امممم شسوي مع اختي :(

[أم سليمان دشتي]

صباح الخير بنــــات شلونكم ...

بنات انا بقولكم قصتي ويريت تساعدوني وخصوصا ان في منكم امهات واكبر مني يعني بيعطوني من خبراتهم وادري ما بيقصرون علي فديتهم وهذا العشم فيكم خواتي كويتيات ...

بنات انا كنت قبل متينة وايد وسويت عملية ونزل وزني من 140 لين 95 والحمدلله الكل قام يمدح فيني وصرتي حلوة وهالحجي !!

والحمدلله لك الفضل والمنه انا حلوة والمتن كان مشكلتي بس مع طولي الي يشوفني يعطيني بالسبيعينات مو اكثر ...

طبعا هذي مو اهيا المشكلة المشكلة ربي يخليكم يارب ان اختي الصغيرة والي عمرها 14 سنة قامت تغار مني بشكل مو طبيعي @@

اهيا كانت متينة عمرها 14 سنة وتخيلوا لما انا كنت 140 اهيا كانت 90 @@ ادري مو زين

بس اهيا ما شاء الله وايد تااااااااكل !@!

المهم من لما ضعفت وانا احس بالراحه واقولها يالله خل نسوي ريجيم مع بعض خل نروح الممشى مع بعض واسايسها بالحجي

والله احبها وخااف عليها بس كلامي للاسف رد بنتيجه عكسيـــــــــــة !!!!

قامت تاكل اكثر وتقول انا حرة ومحد له شغل فيني وتخيلوا عمرها 14 سنة ووزنها الحين 107 كج!!!

ياربي والله انا لما كنت متينة كنت كارهه نفسي واكيد اكيد اهيا نفسي

تخيلوا ما تطلع وحابسة نفسها بالبيت ولما احد يزورنا ماتنزل وكله متعقدة من شكلها وكرشتها!!

اكثر من مرة ادش عليها الغرفة الاقيها تبجي واسالها تطردني وانا ماحب اضغط عليها!!

وبنفس الوقت اهيا حبيبتي اختي انا خاف عليها والله

قولولي شلون الحل ويارب اقدر اساعدها بخبراتكم

مشكورين فديتكم واسمحولي على الاطالة​

 

[راعية الذيب]

وعليكم السلام

شوفي يا الغاليه ام سليمان مالج الا طريقه اتورينها صورتج وانتي متينه وصوره لج وانت ضعيفه وقولي لها شفتي شكلي؟؟؟؟

وشوفي الحين الكل يبي يقعد معاي والكل صار يحبني اكثر من قبل تدرين ليش؟؟؟؟؟

لانه المتينه بطيئه بالحركه والبنات يحبون اذا تمشوا مع بنات يبونهم سريعين الحركه وشكلهم حلو
ويبون البنت اللي لبسها حلو ما يبون البنت اللي لبسها لبس برشوت

ومن هالكلام وصدقيني راح تقتنع

وخلي تحط صورتها بالكبت كل ما افتحت كبتها تتعقد من الصوره وتصر انها تضعف

والله كريم

 

[أم سليمان دشتي]

والله حبيبتي راعية الذيب كل شيء قلتلها واهيا مقتنعه بس تكابر

وكل ما قلتلها شيء تقولي مو على اساس انتي ضعفتي تعيبين علي!!

اقولها انا احبج مابيج تصيرين نفسي وانا دوم اشجعها اقولها والله لو علي مارد اسوي العملية مرة2

واكل شوي واخفف ومن هالحجي بس عمك اصمخ

فديتج مشكوووورة على ردج بردتي قلبي الله يوفقج ويبرد على قلبج ياااارب

 

[دلع العتبان]

انا اقولج الحل مرت اخوي مثلها يوم نقولها اضعفي ومن هالكلام ونخرعها تروح تركض للمطبخ وتاكل ويوم قلنالها ويه جنج ضعفانه وويه صايره ماتاكلين وويه جنه ويهج ضعفان المره ارتخت وصارت تحافظ على نفسها وانها ماتبي تكسر كلمتنا يوم نقولها هالشي

المساله نفسيه حبيبتي يعني انتوا شجعوها وانسوا انها متينه عاملوها عادي واقل بعد قولولها ويه جنج ماتاكلين ضعفانه احسن يمعوده ومن هالحجي انسوا احد يسولف معاها بسالفه المتن دوم خلوها معاكم وطلعوها ويوم تدش على حرمه او على ضيوف قدامها قولي ترى فلانه ضعفانه واي صايره ماتاكل واهي بالواقع تاكل بس العمليه عمليه نفسيه وتبيلها وقت

الحل الاول : النفسيه

وبعدين يجي الحل العملي الي اهو دكتور معالج لالالالالالالالالالازم تروح لدكتور واهي صغيره بتضعف بسرعه وبسهوله ومثل الصاروخ اصعب من الكبر ويوم تكون كبرج غصب بتنزل وزنها وقوليلها السالفه مساله وقت والاكل موجود بالكره الارضيه مايطير هههههاااي والله يعينكم والله قبل ايام مراهقتي اعاني بس المساله نفسيه همن عالجتها لي اختي وقامت العكس عندي تزفني يوم اجرب على الاكل وتعيب علي يوم صكتني نفسيه ضعفت والله يساعدها يارب

،،،،،​

 

[أم سليمان دشتي]

بعد عمري دلع فديتج اشكرج على مرورج

شكلي بجرب هالطريقة ويارب ان شاء الله يبين بعينها

والله يساعدني عليها وان شاء الله تقتنع

يسلمووو الكل احبكم :*​

 

[المرتاحة]

انا مع دلع العتبان

ترى في ناس وايد جذي اذا قلتي لهم متنتوا تضيق خلوقهم وياكلون زياده ويحسون مافي فايده من الرجيم لانهم ماراح يضعفون (ترى جذي يحسون) بس اذا قلتي لهم ضعفانين انتي اهني تعطينهم امل انهم يقدرون ينزلون وزنهم فيحافظون على هالشي بس يبيلهم تشجيع باستمرار

يعني ييبي صورة فنانه جسمها حلو و قولي حق اختج انتي جسمج نفسها لانج ضعفانه جم كيلو واستمري اشوي ترى بتصكين على جسمها ..لا تضحكين وانتي تقولين لها جذي خليج جاده

واذا بتسوين وياها رجيم لا تقولين انه هذا رجيم.. قولي لها اكل صحي خلينا ناكل فيتامينات حق بشرتنا والياف تساعد على انقاص الوزن..

السكريات والحلويات قولي تسوي لنا تجاعيد وتخرب هرموناتنا.. بس خليها تاكل قطعه مو تحرمينها مره وحده

و جذي استمري يعني بيني لها مكونات الاكل الموجوده بداخله اذا ضاره صوريها بصوره بشعه و اذا مفيده مدحي فيها و شرحي فايدتها
مثلا البرتقال فيه فيتامين سي يغذي البشرة و هو مضاد لللاكسده و يشيل السموم من الجسم يلا خلينا انظف جسمنا من الداخل

والمقليات قولي هذي دهون تتخزن و اتعب خلايا الجسم اذا زادت عن حدها و تكسر الخلايا علشان جذي تخلي شكل البنت كبيرة وويهها مافيه نضاره


و خليج جذي علشان عقلها الباطن يستوعب الشي و تلاقينها نفسيا توخر لانها عرفت مضار هالاشياء للجسم ترى يمكن اول مره ماراح تقتنع بس انتي خليج راديو و كرري الكلام و لو تصورين لها من الانترنت او تورينها فيديوات عن مضار الدهون و السكريا و شنو تسوي بالجسم راح تقتنع اكثر

والله يوفقج وياها و تصيرون منيكانات ياااااارب

 

[مجنونة اوزان]

كلام البنت صح

 

[Vdieta]

لا تضغطين عليها بالحجى وتقولين لها انتي متينه وجذي

كل شئ بالهداوهـ شوي شوي

 

[نهى الأحمد]

ماشاءالله الخوات ماقصروا


والسالفة يبيلها صبر منكم


ولازم تلحقون عليها لانه حرام توها صغيره

 

[مفسرة الاحلام]

كلام دلع العتبان صحيح

وماقصرو البنات الله يوفقنا وياكم لكل خير

 

[NEW WOMEN]

ربي يشفيها ويرد الصحه لها ويخليكم حق بعض

 

[~✿ ارتـِوآآآء روح !]

السلام عليكم ورحمه الله وبركاته
مقدرة خوفج حبيبتي على اختج وهذا دليل نقاااء قلبج وصفاءه
حبيبتي تدرين شنو مشكلتكم عدم استخدام الاسلوووب الجذآب والحوآري واختج ماتحب احد يحسسهآ بالمتن > وانا مجربة هالشي ومجربه هالاحساس ماكنت احب احد يحسسني بهالشي
آنتي اخذيهآ اول شي بيني لهآ مخآطر السمنةة وآنهآ رآح تأثر عليهآ بالمستقبل
وتتلآحق على عمرهآ قبل لا يدبل الوزن وبعدين يكون النزووول صعب
كوووني حنونةةة عليهآ لاتقسين عليهآآآ بيني لهآ خوفج عليهآآ وتجنبي القسوة والصرآخ والتجريييح
قولي لهآآ انتي حلوووة بس للاسف المتن مخرب اشكالنآآآ استخدمي اسلوووب المدح
في مقآطع بالييوتيوب عن اشخآص اوزآنهم كبيرةةة حيييل ادفنووو شبابهم بالسمنةةة واضطرووآ يسووون عمليآآآت قولي لهآآآ
قبل لاتصيرين مثلهم خنبدي من الحين وقولي لهآ ابد الرجيم مافيه حرمآآن
سايسيهآ قولي لهآآ اكيد انتي مو مرتآحة من نفسج وانا عارفة هالاحساس لاني عشته وعارفة انج متضايقة من نفسج ومن هالكلام وقولي هالكلام بحنيه وقولي لها بعد انا اختج وحبيبتج وقلبي مفتووح لج قولي اللي تبينه شنو تبين وشنو ودج فيه وطبعا هالكلام يكون بينكم قعدووو مع بعض بروحكم
اللي ابيه منج اول شي تاخذينهآ تقولين لها شنو ودج فيه شنهي امنياتج ومن هالكلام
وثاني شي سوي بحث على مخاطر السمنه وامراضهآ
وقبل كل شي كوووني حنونةةة اتمنى اكون افدتج يمكن الكلام مخربط لان ماكو تركيييز
اذا حآبةة افيدج آكثر لايردج الا كيبوردج

 

[وسـن]

لا تضغطين عليها
مدحيها وايد قوليلها انتي حلوه بـس ناقصج ضعف
واخذيها دكتور ريجيم ,, اهي لو تجرب تسوي ريجيم اسبوع وتضعف راح تستانس وتكمل عالريجيم
بس لو تشوف نفسها ضعفت جم كيلو بصير عندها اراده انها تضعف اكثر​

 

[Australia girl]

انا اختي مثل اختج عمرها 13 وزنها 100 هالشهر بدينا لها بدايت كير اكل يونس وماكو حرمان وضعفت ماشالله 5 كيلو ب10 ايام انتو شجعوها وشركوها فيه وانشالله

 

[ملوكة الامورة]

الله يعينك

 

[عويتقة]

الله يهديها يارب والله البنت مراهقة وحاسة بمتنها واكيد مسبب لها احراج بس انو لا تضغطون عليها ابكلام وما تحسسوها انها عالة وان وزنها مفشلكم بالعكس انتو امدحوها مثلا تكون نايمة تحسسي ع شعرها وقوليها يا زين شعرك او يا جمال عيونك او قولو لها جسمك راح يكون خيااال بسس لو عملتي دايت وشجعوها وحسسوها بحبكم واهم شي ماتدخلون الاكل الدسم للبيت او الحلويات دات السعرات الحرارية العالية و اشترو الحليب منعدم الدسم اشترو توست وشجعوها بأكلكم وهي اكيد لما تشوف ان الكل ياكل اكل خفيف راه تتشجع

 

[queenbeeuty]

الله يعطيها القوة و الارادة

 

[أحلى البشر]

حلو كلام دلع جربي وخلي الكل يقول لها هالكلام عشان تقتنع نفسيا انها ضعفانه وتخفف

 

[سكوتي بذوقي]

كلميها باسلوب محبب

وفهميها عن مخاطر السمنه إن شاء الله تضعف

علشان صحتها

 

[law love]

اكبر غلط انج اتقولينلها سوي رجيم ظعفي لا تاكلين هالاكل يمتن لاااااااا

وخااااصه جدام احد

صيري رفيجتها و لا تفتحين معها هالمواضيع الحين بعد ما تتحسن علاقتهم كلميها بطريقه غير مباشره بس بينج و بينها جنه سر بينكم انتو الثنتين و جدام الناس لا تقولون انها اتسوي رجيم لا خلو بينكم بس

و انصحج بالدكتور عيسى دشتي رجيمه حلو وسهل و يضعف خل تراجع عنده