السالفه ومافيها انا مملك لي اكثر من شهرين
طبعا مافيه بيننا زيارات ولا نظره شرعيه وحتى الجوال يالله يالله ترد علي بالرسايل بس
انا بعد شهر من الملكه جزمت اني ابدا اراسلها مع انه حتى المراسله مو متعودين عليها <<< للحيننا على النظام القديم
وانشطفت اول اسبوع بالرسايل بس ازعجته يما خليته ترد
وطبعا مافيه امل اكلمها لان مو متعودين على كذا مع اني طلبتها بس رفضت ..
والحين وضعنا زين بالرسايل بس اغلبه استهبال وتعليق
انا الحين اعاني من حاجتين ,, الاولى انها للحين مو معترفه فيني كزوج ,, او خطيب .. او شي
احس اني صديقتها
لحد الان ماذكرت اسمي ولا اي شي يدل على اسمي او شخصيتي لها
تناديني بلقب طلعته من نفسه كانه اسم شخصيه كرتونيه
ولما سالتها وش تعتبريني تقول اعتبرك انسان من بني ادم
يعني مثلي مثل اي واحد بالشارع ,,, وعذرها انو للحين ماتأقلمت على اني راح اكون زوجها
طبعا هي قريبه مني حيل بنت عمتي ومو صغيره حيل عمرها 24 والمشكله لي 3 سنين خاطبها بس مابيننا تواصل
معقوله ماتاقلمت ياناس
وكمان رحت لبيتهم قبل كم يوم وسلمت على عمتي وعطيتها هديه لزوجتي عباره عن طقم ذهب وعطورات وكمااان للحين الوضع ماتغير نفس اسلوبها ماتغيير
والي قاهرني اني من يومين كنت اصارحها كيف اخترتها وليش اخترتها ولمحت لها اني اعشقها
ولا كاني قلت اي شي وراح كلامي في الهوا ,, ومنها تحطمت وخففت الرسايل
وخلاصة الموضوع .. هل انتم مثلي اذا تراسلتو مع خطيباتكم يعتبرونكم شي عادي في البدايه
او بس انا
وعندي سؤال ثاني .. هل الي يتراسلون مع خطيباتهم يتراسلون يوميا او كل يومين او 3 او اكثر
لاني انا يوميا اراسلها بس اخاف اكوون حيل مسختها يوميا مراسلها
فكرت اني اثقل عليها شوي واراسلها كل 4 ايام او 5 ايام زينه او لاااااااااا
اسف طولت عليكم وعندي الكثير والكثير بس اختصرت لكم الزبده
واتمنى منكت تفيدوني لما هو خير وشكرااااا ..
