:( امانه دخخلوو والله تعبت

[مهونه الكويت]

مرحبا بنات شلونكم شخباركم بدخل بالموضوع على طول ..

انا طالبة حلوو يوم الاحد يوم كنت بالمدرسة طحت فجأة "آغمآ علي" وكان قبلهآ بيوم كآنت فيني نشلة وكان التكييف بارد رحت للطبيب قالي يمكن فيج فقر دم وعطاني حبوب فيتامينيات وامس رحت للطبيب عشان اسوي تحليل شامل سكر وتحليل فقر دم كل تحاليلي حمدالله زينه بس احس بدوخة مو طبيعية يعني لما اوقف ادووخ واحس شوي واطيح يعني فاقدة التوازن واليوم بالمدرسة هم طحت بالمدرسة وابوي وداني الطبيب قالولي يمكن فيج التهاب بالاذن الوسطى وحولوني للمستشفى ورحت وسوولي تخطيط اذن وحمدالله نتايجي زينه مافيني التهاب بالاذن ولا شيء يوم قلتلهآ حالتي قالتلي يمكن فيروس هو الي خلاج تطيحين وعطتني حبة قالتلي اكليهآ بعد كل وجبة يعني بعد الغدا والعشا و الريوووق تتوقعووون صج ولالا ؟ لان والله تعبت من الدووخة و الطيحة باجر عندي امتحان وخايفة اطييييييح ة:eh_s(2): تكفون ساعدوني قولولي فيه احد صار فيه جذي ؟طمنوني حدي خايفة وعطوني اشياء اسويهآ اييه ونسيت على فكرةاليوم طلعت لي حبة تحت لساني حبة الحرارة الداخلية ؟ يعني صح كلام الدكتورة والله قمت اوسوس

 

[ام الدرر]

حبوبة دام انه التحاليل سليمه وفحص الاذن الوسطى سليم
اكيد السبب فايروس مثل ما قالت الدكتورة
كملي علاجج وان شالله ماكو الا العافية

تنبيه حياتي
بالنسبة لكلمة (امانه)
مايجوز الحلف بغير الله سبحانه

عسى الله يشافيج وماتشوفين شر ​

 

[زعفرانة_73]

حبيبتي ان شاء الله مافيج غير العافيه، كملى علاجج حبيبتي ، واشربي عصير برتقال طبيعى قبل ما تروحين المدرسه وتريقى ساعات الدوخه بسبة انج مو ماكله شى او قلة النوم.​

 

[مهونه الكويت]

مشكورين ع الردود
خيتو زعفرانه_73 انا اتريق الصبح وبعد كل حصة اكل حمدالله بس هم اطيح السبب مو اني ما اكل ~ السبب يمكن فيرووس .. و الفيروس شلون اعالجة ؟ يعني شنو اشرب شنو اسوي ؟ هل ادهن نفسي بفكس واشمه عشان النشلة تروح ؟ ولالا ترا ماعرف شيء ساعدوني ؟

 

[مهونه الكويت]

اب اب اب فيدوني~

 

[روح ملكية]

الله يشفيج ماعنًدي فكره ، احسن لج راجعي الطبيب عشان يشوف شنو فيج بالضبط

 

[اشلون يعني &]

يمكن اجهاد. ماتنامين وتسهرين او تفكرين
ريحي نفسج
ماتشوفين شر
واشربي سوائل

 

[الاميرة ياقوت**]

حبيبتي اقري سورة البقره كل ثلاث ايام وراح انشالله اشوفين العافيه

 

[بنت ^ جآبر]

مافيج الا العافيه حبيبتي
جسم عن جسم يختلف
انا اشوف اللي معاي بالبيت يطيحون بالفراش مايتحركون من التعب لمدة 3 ايام وبعدها يقومون مافيهم شي .. وانا اذا طحت مريضه بنشله او حراره الله لايوريج توابع هالمرض اشد من المرض نفسه .. اطول معاي لمده اسبوعين واكثر
افضل شي لج تحافظين على البرودة المعتدله بدارج
يعني تجنبي البروده الشديده والافضل تقعدين بدرجه حرارة الــ 25
وثاني شي كل ماحسيتي انه انتي مريضه وحاسه بخمول اخذي شور
وغيري جو الدار اللي تقعدين فيها
جددي الهواء..
واذا تبين تعقمين الهواء بدارج بخري دارج بحبة البركه
ترى حتى دكاترة الطاقه تكلموا عنها .. انها تعقم وتطرد الطاقات السلبيه
وصج نسيت .. عشان تحسين بطاقه وحيويه دائما عودي روحج اتسبحين بماء وملح خشن
يطرد كل الطاقات السلبيه اللي فيج
وماتشوفين شر

 

[@ DLOO3TAH@]

الله يشفيج