاني]

اعتبريها بنتج وجاااريها وحاولي ماتزعلينها اقعدي معها واكسري الحواجز ترا الام اهم شي بالحياه من دوونها ماتسوى حياتنا والله يخليها لج

 

[كراميلا مرة]

اول شيء لاتقارنين امك باي احد\
لانه كل شخص يختلف عن الثاني
ودام تعرفون طريقتها حاولو ماتمزحون معها وولا تقولون شيء يزعلها

 

[وسـن]

امج مهما يكون فيها لازم تتحملينها
وتغلطين نفسج عشانها

 

[Pinky -cat]

شوفي قلبي انا كانت امي نفسج وكنت اقول شنو وشنو اتكلم بس ربج حط جدام عيني مثال لناس تخلي امها فوق البشر
ولو كانت غلطانة ولو سفلت فيج هم يقولون لج طز فيج وامنا وامنا واهيا مو غلط من يومها وانا اقول امي لو تكررمون

تفصخ النعال وتطقني بعطيها النعال الثاني تكمل وكلامها فوق راسي وبشوف شنو تبي اسويه هي جنتي وناري


فديتها ومهمن صار اهيا الام مو انتي وما تحاسب مهمن صار وما تنطرين منها اسف او اعتذار نهائيا اعتبريها ملك

الملك ما يعتذر والرئيس ما يعتذ ر خلاص اهما مو احسن من امج اللى يابتج علدنيا


انتي لا تدققين وغيري معاملتج مثل ما تبي اهي مو مثل ما انتي تبين . موفقة حبوبة

 

[° ЯŎ7 ĥẽlώą ° ®]

صج قليلة ادب تقولين لامج روحي طبيب نفسي علشان ما تبي تكلمج
اي كيفها يمكن ما تحب تسولف معاج ترا عادي تصير
مو معناته تكرهج بس ماتبي كل شوي ولاحقتها ويما علميني ويما دبريني اذا جذي شخصية امج
خلاص تقبليها لا يكون بتربينها بعد

صج ترفعين الضغط ما الووووم امج فيج شكلج تقطينها بالوجه خففي من صراحتج حبي
وكل شوي قولي لامج كلام خلو وامدحيها يما انتي احسن من خالاتي وكل شي فيج حلو وانا افتخر فيج والله يخليج لي
انا عرفت مشكلتج امج تدري انها طايحه من عينج وماتبي تكلمج انتي عبالج ما تحس هذي ام تحس اذا الجاهل يحس اذا في احد مو حاب شخصيتها
وووالخ*