امبييييه وانا نازله سمعت زوجي واهله يحشون فيني

[miss abrar]

يمكن يتقشمر مو قصده مع ان الاصول يقولج قبل ... انا ما انتقدج بس ا بيج تراجعين نفسج هل انتي من نوع الحريم اللي عندهم سياسه ذا ريلي عنده فلوس اهريه طلبات وا خلي على قلبه فلس لأن فيه حريم وايد من هالنوع ؟؟؟ واذا ما كنتي من هالنوع مالله حق باللي سواه الا اذا كان شاف خواته قبل ليصعدلج وقالهم وكان بيقولج عقب ما يصعد وكلامه ان لا تقولون للي فوق قشمره مو اكثر

 

[دانة الروابي]

جان نزلتي وهزأتيهم وهوفوقهم بعد
ياسلام ماكو شغل
دام انه يبي يصرف على خواته ليش ياخذ بنات الناس الله يسامحه


سوري انفعلت بس شسوي سالفه تحر

ترا مافيها شي اذا عطا خواته هذيل من دمه ولحمه بس هم لاينسا حبيبته ام عياله وخواته حتى اذا ماتحبينهم اكيد اهو يحبهم

 

[غلا قطر 87]

لو انا منج جان اقط عليه كلام احرق قلبه
بس خليج زعلانه منه ترى الزعل مش عشان الفلوس لا عشان الكلمه اللي قطها جدام اهله مب حلوة امه وخواته شو بيحطون ف بالهم عنج ان انتي صريفه وانتي وانتي حركته كلش مب حلوة ولي يا كلمج وفتح معاج الموضوع او بيعطيج فلوس لاتاخذين منه ولاتسكتين عن حقج لان لو سكتي عن هالموضوع بيتساهل بوايد اشياء وكل مره بيغلط عليج جدامهم وبيقول عادي تراها بترضى ف النهايه ول بيهمه شي حسسيه انه غلط بحقج ولاتاخذين منه الفلوس لي عطاج وف النهايه فهميه ان زعلج ماكان ع الفلوس كان ع الكلمه اللي تجرح..

 

[لوكي 22]

الله يهديهم ويسخرلج زوجج

 

[suad_71]

:klhfl:حبيبتى ذكرى الله انا معاج ان الكلمة الى قالها تضايق واتحر بس يمكن الريال يبى يسوى لج مفاجأة وما يبيج تدرين

 

[نــوف]

زوجج مادي .. أكسري عينه ولاتطلبين منه شي .. خلج عزيزه نفس

وراح يتغير ..

 

[جلاديلياس]

والله مادري شقولج حبيبتي الله يكون بعونج

 

[Q8NV]

امبيه ليش جذي انتي لج الحق بمعاشه مدام وايد مو عاملج احساب على اي اساس متزوج اذا ما يبيج تعرفين شي حبيبتي خلي شخصيتج قويه وقوليله اذا ماتبيني اعرف اي شي ومعاشك بتوزعه وانا اقعد ليش شنو انا خر من يعلم والا ابي ابوقك امبيه تصرفه غريب وايد غريب شكو انتي مرته ام اعياله يقول لا تسمعنى الي فوق الله يعينج شكل الاميه قالبه راسه عدل وانا اقولج طلبي منه واخذي والا باجر بوزع وانتي حطي ايدج على خدج وكل ما ياله شي كشت فيج وقال هذي ما اتحجى شنو هذا زوجج ملزوم يصرف عليج ويعطيج ويشوف طلباتج ترى ريال على ما تعودينه نصيحه اذا طوفتيها هالمره المره ثانيه بطقج بطوف وكيفيج هالمره سالفه افلوس وبعدين اييب مره على راسج

 

[غلاي غير]

الله يهديه يارب
يمكن السالفه فيها فلوس ورث او شي مو معقوله اثر رجعي من الدوام مااعتقد والا كان قالج وهالسالفه ماتخص اهله

المهم المفروض تعاتبينه على هالكلمه بدون صراخ ولابجي
قولي له لاتسمع الي فوق الي فوق مالها اسم والا موشايفه خير وخير ياطير الفلوس تجي وتروح والي شايف خير مايخشه اهلك على العين والراس مدامك اخترتني اعيش معاكم لاتسمعوني كلمه تحز بالخاطل على العموم هالكلمه بقلبي وماراح انسها منك وخلاص بيحس وبيحترم نفسه وشوفي شنو بيصيير

 

[تفاحه كويتيه]

الله يعينج

 

[م.فوفو]

الصراحة...محد يقدر يحل هالسالفة إلا انتي

ولاتتأثرين بكلام الغير لأن مهما قلنا راح يظل هناك خفايا مايعرفها إلا إنتي

وموعدل أني أقولج شنو تسوين وانا ماأعرفج عدل ولاأعرف طبايعج معاه

يمكن إنتي غلطانة بشي معين من ناحية الفلوس وعلى هالأساس سوا جذي
فبهالحالة لازم تصلحين أخطائج الأول وعقبها يكونلج رد حازم على الموضوع عشان لايتمادى ولايكررها
ويعملج ألف حساب..لأن المهم اللي يصير من ورا الإنسان..هالمرة سمعتيه صدفة
مايندرى المرة الياية شنو يصير.
بس أهم شي الهدوء وان ماتكبر السالفة وإنج تتناقشين معاه من غير تطاول بالكلام..
عشان يذكرها لج ويذكرلج دايما إنج تحترمينه حتى وأهو غلطان..فتنحسب الشغلة لصالحج...فاهمتني حبيبتي؟؟
وخصوصا إذا كنتي توج متزوجة..ترى المشاكل في بداية الزواج بسرعة تتفاقم وتكبر..فديري بالج وانتبهي
وسامحيني على الطوالة...

 

[tota kim]

اللي يحر مو انه ما قالج عن الفلوس
لأ
اللي يحر لما قال سكتوا لا تسمع اللي فوق

لو انا جان عقب السلام قلت له جدامهم لا حبيبي اللي فوق ما تبي منك شي

خل يعرف انه المفروض ما يحش بزوجته عند اهله

الحين اللي صار صار وخلص الموضوع

اللي تسوينه سكتي ولا جنه صار شي

المهم طلعتي اللي بقلبج وبينتي له انج سمعتيه يتكلم عنج

سكتي ولا تكلمينه ولا تفتحين الموضوع مرة ثانية

حسسيه انج حاقرته وانج مو مهتمة بالفلوس​

صح كلاااامج وانا معااج بالررررد

 

[حجيه هيونه]

زين يمكن يتغشمر !!

يعني وايد تصير مثلا لما احد تجيه فلوس يقول سكتوا لاتسمعكم فلانه مثلا تكون امهم ولا اخت احد يعني هذي السالفه احس وايد الرياييل يقولونها بغشمره والي جاي مرده لها ولعيالها ؟؟

 

[om MaRyooM]

الظاهر خواته واهله مخربين تفكيره عدل ولافين مخه ..
بعدين شكوووو يتقاسمون لووول شنو ورث ولا شنو

اصلا هالفلوس حلاله وحلالج صراحة لازم يعطيج منهم .. وبغض النظر عن الفلوس شي يبط الجبد انه يخش عنج ويقولهم هالجملة

عموما لازم تطنشين لأن ممكن يقول هذي همها الفلوس ورح يخش عنج المرات الياية ..

ونصيحة اكسبي زوووجج وخليج صديقته عشان يكون دايما صوبج ويصير يخش عنهم مو عنج

 

[dm al'3azal]

طلبي هدية ذهب ولا اي شي تبينة على كلمته( هذي اللي فوق) شنو خدامة انا ما ابي اشيش بس بدلعج طلبي لاتخلين حق خواته يتعودون وانتي تاكلينها لا من فلوسة ولا من الثقة اللي بينكم بدلعج طلعي معاة وشتريلج كفر فخم مو اي شي انتي اولى ولا تقوليين انا حساسة مابي شي يبيها من الله ماتطلبين طلبي

 

[ساره الاماراتيه]

أنا انصدمت من رد البنات بدال ما يهدون من زعلج قاعدين يزيدون الطين بله .. حبيبتي انتي أدرى بزوجج وتعرفين شخصيته يمكن السالفة فيها نوع من الخصوصية مع أهله مو شرط تعرفين الموضوع حتى انتي لما تكونين عند أهلج راح يقولون لج أسرار ويقولون لج لا يدري زوجج.. حبيبتي مشاكلنا مو شرط ننشرها ونخلي أي أحد يدور على حل لها انتي ما تعرفين أعمار اللي يردون عليج وشخصياتهم لا تحلين مشاكلج بآراء غيرج.. وأهل مكة أدرى بشعابها!!!

معاج ميه ميه ....بعدين انتو ما تعرفون شو الموضوع ...يمكن يبغي يسوي لها مفاجأه عشان جيه مايبغيها تعرف ... وبعدين تستوي يا بنات يعني مرات انتي تكونين مع اهلج وتتكلمين عن زوجج ..عادي تستوي ...لا تكبرين الموضوع ...

 

[شيخة الحلوة]

بنات صدمتوني بردودكم

يعن يالبنية المفروض نهديها ونريح بالها مو نزيدها شقا وهم
وضيقه ونحرشها على زوجها


خلاص موقف صار وخلص

شنستفيد من التحرش الزايد الله يهداكم بس

 

[كرامتى تهمنى]

حبيبتى لا تتسرعين الهدايا زينه وياما ناس تفرقوا وتزوج زوجها سوى نفسج طاف بس قوليله لازم تبلغنى لانى اقرب الناس لك لاتخاف حلالى من حلالك وبالعكس لو تبي تعطى خواتك مافيها شي اهلك هذيل؟؟عرفتى كلش ولا اهله مثل اهلج عامليه كل وحد ماترضى على اهلها صح ولو انه اخوج يقولج نفسه مافيها شي طوفى ترى الرجال يحب اللى تحب اهله ويشيل بقلبه كل كلمه قلتيها >والله الهادى

 

[حبك سراب]

انا مستغربه ليش يقول هالكلام يعني علشان لاتدرين ان بيعطيهم او علشان لاتطلبين منهبس مهما كان مفروض مايتكلمبهالطريقه وانتي قولي له اذا انا ماابي منك شي بس والله يغنيني عن فلوسك بس مفروض ماتجيب طاري عند اهلك وبهالطريقه مفروض بينااحترام ولاتزعلين بس خليج ثقيله ولاتعطينه وجه اهتمي بنفسج وونسي عمرج خليه يحس بالذنب

 

[moone GRL]

يا معوده هذي ولا غيرها

توقعت حاشين فيج او قايلين عنج شي


عموما لو اني مكانج اطنش ولا حتى افاتحه بالموضوع لانه الفلوس ما تهمني صراحه