امنتكم شورو علي حاااااااايره

[هلاااااوي]

احقريةولاتردين لين يتادب الرجال مايحب المراة الى شخصيتها ضعيفة

 

[بنت سويسراا]

وااي ما احب هالنوعيه من الرياييل

 

[فـدوه]

الله يهديه, هونيها و تهون و على قولة كل المتزوجات( الريال اول سنة زواج يحب يفرض سيطرته)
حاولي تحتوينه و تمدحينه و لا تحنيين على راسه وايد و اذا غلط ابدا ابدا لاتردين عليه.

و الله يوفقج

 

[ماحب اتدلع]

اول 3 سنين بالزواج تعب والله يكون بالعون خصوصا اول سنة وااااااااااي ذكرتيني اول سنه لي زواج كل يوم ابجي وانا عروس حتى بشهر العسل يتعبون الرييايييل بس مع مرور الوقت يتعدلون انشاء الله وترى الكلام الي يجرح منهم على بالهم شي عادي لأن الريال مو حساس نفس البنت
ريلي اول ماانخطبت كل يقولي كذابة انتي وانا اتضايق ودي ابجي بس من زود مااستحي اسكت وابتسم خخخخخخخخ كان يقولي كذابة عشان مرة سألني بالموبايل شمسوية قلت جالسة انا بطبعي اي احد بالتلفون يسأل شتسوين اقول جذي مو قصدي اجذب
كان ايميلي مفتوح وشاف ايميلي مفتوح من ايميل اخته
ومسك علي من صجة يقولي كذابة وااايد ومااحب هالصفة فيج يقهررررررر ويقول مااصدق اي شي تقولينة
مع مرور الوقت تأكد انا هذا مو طبعي وخف عني
الي مايعرفك مايثمنك على قولتهم
يؤ نسيت اقولج كان يقولي ويهج يبي له صنفره هههههههههههههههههههههههههه مع اني جميلة هذا وانا توني عروس ترى والله
مع مرور الوقت شكلة تأقلم مع ويهي صار يتغزل فيني
المهم انا قصدي اوصلج الريال مهما قال طنشي

 

[يارب احفظ عيالي]

حقريه

 

[فوفو الدلوعه]

الله يسخركم لبعض ويحنن قلبة عليك

 

[قلبي عبدالله]

شوفي حبيبتي الطيبه بهلزمن ماتنفع لانك انتي اللي راح تاكليها بالاخر

نصيحتي لاترضي بسهوله لان هذي امك كيف ترضي يغلط عليها انتي من عرفتيه ماجات سنه وامك هي اللي شالتك وربتك وافنت روحها علشانك يجي واحد مدري من وين جاي يهينها لاوالله لاترضيها ابد عدبيه خليه يندم علشان لايتجرأ مره ثانيه ويحس بقيمتك والله يهديه

 

[أم توتو]

الله يسخره لج ويهديه عليج بالدعاء ان ربي يهديه والله يوقفج

 

[خط احمر]

زوجج بالعربي شخصيته متذبذبه
الله يعينج عليه صلي استخاره
وإسإلي ربج انج تكملين معاه
لأنه الشخصية المتذبدبه متعبه جداً
اتمنى لج التوفيق

 

[ماما_عودا]

انتي الغلطانه.. لما سب امج وذم في تربيتها ليش سكتي؟
هذا امج
لو انا مكانج ماارضى بسرعه الا لما اخذ منه عهد انه مايغلط على امي.. اذا قال ما اظمن نفسي قوليله وانا بظمن باقي حياتي مع شخص يحترم اهلي كلميها شوي بقسوه وخليكون عندج موقف

 

[عاشقة الدوحة]

مادري الله يهديه
بس شهرين قبل الزواج فترة بسيطة ما يمديج تعرفينه ويعرفج عدل ...

ادعي واثقلي شوي

 

[اسطوووره]

حبيبتي لايكون جاكم عين اوحسد روحي عند شيخ وتأكدي
الله يوفقك انشاء الله

حبيبتي العين والحسد حق بس انا وزوجي نصلي كل صلاه بوقتها الحمد لله ونقرا قران وانا امي علمتني ان الانسان يرقي نفسه واهل بيته وعلمت زوجي علي كده بس مدري يمكن اشوف احد يقرالنا قران والله يسهل من عنده​

 

[اسطوووره]

والله شكل زوجج دعله اسمحيلي بس هالنوعيه ماتنفع معاهم غير الحقران وانج ماتعطينه اكبر من حجمه
يعني يوم طنشتيه وحقرتيه وعرف انج زعلانه تسنع وتأدب وصار يتأسف ويوم كنتي سنعه ومخليته يادهينه لاتكتين يمشي يغلط فيج بدون عذر؟

صدقيني طبعه مرررره صعب حاولت وحاولت المشكله اني غلبانه وطبعي هادي والصوت العالي ما استحمله ويربكني وهو مستغل اني اخاف منه انا للحين مدري كيف تشجعت يومها وزعلت وجابت نتيجه بس سؤالي معقول الحياه تستمر كذا يعني افضل زي المجانين طول الوقتاعصابي مشدوده وازعق عشان لا يبهدلني وربي شي يكسر القلب ما كنت متخيله الزواج كذا​

 

[اسطوووره]

من البدايه لاتسكتين عن الغلط


مقدر اوعدك لييييه مايقدر ؟!




شوفي هل هو قبل الزواج كان كذا ؟!


نصيحتي لك



لاتردين طنشيه طنشيه لما يجي لباب بيتكم


وقوليله ماخذني من بيت اهلي وتعبوا يربوني لو فيهم عيوب الدنيا ماتغلط عليهم ع الاقل احتراما لي


بس عندك الاحترام معدوم وانا الاحترام عندي اهم من الحب وقل الاحترام مع الايام يقتل الحب


ولاترضين الا اذا وعدك يتعدل قوليله انا ماتزوجتك عشان تغلط علي وبعطيك اخر فرصه بحكم الحب اللي بينا



وشوفي وش يقول وطمنينا




بس احسسه مقهور من امك ويطلع الحره فيك

وربي انك صادقه متضايق من امي وجايبها فيني طيب انا وش ذنبي واللي خلقني وخلقك ماني سايبه شي الا واسويه له خدمه طبخ دلع نظافه كل شي اسويه ومهو شايف مني شي قههههههر بس احس ما عندي الشجاعه اخد هادا الموقف واقولو الكلام اللي قلتيه انا ابغا طريقه بالطيب تخليه يرتجع امانه لو في بالك شي قوليلي​

 

[اسطوووره]

الله يسخركم لبعض

اميييييييييييين يا رب ويحققلك امانيكي ويرزقك ويسعدك يا الغاليه مشكوره عالدعوه حبيبتي​

 

[اسطوووره]

الله يعينج حبيبتي ويساعدج بس انتي سعوديه من جده ولا مكه ؟؟؟ سوري خرجت عن الموضوع

الله يسعدك يا قلبي ويهنيكي وييسرلك الصالح
لا عادي ما خرجتي عن الموضوع ولا شي انا من جده يا عمري احاول اخبي بس شكل اللهجه مفضوحه مررره هههههههه​

 

[اسطوووره]

الله يعينج عليه اهم شي الاحترام والتقدير ليش ساكته على نفسج لحقي عمرج دامج ماجبتي عيال

والرجال بداله مليووون صدقيني والمراه تبي الكلمه الحلووه توكم متزوجين وهذي طبايعه عيل بعدين اشبيسوي ؟

الله يهدي امرج وايريح قلبج

تدرين يا الغاليه وين المشكله انا احبه وقبل الزواج امي قالتلي الزواج مهوب ساهل وان كل بيت وبه مشاكله وانا ما ابي افشل ولا ابي اقطع الامل في رحمه ربي وعندي رجاء في الله ان حاله ينعدل بعدين قوليلي حبيبتي لو ارد بيت اهلي وانا ما كملت سنه وش بيقولون عندي الناس عاد كله خليج والحال من بعضه اكيد فاهمتني ادري اللي سواه مررره غلط وبنت الاصول ما تسكت علي اهانتها بس كمان الطلاق مهوب لعبه ادعيلي امانه الله يصلح حاله وحالي انا كان القصور مني​

 

[اسطوووره]

انزين ليش اهو جذي معاج انتي فهميه الاسلوب الحلو اذا عصب ضميه حيل وقولي اسفه خليتك اتعصب واذا سبج ازعلي منه يوم كامل ولا تكلمينه سوي شنو يبي منج وانتي لاتضحكين معه واهو راح يحس ويسأل شفيج قولي اسأل نفسك ترضه اسبك او اسب اهلك وعوديه انه لا يسب قولي عيب جذي وكل مره قوي جذي وهو راح يتعود ترا اهو الاول الزوج يبي يفرض شخصيته بعدين شتبين بشغاله مدام بس انتي وهو ولازم انج ما تعلمينه شنو يصيرر في بيتكم عشان ما يقعد يطنز عليج وخلي شخصيتك قويه قدامه

ويييييييييين شكلك ما تعرفين زوجي لي عصب وجيت اقرب بس من المنطقه اللي هو فيها كارثه ولو حس اني جايه اهديه او اتميلح يقول انقلعي واقلبي وجهك واخس من كذا ولو بعدت وخرجت يقول مو عاجبك كلامي ولو تكلمت يقول ما منك رجا ليش تردين ولو سكت يقولي بارده ولا كن ادمي يهرجك يعني علي قوله نزار قباني طريقك مسدود يا ولدي
وربي مره منحرجه وانا اكتب الكلام هادا وحاسه اني مررره صغيره بس وش السواه مالي احد اشكيله وما ابي اعلم اهلي قسم بالله ما يخلوني عنده ساعه تصدقين عاد انام واحلم انه يطيب خاطري وعشان لا ازعل اروح اقرا كلام حلو واتخيل انه يقوله لي واحاول اقرا ايات واحاديث توصي الزوجه علي زوجها كل هادا عشان اصبر ولا اتجنن بس ادبي وسكوتي فاهمه غلط تدرين في يوم قلتله حبيبي ليش كل شي بزعاق وما تكلمني بشويش وببحب ونتفاهم قاللي انتي اصلا ما تفهمي غير كدا اتمنا تقدرون تفهمون وضعي وربي تعبت​

 

[اسطوووره]

والله انا اعرف وحده كان زوجها جذي ويغلط على اهلها بكلام ما ينقال واهلها شايلينه فوق راسهم ومسوينه يا دهينه لا تنكتين وكان يمد ايده ويطقها ساعات
شغله وحده سوتها وخلته يحترمها غصبا عنه مو بكيفه وكل ما غلط بنفس اللحظه يعتذر

تركته فتره طويله وقعدت بيت اهلها واهوه من اول اسبوع يبي يرجعها مو لاقيلها طريج لان حتى خطها غيرته وخلته بناااار
اهي نفسج ما كان عندها عيال فحاطه في بالها انها ماتبي تردله نهائي
اخر شي بعد محاولات تمت شهور كلمته قالتله ما ارد الا بشروط
1- ما ارد الا لمن تييب اهلك ورياييل كبار من عايلتكم يتفاهمون مع الوالد وتعتذر جدامهم عن كل اهانه اهنتها حق اهلي
2- كل طلباتي تنفذها اللي تخص حياتنا ( لانه كان مستهتر ومو حاط اعتبار انه راعي مسووليه )
3- تحلف عالقران ما تهيني اي اهانه بعد اليوم وحاول تتعامل باسلوب ارقى

بس ما انصحج تتصرفين هالتصرف لان مو كل الرياييل نفس بعض
ثانيا اهيه ما حطت شرووط الا شافت محاولاته اليائسه عشان يردها واهيه صاده
وكانت بكامل ثقتها انه اذا ما وافق على شروطها راح تتركه للابد لانه مو كفو
وعارفه شنو حبه حقها

انتي اذا لمستي فيه انه متمسك فيج تقدرين بطريقتج تصلحين علاقته بامج والعكس

بس اذا كنتي متاكده من قراراتج

اهيه كانت حاطه في بالها وقويه فكرتها انها لو تطلقت حياتها بدونه ماراح توقف عليه


بس خلال هالفتره تحلف علاقتها بربها كانت قويه ودايمه الاستغفار والدعاء وعارفه ان الله ما يحب الظلم واللي يختارلها ربها راح يكون في مصلحتها مو ضدها

بس اهيه زواجها كان تقريبا 4 سنين



والله يصفي القلوب انشالله

تسلمي يا الغاليه بس ترا مو بس مو كل الرجال زي بعض كمان مو كل الحريم زي بعض والله اني اقرا الكلام اللي قالته له وقلبي بيوقف من الرعب انا غيييييير خبله وما اعرف اصير قويه كذا هو متمسك فيني بس المشكله انه يدري اني متمسكه فيه بعد تدري في مره قاللي احيانا ازعل عليكي واجي اراضيكي الاقيكي جيتي قبلي فاهون واسوي نفسي زعلان<طفل صح


انا امنيتي الاقيلها حل بالطيب وصدقيني الحمد لله قد ما اقدر احاول اكون مع ربي واطلبه هو اساله الفرج واليسر والصلاح​

 

[اسطوووره]

السلام عليكم

أختي الغالية الله يصلح أموركم ويجمع بينكم على المودة والرحمة

شوفي مشكلتج ألخص سبابها بالنقاط التالية

1) أنتوا تزوجتوا عن حب وعيب هالشيء أنه كل شخص لما يحب ما يشوف عيوب الثاني ويشوفه أفضل إنسان في العالم وبنفس الوقت يتعامل معاه بمثالية لكن بعد الزواج تسقط الأقنعة وتبين الشخصية بكل عيوبها عندها تصير الصدمة

2) أمج شكلها مو متقبلة زوجج وكلامها القاسي لزوجج خرب علاقتكم وخلا زوجج يحقد عليها وعليج ويغير بمعاملته

3) غلطتج لما تقولين لأمج وأبوج مشاكلج مع زوجج وهذا يسبب كره وحقد في قلبهم على زوجج ومهما تصالحتي مع زوجج راح يظلون بقلبهم شايلين عليه

والحل يتلخص بالتالي

حاولي تتفاهمين مع زوجج وتصلحين الأمور بينكم وعلى العموم أول سنة زواج كلها مشاكل أذا عديتيها خلاص تكونين عدتي مرحلة الخطر

لما يزعلج زوجج خاصميه بس خليكي في بيتك وماله داعي تروحين بيت أهلك وزعلكم ماله داعي أحد يعرف عنه وإذ زوجج قال لك كلام ما يعجبك لا تسمعينه للآخر أتركيه وحسسيه إن
كلامه مو عاجبج

أمج حاولي أنها ما تحتك بزوجج خلي علاقتهم رسمية في الوقت الحالي وحاولي أنج تصلحين بينهم بأن تجيبين هدية لأمج وتقولين أن زوجج أشتراها لها وأنه دايم يمدح أخلاقج ويقول تسلم أيد من ربتج

وحاولي تتقربين لربج أكثر فإذا ربج رضا عنج راح يخلي زوجج راضي عنج .​

لو اقلك شي رح تضربيني من قبل الزواج وهو كذا صحيح ذودها دحين بسالفه اهلي بس هو طبعه عصبي وانا قلت بعد الزواج بيتغير ولكن هيهات امي الصراحه مع انها امي بس كلامها حيييل قوي وصعب اي احد يتقبله الله يصلحها وزوجي مثلها ولان الاثنين طبعهم واحد صارت صداماتهم مره ذايده وانا احاول اشيلهم عن طريق بعض بس اللي في القلب في القلب زوجي ما يقبل ارد كلام وراه ولا اخرج وما اسمع باقي كلامه وهو جالس يبهدلني< مبسوطه المهم اختي عجبني ردك لو تعرفين طريقه بالطيب وما يبيلها قوه شخصيه قوليلي وربي يجزاكي عني كل خير​