امبييه لحقوا علينا ابوي ينن البيت والله

[alllah yaster]

بنااااااات مااادري شسوي
بدش بالموضوع دايركت
اول شي ابوي ريال من الطراز القديم وكان بالجيش
يعني جدا تعامله مع الناس قاسي وشراني حتى مع عياله
وكله يجرح عياله وامي قبل امس كان في زواره وكل اخواني وخواتي الكبار المتزوجين كانو ابيتنا و كانو يبجون لان مرت اخوي حاشها كانسر الله يبعد عنه شره ويشافيها يارب
استغفرالله قام يضحك ويقول خلها تموت جدام اخوي ريلها يجرح وايد عصبو عليه يعني ليش جذي يقول
واهو يضحك ويقول جذابين انتو ماتبجون انا اختصرت لكم

وامس حط حرته فيني انا وامي وخواتي اللي اصغر مني واخوي اللي بالبيت ويانا عمره 25 ومو متزوج وبالخدامه والسايق

امبيييييييييه امس حاشتنا هستيريا والله والله قمنا نركض ننحاش منه قاعد يطقنا كلنا
فجاه امس الصبح فصل طق السايق بدون اي سبب
جان يصارخ ويذكر اسامي اخواني وخواتي الكبار قام يقول فلان عافني فلانه عافتني (ما الومهم اذا صج عافوك) والله العظيم الكل يخدمه ويحبه بس ماكو تعامل ويانا زين كلللش وكله يسب حجي وصخ حتى ابناته ويطعن بشرفهم وبشرف امي المسكينه الطيبه اللي بس تسكت واهو يذلها ويهين فيها الله يحفظها لنا يارب

احنا اهني سكتنا الخدامه المسكينه كانت قاعده تنظف الديوانيه واهيه عندها تلفون حتى ابوي معطيها بس ليش لانهم يساعدون امي الخدم وامي حابتهم واهمه حابين امي وامي كله تمدحهم ابوي الا يسوي مشكله ويسفرهم امي كانت مع الخدامه تشتغل جان يدق تلفون امي وابوي عباله تلفون الخدامه جان يسحب تلفون الخدامه منها ويزفها ودش داخل البيت وقعد اخوي من النوم جان يقوله افتح لي تلفونها جان يقول مايتبطل حاطه رقم سري وليش شنو فيه؟ قال تلفونها دق .. قال اي شنو مو انتو معطينها تلفون عادي يمكن اهلها اللي داقين؟ جان امي اتيي وتقول تلفوني انا اللي دق مو تلفونها وراح طق امي :| اخوي سيده قام و وقف ويا امي وقاعد يحاول يفرق عاد سمعو اهني السب والشتم والطعن والتهديد بالطلاق باكثر من مره!
واختي الصغيره ام 8 سنين تسمع وتشوف! مو حرام!! مو عيب!!!

جان ينادي اخوي عشان يترجم حق الخدامه ويترجم حق ابوي، اخوي كلش مايحب احد يطق الخدامات لانه حرام واخوي فيه دين جان يقول ابوي وطق الخدامه امبيه متخيلين الوضع انتو جذي فجاه! طقها سنه بساعه واخوي وامي يحاولون يفرقون واهو يطقهم لما اصعدت الخدامه فوق قال ابوي اهني روحي ابي اسفرج مادري شكو ريال حاط دوبه دوب الخدم

اهني اخوي انصدم وقال يبا مو من صجك حرام عليك جان يهجم على اخوي ويطقه بالنعال على ويها
وانا يييت بشيل النعال جان يناديني قلت له هلا؟ جان يقول تعالي اهني قعدت يمه بالقنفه جان يصكني كف :| امبيييييييه فلم رعب والله والله اخوي عصب اهني وسيده وخرني اهوه وامي ويقول روحو حق الخدامه فوق .. صعدنا فوق وشفت اختي اللي عمرها 16 سنه نايمه بدارها وقلت لها السالفه اهني امي واخوي كانو يكلمون الخدامه انه تبي المكتب ولا تسافر جان يصعد ابوي فجاه فوق ويقول ماااتساااافر الخدامه غصبا عليها تشتغل ها!! ماعرفنالك!!! ويروح يطقها واخوي يبي يهدي الوضع جان يعطيه كف وصار الطق كله فيه وبامي

جان انا واختي ام 16 سنه نطلع ونبي نروح لهم جان يركض صوبنا ونسكر الدار وننخش اختي اهني حاشتها هستيريا قامت تبجي بس من الخوف حياتي خفت عليها
جان الخدامه تركض تحت تبي تنحاش ويركض وراها وينزلون امي واخوي لايسوي فيها شي او اهيه تسوي بروحها شي مو ناقصين فضايح!! ووقفوها جان انزل انا واسمع اخوي يقوله خلها تسافر ويذكر له احاديث الرسول صلي الله عليه وعلى اله وسلم انه حرام واذا جذي لازم تعتقها جان يحدف ساعته على اخوي واخوي ساكت طول هالمده ومتحمل واهو يكفخ فيه جان يطق الخدامه على راسها حيل وايد ابوي كبيره وايد وتعور صج طقته تذبح قامت تبجي الخدامه وامي اهني اتعبت حيل جان تقوله خلاص انت روح احنا نسفرها جان فجاه يقول تراديديني يالـ وكلااام وصصصخ استغفرالله العلي العظيم وطق امي وامي اهني اركضت تبي توخر عنه جان يركض ورا امي واختي الصغيره ام 8 سنين كانت تمشي ورا امي توا بيطق امي بس غلط بالطقه جان تحوش الطقه اختي الصغيره وانجرحت القرنيه بعيونها .. اهني صار بجي البيت كله اخوي فجاه بجا لما شاف هالمنظر انا قمت ابجي اختي الصغيره وامي قامو يبجون الخدامه تبجي واختي اللي فوق بروحها تبجي مع الخدامه الثانيه فلللللم ررررعبببب ابوووووي موو طبييعيييييي واللله!!! ودينا اختي المستشفى وباجر عندها مراجعه ودقيت على اختي الكبيره وقلنا لها السالفه انصدمت .. بس صج صج بنات شنسوي؟
ابوي مو مال احد يتعايش وياه؟ كله رعب وطق وخوف وذل واهانات الله يهديه لنا يارب

اسفه عالاطاله .. بس محتاجه مساعدتكم
لاحول ولا قوة الا بالله

 

[أم الفناتك]

الله يعينكم ويهدييه لكم مادري والله شقول بس يمكن اهو صار جذي عقب ما قعد فالبيت وبعد ماكان مركز بالدوام حس ان ولا شي والله اعلم والله يستر عليكم منه وهالنوعيه لو عياله عقووه ولقانفسه بروحه يقعد يتشكا للناس عيالي مايدرون عني وانا اللي ماقصرت معاهم واهو عق عياله قبل لايعقونه. لاحول ولا قوة الا بالله

 

[ربيع_الروح]

الله يعينكم يا رب
ويخفف عنكم
ويصبركم

 

[تحت ظلك]

حسبي الله على هالأشكال ماحد مرض نفسياتنا غيرهم ، بعض الدول تحبسهم مدى الحياة لأن مضرتهم بالغه في المجتمع وعلى أهلهم لكن حنا لاحياة لمن تنادي

ياختج اصبري على مابلاج ابوج بعد لاينشكى ولا ينبكى
كلن عليه من الزمن واكف.

 

[طال السكوت]

اي والله مو مدمرنا الا هالاشكال اللي تدمر وما تعمر ..... تري مو كل ابو ينقال له ابو بعض الابوان ودج يجمعونهم بحفره ويشبونهم ببانزين و اولهم ابو عيالي.... الله يعوضنا ويعوضكم خير

 

[منو انت]

الله يهديه بس باين ان نفسيته تعبانه انا اقول لو امج تاخذكم وتروحون بيت خوالج او اي احد قريب لكم جم يوم لين تهدا الامور ويعرف انه غلط عليكم مايصير تكونون معاه بنفس المكان واهو جذي نفسيته تعبانه بعدين الخدم ينخاف منهم يمكن ماتقدر عليه لكن لاسمح الله تنتقم من واحد فيككم مكانه تعرفين الخدم عادي عندهم كل شي


والبيوت اسرار وكل من عنده بلاوي لاتعتقدين ان هذا بس حالكم

ربي يفرجها عليكم وعلى الجميع يااااارب

 

[راقية بذوقها]

الله يهديه يارب نصيحه ادعيله دايما بالهدايه وحطوا سورة البقره دايما بالمسجل ومهما كان هذا ابوج اخذووه بسياسه التطنيش او سياسه الهدواه ودووه طلعووه لمطعم او البحر حاولوا بكل الطرق وربي يعينكم

 

[мίѕѕ 5оОо5α]

يااااا حياااااااتي والله عورتي قلبي

الله يعينكم ..


ابوووج موووو طبيعي وتصرفاااته موو طبيعيه

يمكن مسحوووور او فيه شي !!

لأن مااتوقع في ابوو بالقسااوه يمشي ويطق عياله ! لاا وماكو سبب يعني !!

كلمي واحد من عمامج او اخوانج الكبار خل يتفااهمون معااه ويودونه لأحد يقرا عليه

الله يهديه ان شآالله ويصلح حالكم

 

[ام محمد النصار]

الله اعينكم واحتسبو الاجر من الله عز وجل وادعو له بالهدايه

 

[رمانة خضرا]

لا حول ولا قوة الا بالله
بس ابوج اللي سواه مو شويه الله يهديه لكم ان شاء الله
معقوله جذي قلب البيت بساعه اكيد كان متضايق او فيه شي يبي يفرض قوته
لان قاعد يتحجج باي شي بس يبي يطق
اقري على نفسج وامج واخوج وخواتج رقيه شرعيه
ونفثي بالماي ورشو بالبيت وشربو منه وشربوا ابوكم. بس لا تقولون له على اساس جنه ماي عادي خوفج يعصب
والدعاء ياخيتي الله يفرج كربتكم

 

[هب العطر]

حل بإذن الله أكيــــــــــــــــــــد مضمووون 10000 %

وان ما فاد فيه تعالي اهني و كوفنيني جدام البنات بالمنتدى وقولي هب العطر ما قالت




اقروا سوره البقرة بماي و حطوه له بالدولكه بدون ما تقولون له انه مقري , و خلوه يشرب


اسبوع بالكثير بتشوفون واحد ثاني ان شاء الله !!!


ان ما طخ عنكم ما اطلع هب العطر !!


حطوا له اياه بالدولكه اللي يشرب فيها الماي , او اخلطوه له مع اللبن .




و اذا انتو قدها , اقروا فيه بعد ايات السكينه , تفضلوا


( وَقَالَ لَهُمْ نِبِيُّهُمْ إِنَّ آيَةَ مُلْكِهِ أَن يَأْتِيَكُمُ التَّابُوتُ فِيهِ سَكِينَةٌ مِّن رَّبِّكُمْ وَبَقِيَّةٌ مِّمَّا تَرَكَ آلُ مُوسَى وَآلُ هَارُونَ تَحْمِلُهُ الْمَلآئِكَةُ إِنَّ فِي ذَلِكَ لآيَةً لَّكُمْ إِن كُنتُم مُّؤْمِنِينَ ){البقرة :248




( ثُمَّ أَنَزلَ اللّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ وَأَنزَلَ جُنُوداً لَّمْ تَرَوْهَا وَعذَّبَ الَّذِينَ كَفَرُواْ وَذَلِكَ جَزَاء الْكَافِرِينَ ) {التوبة : 26}





( إِلاَّ تَنصُرُوهُ فَقَدْ نَصَرَهُ اللّهُ إِذْ أَخْرَجَهُ الَّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنَّ اللّهَ مَعَنَا فَأَنزَلَ اللّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا وَجَعَلَ كَلِمَةَ الَّذِينَ كَفَرُواْ السُّفْلَى وَكَلِمَةُ اللّهِ هِيَ الْعُلْيَا وَاللّهُ عَزِيزٌ حَكِيمٌ ) {التوبة :40}




( هُوَ الَّذِي أَنزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَاناً مَّعَ إِيمَانِهِمْ وَلِلَّهِ جُنُودُ السَّمَاوَاتِ وَالْأَرْضِ وَكَانَ اللَّهُ عَلِيماً حَكِيماً ){الفتح :4


لَقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ فَعَلِمَ مَا فِي قُلُوبِهِمْ فَأَنزَلَ السَّكِينَةَ عَلَيْهِمْ وَأَثَابَهُمْ فَتْحاً قَرِيباً ) {الفتح : 18}




( إِذْ جَعَلَ الَّذِينَ كَفَرُوا فِي قُلُوبِهِمُ الْحَمِيَّةَ حَمِيَّةَ الْجَاهِلِيَّةِ فَأَنزَلَ اللَّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ وَأَلْزَمَهُمْ كَلِمَةَ التَّقْوَى وَكَانُوا أَحَقَّ بِهَا وَأَهْلَهَا وَكَانَ اللَّهُ بِكُلِّ شَيْءٍ عَلِيماً ){الفتح :26}




بس لا تتركون و لا يوووووم , اقروا الايات بكميه كافية من الماي تكفي لــ3 ايام وكل 3 ايام اقروها على كميه يديده

 

[ورد فاخر]

حبيبي انتي والله صيحتيني

الله يسخره لكم 

 

[هب العطر]

هو اشلونه مع صلاته ؟؟ صيامه ؟؟ اشلونه مع القرآن ؟؟

اذا مو هالكثر , خلوه يخالط المطاوعه و المشايخه يمكن ربي يهديه ..

 

[تحت ظلك]

http://www.youtube.com/watch?v=VymKzI1B7YQ&feature=related

 

[فطوم 84]

قلت لي ابوج. كان بالجيش

انا ابوي عسكري ومن القدامي بالجيش. اقولج شي والله. اليوم اللي مايداوم. فيه. يصير عصبي وبس

يبي يهاوش "وحده منفعل. ويصارخ. ومره كنت قاعده وياه. ونسولف واكتشفت انه. دوامه وقعدة ويا ربعه بالدوام. تلهيه. وتشغله وتخليه لما يجي البيت من الدوام. يرد. هادي ورايق

الشياب بهالعمرر. مايحبون الفراغ. والله انا من الحين احاتي ابوي اذا طلع تقاعد وقعد

خلي ابوج يشغل وقته بشي مفيد. "تجاره. راح يلهي وينشغل عنكم. انا اكلمج. من تجربه شفتها بابوي. واهو. كبير بالعمر من شياب. اول


وشغله ثانيه. ابوج يمكن وودوه المستشفي يسوون له فحوصات. يمكن. تعبان او مريض ترا. في امراض نفسيه بهالعمر من الضيقه واكتتاب ويصير عصبي. تجيله افكار سوداويه. يبيله. علاج ويعطونه مهدي. خلي يعالج والله العلاج
العلاج موعيب اومعناه انه مجنون


بالعكس وايد شياب ياخذون مهديات. تهدي اعصابهم واتوقع ابوج محتاجه. لانه بعمر وبظروف يحتاج شي يهدي اعصابه


والله يهديه لكم ويسخره لكم اللهم امين

 

[PINKIA_STYLE]

حبيبتي انربط لسااني

ما اقدر اقول الا الله يعينكم ويحنن قلبه عليكم ويهديه

 

[فيّ العصر]

عزيزتي .. أريدك ان تقرأي قصة .. تجدينها في قسم القصص و الروايات بعنوان " لذة الانتقام لا تدوم طويلاً

اتمنى ان تستفيدي

 

[A_M_A]

امبيـــه

مو من صجــه @@

الله يعينكم ياختي ويهديه ويخليلكم امك

ترى امج حيييل تعباانه فـ الله يخليج

ديروا بالكم عليهاا ترى اذا صار فيها شئ الله لا يقووله

رااح تتعبون اكثرر فـ ديروا بالكم على امكم

 

[بطوووطة$بيضة]

الله يهديه

بس حبيبتي ابوج فيه حاله نفسية يمكن كان يدكم يسوي ابابوكم هالشي

وماله علاقه بالشغل لان اعرف ناس عسكرييين بس مو عقد

 

[لآلئ وردية]

الله يحنن قلبه عليكم

و يهديـه لكم يا رب

و يهديننَـا