امس رحت وجهزت للبيبي بس ..

[camilia]

بـــــــــــــس أحس اني طلعت بمبلغ وقدره على خرابيط!

شريت تقريبا 6 افرولات ثقيلة نوعا ما قلت بخليهم حق نومت البيبي
مقاس نيوبورن

حق نومته وبعضهم حق قعدته بالبيت
لان ولادتي بفبراير فعادي ينام بأفرول شوي ثقيل؟ ولا حرام؟
بجرية وماعرف:eh_s(11)::eh_s(11):
واروح اشترله بعد ولا كافي 6 نيوبورن؟

2- ومقاس 0-3 خذيتله 4 بجايم افرول شوي ثقال و 2 خفاف

3-الفوط الصغيرة لمسح الويه خذيت 6 كافي؟

4- تبان نيوبورن بس حصلت واااحد
وخذيت مقاس 0-3 عدد 10 كافي ولا ازيد؟

5- خذيت 13 صيدرية :eh_s(10):

6-ملابس طلعة ماااعرف خذيت بس واحد 0-3 أما مقاس نيوبورن اساسا ماراح اطلعه اول اسبوعين برة فماخذيتله حق طلعات

هذي حصيلتي امس غير المصاصات والمميات وسوالف العناية بالبيبي

برايكم شنو احتاج ملابس بعد؟

 

[أ.بيشو]

هههههههههههههههههههههههههههه برايي انج حستي الدنيا وايد

انا بعد بجر بس سألت ..

اول شي ماخذيت ثقيل الا واحد او اثنين ما اذكر لان مو ذاك البراد وبعدين اهو داخل الغرفه دفا ..

والمقاسات اللي خذيتها 0-3 ماخذيت نيوبورن بس يمكن اخذ 2 حق المستشفي بس

واممم التبان مع كل افرول ولفه تبان وصدريه بس .. خذيت 5 زياده ..

والفوط الصغار همن خذيت 6 جنه ..والمميات والخرابيط ما بلشت فيهم

خذيت طقم من افكاري حلو حق استقبال وبطلب لي طقم ديور كاافي ..

بدل طلعه تو الناس اصلا عليها توه عنون وكله باللفه ماتوقع نحتاجهم ..

وامممم جيس وجنطه باخذ من العندليب شغله حلو حييل عجبني ..

احسج شريتي او بمعني اصح خربطتي وايد

 

[camilia]

مو انا سألت وسويت جدوول بس وقت الصجية ماذري شفيني لخبطت الدنيا
وبخصوص الشتوي المشكلة مو منزلين ربيعي
تشكيلتهم اليديدة كلها ثقييلة بس مو مشكله بيتنا السنترال ثلللج مايحبون الحر

 

[OM ZAHOOR]

أنا بعد بجرية ماشريت لي ولا شي
بس قاعده اسال اللي ولدو شنووو احتاج
والميزانية كم؟

 

[توحه1]

بنات ميزانية تجهيز البيبي ماتاخذ اكثر من ٣٥٠ دينار اذا مرتبه امورج وحاطتلج لسته وماشيه عليها مظبوط من الاهم لي المهم الي الكماليات وهذا المبلغ شامل البس لج وله وسريره واغراض سبوحه وكبته واحتياجاتج للمستشفى ماعدى كفرج وتوزيعج والموالح والحلو والقهوه والشاي والعصاير والماي والخدمه والفناتك المجموع بحد المعقول الولاده+ ٣٥٠ وشي بسيط وذرب وبحدود الميزانيه يطلع عليج كله ١٣٠٠ دينار من مجاميعه

 

[توحه1]

هذا معد الوسط اما في vip من ١٧٠٠ وطالع

 

[ام الحلوااات]

لا تـــكــــثـــريـــــن مــــلابـــــس الــنــيـــو بـــــووورن بــــســـرعــــه يــكـــبـــر عــلــيــهــا و اللـــــــه يــــســـهــــل عـــلـــــيـــــج ​

 

[تبطي عظم!]

ملابس نيوبورن الي خذبتيها كافي انا نفسج ماخذه٦ والي حددلي هالشيء السونار

كل مره كنت اسأل عن وزنه انا ماجهزت الا توني يوم دشيت الثامن وفعلا وزنه حبيبي صغيرون

اعتقد اكثر شيء لو بجيبه ٣ كيلو فراح يلبس نيوبورن اول اسبوع والباقي خذيت من صفر الى ثلاثه

تقريبا خذيت ١٢

التبانات لوووووول خذيت ٣٥ تبانه هههههههههههه نسيت نفسي ما ادري بس كلهم من ٠الى ٣ وبما انه البجر مو مشكله

بخش حق البيبي الي بعده ان شاء الله وع العموم البيبي يستهلك الملابس عزج الله ترجيع وتسريب من الحفاظه فكل شوي بتغيرين التبانه

خليهم ٢٠ تبانه ٥ كم طويل ٥ نص كم ١٠ حفر لان شهر ٢ خلااص مو ذاك البرد

اللفات روحي انار شغله عجيب واخذي ٤ بس كافي

والجنطه اخذي ٢ وحده كبيره اذا بتنامين عند اهلج ووحده وسط حق الطلعات العاديه تسيوره وجذي

البدلات انا خذيت ٤ بدلات من صفر الى ٣ وحده بلسه اذا طلعت من الاربعين برد شقتي

والباقي حق اذا زرت عماتي وجذي باخذه معااي*

 

[Ms.electric]

انا بعد بلشت اجهز بس مااا شريت وااايد

 

[camilia]

تبطي عظم عجبني ردك
واستفدت منه حيييل وكذلك باقي ردود البناات

 

[خفت أحبك وحبيتك]

ماشاءالله الله يتمم حملج ادخلي هالموضوع وادعي لي اكون حامل
http://www.q8yat.com/t877184.html

 

[نـعـومـه]

لاتكثرين ثقيل شهر ٢ موحيل حيل برد وثانيا غرفه مسكره دفا حرام يحتر

تبانات انا اشوف كافي ١٣ ١٥ بس اخذي بس ٥ نيوبورن

افرول بس وايد ٦ نيوبورن واخذي من ٠ لي ٣ اكثر شي ١٠ بس

 

[أم عبودي الكتكو]

الله يسهلج ....حبيبتي شهر 12اخر لي هلا فبراير كله خصومات لو تستفيدين منهم احسن

 

[camilia]

اذا شهر ١٢ تنزيلات عيل انطر
بس اذا قصدج تنزيلات فبراير ماقدر انطر ولادتي بفبراير

 

[pearl84]

حبيبتي لاتكثرين من مقاس البيبي بورن لانه بسرعه راح يكبر واخذي خامات قطنيه لانج راح تلفين البيبي مايحتاج ملابس ثقيله وايد ... وما يحتاج تشترين الحين ملابس طلعه لان راح توصلج هدايا فشوفي اللي تحتاجينه منهم ... والله يتمم لج على خير ... وادعولي الله يسهل علي ولادتي ​