امي اطقني واختي تقولي انتي قلية ادب وماتستحين وامي تقولي نفس الكلام

[رحيق الورد]

الله يفـرج همـج ..

بس لا تسكتين عن حقج حبيبتي ..

دافعي عن ذاتج ..

لا تستهينين فيها ..

و أختج اسمحيلي معقدة و ساحبة أمج لصفها ..

عطت صورة غير صحيحة عنج لأهلج ..

أثبتي لأمج العكس ..

بس صج ودي اتقلين أدبج صج عليها عشان اتفرق بين الأدب و قلة الأدب ..!!

 

[A.Designer_90]

وآآآآآآآآآآآآآآآآآآآآآي يا بعد قلبي وعمري إنتي
الله يكون بعونج ، وينصرج على اللي ظلموج
فديتج حبيبتي الله معأج ، يأرب يمسح على قلبج
ويبرد حرتج /
كلمي أبوج وإذأ تحسين أبوج مرح يسوي شي
كلمي يدج أو خالج الكبير يكلم أمج ..
لأزم يوقفونهم عند حدهم ..
مو عندها دار ليش تنام بدارج ، والله الحقد فيها مو فيج
إنتي طيبة وعلى نياتج ، بس مو عشان إنتي جذي يدوسون على قلبج وعليج
لا ترضين حبيبتي ..
اللله يجبر بخاطرج ويسعدج ويعوضج بريال يسعدج ويريح قلبج
دربألج يأثرون فيج ..
الله يرضى عليج

 

[نتوفه]

عزالله عندي نفس هالنمونه
حاطه دوبها ودوبي وكله تحرش
ومن تحت لي تحت
احسن حل مثل ماقال حامد زيد
احسن دوا للي يحاول يستفزك تحقره
وهذاني سويته وافتكيت منها


للعلم انتي مو غلطانه واسمحيلي اختج مو صاحيه
وتحرش امج عليج

 

[eman12]

الله يعينج
اكيد انتي اخر العنقود
لان انا مجربه اخر العنقود دواسه ولكم

 

[بحر الذكريات]

واااااي الله يعينج

 

[mf6nt el3lat]

الله يعينج ياربب

 

[بنوتة كول]

اي ذكرتيني بسالفة
مرة انا اخواني كنا متهاوشين >>اخواني الصغار على 14 و12
وراحوا عند ابوي وامي يشتكون علي جان اقول اهم الغلطانين مو انا ليش مو مصدقين ويقعدون يزفوني
وثاني مرة نفس السالفة وثالث ورابع وخامس مرة
كله يقولون انتي الغلطانه وانا مو مسويه شي>>حتى استغرب بعض الاحيان من نفسي ومنهم
فصارت سالفة مرة بيني وبين اخواني جان اعصب عليهم واقوم اطقهم طق جان يمسكني اخوي الي عمره14 ويطقني
وراح عند امي وابوي وقالهم جان يزفوني
وانا كنت ابجي
والا ابطها بوجهم وقمت اصارخ بصوت عالي انتوا شفيكم كله مصدقينهم ليش توقفون ضدي وانتوا معاهم انتوا تدرون انا ما اسوي اي شي بضر احد واساعدهم وشايلة البيت على راسي وما في احد قاعد يساعدني واقول كل الي بقلبي بصراخ و امي وابوي ساكتين منصدمين من الي صاير جدامهم واروح غرفتي واقفل الباب واقعد ابجي و يقعدون يطقون الباب امي وابوي ويقولون بطلي فرحت وبطلت الباب و اعتذروا مني ويقولون مو قصدنا ووووووو؟؟
وبعدين الحين ما يزفوني يمكن امي احيانا بس الحين خلاص
ترى اعترف انا دلوعة بعض الاحيان ابجي لانهم رفعوا صوتهم علي لاني مو متعودة انهم يهاوشوني بس كذا مرة لما كنت اتهاوش مع خواني
الله يهديهم ان شاء الله
والله يكون بعونج

 

[فـرفـر]

لاتكلمينها وخلي علاقتج فيها رسميه يمكن تحس بالغلط للي تسويه لج
والله يعينج حبيبتي

 

[ألايانفس......]

حبيبتي متأكدة انهم أختج وأمج الصجيين؟؟؟!!!!

 

[شوشو الشقيه]

نرد عليج وقت ثاني لنا عوده
لنا عوده لانه يحتاج موضوعج وقت للقراءه اركزه فيه
ان شاء الله
من اختج شوش

 

[memo97]

رد : امي اطقني واختي تقولي انتي قلية ادب وماتستحين وامي تقولي نفس الكلام

الله يكون بعونج بس احسن حل صراحه يعني ماتتدخلين بينهم خليييج بحالج بس كلمووج مثلا سبوج او طقوج قوليلهم انا تربيت ابوي واعرف انا شنو !! وانا ماغلطت وصراحه لو قالتلي مريضه نفسيه واهيا غلطانه اقولها انتي المريضه نفسيه الحمدالله والشكر تتخيلين اشياء بروحج انتي مشكلتج حيييييييييل تخافين وتخافين تاذينها او تزعلينها

 

[غرور وايل]

لاحول ولا قوة الا بالله

الله يهددي اختج ياارب

 

[spanish-girl]

الله يعينج الصراحى بغض النظر حتى لو اكبر منج عيب تقل ادبها هم انتي لج احترامج ولازم الاحترام يكون متبادل بينكم

لا تسكتين وكلميها بالعدال وقوليلها ترى طريقة تعاملد معاي ما تعجبني

 

[** Noura **]

رد : امي اطقني واختي تقولي انتي قلية ادب وماتستحين وامي تقولي نفس الكلام

صدقيني اختج تمر في مرحله الله يعلم فيها ويمكن تغار منج صايره تشيش امج وتزفج على اي شي وتتهاوش معاج وتبي تتحكم

بالوضع كله الله يهداها بس ومهما يصير حبيبتي هاذي اختج تحمليها وانتي قولي حق ابوج واخوج عن كل شي ويمكن اهيا عاجبتها

غرفتج بدلي معاها واذا شفتيها تبي تقعد معاج بالغرفه روحي غرفتها قعدي درسي وانتي موغلطانه بشي ماعليه تحمليها بس خلي

اخوج يعرف كل شي وابوج قولي لهم عن اللي يصير لج مع اختج وامج والله يهديها ان شاءالله

 

[طموحه بزياده]

الله يهديها اختج وصراحه يمكن تمر بظروف نفسيه مع زوجها ولا اكو احد حار جبدها وقاهرها بس هالشي ما صار مره وحده يعني من مواقفج صارلها بأيام مختلفه شكلها مريضه اختج نفسيا يبيلها احد يوقفها عند حدها خلي علاقتج معااها رسميه

 

[LOLETA]

حبيبتي

شي عادي
ياما

تهزأنا

من الوالدة

وعادي
هذيله اهلج

ياقلبي


لاتزعلين

باجر بس تتزوجين

رح تحنين لايام الهواش



بالتوفيق ياقلبي

 

[عنايات هانم]

رد : امي اطقني واختي تقولي انتي قلية ادب وماتستحين وامي تقولي نفس الكلام

ما ادري انا اقول لو تحقرينها ولا كأنك تشوفينها احسن وحاولي تتجاهلينها واذا لك حق اخذيه وغيره طنشي
وهي بتعرف لنفسها وتتعدل لان هالاشكال هذا الي يصلح لهم

وامك عاد مجبوره تتحملينها ولك اجر ومع الوقت بتشوف انك ما غلطتي

 

[*سوسو ستار*]

ياحبيبتي ماشاء الله عليج على ردة فعلج بكل المشاكل اللي صارت وهذا يدل على انج العاقله فيهم


والحمدلله اللي سخرلج اخوج يوقف بصفج ويدافع عنج ضد هالظالمه اختج بس سوي اللي قالج عنه اخوج والله يكفيج شرها ان شاء الله ويوفقج ويسعدج يآآآرب

 

[نور الكويت90]

نفس حاله بنت عمتي

من تزوجت اختها مناشبتهم

24 ساعه طابه بيتهم

وحاذفه بيتها عندهم و تطلع و تهيت

<< مادري شلون اقلبت عليهم جذي خو خبري الزواج يعقل الواحد مو العكس

و كانت بنت عمتي بس تحقرها و ما ترد عليها لييييمن تنطق جبدها اختها لووول

تدرين لو انا بدالج جان اراددها و اقولها كل الي بقلبي << انا جذي طبعي ما احب الغلط و ما اسكت عن الغلط وما احب ياكل حقي

وصج اختج اقهرتني بحركتها انها تهد دارها و تنام بدارج @@ ماكو الا تقولين هاذي داري ومابي احد ينام فيها غيري :/

بس امج لا تحاولين تراددينها مهما يكوون امج هذي

والله يعينج على اختج حبيبتي

 

[يــ عذآبيئ ــآ]

بنات خلو عنكم الردود المثاليه :eh_s(4):.. البنت شبعانه ظيم وتقولون لها صبري وتحملي ؟؟ لو بتظل تصبر وتتحمل وتسكت اخرتها بيصير فيها شي بعيد الشر عنها ... :denya:

حبيبتي امج قعدي وياها وكلميها بكل صراحه وبطي السالفه بويهها ... بتقولون امها ومايصير ومادري شنو .. أي ندري امها .. بس هاذي بعد انسانه .. ولها كرامتها .. وخلي الكلام بوجود ابوج واخوج عشان يكون لج أحد يساندج ماتكونين بروحج ويمكن امج توعي حق غلطها انشالله .. :eh_s(4):

وبالنسبه حق اختج والله خل تاكل تبن .. ان قالتلج شي ردي عليها بنفس كلامها . لاحد يقول اختها الكبيره وعيب .. تولي والله .. على شنو شايفه عمرها ؟ ومطيحه حظ المخلوقه ؟ خير انشالله على راسها ريشه وانا مادري؟ ... وسمعي لاتسكتيين عن حقج لو بحرف واحد .. انتي سكتي بما فيه الكفايه .. ولاتراضينها طقاق يطقها خل تطق راسها بالطوفه .. واذا مدت ايدها عليج .. مدي ايدج عليها ونصص بعد .. لان اذا عيالها بيكبرون ويشوفون خالتهم جذي مالها احترام من امها واختها .. اهم بعد ماراح يحترموونها .. فـ خلي لج شخصيه من الحين وأدبي أختج وخل تتعلم تحترمج .. باجر لي تزوجتي انشالله .. يمكن حتى احترام جدام ريلج ماتخليلج !! ... ولاتراضينها خل تولي .. مردها بتيي وتحاجيج .. واذا صار بينكم صلح .. خلج حيل حيل رسميه معاها .. ولاتقعدين معاها بمكان بروحكم .. لان هاذي وحده مريضه نفسيا .. مختله عقليا .. الله يشفيها انشالله ويصلحها .. والله يعينج على اللي تذوقينه :denya:

سوري على بعض الالفاظ بس والله حدي انقهرت :eh_s(4): ​