امثـــــــــــــــــــــــــــال شعبيــــة كويتيــة قولو معاي

[keeka]

خوش امثال والله وايد من نعرف منها وانا اضيف عاد مادري مكتوبين ولا لاء
دهنا بمكبتنا
اللي ما يطول العنب يقول حامض
مد ريولك على قد لحافك
اللي يبي الدح ما يقول اح عاد مادري هالمثل يقولوون عيب وناس تقول لاء عاد انا مليش دعوه

 

[ii DareeN ii]

هلا هلا كيكه مرحبا
سباجه لايكون مثلتي وانتي تطوطين في جليب

يالله مثل هذا استخدمه وايد

جعل اليمه ماتعطي قرون جان شقت لبطون

 

[سبائك]

من قال ها سمع

أدعي على وليدي واكره الي يقول آآآآمين

ضربتين بالراس توجع

 

[شهدQ]

يه يه يه منتو هينين سباكه صح المثل ناقص خخخخخخخخخخ


عيل سمعو

الذيب ما يهرول عبث​

 

[شهدQ]

العين بصيره واليد قصيره​

 

[شهدQ]

الدين عماة عين​

 

[New Mum]

يوونس لموضوع قاعد يخليني استخدم مخي من زمان راكنته ! لول

اصابع ايدك مو سوا
ما بعد العود قعود
الدين عماة عين
لا بغيت تسأل عن البنت أسأل على أمها
دق لأمج مابي حيل دقي لريلج كلي حيل
قال من أمرك قال من نهاني
خبز خبزتيه يالرفله أكليه
دق على رباب تسمعك اليباب
يا خال أبوي حك ظهري

 

[سبائك]

دق لأمج مابي حيل دقي لريلج كلي حيل

خخخخخخخ هالمثل كله تقوله لنا امي ما ادري شقصدها :eh_s(10):

تقول لنا قومي لامج مافي حيل قومي لريلج حيل وحيل

 

[سبائك]

مو كل حمله بولد

 

[ii DareeN ii]

عاف امه وابوه وتبلى مرت ابوه

 

[ii DareeN ii]

هذا مثل كل تقوله يدتي لمى تشوف واحد يكسر الخاطر ومسوي مصيبه
على غرار كل ذي عاهه جبار


تقول يدتي لاتقول حق العمي واعزتاه منت بحسن من رب عماه

 

[سبائك]

كل طراق بتعلوم

 

[ii DareeN ii]

نواخذه اثنين طبعو مركب

 

[هندو]

يعطيكم العافيه

امثاالكم خطييييييييره بس في مثل ماافهمته اللي قالت عنه سبااائكك

قوولووولي شالسالفه ​

 

[ii DareeN ii]

اي مثل مافهمتيه سبائك قالت وايد امثال مسوين احنا مباراه قولي وسبائك بتشرحه ماتقصر

مثل : قطو وطقوه بمصير
المفروض وزاره التربيه تستفيد منا احنا بقايا الي حافظين التاريخ والي مجابلين الرعيل الاول

 

[jolie_q8]

مسمار بلوح

 

[jolie_q8]

طقني وبجى- وسبقني واشتكى​

من طق طبله -قال انا قبله​

 

[شهدQ]

بدعتو بنات والامثال ماتخلص

الشجرة اللي ما تثمر حلال قطعها​

 

[شهدQ]

هذا المثل ماادري قالوه او لا ؟؟

الفرس من خيالها، والحرمة من ريالها​

 

[شهدQ]

من طلع من داره قل مقداره​