امبيه بنااات والله انصدمت...

[عيالي...حياتي...]

بنات انا من قبل يومين رايحه حق عرض لوحدة من هالحريم اللي يسون عروض في بيتهم

والله شخصيا ما اعرفها ولا جربتها بس اختي سامعه ان عندها عرض رمضان والعيد

وتعرفون الكل هاليومين حايس ويدور حق العيد ورمضان

المهم رحت معاها :ada:
وبصراحه عجبتني دراعه قصيره عندها .
الدراعه بسيييييييييييطه وقصتها بسيطه
وعجبتني لاني ما احب الخبه
المهم سالتها عن الدراعه قالت ب 60 ولا في مجال للمناقشه بالسعر:dddds:
وقعدت تمدح بالخامه( الخامه راقيه وانا يايبتها من بره و الكلفه من السعوديه ومادري شنووووووووووو
والدراعه فيها شويه حاشيتا تراتر
وتقولي الترتر هاذي انا طالبته طلبيه من بره
والله يابنات اني على وشك اخذها بس ما دري شاللي خلاني اقول امرج بعدين
وطلعت...
والحين توني راده من خياطين البلوكات جان انصدم:krkrkr:



نفس الدراعه ونفس الخامه ونفس الترتر لا ومسوي منها الوان بعد..

على جم تخيلوا يسونها..؟
25 بس!!!!!!!
عاد انا شفته رازها بره وقلت اشوة ما خذيتهاااا:0bee2e8d89:


وبصراحة لقيت اشيياء حلوة ويقول ان بالعيد راح
يسوي اشياء يديده ..._03BA:​

شرايكم باللي صار؟؟؟​

 

[*((كـارينـا))*]

عاادى وايد تصير معانا .. مرات ناكلها ومرات الله يفكنا منهم لووووووووووووووووووووووووول

 

[عيالي...حياتي...]

اي والله يا كارينا

تدرين شنو اللي بط جبدي انها قاعده تقول ان الخامه راقيه ويايبتها من بره....
والترتر طلبيه...
اوف الله ستر ما شريتهاااااا

 

[ناعمه ودلوعه]

وايد تصير انا مره رحت معرض ونفس سالفتج اعجبتني دراعه ب70 دينار وشريتها ولقيتها بمجمع حتى نفس اللون بس بــ 10 دنانير !!

 

[دلوعة المطران]

داايم تصير بس اشووه دايم ربي يفكني من هالنصب هههههههههههه

 

[عيالي...حياتي...]

امبيه من 70 لي 10

الله يستر بس بعض الحريم وربي لاذمه ولا خوف من رب العالمين

خلي الفلوس تنفعه
احنا قلنا ان التجاره شطاره..مو مشكله خلي ربحج قليل مووووووووووووو
بس مو نصب وكذب

 

[ملح الجروح]

والله حرام عليهم يحلفون جذب علشان للفلوس


استغفر الله من كل ذنب عظيم

 

[معاني الود]

وين صايرين خياطين البلوكات شلون طريقتهم الخام والخياط علبهم ولا اجيبلهم الخام

 

[عيالي...حياتي...]

هلا معاني الود
اي الخام عليهم والخياط بعد
وبعضهم لا انتي تيبين له الخام ىاللي يعجبج واهو يخيط لج
وشوفي راح تلاقين الناعم والمو حلووو
واللي يعجبج واللي ما يعجبج
والناس اذواق....

 

[$ بنت علمي $]

اي صح الحين كلهم يقلدون البلوكات

 

[باربي للابد]

عشان جذي ماحب المعارض ​

 

[الـــدفـــشـــة]

ههههههههههههههههههههههه

ترى هالتاجرات مايقولون حرااام نبالغ بالسعر لا يعتبرونها شطاره امحق

 

[ميار2010]

وين صاير خياط اللي بالبلوكات
وممكن رقمهم والله يستر من هالحريم
كل دراريعهم بالعربيد
داااايم تصير فينا
حتي الاكسسوارت ناخذها منهم نلقاها بالمباركيه رخيصه....

 

[وجدان الكويت]

هههههههه نفس قصتي

سويت دراعة بالعربيد حلووة ابيها حق اول ايام رمضان اب20 لقيتها عند خياييط البلوكات ب35 وهم لقيتها بمشغل بجنوب السرة اب35 نفسها نفسها بالظبط

 

[وجدان الكويت]

وين صاير خياط اللي بالبلوكات
وممكن رقمهم والله يستر من هالحريم
كل دراريعهم بالعربيد
داااايم تصير فينا
حتي الاكسسوارت ناخذها منهم نلقاها بالمباركيه رخيصه....

شفتي وين التراث الهندي؟

بالدور اللي فوق تلاقينة كلة خياييط منهم الموديل والخام

 

[ميار2010]

شفتي وين التراث الهندي؟

بالدور اللي فوق تلاقينة كلة خياييط منهم الموديل والخام

مشكوره ياقلبي التراث الهندي اللي اهو الصفاه

 

[_zahra]

علي قولت اختنا وايد تصيير ويانا ,,,تمهلو قبل لا تشترون اي شي وخصوصا معاارض بيت ديفا وشرق وكاريزما كل الاسعاار فوق ال70 دينار

 

[عيالي...حياتي...]

تصدقون بنات ان العربيد ارخص همن من خياطين البلوكات...!



بس العربيد مشكلته خبه ويحط لج الف موديل في دراعه وحده
طبعا هذا غير الشك والمادري شنو يركبون على الدراع,,,,عرررررررس

 

[ميار2010]

هههههههه العربيد خبه لبسهم
وبس في خياط بالعربيد روووووعه
وكل شغل الحريم عنده وارخص
وبس روحي له الصبح عشان يكون مافي احد ويقدر يطلع لج من تحت الطاوله
قوليله طلعلي انت دااااايم اطلع

 

[شكليطه]

رد : امبيه بنااات والله انصدمت...

حبوبه ياما راح تشوفين هالنوعيات

خصوووووووووصا اللي تلف لج الكره الارضيه واهي توصفلج دراعتها

الكلفه من قندهار
والخام من بطيخستان
والخيط اللي خاطت فيه القطعه من وحدة عيوز تعيش بكهف داخل جبل باعمق نقطه بقاع المحيط

عسى ماشر يامي؟

بس ساعات ما الومهم......لان الحريم المهبل ياخذون بس عشان سعرها

سمع اذني وحده تقول عن اللي تبيع ( انا ادري انها تجذب واكيد مو فاره العالم عشان تسوي هالدراعه......بس انا مضطره اخذ منها لان سعرها غالي واهلنا يعرفون اسعارها)

الله لا يبلانا



الذوق نعمه ترى.........دوريلج موديل سنع وعلى ذوقج......وتعبي فيه شوي وانتي تدورين الكلفه والخام

والله شرررررررط الكل راح يسألج عن هدومج

عن تجربه