امبيه بنات ... صاير شي مو طبيعي ... صار مرض .. الله يكافينا شره .. أمانه حافظوا عليهم

[ام اغلى الناس]

السلام عليكم و رحمة الله و بركاته
بنات انا دايم اشوف هالسالفه منتشره و اتحلطم بيني و بين نفسي .. او عند اهلي و زوجي
بس الصراحه .. خلاص السالفه ما ينسكت عليها
كلنا لازم نتفق و نسوي حمله نمنعهم
صاروا مرض
الله يكافينا شرهم ...
اكيد تبون تعرفون اتكلم عن شنو ..
بنات .. انا اتكلم عن الخدم
بالرغم من كل المصايب والبلاوي اللي نسمعها لكن للاسف للحين الامهات ...
مدري اقول معطينهم ثقه زايده ولا مهملات !!!
انا اعتبر الام اللي تقط ضناها على الخدم .... مهمله
و مو مقدره النعمه اللي هي فيها
غيرنا يتمنى ظفر جاهل
و هم يقطونه وما يسألون عنه
الشي اللي خلاني اكتب الموضوع ... مناظر شفتها امس و خدامة امي ...
بالاول سالفة امس ...
كنت بعيادة دكتور فهد المخيزيم ...
دخلت وحده مع زوجها ... طبعا متكشخه كأنها رايحه عرس ... و وراهم الخدامه شايله البيبي
و الام والله ما التفت على البيبي ولا قالت وينه ... بس تحرك بشعرها يمين و يسار
وحده ثانيه ..
نادوا .. البيبي ريتاج تدخل ... لقيت الفلبينيه ماسكه الجنطه و البيبي معاها .. مبين انه نفاس صغير حيل و دخلت ...
قلت لزوجي .. غريبه فلبينيه مسميه ريتاج ...
عقب ما دخلت بشوي ... الا الاخت تخلص مكالمة التلفون و تروح وراها بالغرفه
طلعت الهانم اللي من اليوم تقرق بالتلفون هي ام ريتاج ....
والله لو تشوفون المنظر تقولون الام هي الفلبينيه
منظر ثالث ...
دخلت وحده مع زوجها ... نفس اختنا الاولى .. على سنجة عشره ...
وراهم سستر شايله البيبي !!!!!!!!
سستر ... !!! بملابسها البيضه
و تدرون البيبي بنت شكبرها ؟ مو اقل من سنه و نص او سنتين

انا تنحت ...
قلت يعني ماحد قادر يشيل هالنتفه !!! او حتى يخلونها هي تمشي ..؟
البنت تمشي
يعني تفهم
والله يا بنات انصدمت
حتى للعياده جايبين خدمهم !!!!
يوم تلفتت يمين يسار ... لقيت العياده كلها خدم !!! كل وحده جايه مع زوجها و خدامتها !!


و على طاري حتى للعياده جايبينهم ...
من فتره رحت للمدينه ...
والله انصدمت ...
درزن جهال .. معاهم خدم
و الخدم دخلوا كل الالعاب !!!!!!!!!!
يعني ما تخلي الجاهل يلعب بروحه ... لا ... حتى باللعب لازقه فيه !!!
شي يبط الجبد
و الاهل مالهم اثر
لفوا المدينه كلها بروحهم .. خدم و جهال من غير اهل !!!!!!!!!!!!!!!!

انا يا بنات عندي فلبينيه مسيحيه .. صارلها شهر جايتني .. نضيفه و كل شي
بس والله ما خليتها تلمس شعره من ولدي
حتى لو دخلت الحمام ومحد عندي غيرها ... افتح باب الحمام بيني و بينه
لا تقولون موسوسه ... احنا شفنا و سمعنا بلاوي ... الله يكافينا شرهم


اما سالفة خدامة امي ...

هي اندونيسيه ... امي ما عندها جهال و البيت دايم نظيف .... مجرد انها تمسح الارض
و تسوي جاي و قهوه اذا احد يبي
وبس
والله حتى الاكل ما نخليها تطبخ لنا ... احنا الحمدلله متعودين من صغرنا ما نأكل من خدم
و امي مخليتها ماخذه راحتها بالبيت
المهم ...
من فتره شفت خدامتي كل ما رحنا لبيت اهلي معاها جنطه صغيره
قلت لامي ليش تجيب جنطتها !!!! اكيد فيها شي تخاف عليه
قالت فتشيها وانا بادزها فوق تجيب اي شي
و رحت فتشت ... لقيت الهانم حاطه موبايل و جنطه صغيره نفس مالتي ( جنط المكياج الصغيره)
قلت لها ليش جايبه جنطتج؟
قالت فيها ملابسي
قلت جيبيها وريني
قالت زين
و اروح وراها و بغت تشيل الموبايل تدسه .. بس انا خذت الجنطه من ايدها
قلب وجهها الوان و اخترعت
قلت ليش ما علمتيني معاج موبايل؟
قالت توني مشغلته من جيت ما شغلته ... طبعا تجذب
و قالت لو تبينه اخذيه خشيه عندج
قلت تكلمين منو؟
قالت ادز مسجات لزوجي و امي
اللي ريحني انه الخط فلبيني و قديم .. من داخل ابيض و اسود
و انا اكره الخدم اللي يمسكون تلفونات
المهم ... فتحت المسجات بس طبعا فلبيني ما فهمت شي
و قلت ليش تاخذين جنطتي؟؟؟ مالت المكياج
قالت انه خدامة امي هي اللي عطتها ...
قلت حسابها بعدين
و قلت روحي نامي و بعدين يصير خير
و كنت قايله خلاص باوديها كرهتها .. بس الاول بأفتش اغراضها

نجي للبلوه خدامة امي .... هي مسلمه و مسترجعه وكانت تشتغل عند ناس لمدة سنه ونص وبعدين ودوها المكتب
قلت يمه ترى اذا خدامتج سارقه شي راح تدسه لانه الصبح خدامتي ب تعلمها اننا فتشناها
قالت روحي فتشيها
قلت تعالي معاي و معاج البيبي لا تخلينه بروحه .. اخاف يسوون فيه شي
دخلت عليهم الغرفه و سوت نفسها نايمه ... قلت قومي اطلعي برى بأفتش الغرفه
و الحبيبه نايمه مفصخه .. مالت عليها
البست و طلعت و فتشت لقيت بلاوي ...
تعرفون الكوشيه الصغيره اللي تجي بعلبة الساعه محشيه قطن!! الساعه تنحط حواليها؟
الهانم حاطه بوسط القطن اسوارين لونهم ذهبي على بالها ذهب و مخيطه عليهم حيل عشان ماحد يشوفهم
امي المسكينه انصدمت على بالها خدامتها مسكينه
و لقينا فلوس سعوديه و مصريه و كويتيه و بحرينيه
اقولها ليش تاخذين الفلوس؟ تقول انا كنت بالسعوديه قبل !!!
قلت كنت بالسعوديه يا جذابه !!! و شلون مصر و البحرين؟ بعد رحتيلهم !!
و لقيت صندلي جديد توه جايني هديه من مصر ... لانه جديد وما لبسته ما تأكدت انه مالي .. بس تذكرت الجنطه مالته عندي
بس الهانم شنو مسويه عشان ماحد يعرفه؟
مركبه عليه اكسسوار !!!!
قلت ليش تاخذينه ؟
قالت مالي شاريته من ابو دينار ونص عند الناس اللي كنت عندهم
قلت يا جذابه هذا والله لو تلفين الكويت حتى خمسه ما تحصلينه
قلت بأخليه عندي و اتاكد من بنت خالتي اللي جايبته لي .... و طلع هو مالي
قالت امي دام انها حراميه خلاص مابيها
قامت تقول لامي انا ابيكم
قلت احنا ما نخلي حراميه عندنا
ولا تقول : كله خدامه جذي !!!!!!!!!! يعني كل الخدم حراميه !!!!!!!!!!!!!!!!!!!
قلت منو خدامه حرامي؟
علمت عليهم هههههههههههه انه خدامة خالتي عندها تلفون و انه خدامتي عندها ملابس زوجي انا كنت قاطتهم بالشارع للعمال ياخذونهم

خليناهم ينامون و ثاني يوم كان جمعه و المكاتب مسكره
خليت خدامتي و رديت شقتي و فتشت اغراضها
لقيتها ماخذه هدوم زوجي و فعلا كنت قاطتهم بالشارع بس الغبيه شكو تاخذهم
و لقيت هارد ديسك خربان و لقيت كرت عليه اسمي و تاريخ ميلادي .. اعتقد حق خصومات للمطاعم و لقيت خرده
و لقيت دفتر كاتبه فيه فلبيني ... و راسمه رسمة و فوقها اسمي انا و امي
طبعا انصدمت و قلت هذا اكيد سحر
خليت هالاغراض عندي
و رحت بيت اهلي .. انصحوني انه دام ما سرقت شي خليها
قلت لها تبين ليش تاخذين هدوم زوجي؟
قالت انتي قطيتيهم بالشارع
قلت اي شي اقطه لا تاخذينه
قالت زين
و قلت ليش عندج خرده؟ من وين لج؟
قالت انا خردة فلوسي
قلت ليش؟
قالت عشان اكلم اهلي بالنت ( الشارع اللي ورانا فيه واحد يسوي مكالمات رخيصه بالنت)
قلت متى كلمتيهم؟ ليش ما استأذنتي مني؟
انا اكره الخدم اللي يطلعون بالشوارع .. حدها تقط الزباله تكرمون وبس
قلت تبين تستمرين تشتغلين هني ولا اوديج المكتب؟
قامت تبجي و تقول ابيج
قلت خلاص اخليج بس بشروط
قالت موافقه
قلت شروطي:
ما فيه طلعه كلش الا معاي
+
راح اخلي لج الموبايل و اذا تبين تكلمين اهلج عطيني فلوس اجيب لج كرت بتلفون البيت ( قبل كنت قايله لها لج مني كرت كل معاش بس عقب اللي صار لا خلاص )
+
ما تودين رسايل لاهلج ( كانت مسجله شريط و رساله و بغيت اوديهم بس رديته لها و قلت لها هالشرط اخاف يدزون لها سحر ولا تدز لهم صورنا)
+
لا تاخذين اي شي من الزباله

و قالت اوكي و خليتها


اما الهانم خدامة اهلي ردينا فتشناها عشان تروح المكتب لقينها سارقه كل خام امي و بعض ملابس اختي غير الساعات و سجادات الصلاه
و من خبثها مغيره بالاغراض .. يعني تلزق عليهم اكسسوارات عشان ما نعرفهم .. نفس سالفة صندلي .. و ملابس اختي كلها ملزقتها

شلنا منها كل الاغراض بس امي الله يهداها ردتهم لها قالت خلاص ما ابيهم
و ودتها المكتب .. قالت امي ما راح اقول انج حراميه ... عشان ياخذونها
بس الهانم يوم راحت المكتب قالت انا مابي الكويت خلاص .. ودوني اندونيسيا !!!!!!!!!!!!!!
طبعا عقب ما اشبعت من العز والله اعلم هي شنو دازه لاهلها !!
قالوا المكتب لامي خلاص نخليها تشتغل مؤقتا لثلاث شهور و بعدين نرد لج فلوسج و هي تسافر
قالت امي اخاف يصيدونها بشقق دعاره ولا بالشوارع و هي على كفالتي
خلوها تسافر والله يعوضني بفلوسها
( بهالوقت قلت لخدامتي ترى دايم راح افتش اغراضج وان لقيت شي راح اوديج المكتب .. خافت من كلامي و راحت نظفت غرفة خدامة اهلي .. و لقت بلاوي ثانيه ... لقت خرده داستها داخل علبة الكلينكس ولقت صور شخصيه لي انا و امي و اخواني .. يعني كلنا ومكتوب اسم كل واحد فينا بظهر الصوره)
و جابتها امي البيت (خدامتها) لين تفرفر مكاتب السفريات و تحجز لها تذكره
و حجزت لها
بس الحمدلله قبل يودونها الطياره قلت لاختي لا تخلين لها اي شي .. اخذي منها كل شي ما عدا هدومها
و سافرت الله يقلعها
المشكله انها كانت يوميا تدق عليهم على تلفون البيت
متواااااااااااصل ... كذا مره باليوم
( تلفون البيت فيه ميزة تسجيل رساله صوتيه والهانم تدري)
تخيلواااااااااااااااااا
سجلت رساله صوتيه ...
تقول: ماما انتي قلتي عني حراميه .. انا مو بس حراميه .. انا والله مسويه لج سحر !!!!!!!!!!!!!!!!!
انصدمت يوم سمعت المسج
هذا جزاتها تسوين لها سحر !!!
و للحين كل يوم تدق
يمكن تبينا نخاف عشان ندز لها الاغراض اللي سرقتهم
الله يقطعها

ولا تنسون تقرون قصة اختنا ام صلوحي بقسم المشكلات الزوجيه ... اللي صادت خدامتها مع زوجها و تلعب بذكر ولدها جدام زوجها !!!!!!!!!!!!!!
امانه يا بنات ديروا بالكم من الخدم
عيالنا امانه برقبتنا

 

[Om_Ksha]

الله يسترررررررررررررررررررر من هالخدم الله يقطعهم قبل كانو زيييييييينين اما الحين يخرعووووووووووووون يتشرطون ومدلعين وهم موعاجبهم .. حسبي الله عليهم

 

[tmtmt]

شوفي كلامج اغلبه صح
بس انا مع ان الخادمه يكون عندها تلفون

وثاني شي حرااام ليش تقطبن الهدوم !!!!
حتى لو مشققين يا تودينهم لجنه ولا تعطينهم الي يخمون الشارع ولا تخلين خخدامتج تاخذهم
صدقه ودفعة بلا

الحمدالله انكم افتكيتوا منها بس هم ديروا بالكم من السحر

 

[ام اغلى الناس]

هذا رابط قصة ام صلوحي :
http://www.q8yat.net/showthread.php?t=640539

 

[ام اغلى الناس]

تسلمون حبيباتي على مروركم
تم تم .... انا ما احب التلفون لاسباب كثيره ... منها انه خدامة حماي اكتشفوا انه عندها تلفون ومصوره نفسها وهي مفصخه .. و فيه خدم يوزعون ارقامهم على السواقين .. يعني تغازله بالتلفون
و نهاية المغازله ممكن تدخله البيت و ممكن توصل انها تدخله غرفتي
اقري قصص و بلاوي الخدم .. هالسالفه دايم تصير
الله يكافينا شرهم .. بس انا خليت لها التلفون
بالنسبه للملابس .. دايم اذا باغير ملابس زوجي .. احط الملابس القديمه بكيس نظيف و اقولها تحطه جنب الزباله .. و دايم اشوف سواقين و زبالين يفتشون بالزباله
و يأخذون الملابس لهم
اما حضرتها ليش تاخذ ملابسه؟
حتى زوجها مو بجسم زوجي !!

 

[Accepted]

الله يكافينا شرهم
اختي انصحج حتى خدامتج تمشينها دامها احتكت بخدامة امج
و حبيت انبهج ان وايد يسوون سحر من الخرده لا تستهينين فيها على بالج بايقة فلوس و بس .. تراهم حق السحر
الصور و الجنجفه و اي شي مستعملينه من فرشة اسنان ملابس حتى الكلينكس المستعمل كرمج الله بالزباله ياخذونه اذا باذون احد
و سالفة الزباله من ملابس اا مستحيل اقط بالشارع .. عندي جيس مال اللجنه قبل لا احطهم انادي الخدم اقول لهم اختاروا الي تبونه قبل لا اوزعة طبعا يكون مغسول زييين بالغساله و عقبها اعطي الباجي للجنه
و انا ملاحظة الفلبن قذرين بكل مستوياتهم المتعلمة الجاهلة الطيبه الشرية لااازم يتعبثون بالزباله و يدورون سوالف تعجبهم
و سالفة التلفون عادي اسمح لهم بس يكون لخط باسمي
اما سالفة الطبيب انا عادي اودي الخادمة معاي تعاوني مو معناته اهمال
اشكرج على الموضوع جزاك الله خير على التنبيه و عسى الله يحفظ عيالنا و عيال المسلمين من كل شر

 

["*آآآنؤؤؤقهـ*"]

الله يستر وربي

بس اهم شئ خليهم حق الكراف

ولا ظناي ماخليها تجيسه

 

[دانه_83]

استغفر الله من هل خدم قطيع تقطعهم

 

[دانه_83]

اسغفر الله من هل خدم قطيع تقطعهم

 

[غلاي عزوزي]

اخخخخخخخخخخخخخخخخخخخخخخخخخ


ياما بيوت اختربت من الخدم ورياييل مسحورين سنين بسبتهم وناس تطلقو وماتز من تأثير الخدم وجيل بكبره تربي تربية رديه من الخدم


واذا لاشفتي هالشي بالعياده انا دايمن اشوف هالحريم من هالنوعيه بالطبيب اتمخطر بالكعب والبيبي بو ايام توه شايلته الخدامه واذا بو اشهر وسنين شايلته يشم شعرها وراسه تحت اباطها قطيعه ولابسه دراعه ريحتها طباخ يعني قلبج انتي يالام مايعورج علي ضناج حسبي اللله عليج




لا والريل معاها مالت عليك من ابو \




شوفي شيلنتهم للياهل غلط



اف
طفارتي لاشفت خدجامه شايله البنت وشاقه ريولها بس خصرها وحده من اهلنا بنتها حوضها اخترب من هالسالفه



دربالكم من هالشيله تري تخرب حوض الياهل



وتري هالايام تالجو حار موت والماي يحرق



دربالكم من لما الخدامه تغسل عيالكم انا ولدي اغسله وجم مره بغيا احرقه من حرارة الماي قمت ابردله بابريج


دربالكم مو علي بو انه الخدامه اتغسلهم مت تحت وتحرقم حرام





انا قعدت سنين ماحملت من خدامتي الاندنيسيه الحقيره 24 تصلي اخرتها الجنطه متروسه سحررررررررررررر وشعوذه


لازم الوحده تكون حريصه معاهم مو مسيه وماتدري عن بيتها


وسوالف الخدم ماتخلص

 

[إيمي1987]

الله يستر والله

مشكورة حبوبة

 

[حروف من ذهب*]

زين سويتي فيها الله يقطعهم بلاويهم ما تخلص كل شوي طالعين في بلوه جديده

وسالفه التلفون والله هم انا ماحبها بسبه خدامه حماي تكلم صبيان المزرعه وشوفي شتسوي من ورانا
وكل شوي جايبتلها بدله جديده وحماتي تسألها تقول من خدامه جارتنا وبالاخير طلعو هنود عاد شنو الحكمه يعطونها اكيد مسويه لهم شي مو لالله معطينها

والله يستر علينا وعلى عيالنا منهم

 

[فديت بعلي]

غيري خدامج
مقعدتها عندج ....؟




والله يعين ام صلوح
كسرت خاطري امس ...

 

[ام اغلى الناس]

تسلمون حبيباتي على مروركم
صج اغير خدامتي؟
والله متردده .. اقول ما سرقت بس خذت من الزباله
و صارت تخاف مني لاني انا اللي فضحة خدامة اهلي

 

[عروس الدنيا]

الخدم ساحراتتتتتتتتتتتتت ... بس الردى فينا لاعتمدنا عليهم بكل شي ... انا خدمي لازم شروط ... تكون بنت << يمممممممممممكن تخاف على شرفها

دارسه لي الثانويه << لا تطلع بقره
مو مشتغله من قبل << لا تكون مفتحه ..
و اول يوم اتي افهمها ان انا ما ابي منها الا الشغل لا ابيها تقولي قصة حياتها و لا قصص الخدم .. و عمري ما تكلمت معاهم بالزايد
طبعا خدمي فيهم عيوب ... بس بعد الواحد يتحمل ... و الحين الخدم ناااااااااااار نسكت شنسوي

بس اختي انتي لاقيه رسمه فيها اسمج و اسم الوالده عند خدامتج يعني هم ساحره ... اذا تقدرين وديها و يبي غيرها

 

[om Firas]

اكره شي اسمه خدم
مااوطنهم بعيشة الله
ولا افكر ايب خدامه
الله يبعدنا عنهم وعن شرهم

 

[meen_ana]

لا حول ولا قوة الا بالله

 

[ام اغلى الناس]

تسلمون بنات
عروس ... انا عمري ما فكرت اجيب بنت
بالعكس احسن متزوجه و عندها عيال عشان تخاف على الفلوس عشان عيالها
اما البنت تحب بالسواقين و عيونها يمين و يسار

 

[DooLy88]

بطو جبدي ثنتينهم

 

[رضاهم جنه]

الله يكافينا شرهم , حبيبتي لازم ترقون بيتكم وتشغلون البقره يمكن صاجه

ناس نعرفهم بنتهم كانت بالثانويه جكت الخدامه فوق السطح مع ولد جيرانهم ومسكوا الاهل الخدامه وهاوشوها وهي عصبت على البنت وقالت والله ما اخليج تتهنين مع الرجاجيل

المهم سفروها ونسوا السالفه والبنت تخرجت من الجامعه وتزوجت بس للاسف ما تقعد اسبوع عند الرجال تقول اكرهه وتزوجت واحد ثاني نفس السالفه تجيها نفسيه من الزواج والحين قاعده عند اهلها الله يشفيها