اماكن حلوه في نيويورك ساعدوني

[deenaa]

بنات بلييييز بغيت اسألكم شنو احلى اماكن حلوه اقدر اروحلها في نيويورك غير الفيفث افينيو والتايم سكوير؟ بليييييييييييز ابي مساعدتكم ضروووري
:tek:

 

[tofy]

ترى الفيث افنيو والتايم سكوير شوارع كبار يبيلج مدة يالله تخلصينهم

واحلا شي بالتايم سكوير انهم يفتحون المحلات لي الساعة 12 بليل


وعن الاماكن الحلوه اخذي الابون تور باص واهو يوريج كل الاماكن السياحية


وانا ركبة سفينة توديج لي جزيرة تمثال الحرية

 

[dantilla]

في عندج برج امباير ستيت ,, و حديقه سنترال بارك و التايم سكوير و السوق في كل مكان ,,

 

[nawnaw]

المسرحيااااااااات لا تفوتج المسرحيات .. lion king .... street 42 if it still there ... صراحه انا ماحبيت نيويورك وايد ..كافي عليها 5 ايام . روحي منها لي نياجرا فولز حلوه.. احلي سكن في التايمزسكوير . اوتيل ال W او ماريوت ماركيز موقعهم ممتاز

 

[احلى شرقااويه]

حبيتي روحي لداون تاون مدينة منهاتن في شارع ريئسي فيها كله مجمعات منها مجمع اسمه ميسس حده عجيييب

والشارع كله مجمعاااات

 

[laura mercier]

اه..ثم اه..انا اعشق منهاتن وعشت فيها فترة بحكم شغلي ..بس كانت احلى الايام ..في سوق بعيد تركبين باص عشان تروحيلة اسمة:وود بري" اهو "اوت لت" يعني كل ماركة عالمية تحصلينها فية..وبعد اخذيليك جولة في الامم المتحده!! اي اسوون فيها "توور" يوميا طول الوقت شوفي مكان الشيخ جابر اللة يرحمة لما ناشد الدول لتحرير الكويت "وبكى وبكينا"تمرين علية بالتور اسمة"الجمعية العامة"..وفي مطعم راقي لازم حجز وغالي بس كلة فية مشاهير و المصورين برة منخشين..!!اسمة"مستر تشو"... اللة ياحلوها من ديرة..روحي مجمع اسمة "مايسس" على"ال7 افنيو"وشارع 34..ومجمع اسمة "بارني" ماينسي اسمة..تلقينة على الجادة اسمها"ماديسوون" والشارع رقم 61 ..ولا يطوفك المطعم الي في بارني الدور التاسع ..اصلا مافي غيرة بالمجمع بس عجيب ..طلبي بيتزا مارجريتا و بطاط تشبس ..ماصارو ولا استوو:ggdw:...وبعد..وبعد..مطعم ايراني على "1 افنيو"والشارع رقم 74 و73 ...ومجمع "ساوث سي بورت" على المينا عادي بس المنظر حلو في جهة المطاعم ...طبعا مجمع "ساكس" على "5 افنيو".. اي ذكرت..مجمع اسمة "بلومنج ديل" على "3 افنيو"والشارع 62 ..وطبعا في مدينة داخل منهاتن ايطالية من 100 سنة اسكنوها الايطاليين وتطبعت بطابع الايطالي ..اسمها"سوهو" انا اعجبتني لان كلها مشي ووناسة والمحلات جدامها بسطات حق المصممين الي قاعدين يدرسون بالجامعة..افكارهم غريبة ..وبضاعتهم رخيصة..انا رحت "الامبير ستيت"بس ماعجبني بس انك تشوفين المدينة من فوق..مادري مايسوى العنوة والزحمة..وفي بعد مجمع بعيد تروحيلة بالباص اسمة "جيسي جاردن" وايد عجني و في عرووض وايد استانست فية ..حبيبتي محطة الباصات جدام "نييويورك تايمز"..كل تكسي ادلك..بس لا تنسين تروحيين عن طريق القطار حق"واشنطن دي سي العاصمة"..تهبل بس 3 ساعات بالقطار ....ورحلة موفقة:eh_s(6):

 

[laura mercier]

ترى توني رادة فمعلوماتي .."فرش"......

 

[كوب حليب]

ضبية أبوظبي .... يا حلو أسمك كنت أعرف وحده أسمها ضبية أهي من دبي و تزوجت واحد في ابوظبي .... المهم مشكوووورة على المعلومات الفرش ....

 

[laura mercier]

العفو الغالية ..وحاضرين ..

 

[منهاتن]

ياي احب منهاتن

 

[ام الشيخه]

بنات شلون احجز القطار من نيويورك لي دي سي؟

وجم سعر التذكره ؟

وشرايكم اختار فندق نيويورك بتايم سكوير ؟

وشكراااااااااااااا

 

[منهاتن]

220 دولار لدرجه الاولى .....فندق بهالمكان مزعج....السكن احسن بال 4 سيزون....

 

[ام الشيخه]

مشكوره منهاتن بس شلون احجز.. يعني اول مااوصل نيويورك اروح مكتب سياحي مثلا ولا موقع بالنت ؟؟

عموما انا بقعد بنيويورك يومين بس فأبي شي قريب من السوق والاماكن السيااحيه