امــي وشنو اخرتها تعبت معاها اهي ليش جذي

[حساسة مصر]

رد : امــي وشنو اخرتها تعبت معاها اهي ليش جذي

انا من رايي تتكلمي معاها واحكي لها اللي تحسيه يمكن تقبل الموضوع

وتفهمك اكتــر وتغير معاملتها للاحســن وتشوف اللي ناقصك

 

[بنات شيوخ]

البنات اللي يسئلون عن عمممري انا توني مخلصه من التوسسسطه يعني عممممري 15 سنه

 

[يوآش يوآش]

رد : امــي وشنو اخرتها تعبت معاها اهي ليش جذي

الله يهديها

 

[قَلبيْ صُويبكْ !]

,



حبيبتي يمكن أنتي مآخذه الأمور بـ حساسيه شوي
ليه مآتقعدين مع أمج وتصآرحينهآ !

أبدي أنتي بكل شي , لآ شفتيهآ فآضيه أقعدي عندهآ حطي رآسج ع حضنهآ وسولفي لهآ
وآذآ ع قولتج صدت ومشغوله , صآرحيهآ بهآلشي لآ تخلين بينج وبين أمج حآجز

وأحذرج تفكرين بـ طريقه ثآنيه أو شي ..!!
أنتي بـ سن صعب , ولآبد أنج تحرصين ع نفسج

آلله يحنن قلبهآ عليج ويهديهآ ~

 

[* فراشة فوشية]

حبيبتي مهما كان هذي امج وترى الام ماتتعوض ابدا ابدا كل شي يتعوض الا الام ماعليه اصبري ووكلي امرج لله والله يفرجهاا عليج ان شاء الله ولاتنسين ان رضا الله من رضا امج وتحملي واصبري "ان الله مع الصابرين" والله يهدي امج ويحنن قلبهاا عليج ...

 

[*بسبوسه*]

الحين امج ماعطتج حنان وابوج معطيج تقولين افكر ادور على حنان بره شقصدج
قصدج تكلمين واحد..ليش هالواحد بيعوضج عن حنان امج لا ياقلبي حنان الام غير والرجال غير

امج غلطانه ومحد ينكر هالشي ويمكن لانها تعودت على تربية الصبيان وانتي جيتي بالاخير وامج خلاص تاقلمت على تربية الصبيان وان كل واحد بس يصير عمره 12 يشيل عمره ممايحتاج لها

سالفت تقعدين معاها وتكلمينها ماكو فايده لان الكبار مثل الام والابو ما يتقبلون لنصيحه او الحوار من الصغار...شايفين نفسهم اهما قدوه

اهيا مو معناته انها ماتحبج مستحيل كل ام تحب عيالها بالفطره لانهم اصلن انزرعو بداخلها
لكن قلت لج امج تعودت على تربية الصبيان خلاص

في امور بحياتنا لازم نتقبلها حتى لونها غلط وما تجي على هوانا
ونصبر عليها ونتحملها...باجر انشالله بتزوجين وتجيبين عيال وتعوضينهم عن حنان امج

 

[q8 83]

في امهات تكون معاملتهم شوي جافه بس الحمدلله الله عوضج بأبوج

بس هم انتي حاولي تكلمينها عشان تنبه انج كبرتي و محتاجتها

و الله يلين قلبها عليج حبيبتي انتي

 

[aṕriliå]

رد : امــي وشنو اخرتها تعبت معاها اهي ليش جذي

اول شي عليج الدعاء

ثاني شي خلي ابوج يكلمها بهالموضوع

وهم بنت خالتج اللي دايم مع امج تقولها اذا بغيتوا تطلعون خلي فلانة تجي معانا

وانتي هم غيري من معاملتج لها توددي لها طيعيها ساعديها ومن هالكلام

 

[S!LVER G!RL]

لا عادي حبيبتي ،،

كل الامهات تجيهم فترة جذي ،،

بس انتي طيحي على امج ، ابدي حطيلها برامج تلفزيون تحبها سوولفي معاها ، واذا على قولتج تحقرج ، سكتي ليما هي تجيب مواضيع

انا امي ما تكلمني الا اذا تبي شي وغيره ساااكته ، صرت اقعد عندها واهي تتكلم بالفون ولما تصكة اقعد اسولف معاها بالسوالف الي سمعتها

والحمدلله الحين نضحك ونفصل معا بعض


وانتي بعد ان شاء الله تتحسن علاقتج بامج

 

[بنات شيوخ]

يعطيكم العافيه بنات

بسبوسه ما قصرتي حياتي

 

[بوسطـن سيتي]

رد : امــي وشنو اخرتها تعبت معاها اهي ليش جذي

الله يهديها
بس كلمي اقرب خالة لج تكلمها

 

[مرمووور]

رد : امــي وشنو اخرتها تعبت معاها اهي ليش جذي

كلمي امـج قوليلهاا انج محتااجه لهااا
وأن تبيينهاا تهتم فييج
عاادي ترا هذي أمــج

 

[fato_kw]

حبيبتي هونيها
هذا انا نفس حالج واردى بعد انا متأكده مليون بالميه ان انتي احسن من وضعي وايد عالاقل عندج خوان عندج ابوج الله يحفظه وامج الله يسامحها يمكن اهي جذي طبعها انتي شغلي نفسج باي شي تحبينه هوايات اي شي وبيي اليوم اللي بتتعوضين كل اللي ناقصج
لاتنسين ان ربج يمهل ولا يهمل

ترى انا وضعي اصعب منج خوان ماعندي الكبير متوفي والثاني ما اشوفه اصلا ما يدش البيت الا حق نوم ويرد يطلع والصغير ياهل بعد نفس كل اليهال يا مع ربعه يا بليستيشن وخواتي الحمدلله متزوجين ومع رياييلهم وعيالهم بس انا اللي بالبيت لا من سأل عني ولا من درا عني
حتى انتي يمكن عندج رفيجات انا حتى رفيجات ماكو
ابسطها لي 4 ايام تعبانه وبغرفتي حتى ما انزل حق الفطور ولا السحور وظاله عالماي وحتى الماي قليل حيل يعني بطل واحد والله لي الحين مو خالص ولا احد فكر يصعدلي ويشوف اشفيني
وحتى رفيجات والله ماعندي وربي شاهد على كلامي
بس شسوي اتعوذ من ابليس واحمد ربي اني عايشه بعدني وانا قادرة اقرا الحمدلله ما انعميت لي الحين صج نظري حييل ضعيف ومهدد بالانقراض ومشاكل صحيه الله يستر عليكم يعني قولون وغيره بس الحمدلله على كل حال قادره اقرا امسك المصحف واقرى ومو بس برمضان حتى بالايام الثانيه والحمدلله ما صار شي

والحنان اللي تحسين نفسج ناقصته ترى والله قراءة القران تحسسج انج تعوضتي هالحنان كله

وربي يفج همج ياارب ويحنن قلب امج عليج وهونيها وتهون
كلمي ابوج كلمي اخوانج خل يكلمونها خالتج اي احد تثقين فيه قوليله يقولها شوي تراعيج وتعتني فيج
الله يسهل امورج ياارب

 

[mo0o0n22]

رد : امــي وشنو اخرتها تعبت معاها اهي ليش جذي

امك ثم امك ثم امك .... مهما سووت فيك لو تذبحك تكوون عسل عالقلب عااادي

انا عندي لك حل وان شاء الله يعجبك وانا مجربته بعد .. شوفي حبيبتي روحي لها دلعيها تغزلي فيها امديحها طيريها في السماء لو مو مسويه لك شي قوليها انتي سويتي وسويتي ويكفي وجودك معي في البيت الله يطول في عمرك يالغاليه يابعد رااسي ومن هالكلااام امشي ومدحيها منها توسعين صدرها عليك ولك اجر ومنها بتتغير المعامله وقولي ماقلتلك ... ايه صح ولاتحنين عليها ابدا مهما سووت لو قالت اللي تقوله قوله الله عسل يايمه على قلبي ... والله يهدي حال الجميع.. الله يخلي امهاتنا لنا يارب ...

 

[كويتيه مذهله 87]

الله يكثر هالبنات صادقيلج وحده وسولفي معاها بس لا تفكرين بالشيطان

 

[غَـنْـجَـى و دَلـوعْ]

حياتي إنتي ما عليه تحملي هذي أمج باب للجنة
و هالكلام بدال لا تكتبينه هني او تكتمينه و يجي يوم وتنفجرين
قوليه لها صارحيها فضفضي لها بس بأسلوب حلو و هادي
لا تروحين لها و إنتي مضغوطة و واصلة حدج لأنها ما راح تتقبل شي

الله يحفظج لها و يسخرها لج و يجعلج قرة عين لها .. صج أتمنى تصارحينها

 

[بنات شيوخ]

حياتي إنتي ما عليه تحملي هذي أمج باب للجنة
و هالكلام بدال لا تكتبينه هني او تكتمينه و يجي يوم وتنفجرين
قوليه لها صارحيها فضفضي لها بس بأسلوب حلو و هادي
لا تروحين لها و إنتي مضغوطة و واصلة حدج لأنها ما راح تتقبل شي

الله يحفظج لها و يسخرها لج و يجعلج قرة عين لها .. صج أتمنى تصارحينها

ياليت لو انا جرئيه واصارحها بس للاسف وحتى لو تقولين امي احس بيني وبينها حواجز يعني انا طبعي كتوووووووومه حتى رفيجاتي ما اقول لهم شي اذا انا متضايقه وبنات خالتي نفس الشي بس مو عن ثقه لا انا ما احل احب اكتم بداخلي طبعي جذي من صغرتي ما اقدر اغيره :cxxxp:

:stars::stars::stars::stars:

 

[SanYorTa]

رد : امــي وشنو اخرتها تعبت معاها اهي ليش جذي

الله يهديها ان شاء الله ويحنن قلبها عليج
بس مهما كان هذي امج لاتحاولين تعاندينها اوشي
حاولي تكلمينها توصلين لها الي بقلبج
او كلمي ابوج قوليله ليش مو امي توديني اذا تبين شي ؟

 

[ملواكي]

جم عمرج

 

[Tom ♥ Jerry]

.


مآ عليه حبيبتي !
هاذي آمـج و مأجورة صدقيني ان شاء الله =) ّ

قولي حق أبوووج يكلمهآ ..
خل يقولها بنتج مشتاقتلج تبيج تبي تحس أنه عندهآ أم
تطلع و تروح و تاخذ رآيها بآشيآء ..
و ان شاء الله تحس =) !