امهات ساعدوني بولدي

[بسبوووسه]

شلونكم امهات شخباركم

عفيه اللي عندها خلفيه عن معهد او مدرسه زينه للانجليزي تفيدني

ولدي بثانيه ابتدائي وكل يوم ابله الانجليزي دازتلي ورقه تدريب عالقرائه لانه ولدي بس يعرف يسولف بالانجليزي بس مايعرف يقرا :krkrkr: وانا الصراحه اعترف اني ام فاشله ما اعرف ادرس خيييييييييييير شر و اذا بدرس لازم اطق بس احس ولدي تعقد مني فياليت تفيدوني بمكان يأسس ولدي ويعلمه القرائه :0bee2e8d89:

 

[بسبوووسه]

وينكم

 

[لبنان الزين]

عزيزتي بسبوسة ما في داعي للعصبية مع ولدج لما درسينه جذي راح يكره الدراسة واللغة الانجليزية بالذات ، عزيزتي يبيلج شوي صبر ، خله يحس انه الدراسة متعة و وناسه مو انها عقدة يبي يتخلص منها المشكلة مو بولدج المشكله بمدارسنا الحكومية اللي تعلم الانجليزي بطريقة خطأ يعتمدون على الاستماع والقرآءة اكثر من الاعتماد علي الكتابة :eh_s(17): نصيحتي لج في قصص او كتب تلقينهم في اي مكتبة فيها كلمات بسيطة ويكون في نقط تحتها الطالب يعيد عليها بعدين مع تكرار هذي المسألة صديقيني راح يصير ممتاز بالقراءة والكتابة والمحادثة بعد :klhfl: وانتي عزيزتي شجعي ولدج كل ما يحل ويتعلم اكثر كافئيه بهدية بسيطة وشوفي النتيجة وطولي بالج عليه الحين تقدرين تلحقين عليه توه صغير ويتعلم بسرعة وبالتوفيق انشاء الله .

آسفة على الاطالة بس حبيت اقدم ولو شي بسيط يفيدج يا عزيزتي :eh_s(17):

 

[بسبوووسه]

امهاات ويينكم


مافي احد مثلي ولا احد يعرف معهد خدزين ؟؟؟

 

[حبوبه]

هلا بسبوسه ..
عندي نفس مشكلتج مع ولدي ماني عارفه شلون ادرسه انجليزي وقاعده ادور معاهد الله يعينا ان شاء الله البنات يفيدونا ..

 

[بنت المنور]

حبيبتي لبنان الزين القراءة والاستماع مهمين جدا مثل أهمية الكتابة اذا مو أكثر خصوصا في هالسن الصغيرة
أما بسبوسه فرايي انج مادرسين ولدج اذا كنتي ماتقدرين تتحملين فيه معهد بالسالميه شارغ الخليج بس صراحه ناسيه اسمه شفت مرة حق خواتي من زمان

اما طريقتي في تجسن اللغة الانجليزية بس طبعا اذا عندج صبر ولغتج قوية
اول شي اشتري قصص انجليزيه بسيطة جدا مثل ما قالت لبنان الزين وكل يوم اقري قصة مع ولدج وخليه يقرا وناقشيه فيها بعيد عن الدراسه وكتب الدراسه ابدي بقصة ام خمس الى ست كلمات وتدرجي معاه على حسب تطوره
ثاني شي خليه يشوف رسوم بالانجليزي
ثالث شي دايما خليها لعبه ولاتفكرين بالدرجات
اما اذا كان مالج خلق بالمرة قالمجلس البريطاني يعطون دورات بس غالية
اذا تبين اسم قصص آنا حاظرة وبالشوفه وبشرينا عن وليدج

 

[ريماا]

بنت المنور شنو اهى القصص انا بعد قاعدة احاول اقوى اللغة عند ولدى
وين احصلهم؟؟؟

 

[بنت المنور]

عندي أسماء مجموعة قصص روعه بس اذا تنطرين لمن ارد لندن لأنهم في شقتي هناك أول ما أوصل ولا يهمج على طول اطرش لج أسمائهم هذول الي بالانجليزي
وفيه بعد حق العربي جم شغله هذول ممكن اعطيج رقم الي يبيعونهم ويوصلونهم لج البيت