امممم شسوي مع اختي :(

[أم منيـرة]

السـالفة يبيلهـا صبـــر وطولة بـال ..

وشوي شوي لآزم تقنعـونها إن شكلها جذي غلـط ، وهالشي مو صحي !!

 

[الزين 85]

لاتنسين انها بفترة مراهقه الحين وخربطة الهرمونات وتغير المزاج

اهي اكيد ودهااا تضعف بس يمكن عندها مشاكل نفسيه ( مشاكل بالمدرسه او مع رفيجاتها او دراسيه او يمكن احد معيب عليهاا)


تدرين شنو تسووووين

شوفي يالغلااا

انتي اشتري لها كتب تقييم الذات وحب الذات وكتب عن الشخصية الجذابه والمغناطسيه خليها تقرا اوكيه
ترا لمن تكونين متينه وخصوصا مراهقه تراا والله تشعر بألم وانا حاسه فيهااا انها مو قادره تعبر عن نفسهاا خصوصا الوقت هذا اللي مراهق يبحث عن هويته وشخصيته وتتكون اهني

اقترحي عليهاا طبيب ريجيم ودشي نادي مع بعض واستانسو تقربي منها لاتقولين لها انا كنت متينه وضعفت بتحس انج تعيبين عليهااااا

قووووووووووولي لها فيه ناس الله عطاهم اشياء وخذا منهم اشياء مو مهم شنو شكلج وشنو منظرج المهم انتي شنو تبين تسوين بالحياااااة خليها تشووف هالفيديووو وتعرف معنى كلامي

هالشخص تحدى اعاقته وقدر يكسب نفسه ويتعرف على نفسه وعاش مع نفسه مبسوط

http://www.youtube.com/watch?v=W1Z1efhzV7Q


فمابالج بأشخااص يمشوون وعندهم ريول وايديييين بس معاقيييين تفكيرا مو عارفين قيمة النعم اللي عندهم



حببيها بالحياااة قولي لها اللي يطنز خل يطنزززززز خليها تحس انه فيه امل للحياة


شوفي اذا عندها ايميلات طرشي لها ايميلات اوكي دشي قوقل وكتبي سمات الشخصية الجذابه وسوي موضوع كوبي بست وطرشيه

وكيف تبحث عن ذاتك

وهموم ومشاكل المراهقه عشان تعرف انج مريتي بالشي هذا ماكو خجل منه اوكيييي

 

[الزين 85]

وخليها تشغل وقت فراااغهاا عدل نادي تشترك بمعهد تستفيد من وقتهااا

 

[زغزوا]

قوو الثقه عندها خلوها واثقه من نفسها قولولها شوفي ملابس البنلت الضعاف احلا من المتان
انتي بهالعمر مو زين عليج تيليج امراض السكر وغيرها خفي علا عمرج شوفي بنات المدرسه شلون حلوين وضعاف

 

[أميرة الحور]

دوري لج حيلة

ممكن تطرشين ايميلات لها تساعدها على الثقة بالنفس بس من غير ما تعرف انج انتي اللي تطرشين
وحطي لها تجارب ناس كانوا متان وضعفوا
وكتبي عن الأكل الصحي والمراكز اللي ممكن تشترك فيها في الكويت وتقدر تضعف
وشوفي سيديهات عن الأغذية الصحية والطب النبوي

حاولي تفهمينها إن الأمور في أولها صعبة بس بعدين تسهل
وقولي لها شرايج نروح نشوف نوادي صحية اومراكز للدايت بس جذي نشوف عروضهم موشرط تشتركين

غير جذي لازم تحس انها مهمة وغالية عندكم واهم من كل الناس ولو كل الناس يعيبون عليها تظل عندكم أهم

بس حبيت أقولج أختي إن انتي للحين تحتاجين انقاص وزن حاولي أكثر علشان تشوفج قدوة جدامها ويصير عندها أمل

 

[al3ta]

معليه جلسي معاها وكلميها ولا تتركينها الا ليما تقتنع مووووزين حررررام ليه وزنها كذا لالاتهملوونها وتتركونها وامك وينها الله يهديها تاركه اختك تاكل الي تبغااا لحقوووا على اختتتكتك

 

[لمعة سراب]

شوفي عن تجربه

لما احد يقولي ضعفانه حتى لو مجامله

استانس واقعد افكر انزل وزني اكثثثثثر

جربيهآ وياها

 

[~ بنت الهدى ~]

حياتي مادري ليش عورني قلبي عليهاااا ان شاء الله تضعف بصحه و سلامه...
يابخت اختج فيج ولله قلبج ابيض

شوفي انا بس احد يقول لي ضعفتي استاااااااانس و احافظ على جسمي و اكل ب نظاااااام لأنهم قاعدين يشجعوني و يحمسوني اصير سمبتيكاااا
عكس اللي يقولون لي صرتي شمتنج صرتي يقهرونيييي ..طبعا اللي يقولون بأسلوب مو حلوو

انا اخي العزيز الله يحفظه كان متيييييييين مسكين كله ينافخ و منقطع قلبه بسرعه يتعب و الحين ضعفففففف و لما اشوف صوره قبل و الحين و اقارن ..
و اتحمس اني اضعف و صج ضعفت الحمد لله مع اني ماحب الريجيم لأني احب الأكل مممم .. بس تشجعت من كلام اللي حولي بس باقي اكريشتي الصغيره

 

[أم سليمان دشتي]

بعد عمري كلكم ما تقصرون والله كلامكم اثلج صدري :*

عساني ما انحرم منكم يارب ويرزق كل وحدة منكم وكل خواتنا بلي يتمنونه

فديتكم والله كلامكم ريحني واااايد وان شاء الله ان شاء الله يارب تضعف اخيتي بصحه وسلامــــة :*

احبكم خواتيـــــي ...​

 

[Leila]

البنات ماقصروو

 

[أإلع ـشق دلع ـهـأإ]

.






















مآقصروآ البنآت ..

وعليكم بالمشي ..


















.

 

[أم سليمان دشتي]

فديتكم ان شاء الله بسوي الي بقدر عليه والله يساعدني يارب

 

[soso-87]

لا تضغطين عليها .. واهي بعمر حساس اي كلمة تضايقها .. اذا الكل يقولها شمتنج ومتينه وضعفي ومتينه ترى بتعقد وبتاكل زياده
اخذيها بالهداوة وقوليلها مثلا ويي فديتها اختي جنج خاقه شوي .. وناسه شكلج بتصير اضعف مني

يعني كلام تشجيع وشوي شوي انشالله تضعف
هم سالفه انها تشترك بدايت كير زين

انتي اختها الكبيره المفروض عارفه مفتاحها وتعرفين تحاورينها
انا عن نفسي اختي الصغيره مو وايد متينه .. بس لو بنخليها على كيفها بتمتن
توها بداية كرشه عندها .. اخوي قالها صايره بطة طالعلج كرش .. وترى كان يتغشمر لان اهي اصغر وحده فكله نطفرها
بجت وقلبت الدنيا وليش يقولي بطه وكلكم ما تحبوني وما تبوني

بس انا خذيتها بالهداوه قلت لها ماما حبيبتي انتي .. اهو يتغشمر بعدين اهو بعد شوي متين شوفي في لحم بس خاشه بالتي شيرت

وانتي صج طالعتلج كرشه عشان كليتي كاكاو وايد
خففي الكاكاو
والا شرايج تسوين رجيم وياي
عشان لما تكبرين تكونين رشييقه

شوي شوي سمعت الحجي واقتنعت ان ودنا انها تكون رشيقه وحلوه .. وان احنا نحبها ونبي لها الخير

اهما حساسين وايد بهالعمر
فديري بالج

 

[Green tea 93]

لا تحسسينها ان هذا همج و شغلج الشاغل مديحيها و عززي ثقتها بنفسها و انتو بيتكم حاولو تخلون بيئة صحية مو تكودون بالخرابيط و الحلويات وما تبونها تاكل

و حفزيها يعني خل تشترك بدايت كير و لوفات يضعف وما تحس بالحرمان ولازم يكون عن قناااااااااااعه لان اذا مو مقتنعه بالحجي ماكو فايدة

 

[أم سليمان دشتي]

اي والله صح كلامكم :** الله لايحرمني من ردودكم الطيبه

سبحان الله والحمدلله ولا اله الا الله والله اكبر
ولا حول ولاقوة الا بالله العلي العظيم

 

[sadan111]

سويلها برنامج للتخسيس وشجعيها

 

[عالمي انا غير]

انا مع دلع العتبان