امهــات الروضه شنو تحطون لعيالكم وجبة سناك ؟

[*نور الكويت*]

السلام عليكم بنات


حبيت اعرف شنو تحطون لعيالكم أكل حق وجبة السناك بالروضه ؟


اختي محتارة شتحط لولدها ؟


يلا أفكاركم بنات _03ba :tek:

 

[ريماا]

عصير كوكتيل اومانجا
حليب اى نكهة يحبها
صمون(هوت دوق-جبن-زعتر-لبنة) على حسب طلباتهم
كب كيك
بسكوت صغير
تفاحة
ماى
طبعا ماياكلون كل شى... انا ولدى عصقووووول ويقولى ماما انا حطيلى بس ابل وجوس رجيم قاااسى ههههههههه

 

[فطومه]

كل شى نحط بس ماياكلون.........ماغير هالبطاط الشبس والحلاو والعلوج........مع انى احط فطاير....كيك....خيار...جزر...تفاح....فروت سالات...يوزعونه على ربعهم وياكلون هالخرابيط اللى مامنها فايده

 

[*نور الكويت*]

ريماا
ههههه اي والله ريجيم قاسي

مشكورة



فطومه
اي والله صاجه
بس شلون تحطين الفروت سالاد ماتخيس ؟

 

[¤§ زيتونة §¤]

انا بنتي روضتها قالو لا تييبون جناط اذا ياعو نعطيهم احنا


وشفت وجبتهم حلوة فطاير - فاكهة- خيار- عصير- ككاو



تاكل اللي تبيه والباجي تخشه ليما تيوع بس



فمن جذيه قمت ما اطرش معاها جنطة اكل

 

[versace]

والله نفس السؤال كنت بسأله مشكورة أنج طرحتي هالسؤال
أنا مشكلتي ولدي بثانية روضة مدرسته خاصة ومايرضون اي شي في مكوناته كاكاو مثل حليب الكاكاو وكيك والكورن فلكس بكاكاو حتى البسكوت والكورن فليكس مع شكر ممنوع بس كورن فلكس العادي وهو مايحبه تخيلوا عاد قمت أسوي له سلطة فواكة وساعات أحط له موزه بروحه أو تفاحه أو عنب أو ذرة بس متأذية من هالسالفة

 

[الأماكن]

أنا وجبة لدي ملكية حدها:dddds:
والله حتى المدرسات إستانسوا من وجباته ... ويقولووون الأطفال قاموا يقلدوووونه

طبعا أحطله ماي / عصير كوكتيل المراعي / حليب كي دي دي شكوليت / بطاط شيبس / إصبعين من شكولاتة كيندر إللي عليها صورة الصبي الأشقر /....هذه الأساسيات اللي لازم كل يروووووووم يروووووح فيها...

أسوي شغلات يحبها ... مثلا ...أفوح لها ذرة الحبوب / أقطع له البرتقال مكعبات صغيرة / مرة قال لي أبي هوت دوق مع لبنة ..خذيت الهوت دوق و قطعته قطع صغيرة و حطيتله اللبنة المعلبه الصغار / و مرة قال أبي ""جباتي"" سادة ...(فصلاته مو طبيعية ):ggdw:.....بس مو كل هذا بجنطته ...لأ .... كل يوم شغلة ...:eh_s(6):

بلإضافة تفاحة / موزة / عنب ...(غرام ولدي)

لكن الحلويات مــــــــــــــــمـــــــــــــــــنووووووووووووع ...حلاو مصاص / جلي / الحلويات اللي فيها أصباغ​

 

[**حلوة ودلوعة**]

ميني كرواسان (الفيصل )
صمون هوت دوغ بالجبن
عصير kdd الاطفال
موزة (ما تاكلها )او معمول تمر من سابليه
وطبعا ماي
وممنوع الشبس او الكاكاو والحلاو

 

[3e6er alwrd]

ماي - عصير - حليب اي نكهه
صمون هوت دوق او توست مع جبن كيري او كرفت مع خيار او زعتر
بسكوت ريتز او اوريو
ساعات اذا تبي احط لها تفاح مقطع او خوخ او عنب

 

[كشوخه]

انا بنتي مدرسه خاصة ما يرضون اي شي فيه كاكاو او حلاو ، احط لها عصير (علبتين الصغار )
سندويشه لبنه وزعتر أو جبن وخيار أو كرافت أو جبن ومرتديللا كل يوم اسويها غير علشان ماتمل
بسكوت مالح ريتز أو بسكوت المطاحن الصغار اي بسكويت بس مافيه كاكاو
خيار مقطع أو عنب أو تفاح مقصص أو موزه أو جزر مقصص اي نوع فاكهه يحبها الياهل
بطل ماي صغير

 

[عدسات ملونة]

أنا بنتي بالحكومة ما اودي معاها شي لان هناك يعطونهم فطور وبعدين على اخر النهار يعطونهم تفاح او خيار او بسكوت اوكيك

 

[*نور الكويت*]

مشكورين بنات


سؤال :

الفاكهة المقطعه شنو تحطونها فيه ؟

 

[BaTTy]

انا مو ام بس داشه جذي فضول
اممم اتوقع تنحط بالعلبه الصغيره الي تكون بلاستيكيه
و لامهات يفيدونج اكثر ان شالله

 

[sara999]

شوفو انا ما احط شي غريب عن وجبات عيالكم .... بس لازم التغييير عشان ما يمل ويتشوق شنو وجبته اليوم
وشي ضروري عشان الياهل ياكل لازم الفناتق
1-تعرفون المقالي الي يسووون البض على ميكي والا وني ذا بو .... مرتين بالاسبوع انا اسوي حق ولدي واحطها بالعلبه الملونه ويمها هدوق+ كرواسان الفيصل الميني الساده + علبه صغيره فيها زيتون اسود ماصخ بدون النوا
2-توسته ولبنه ومرتاديلا وعلبه ثانيه فيها جزر الميني العنونات مقشر وشحلاته حتى طعمه حلووو في شكر
3-بيتزا عاد تسوينها على عيون وخشم وحلج + علبه فيها ذرة حب + جبن سلايس
ويعني انا حطيت ثلاث خيارات واغير فيهم كر مره
ومعاهم حليب وعصير كل يوم شكل ومعاهم بسكوت ومره كورن فليكس
يعني .....

 

[كشوخه]

مشكورين بنات


سؤال :

الفاكهة المقطعه شنو تحطونها فيه ؟

حبيبتي انا أحط الفاكهه المقطعه بتبروير صغير إلي اهوه علبه بلاستيك صغيره معاها غطا

 

[sara999]

اكو علب بلاستك تلاقينهم بمذركير او مركز سلطان ملونين يهبلون تحطين فيهم كل الي تبين

 

[*نور الكويت*]

انزين الفاكهة ماتخيس بالبلاستيك خاصه بالصيف ؟

 

[FANDA]

انه بنتي حدها عسره في الاكل
مو كل شي يعجبها والي يعجبها ما يرضون بيه الروضه

 

[بلووووطه]

لوووووول والة عجيبة الحين بنات شلون اضعف و الله محتارة و مادري شاكل بالسناك بنبط ابي اضعف بسرعة علموني قولولي ؟!:flower:

 

[عشق]

رد : امهــات الروضه شنو تحطون لعيالكم وجبة سناك ؟

اذا تبين السناك الوجبه الثانيه

اليوم حطيت لها علبه صغيره فيها خس قطعته صغير + عصير + بسكوت همتارو + مكسرات جيس صغير من الرفاعي