امبييييه وانا نازله سمعت زوجي واهله يحشون فيني

[جنون اندرو]

صدقيني حدي فاهمتج ومقدره موقفج ،،، مثل هالمواقف هذي كانت ولازالت تصير معاي ،،،، لاتحرين نفسج على كلمته لأنج بتضرين عافيتج ونفسيتج واهو ولاهمه .... بس خلي الموقف هذا درس لج فلاتحطين كل ثقتج فيه ولاتخلينه يعرف عن كل امورج الشخصيه او امور اهلج او امورج الماديه مادام يخش عنج اموره ويقول كل شئ لخواته .... خليج ذكيه بتعاملج وياه وهم حاولي انج تكونين قويه بشخصيتج وفرضي احترامج عليه وخاصة جدام اهله ولاتبينين لهم انج سمعتي شئ ولازم تفهمينه ان الفلوس ماهمتج كثر الثقه والمحبه بينكم ... عسى الله يهديه لج

 

[ياعيونك]

ماقريت كل الردود

بس بصراحه ماعجبني تصرفك حيل

شكو ترسلين مسج وشكو تقولين له انج سمعتي

انزين هالمره الله ساعدج وخلاج تسمعين بعدين يمكن يصير شي اكير واقوى

وانت ماتدرين

المفروض يكون عندج نظره بعيده

وتحاولين اتعرفين ليش قال جذي

وتتضايقن من نظرته لج

وتسالين روحج هل انا عبء على زوجي او لا

واذا انتي من الناس اللي اذا تبي شي تحن وماتعرف اتوضح طلبها وتوصل لزوجها

اهميه الشغله اللي تبيها

اتغيرين من طريقتج

مو اتروحين اتقولين

بعض الامور ماتنقال

وسوري بس حبيت انصحج من ضميري والله

 

[موت الحمر]

و الله صراحة انا اشوف انج غلطانة الفلوس فلوسه و اهوا حر فيهم بيبي يعطيهم حق خواته يبي يحرقهم اهوا حر دام ان مو مقصر عليج مالج شغل فيه

 

[الــزيــر]

السلام... مثل ما انتي لج حق بلفوس هم خواته له حق بلفوس وما تدرين يمكن الظروف محتاجين ولا تاخذين الامر بعصبيه قعدي وياه وسألي مو جنج مطرشه مسج وجنه متهم هذا غلط اكو اسلوب انثوي وخطير والاسلوب انثوي الخطير يعني المراه القنوعه وتجذب ريلها وتفاهم للوصول الحل حتى لا يقع بينكم المشاكل والله لا يقول وبالختاام الفلوس ليس مهما بالحياه والمهم هو الصحه والعافيه وجمعه الاهل واليهال تسوى كنوز الدنيا وما فيها واسأل الله العلي القدير ان يحفظج ويهدي زوجج وانتي وكافه المسلمين ...... وشكرررررا ((((( صوتج وصل ))))))

 

[nwarah]

حبيبتي مالج شغل بالبنات الي يشيشونج تبين الصج وبدون زعل
مالج حق تعرفين شنو الموضوع اللي بينه وبين اهله
واهو لما قال لا تسمع اللي فوق عارف بتسويله سالفه
ماتدرين يمكن كان متسلف منهم او يبي يساعدهم بس ماله خلق حنة الحريم و ترا اللي مافي خير حق اهله مافي خير حقج

 

[om reem 86]

وااااااااااي انا اموت من القهر ما استحمل هالكلام واروح واكلمه واناقشه

 

[خوخة الحلوة]

حياتي انا والله انحريت منه
بس ياحياتي تحسبي
انزين ريلج ليش جذي انتي توج متزوجة او من زمان
وريلج من العادية يقولج اسرارة او لا
انا انصحج ان جدام خواتة بيني انج تعرفين شوفي شنو ردت فعلهم

 

[ZoOoz2]

الصررررررررررررررررررراحة المشكلة مو في الفلوس المشكلة في الكلمة الي قالها

بس انتي كان المفروض انج مو على طول اتواجهينه جان صبرتي اشوي وتقصيتي عن السالفة يمكن اتكون مو في الي ابضنج

وبعدين عادي يكون بينه وبين خواته شغلات خاصة

في اشياء اتكون خاصة بالعايلة مو شرط الجنة اتعرفها

الحين انتي ريلج يدري عن كل شي بينج وبين امج او خواتج او اخوانج

 

[msmshasnsn]

صرااااااحه قهر

 

[toooota2404]

والله هذا ما منه امان

 

[StrOnG WoMeN]

الله يهدي ماحبيت اطلع بدون رد
وربي لايجيب الزعل بينكم لاي سبب من هل مواضيع
موفقه

 

[خربوشة ملونة]

هدي اعصابك مافي شي يسوى...تحرقين اعصابك عليهز.عارفه كلمته قويه... بس خلي تفكيرك ابعد هو لو لا حظتي ما شتمك ولاقال فيك كلمه موزينه ..قال لا تسمع الي فوق ...وفيه اسباب كثيره .. الله اعلم بها سبقت هالكلمه..يعني فعلا ممكن اخواته متسلفينوفعلا مايبي ينحرج قدامك وتعرفين بسالفه الفلوس عشان بيسدد لهم فيها...ويمكن..الفلوس مب من شغله ..او مايملكها ..مثلا بايعين شي من حلالهم ...عشان احد محتاح منهم وبيتقاسمون الباقي.. ومايبك تعرفين عن حاجه احد من اهله للفلوس ..مثلا ..وهدا من حقه ..اسرار عيلته ..يعني مو قصده يسب فيك...او ورثو شي او باعو شي وخواته محتاجات فييعطيهم حلاله ..والاحتمالات ..اكثر واكثر من كدا... اخدي الوضوع بحسن نيه..من داخل نفسك ولا تزعلين
اما قدامه ..مدام قلتيله بيني انك ..مكسور خاطرك وسرحانه ادا شفتيه... ولا تتكلمين في الموضوع ابدا ..وخليك عادي معاة نفدي اي شي يقوله وخليك طيبه بزياده معاه بس حزينه.. وصدقيني مهما طالت المده ...بيحس بغلطه.....وحتى لو ما قال لك شي بيجي وقت وتعرفين ..واهممم شي ياحبيبتي هدددددددددي على الاخر..لمصلحتك

 

[خزامى]

أختي الحبيبه:أتمنى تستفيدين من كلامي أولا أفضل شي إن الزوجة ماتحشر نفسها بين الزوج وأهله(يمكن كان بسكتهم)وثانيا إن ماسواها وعطاج عن طيب نفس ماراح يكون لها لعنا
والفلهس سبب تافه فلا يخرب هالشي علاقتكم

 

[∫ ∫ ∫ ∫ جــوان ∫ ∫ ∫ ∫]

أنا رجلي ما يدخل فلس حمر الا بشوري يابعدقلبي .. أصلن المعاش ينزل بحسابي .. ويطلب مني مصروف كل يوووم بس ماعطيييه أخاف يتزوج علي فديته ... الرجاجيل مالهم أمان ... طول ما حليمه موجوده ... على فكره تراني أشبها ... وأنتي فديتس طلبي ال2000 كامله أشتري فيهم مكياج بيضون مسوي تنزيلات وقمصان نوم من فاشن مل بالعنود تحت فديتس وتهني بعيشتش ولايهمش يالغلا

من صجج انتى هالحجى ولا تستعبطين؟؟؟؟؟؟؟؟؟؟؟؟؟؟

اذا صج كلام على قولتج مع انى مو اشك الا متاكده انه جذب
فاسمحيلى الى يعطى زوجته راتبه كله ويطلب مصروف مو رجااااااااااال

بعدين مو توج كاتبه موضوع انه يخزخز وتطلع ريحته !!!!!!!!!!!!!!

 

[DeCeMBeriNa]

السلام عليكم ورحمة الله وبركاته
شلونج اختي ان شاء الله طيبة؟
انا سجلت عشانج بالمنتدى عشان ارد عليج
اختي بأي موضوع خاص فيج وبريلج حطي جدامج ميزان
كفة توزنين فيها الامور
جدامج حلين:
يا انج تكبرين السالفه على كلمة بصراحة ما تسوى " لا تدري الي فوق " وتسببين بمشكال بينج وبين ريلج ويمكن تبنين حاجز
او
انج تكبرين عقلج وتاخذين الموضوع بشكل ايجابي... قال لا تدري اللي فوق... شنو يعني؟ خير يا طير؟
طلعي كلمة سلبيه بالجملة " لا تدري اللي فوق" لا استخدم فيها الفاظ بذيئة تخدش الكرامة مثلا ولا شي...


ان اخترتي انج تكبرين عقلج يكون افضل لج... واهله اهلج الحين من اول يوم خذاج فيه ... اعتبري خواته خواتج وبسطي الامور
طالعتله 2000 دينار عليه بالعافيه الا ان كان لج استعداد انج تسببين التعاسه حق نفسج

وبعدين الرياييل جذي يحبون يسوون روحهم شخصيه جدام اهلهم ان ما يبي يعلمج ان طالعه 2000 عساس لا يقولون سكانه مرته او شي
تلقينه طول حياته معطينه هيبته بين خواته واهله وما يبي هالهيبه تهتز جدامهم ان دروا ان يعلمج بكل صغيره وكبيره

وانتي حره



تعوذي من ابليس لكل منا سلبيات والريال مو معصوم ولا انتي متزوجه ملاك لا يوسوسلج الشيطان...


اقري سورة الناس وصلي ركعتين ...


ودلعي زوجي وطوفيله ... القرار قرارج يا انج تاخذين الموقفه بايجابيه وتعشين متهنيه يا انج تاخذينه بسلبيه وتسببين بفتور بحياتج الزوجية


وسلامت عمرج

 

[أنين الورد]

ما ادري اختي بس يمكن حدج مسرفه ..ويمكن كان يتغشمر يعني لا تظنين سوء في ريلج .. ويمكن طرا الموضوع قدام خواته قبلج من دون قصد ..
لا تسوين منم الحبه أبه على قولت اخوانا المصريين
وانتي ادرى بريلج منا احنا

 

[mthayl]

كااااااااااااااااااااااااااااااااااااااااااااااااااااااااااااااااااك والله ضحكتيني الضاهر انج فاصله قبل شوي كاتبه عن ريلج ريحته صنان وخزخز البنات والنصيحة اللي حطيها مني عن بيضون طبقيها على ريلج والله يهديج يا شبيه حليمة كاااااااااااااااااااااااااااااااااااااااااااك

 

[Sugar Bunny]

الله يعينج عليه كل شي و لا البخل

 

[بيرل هلبر]

انا محايده مع وضد ​

 

[((shoOoshoOo))]

الله يهديه ماكان المفروووض يقول جذيه
الله يسخـره لج