امبييييه وانا نازله سمعت زوجي واهله يحشون فيني

[كويتيه وافتخر]

عديها له بيتغشمر مع خواته حتى اهما لمن قالوا وزع علينا يتغشمرون

ميخالف زعلي عليه شويه صيري رسميه كلميه بثقل صدقيني بيطيب خاطرج وبيراضيج

 

[جميله مالها حظ]

هذي ميزه بزوج الكويتي

 

[شــــــوق~]

حركته موحلوه بالمره يعني انزين نزلتله فلوس ويبي يعطي خواته بس شكو يقول لخواته لاتسمعكم اللي فوق ليش هالحقاره جدام خواته ليش يبين لهم انج غريبه مومن حقج شي من هالفلوس عاد جدامهم على الاقل يسكت ولايجيب طاريج لخواته
انا احتريت اعذريني عشانج لو ساكت وقايل لخواته ابرك عن الفلوس ولايجيب طاريج شنو هالاسلوب لاتسمعكم اللي فوق
اللي فوق انتي زوجته ام عياله ابرك من خواته له

 

[Bent Ameer]

الحين ما يصير الزوج يعطي خواته هذولي خواته

انا قبل لا اتزوج كانو اخواني يصرفون علي واهم متزوجين وعندهم عيال شنو فيها

ومشكلتج ع الكلمه اللي قالها

لا تسمع اللي فوق

انتي مو ميته جوع عشان يقول جذي

بس نصيحه طنشي

ولا تفتحين الموضوع وهو نفسة راح يجي ويقولج السالفه

 

[Ba$ko0oTa]

اي شي والله
ليش جذي مو حرااام
انتي مو نصه الثااني
شلوون يتكلم من ورااج الله يساامحه
ويهديه

 

[Anwaar]

وااااااااااااااااااااااااااااااااااااايي

عورتي قلبي

موقفج حييييييييييل صعب !!

شدعوة مو نازلة 100 هذيلي 2000 ما يقدر لو يعطيج 100 ولا هالكلمة البايخه !!

الله يهديه

 

[دانة)))]

الله يعينج عندنا وعندج خير

 

[um hamed]

عادي كلمة وانقالت
لو ناطره عليه ومعاتبته من غير مسج واستجواب احسن
ويمكن خواته قالو هالكلمه من باب الغشمره وزع علينا
شوفي هذا ريلج وانتي ابخص فيه منا

 

[نورهـ]

القهر انه حش فيج عندهم والاا الفلوس بالطقاق وقوليله انا شايفه خير ومو جايتك من مجاعه واذا عن خواته مافيها شي لااعطاهم هو وخواته حر بس اهم شي مايقصر عليج وانتي ازعلي وانتي عنده لبيله كل طلباته بس خليج رسميه وياه خليه يحس على دمه شوي ليش يحش بزوجته اقرب الناس له وشريكة حياته والله يعينج ياقلبي

 

[عنزيه وافتخر]

عن نفسي اشوفها عادي!!!!!!!!!!!!!!
تدرين واي؟؟؟؟؟
تعودت:0bee2e8d89:
اللة كريم اللة كريم يطيب الجرح الاليم

 

[♥ąϻᴑŁ♥]

كلمته مو هينه ...

الله يكون بعووونج ..

 

[الفرح والدلال لي]

انا اللي بط جبدي سالفت سكتوا لاتسمع اللي فوووووق
منو هاذي اللي فووووووق موزوجتك
عيب والله عيب هالحجي
قوليلة اذا انت ماحترمتني جدام اهلك وتخش علي وبعلمهم
شلون تبيهم يحترموني لازم توصلين هالمعلوووومة حقة

 

[om-HaSsoOon]

ويع عاد اخس شي لما ريلج اللي ماخذج يحش فيج عند اهله او احد ثاني

طبع كلش مو زين وانتي يا غافلين لكم الله ماتدرين عن شي على نياتج

ماحب جذي انقهر صج واكرهه

يعني فوق انه خاش عنج سالفه الفلوس على قولتج مادري جنج بتحسدينه والا تحترين منه ، هم يحش فيج معاهم

كلميه قولي له مو سالفه الفلوس اللي عورت قلبي وبالعكس اتمنى لك كل خير بس شحقه تخش عني وتحش فيني انا مرتك اليوم تخش عني وتحش باجر شتسوي

 

[الغاليه نونو]

ريلج ناقص عقل وغلط الشرهه مو عليه الشرهه علي امه والله لو ولدي يقول جذي عن مرته جان اراويه نجوم القايله


شنو اللي فوق ليش انتي مرته والا مستأجره عنده

المفروض وانتي نازله وسمعتي السالفه جان قلتي حق خالتج افا بس ياخالتي هذا وانا بحسبة بنتج اشلون تخلينه يقول عني جذي وانته ياريلي مايصير خاطرك الا طيب لك اذن من طين واذن من عيين ومابي اعرف شسالفه وعليك بالعافيه وطنقري وروحي دارج
ون ياج بيراضيج قوليله انت حط نفسك مكاني وتخيل الموقف وابي تقول لي وتحلف لي بالله اشراح تكون ردة فعلك
بس مابي اصير ناقصة عقل واسوي نفسك كل اللي ابيه ترد لي اعتباري جدام اهلك تفتح الموضوع وتتنااقشون فيه بوجودي وتعطيني مجال اتناقش معاكم فيه اذا انت ريلي ماتحفظ كرامتي جدام اهلك اشلون بيحترموني ويحبوني انت باسلوبك هذا تخليهم يكرهوني بدون سبب وهالشي مارضاه يصير بيني وبينهم لاني احبهم وكلهم بحسبة اهلي
ب
كسري عينه بجم كلمه طيبه وشوفي شيصير لج وقوليلنا

بس ماوصييييييييييج خلي كلامج معاه بقمة الانوثه والاحترام

 

[الصعيريه]

شلوون يقول جذي لخواته مهما كاانى انتي مرته المفروض انتي اول وحده تدرين بهالشي..

شنووو اسكتوا لاتسمع اللي فوووق !!!! صراااحه ماكو اسلووووب المفرووض يحترمج بغيابج
حتى لو انج موضفه او صرفج واجد انتي احق بالفلوووس ..

شي يقهر..:0bee2e8d89:

 

[دفي قلبي وحنيني]

واللـــــــــــــــــــــه مادري شاقولج انتى ادرا فيه

شكله باط جبدج شوي بس شنو تسوين بعد ترااا علاا فكره مشكلتج بسيطه انتى لو تشوفين مشاكل غيرج مع ريايلهم بتهووون هالسالفه بعينج

انتى اتتعرفينه واتعرفين خواته اذاا حاسه انهم يستهزؤون شيلي روحج عن البنات بس لااا تقطعين الرحم
وزوجج انتى ادرااا فيه
اذا اهو مقصر ولاااا لااااء
وزوجج شكله حليوو الى معلم خواته اللي غيره يحطهم بطه ولااا يتكلمم
فيه ريايل علاا قلب خواتهم بذات اذا اكبر منه
اللي مايعرف الريال انه اذا كثر هذره قل قدره انا ماحب الرايال اللي يحب السوالف

الله يهـــــــــديه لج

 

[شمس الشموسة]

حبيبتي، قولي له انا ماهمتني الفلوس، انا همني احترامك لي، اذا انت ما احترمتني وقلت جدام اهلك (لا تسمع اللي فوق) اهم مابيحترموني

وعلى فكرة، احترامهم لي من احترامهم لك، يعني انا مرتك واذا حشموك حشموني والعكس صحيح، بس انت نزلت مكانتي عندهم بطريقتك هذي!

 

[مراسي الشوق]

والله حاله لا تدري الي فوووق جد كلمته ما اتطوف لو انا منج اقوله مو بعازة فلوسك بس عيب تتكلم عن زوجتك وام عيالك جذي جدام اهلك لو صج لي مكانه بقلبك

 

[شمرية لي الفخر]

يابنت الحلال


كبري دماغج وطوفي

 

[سنعه بس مظلومه]

والله مآدري شنو اقول بس فهميه انه انتي زوجته ستر وغطى اذا هو حش فيج جدامهم يعني عآدي بيفتح لهم المجآل يطيحون فيج حش بس اذا على الفلوس بالطقآق الفلوس تجي وتروح .الله يحببه فيج