امبييييييييييييه لحقوووووو عليييييي ابي احسن طبيبة نفسانيه بسرررعه

[!! دلوعته !!]

الله يكون في عوووونج

 

[لحظآتَ]

حياتي انتي
عورتي قلبي
طيب حسيت من كلامج انج حيل حيل حساسة !
يعني فيه شغلات مُمكن انا نطوفها شوي وما نقعد نفكر فيها بعمق عشان ما نتعب نفسياً..!!
مثل سالفة انتي فيج جنيه او انتي بويااا ..
عادي يعني اسمعي من إذن وطلعي من الثانيه !
شالمشكله اذا ابتسمتي وطنشتي كلامهم ؟؟
حاولي تدربين نفسج ان تتجاهلين بعض الكلام السخيف اللي ما يضر بشيء !!!
فكري تجاهه بإيجابيه وفكري إن لو تضايقتي راح تحققين لهم الهدف اللي يبونه
اللي هو [ ضيقتج وحزنج ] ..!!
فعانديهم اكثر بما انج تقولين ان طبيعتج تحبين العناد !
استغلي هالطبيعه وعاندييييييييهم بإصرار وإرادة .. ولا تظهرين لهم انج خفتي منهم أو ان كلامهم أثر عليج كلش !!!
سكبي لهم وعيشي حياتج وابتسمي واتّبعي الموضه مثل ما تحبين .. وكلامهم هوااء ولا جنج سمعتيه !!!

,


المشكله الثانيه أمج ..
بالعكس حبيبتي امج ذهبه . مو معناته اذا اهي ساكته انها خوافة ولا شيء !
لا بس هي بنت حلال وتبي الستر وما تبي تشتت الأسرة .. تبي تعيش حالها حال غيرها !!
فمفروض تحبين راسها وتحمدين ربج على هالأم العظيمة الله يخليها لكم

,

آخير شيء
أنا أأيدج على خطوة الاستشارية النفسيه
ترى بسيطة جداً .. مجرد انسانه تروحين لها وتسولفين معاها وهي بواقع [ خبرة ] تقدم لج استشارات نفسيه
تساعدج على تطوير شخصيتج .. من جانبها السيكولوجي ..!
وبس يعني لا تظنين ان الطبيبه شيء عيب ولا ما يروحلها الا المرضى !!!
بالعكس مُجرد اضطرابات نفسيه .. تستلزم وجود استشارية !


:


عن نفسي ما اعرف شخصياً أي استشارية نفسيه ..
بس اذا انتي جادة ابحثي بالجرايد الاعلانيه او فري على العيادات وشوفي الأنسب لج وتوكلي على الله

 

[ليش يازمن]

سلامتج حبيبتي والله يكون بعونج صج مرات الاهل نقمه الله يفرجها عليج اناكنت عند دكتوره نفسيه قبل وحيل ساعدتنى نسيت اسمها مومتذكره جنها فلانه الخميس مومتاكده عيادتها اذكرها بعماره مجابل كليه الطب اللي بالجابريه العماير اللي مناك عاد دوريها تكون عالشارع مبينه والله يفك ضيقتج وتقدر تساعدج

 

[دلع العتبان]

حبيبه قلبي


واضح انه انتي بالاول تربيتج وامج على الخوف وعدم الثقه بالنفس والواضح بعد انه انتي حيييل تهتمين بكلام الناس شي حقيقي وهالشي لازم تهتمين فيه بس مولدرجه انهم يجننونج ويخلونج تدورين دكاتره


حياتي الدنيا اهنيه كلنا نتعرض لسب لحقد وهم وكدر احيانا توصل فينا نحس نبي نختنق بس فيه رده لاخر المشوار الي تخليج ترجعين لامل ماله نهايه ورجعه حلوه ورجعه حنونه تخليج تحسين انه الدنيا ماتسوى وانه بات مظلوم ولاتبات ظالم وتفتري

رجوعج لله باخر اللليل والتحسب على من ظلمج اقوى انواع الاسلحه الي تخليهم يسوولج الف حساب ولانج بحمايه الله الي يشوفج ويسمعج ويحس فيج


محد بالعالم هذا كله يعرف شنو فيج لو تجيبين اكبر دكتور

لانج باعده عن الله ولذلك بتششتين وتوهين وتحسين انج مهما سويتي مظلومه

بس يوم نص الليل تصفطين سجاده وتبجين بحرقه وتتكلمين لله كانج تشوفينه اهنيه الحل اهنيه الراحه الي تحسينها يوم تحطين راسج على المخده وانتي ضامنه كامل الثقه بعد انه سينصرج الله ولو بعد حين لو بعد سنين

الحياه موخاليه كل شخص حياتي مهموم واكثر منج بعد ومشاكل تشيب الراس

الي تتهم بشرفها والي تنطق والي يتيمه لطعتها الدنيا والي والي والي بس الله يختبر الانسان على حسب دينه وتحمله وعلى النيات

انتي تحسبي وقولي حسبنا الله سيؤتينا الله من فضله انا الى الله راجعون

صدقيني مادام قلتيها بصدق وبكل ثقه اجل ثقي تمام الثقه انه الله بينصرج نصر يشفي صدرج من كل ضيق


عسى الله ييسر امورج ويفرج عليج ويوفقج حياتي

 

[قمر بيت أبوها]

حياتي انسي الدكتور كل الي بداخلك تراكمات انتي بنفس تخلصي منها كسريها كسره كسرها وقطيها
ولا تتذكرينه الا لما تخافين انك ترجين بالسذاجه اللي عشتيها قبل
وكل انسان لابد يمر بتجارب وذكريات مريره بحياته بس الأهم انك تحطين هدف قدامك والباقي طنشيه ولا كانك تشوفينه
وبدال ماتقولين اعطبيهم واجيب لهم
عطي نفسك جيب لها مو لبس ومكياج لا لا الهدف اكبر من كذا عطيها حسنات تنفعك بالاخره
واحتسبي كل شي عند الله وخليكي خير بنت بالعايله بالاخلاق والحكمه غيره مو مهم كلن يعرف يقلد حتي الاطفال
الله يسير امورك يالغلا

 

[غراوي]

الله يفرج عليج همج
انا بفهم انتي شتبين بالدكتوره النفسيه انتيمشالله عليج مبين عليج قادره تواجهين المشاكل وتردين وفيج خير رغم ضرهم لج
انتي تدرين ان البلا من عندهم غيره وحسد وتحبيط

انا مالومج كثرة المشاكل تحسسج انج بتنفجرين وتبين اي احد يساعدج
انتي اذا تبين تروحين لدكتوره نفسيه ر حي يمكن تحسين براحه بس تراها ماراح تغير من طبع اهلج واخوانج وبيظلون نفس طبعهم

ياحياتي اجل شتقولسن عني اللي امي مذوقتنا الويل والله ان طلعت من البيت نحس براحه موطبيعه وان دشت كل الارواح الشريره جنها تدش وياها ومشاكل
واللي ذابحني انها امي ماقدر اسوي شي لها اشوفها تظلمنا ونسكت
استغفرالله حسبي الله بس علي هالاهل

ربي يفرجها عننا وعنج
تكفين استغفري وادعي ربج يفرجها تتزوجين وتعيشين بحياة سعيده بعيد عن هالهموم

 

[ليش يازمن]

بنات اشفيكم ترى عادى الدكتوره النفسيه تساعد حيل في تغيير النفسيه مو معناته انها مجنونه للاسف اعلب الناس عبالهم الدكتور النفسي للمجانين بالعكس يساعدنا في التغلب على مشاكلنا وحيل يساعد ترى اللي كنت اروحلها استشارات نفسيه بدون ادويه لان الادويه تاثر عليج حيل نصيحه لاتاخذين ادويه وبالعكس حيل ساعدتنى الدكتوره خلوها ترتاح وتعرف اشلون تتغلب عالهم هذا وهم صح كلامكم القران والدعاء يريح اكثر من اي شي ثاني بس مافيها شي لا سعت ودورت شي يريحها ربي يفك ضيقتج حبيبتي ويعين كل مهموم

 

[_كلي دلع_]

الله يعينج ..

ؤيفرج همج ..^

 

[sadan111]

الأشكال هذه وانتي بكرامه لم تدع لنا مجال للتسامح .. دوسي وامشي

 

[Queenleo]

لوووول
جنج تقولين قصتي استغفر الله تذكرت المترديه والنطيحه من صباح الله خير
اصلا صرت من اشووف واحد متزوج ثنتين اقول عيال الاولى بيطلعون لعينين
ويطلعون عيون خوانهم :/
مو قادره أنسى لان ماعشت طفوله سنعه احس خربوها كلها خوف ومحاتاه
لدرجة اذا شفتهم يموتون جدامي ماعتقد بيأثر فيني
حسبي الله على الي في بالي

 

[نونه المنكوشه]

الله يفرج همج ويسرامرج

 

[f@rsaq8]

باسمة الكوس
مكانها بمجمع بلازا حولي

 

[وحيدة خالد]

الله يفرج همك