- إنضم
- 6 نوفمبر 2009
- المشاركات
- 1,706
- مستوى التفاعل
- 0
- النقاط
- 0
من شوي كنت قاعده اشوف مسلسل ومندمجة في احداثه بقوة وكل ماتنقال جملة من احد الممثلين بالمشهد يرد
عليه الممثل الثاني بطريقة حلوة ومقنعة قلت في نفسي والله جان زين انا جذي كل ماقالو لي شي ما افكر على
طول ارد ويكون ردي صحيح ومقنع ومدروس بعدين قعدت افكر اقول ياربي بالمسلسلات الحجي يكون مصفف
وينقلنا من حدث لي حدث ونمشي مع القصة لي نهاية المسلسل بشكل حلو بغض النظر عن الاحداث نفسها اذا كانت
مفرحة ولا العكس........ انا هني ضغطت على (ستوب) وقعدت اشوف المشهد وهو واقف جذي وقعدت افكر فيهم
:gr4uu::gr4uu::gr4uu:
اممممممم طبعا!!!! لان كل ممثل موجود بهذا المشهد عارف شنو بيقول وشنو بيرد لان اساس عارف
من الممثل الي قباله شنو بيقول قبل لا يتحجى لان كل شي مكتوب بالحوار ومدروسه اجابته من زمااان ومكتوبه بدقة قلت
في نفسي جان زين بالواقع يصير جذيه يعني انا مابي اعرف المستقبل لكن تخيلو لو تعرفون شنو بينقال لكم قبل لا ينقال
بدقايق فقط مو اكثر الوضع شلون بيكون؟؟؟ وانا افكر دخلت بنت خالتي على واول مادخلت قلت بقلبي ياريت الحين
اقدر اضغط ستوب على مشهدي معاها واعرف شنو بتقول قبل لا تقوله وارد عليها بيكون وناسة احس طبعا انا افكر
في هالافكار واهي تتحجى ،حست من تعابير ويهي اني مو معاها قالت لي انتي معاي؟ قلت لها لا سوري شنو كنتي
تقولين ؟ قالت عمج تحت ويبيج !!!! اهي قالت عمي تخسبقت لان عمي هذا الله يهديه ويصلحه ماينادي احد
الا لابغى يغسل شراعه .... ما اطول عليكم فزيت من مكاني وانا انزل على الدري الفكرة تكبر براسي اقول :rgewrg::eh_s(14): اوووف
ياربي مو يقولون الحياة مسلسل طويل؟ ولا فلم وله نهاية؟ طيب وين ممكن القى حوار وسيناريو حياتي؟؟ يعني
جان زين اعرف الحين عمي شنو يبي مني على الاقل ارقع اذا انا مسوية مصيبه ولا شي المهم لما وصلت له
قعدت وهو يتقهوى وكل ما لف ويها علي انتبهت له اكثر ووعيني على شفايفه احس من كثر ماني متوترة بس بيفتحهم
احس بسحب الكلمات كلهم وبفكر فيهم وبرد قبل لا ينطقهم حتى وهو مصر يطول بشرب القهوة وانا انطرررر
ليما خلص لف علي وقال لي الموضوع انو يبيني اقول حق اخوي موضوع معين ومايبي عمي بنفسه يكلم اخوي
يبيني انا اقول له ،، انا بمرجد مابدت ملامح الموضوع تتضح عندي لفيت ويهي عن عمي وصدفة ان المكان الي قعدت
فيه في جباله مرايا صغيرة فاول ما لفيت ويهي عنه وهو مستمر بالكلام طاحت عيني على شكلي بالمرايا ورجعت لي
نفس الفكرة وقلت الحين لو انا ادري ان بنت خالتي بتناديني حق هالموقف المحرج من اول ما دقت الباب انا كنت بسوي
نفسي نايمة وبجذي بتزل تعتذر وانا لما يوصل اخوي اكلمه كان الموضوع طالع مني انا مو من عمي والامور تمشي بسلاسه
من غير هالمواقف ؟؟
هو صحيح الي اقوله شي خيالي ومستحيل يصير لكن ميخالف ملينا من الواقع شغلو خيالكم معاي تبون هالشي تحسون
انكم تحتاجونه ولا لا؟؟ طبعا الموقف هذا موقف بسيط من مواقف كثييييرة نتعرض لها بحياتنا .......
ناطرة ردودكم
