امبيه امبيه مو منصجكم امبييييييه !! :o

[sousouna]

مشكورة حبيبتي فعلا أسوأ شي هو خلط الكريمات الجاهزة مع بعضها وهي اذا ماضرت مثل مالبعض يقول فما رح تعطي النتائج المطلوبة لاختلاط النسب وتفاعل المواد اما الزيوت والزبدات الطبيعية فهي مفيدة لكن الحرص في عدم دهن كميات كبيرة منها

 

[سمو الجمال]

وي وي شسالفه شدعوه خرعتينا

انا معاج في خلطات مو زينه ويكون فيها

زئبق او كورتيزون

اي صح هذي تدمر البشره

اما باجي الخلطات الطبيعيه او خلطة فيتامينات

هذي عاااديه وما منها خوف


وسالفة فيتامين سي الفوار ترا هذي دكتوره

ناصحتني فيها ان اذوبه بماي وامسح فيه ويهي


مافيها شي


مو احنا ناكل الخيار ومرات نحطه على ويهنا

نفس الشي هذا


وين الغلط او الخطر بالموضوع ؟؟؟



وصج في بنات يسوون خلطات طبيعيه على بونه طبيعيه

تحط عباس على دباس


اي صج هذا غلط ومثل ما قالت ورده سلفر مو اي احد

يخلط ويحط لازم تكون عندج خبره


ومثل ما قلتي بالعقل


يعني مو اي شي نحطه بويوهنا


وترا في خلطات من سنة يدي نستخدمها الحمدلله ماصار فينا

شي

واللي تقول الليمون يسوود اختي منو قااص عليج انا اكثر وحده

بالدنيا يمكن استخدمت الليمون


وكاني شحلاتي لا صرت سوده ولا شي لا وبعد اترك فتره واردله


واذا انتي متكلمه عن تجربه يعني يمكن الليمون يسودج مادري عنج

يمكن بشرتج غير



بس بنات بليز تكلموا عن تجارب مو كل وحده تيي وتقول انا سمعت وانا

مادري شنو

:eh_s(15)::eh_s(15)::eh_s(15):

 

[كتكوته غنوجه]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[kwait doll]

عن نفسي مستعده اخلط بس شي يكون مجرب وعلى بنات وايد مو بس وحده

 

[الؤلؤة السوداء]

أنا معاج في خلطات يمكن تكون خلطة لأن البنات الله يهداهم يخلطون عشوائياً

لكن في خلطات معروفة ويستخدمونها البنات من سنين والحمدلله ما ضرتهم

اسأل مجرب ولا تسأل طبيب

وبخصوص التغذية صج احنا ثلاثة أرباع البلاوي اللي فينا من سوء التغذية ههه

ويزاج الله خير على النصيحة
​

 

[kaboOOOOOOOOsa]

صاجه والله الخلطات بدعه بالمنتدى

وسعر كل الكريمات اللي بتشترينها سعر كريم زين من الصيدليه جاهز

لان فيه مواد ماتصلح مع بعض
واما عن سالفه فيتامين سي ماركه د سباقو ما ادري موجوده ولا لاء بالكويت منزله بودره الفيتامين حق البشره وحتى فايوسافي
مو الفوار بودره اتضيفينها حق الكريم ازيد من الماده الفعاله فيه

وكل بعقله راضي

 

[لكبريائي مهابه]

انا جالسه احسب كم مره قلتي امبيه خخخخخخخخخخخ
كلامك عيييين العقل فعلاااا الكريمات اللي تخلطينهاااا مع بعض مضرره
اكثرر منها مفيده..بس الشي الطبيعي حلووو عاد انتي لاتعممييييين
....

 

[• JoJo •]

الطبيعي اوكي لانه اصلا بياخذ وقت على مايبين مفعوله لذلك لاخوف ان شاءالله


لكن المصيبة الكيميائي اللي هابين فيه البنات كييلي وشيري وبين وخرابيط الفلبينيين هذا بحد ذاته مصيييييبه


والمشكله وين ؟؟؟


اذا تركت الخلطه قالت وجهي تحسس وطلع حبوب ومدري شنو !!! طيب انتي خالطة كريمات ومصايب وبدون استشارة احد شلون تبين بشرتك تسكت مثلا ؟؟؟ طبيعي بتتهيج لانها كيماويات


اسفة ع الاطاله

 

[#تولين#]

رفع

 

[q8_84]

انا اخالفج بالرأي بالعكس في خلطات تخلي الجسم واو وانا قبل كل مناسبه اسويها لجسمي ويخليه ناعم وحلو ويطلع الكريم على جسمي صاااافي وماشفت اي اضرار والخلطه استخدمها من 4 سنين يعني لو في ضرر چان بين فيني


بس انا ضد الخلطات الي تنباع وماعرف شنو مكوناتها مستحيلزاجربها

 

[حوريه عسل]

بنات بنات انتوا فاهميني غلط

انا مصدقتكم من ناحيه ان النتايج تبين بسرعه و غيره
بس انا مو قاعده اتكلم عن النتايج والمفعول

قاعده اتكلم عن الكيميائيات اللي قاعدين تخلطونها !!
قريتوا مره مكونات الشغلات اللي قاعدين تخلطونها؟؟ ترى فيها مركبات كيميائيه ممكن انها تتفاعل مع شغلات
اذا مابين عليج الحين لاسمح الله بعدين !!
انتي منتي ضامنه نفسج باجر لاسمح الله لاسمح الله صار شي تقعدين مثلا تلومين الشمس والجو او شغله ثانيه
والسبب ممكن يكون اساسا في الخلطات اللي انتي تسوينها

حتى الخبراء في الاعشاب والطب البديل مايحطون شي كيميائي !

وماركات الكريمات اساسها ناس مختصه دارسه طب الجلديه واللي مختص بالكيمياء و اللي مختص بالاعشاب كلهم حاطينهم بالشركه عشان يكون المنتج اامن حق البشره مايضرها

وفوووووووووق هذا ساعات نسمع عن ماركه معينه لها مضار على المدى البعيد بس يخلونها بالسوق

يعني شوفو فوق الدراسات والتجارب هم لازم نختار صح من السوق..



اوكي قولو مثلا تبون تخلطون كريم جلسويد مع ليمون ..
انزين ليش ماتحطوون الليمون ... وبعد ما تغسلون المنطقه تدهنونها بكريم جلسويد؟؟
على الاقل هذا مايتفاعل مع هذا !!

 

[مناته]

بعض البنات ما يستوعبون انه خصوصا السوالف الاسيويه والكريمات العجب اللي هابين فيهم
لا يسوون عليهم دراسه ولا شي
واللي تقول استخدم ومافيني الا العافيه
ترى الاثار من بوس على البشره
هالادويه تاثر على الكبد والكلى
يعني والله الوحده حرام تلعب بروحها حتى الحامل جنينها يتاثر

 

[الفدنه]

ماايد كلا مج كللللللش
واللي تقول الليمون يسمر
ماهندها سالفه دكتورتج
انا استعمي الليمون من عمري 11 سنه<<الحين داشه 33
واقطع احيانا سنه سنتين وارد
روووووووووووعه للبشريفتح وبشرتج يصير فيها لمعه

 

[نــوره]

صح كلامج حبيبتي في بنات يخلطون كريمات كيميائيه مع بعض و هالشي موزين ..

اما الخلطات اللي مكوناتها طبيعيه ما اتوقع بتضر لانها اذا مانفعتج ماراح تضرج ^_^

ونصيحه لا تخبصون حيل بالخلطات حلات الخلطه بسيطه بمكوناتها حبايبي

 

[زهرة الزهور]

خلطات واجد تدمر والقليل الي يعالج والبشرات مو نفس بعض وحدة تفيدها ووحدة تزيدها
الله يجيب الخير للجميل وينولكم الي فبالكم يارب

 

[MisS.Wawa]

اي البنات اللي يخلطون كريمات فلبينيه وهنديه واندونيسيه من الحواي هذي اكبر دماااااااااااااااااااااااااااااار
كريمات الحوااي اللي مادري من وين يايبينها كلها دمار بدمار بكلام كل دكاترتي
بس فتامين سي الفوار منو قال يضر البشره اي دكتوره ...؟! ودكتورتي اللي قالت اخذيه وحطي على ويهج عشان المسام لانه بشرتي دهنيه واهوا اخف من الكريمات وانا ماحب اي كريمات حق ويهي اخاف لانه فيها تحسس ليش قالت لي هالحجي ..،
الليمون منو قال اي طبعا اللي تبي تقطع اي كريم او اي شي لازم تقطعه شوي شوي يعني الثوم احسن شي حق الشعر واكبر مصيبه اذا قطعتيه اهوا والخروع لازم تعرفين الاساسيات اللي لازم تسوينها عشان تقطعين الكريم او الخلطه او الزيوت ،،،
وفي بنات ماعندهم امكانيه تشتري السيروم ب15 دينار ( كل وحده وميزانيتها )
وفي بنات مايقدرون يشترون كريمات ب50 ولا 60 يعني نجربهم
كل وحده عقلها براسها وتعرف خلاصها
وكريمات الكرتزون لهم فتره معينه ولازم بوصفه معينه
والترطيب اهم شي اهم شي لانه الجفاف اهوا اللي يسبب سواد
ولا تدرين شنو اللي يبط الجبد بعد اللي تقولج ( باقي على عرسي شهر والمنطقه الحساسه عندي وركبي اسود فاحم ابي حل )
واااااااااي لا لا مستحيل يعني
طول هالسنين مالاعت جبدج من السواد الحين يوم بتعرسين تبين تبيضينها جان اهتميتي من الاول بكريم واحد لو فازلين على مدار 5 اشهر او 6 اشهر وقلتي حق السواد باي باي ،،
ولا اللي يبط الجبد بعد كريمات وخلطات الحواي اللي كريم شسيو والسحري وماجيك وبولي وفديت اوت وربعه ومادري شنو وتيي تخلطهم كلهم مع بعض وتستخدمه حق كل جسمها بعد لا يا مصيبتي لا لوول ،،
وينكم عن التقشير اليومي بالسباحه تسوينه وما يبيله وقت والصابون الافريقي وصابون فير اند وايت شفيهم ؟.....؟؟؟؟؟؟؟؟؟؟

يسلمو خيتو عالطرح كنت افكر انزل موضوع مشابه حق الموضوع بس فيه اختلافات ترقبي موضوعي عيل لوووووووووووووووووووووووووووووول​

 

[حلاتي غير]

صح كلامج مو اي شي ينخلط مع بعض لازم تكون الشغله عن دراسه بتركيبة كل كريم

 

[غزاله الكويت]

يعطيكم العافيه

مافيه شي ما جربته الطبيعي وغير الطبيعي والحمدلله الله سلمني


طبعا تبنا عن الكرتزون وكريمات الفلبن الحين كله طبيعي ولله الحمد



ومشكورة ع الطرح

 

[همسة الاحساس]

حلو الموضوع لنقاش والتثقيف

شوفي اوافقك بخلطات الكميائي مضررره

بس خلطه فيتامين سي \ شسالفه \ الصابونيه لحور الجنان بمابه مواد مضره << كل هذين يجنن مابه مضره وطبيعيات




بس الي يقهري خلطات الزيوت لشعر انتم ماتكلمتو عنها

البعض تخلط اكثر من عشر زيوت لشعر اكيد الشعر بعد هالخلط بيتساقط ويطيح ونا من ضحايا خلطات الزيوت
الوحد تختار زيت واحد ينابها وحط به اعشاب حلوووو




واليمون حلوووووووو ماعمره ضر او سود

والجلسويد يهبل


مشكووووووووره

 

[حوريه عسل]

بنات اللي قالو عن قايتمين سي مو مضر
ادري بنات بس غصدي ليش ماتشربوون عصير برتقال فرش احسن ( الظاهر مافهمتوو كلامي بالموضوع ماعليه انا اساسا ماعرف اشرح عدل خخخخخ )


مس واوا

حده ترى البنات ييووون الشي بسرعه يعني اليوم تحط الكريم باجر اهي بيضه بس هذا الغلط مثل ماقلتي لازم الاستمرار
بس منو يسمع :/