ال في الصالحية ......!

[نـــــور]

انا بعد مع الاخت اللى قالت ترى انا سامعة هالقصة من كذا وحدة و الله اغلبهم يقول تقليد الواحد يشترى من برة احسن

 

[دلوعة المطران]

والله كل شي جاايز

 

[انصار]

فيلا مودا الكل يدري تقليد وعمري ماشريت منهم شي

لانه معروف انه محله مخلوط بين التقليد والاصلي

وبالتنزيلات يبين

 

[AL Aristocraticya]

حبايبي شفيكم !!

انا بفهم شالهدف البوتيك ايبونه تقليد !!

و اذا على الربح ترى في فرق بالسعر بين بره و بين الكويت يعني في كل الحالتين الكويت اهي الرابحه !!

يعني الجنطه اللي تشوفيهنا بره ب 400 تلقينها اهني ب 500 و شوي !!

و بعدين اللي فاتحين البوتيكات عندنا الله مرهي عليهم و عيال عوايل و خير و نعمه ماعتقد انهم يجازفون بسمعتهم عشان محل !!

و بعدين احنا من عمر نسافر و نروح و نرد معانا جناطنا اللي ماخذنينها من بوتيكات الكويت ما عمرنا سمعنا انهم تقليد

ولا سمعنا انهم مو اصليين !! بالعكس يستانسون لي شافونا شايلين جناط من ماركتهم و يتبوسمون !!

يمكن صادف محل تسكر مره بس هذا مو معناته صارو كلللهم تقليد !!

و على فكره الاوتليت بره يوصل خصمهم بالقاع على الموديلات القديمه .. يعني السنه انا بباريس رحت الاوتليت

و الله يشهد عليي تي شيرتات بولو شايفتهم على 95 يورو لقيتهم بالاوتليت بـ 38 يورو بس الموديل القديم !!

يعني عااااادي البضاعه توصل لي 90% لي كانت البضاعه دااثره من سنة الطواعين !!

ومن جم يوم اتفرفر بالصالحيه و اقوول الله يعزج يا الكويت كل النيو كولكشن اللي شفته بره يايبينه عندنا ..

و الله الكويت ديرة خيير و نعمه و كل شي فيها حلوو و مو عاجبكم شي :0bee2e8d89: ​

عدل كلامج شسالفه تقليد و تقليد يبا ترا التقليد ايبين و الكويتيات مو مغفل يعرفون التقليد من الاصلي يبين وواااضح التقليد اشكراا يبين انه تقليد و الاصلي يبين اصلي لا اتقولون تقليد والله شسالفه ترا هذا يشوه سمعت السوق الكويتي شنو شايفين سوقنا اي كلام يقصون علينا ويحطون لنا تقليد ونسكت ليش مخديين ؟؟ اصلا حتى برا الكويت لي رحنا لندن وغيره يدون انا احنا كويتين ليش انقدر ونفهم بالماركات يحترمونه غير باقي الجنسيات مايعطونهم ويه يدرون انه ما يفهمون الماركات بس لي قلتي من الكويت هدوو الللي بايدهم وجابلوج يدرون انه نشتري مبين من لبسنا و ثقافتنا شنو احنا طايحين من عينهم هاللي يقولون لنا محلاتنا تقليد ؟؟؟ يعني مانفهم ابنشتري تقليد؟؟ هذي كلها اشاعات الصراحه اسمحوولي الغرض منها يشوهون سمعت الاصلي ويطحيون حظه علشان نلبس تقليد مثلهم وهذا طبعا مستحيل انه اللي اتشيل جنطه تقليد ما احترمها لانه اعتبره غش واللي ماعندوش ما يلزمووش موقادره علي الاصلي غالي خلاص لا تلبسينه لبسي ماركه عاديه بس مو تقليد ناين ويست ميلانو نكيست بس لا تلبسين شي تقليد ويييع الصراحه الشكل يفشل احس انها تحرج عمرها جنه اشكرا تقول انه هيليقيه ماعندي فلووس لبست مثل الاصلي غصب هذولا اللي يحبون التقليد يطلعون اشاعات علي بوتيكاتنا علي قولت المثل اللي مايطول العنب حامض عنه يقول مو قادرين يشترون اصلي قامو يقولون عنه تقليد وسلامتكم و الحجي مو موجهه حق صاحبت الموضوع ابداااااااااا علشان ما تصير هوووووشه الحجي مو عنج يا حيادر ابدااااا الحجي اللي اقوووله هذااااا راااي الشخصي في التقليد فقط لا غيرررر لا احد ياخذه علي انه كلام موجهه حق احد ابدااااااااا للتوضيح فقط

 

[شرطيه حلوه]

والله صح كلامج
قبل فتره شريت جنطه من فيلا مودا وطبعا ما لبستها ولا لبسه خليتها فتره ويوم ييت ألبسها أنقطعت وديتها يصلحونها ظلت عندهم فوق الأسبوعين
والحين لبستها لبستين وردت أنقطعت مره ثانيه والصراحة حرمت أشتري بعد من هني ماركات صج من بره وايد أحسن
بعدين أنا ماخذه الجنطه بالتنزيلات بحدود ال200 وشاكه أنها تقليد بعد اللي شفته

 

[sweet barbi]

الغش فى كل مكان انا ما استبعد شى وخصوصا فيلا موودا وووايد صايره دقات من هل محل

 

[حيادر]

عدل كلامج شسالفه تقليد و تقليد يبا ترا التقليد ايبين و الكويتيات مو مغفل يعرفون التقليد من الاصلي يبين وواااضح التقليد اشكراا يبين انه تقليد و الاصلي يبين اصلي لا اتقولون تقليد والله شسالفه ترا هذا يشوه سمعت السوق الكويتي شنو شايفين سوقنا اي كلام يقصون علينا ويحطون لنا تقليد ونسكت ليش مخديين ؟؟ اصلا حتى برا الكويت لي رحنا لندن وغيره يدون انا احنا كويتين ليش انقدر ونفهم بالماركات يحترمونه غير باقي الجنسيات مايعطونهم ويه يدرون انه ما يفهمون الماركات بس لي قلتي من الكويت هدوو الللي بايدهم وجابلوج يدرون انه نشتري مبين من لبسنا و ثقافتنا شنو احنا طايحين من عينهم هاللي يقولون لنا محلاتنا تقليد ؟؟؟ يعني مانفهم ابنشتري تقليد؟؟ هذي كلها اشاعات الصراحه اسمحوولي الغرض منها يشوهون سمعت الاصلي ويطحيون حظه علشان نلبس تقليد مثلهم وهذا طبعا مستحيل انه اللي اتشيل جنطه تقليد ما احترمها لانه اعتبره غش واللي ماعندوش ما يلزمووش موقادره علي الاصلي غالي خلاص لا تلبسينه لبسي ماركه عاديه بس مو تقليد ناين ويست ميلانو نكيست بس لا تلبسين شي تقليد ويييع الصراحه الشكل يفشل احس انها تحرج عمرها جنه اشكرا تقول انه هيليقيه ماعندي فلووس لبست مثل الاصلي غصب هذولا اللي يحبون التقليد يطلعون اشاعات علي بوتيكاتنا علي قولت المثل اللي مايطول العنب حامض عنه يقول مو قادرين يشترون اصلي قامو يقولون عنه تقليد وسلامتكم و الحجي مو موجهه حق صاحبت الموضوع ابداااااااااا علشان ما تصير هوووووشه الحجي مو عنج يا حيادر ابدااااا الحجي اللي اقوووله هذااااا راااي الشخصي في التقليد فقط لا غيرررر لا احد ياخذه علي انه كلام موجهه حق احد ابدااااااااا للتوضيح فقط

اولا مشكووووورة على مداخلتج وتعليقج

ثانيا ادري ان الكلام مو موجه لي ولا راح اعاتبج او اتهاوش :dddds:

هالموضوع علشان نشوف وجهات النظر كلنا ونتناقش

بس البنات مو قصدهم وانا موقصدي ان هدوا الاصلي واشتروا تقليد ولا ان التقليد احسن من الاصلي

احنا قصدنا ان ننتبه قبل لاندفع وبالاخير ننصدم
ولا ان الوحدة شيسوى عليها شارية جنطة بالشيء الفلاني وكاشخة وبالاخير تيي وحدة وشارية نفس الجنطة بس من البوتيك الاصلي بره الكويت والفرق واضح وتقعد جبالها !!!!

قصة ويه الصراحة !!!


موقصدنا ان التقليد احسن من الماركة
الماركة مهما كان اهيا الاصل والاحسن طبعا واكيدا
لكن التقليد قايم سوقه هالايام والواحد ماقام يفرق
ومو معناته ان وحدة شرت تقليد يعني صارت هيلقية ولا مو طايلة العنقود !

لو في بنفس الشكل والجودة وبسعر ارخص على ذوقها وميزانيتها ليش لا؟؟
كيفها منظرها جدام الناس يهمها اهيا وبس


والتقليد مو كله يبين منو قالج ان يبين !

الصراحة انا ياللي اكلمكم قبل جم يوم كنا متيمعين انا ورفيجاتي ونتكلم بهالسالفة ان فيلا مودا وكذا محل يقولون تقليد شلون وماشلون وقلتلهم عن كلامكم وتعليقاتكم :tomato2:
عاد وحدة من رفيجاتي نطت تقول انا كانت عاجبتني جنطة بفيلا مودا غوتشي من زمان شايفتها وسعرها غالي
عاد وحدة تقول ان تييب غوتشي وفندي ونفسها نفسها بس تقليد درجة اولى من بره والمرة قالتلها ان تقليد درجة اولى ماغشتها

ويوم راوتها الغوتشي ولا تقول نفسها نفسها اللي شفتها
(( وثقيلة بعد موخفيفة اللي تقولون يبين تقليد وخامتها متينة ونقشتها واضحة ومرتبة نفس اللي شافتها بالضبط ))

و شرتها منها بسعر غالي مو رخيص والله بعد بالنسبة حق تقليد بس تقول اهون من سعر الاصلية

المهم يوم خذت الجنطة راحت فيلا مودا وقالت الا بقارن وبشوف لو في فرق او شي علشان لاتتوهق بعدين

تقول يوم حطيتهم يم بعض قعدت ساعة اطالع هذي واطالع هذي
وادقق
لاحظت ان الجناط ماكو فرق بينهم كلش كلش الا اللهم يدة الجنطة الاصلية اسخف بسانتي واحد تقريبا او اقل شوي
والدرز تقول يوم دققت وتلمست شفت الخيط اخشن شوي وسخيف مو عريض وايد يعني مو متين
ومايبين الفرق الا بالتدقيق
ولو ماحطيتهم يم بعض ماكنت فرقت بينهم يعني 99% نفسها

يعني لو المرة قاصة عليها وقايلتلها ان الجنطة اصلية جان والله مادرت لأن الفرق مو واضح الا بالمجهر والمسطرة

وعقب سوالفنا معاها قالت والله مايندرى اذا اللي بفيلا مودا اصلية ولا تقليد بس من مكان ثاني
لوووووووول قلنالها لاتكشخين جنطتج :dddds:




فجذي اقولج التقليد في اللي يكون درجة اولى مايبين كلش الا بالتدقيق والملاحظة
ولا لو تشوفين وحدة شايلتها بالسوق ماراح تقولين ان هذي تقليد لو انتي مو عارفة الاصلية شنو قياساتها مثلا ولا شنهي درجة لونها او شي جذي




الصين ماخلوا شي وانا اختج :eh_s(14):

وتقبلي كلامنا انتي بعد بصدر رحب ولاتشيلين بخاطرج :eh_s(6):


وهالموضوع مفتوح للكل قولوا اللي تقولونه بنات ولا تجاملون :eh_s(6):


فيلا مودا مو مال ابوي :dddds:
ومحلات الصالحية مو وارثتهم عن يدي الرابع عشر :dddds:



مجرد موضوع وتناقلته الالسن ووصل لمنتدانا

كل وحدة تدلو بدلوها :gathering:

 

[ام بنتها]

واي ضيقتي خلقي
اول امس شاريه جنطه الله يستر
عااد امي قالتلي نطري شهر 12 اخوج بيي من فرنسا اخليه يشتريها لج
قتلها مابي بكشخ فيها
انززين اشلون اجيك اذا اصليه او لأ ؟؟
تحبطت حديييي

 

[أم الحلوة جمان]

والله بنات أنا أشتري جنط ماركة من الكويت و من بوتيكاتها و ما أشتري من بره الا اذا كان الموديل ما نزل عندنا ....
و سالفة الجنطة اللي انقطعت و ودتها البوتيك اللي بفرنسا و قالها تقليييد .. بس خلاص ملييينا منها اللي يبينا نصدق خل يألف لنا قصة ثانية ...
خل أضحكم .. مرة كنت في استقبال و كانوا يتحجون عن نفس الموضووع .. و يابوا طاري هالسالفة .. و لا ثنتين بنفس الوقت قالوا ( اي أنا اللي صارت لي هالسالفة ) ابيييه لا تشوووفون ويههم شلوووون قام يحمر و يقلب ألوان ...لأن كل وحدة انحرجت من الثانية و حسبالها ان الثانية اهي صاحبة القصة ... و طبعا احنا ندري ان ولا وحدة صاحبة هالقصة لأن هالسالفة سمعناها من 10 سنين.....

و بعدين سالفة الجنطة اللي ماتبين تقليد الا لما يشقها من داخل ... شلون قدر يفرقها عن الأصلية من البداية ...
مدام عرف انها تقليد من النظرة ليش مابين الفرق من غير ما يشق ؟؟؟؟؟؟؟؟؟؟؟

و بالأخييير .. ما بي أحد يزعل من كلامي ... هذه وجهة نظري الخاصة ....
و اختلاف الراي لا يفسد للود قضية .....
و بما ان ما صارت لي سالفة من هالنوع مع بوتيكات الكويت .. ما أحب أظلم أحد أو أتبلى عليهم ... أو أظن فيهم .. ما ابي أحط بذمتي .. ( ان أغلب الظن إثم ) ...

و صحححححححححححححح لساااانج يا نيباااااااال

 

[ام بنتها]

اليوم دقيت على امي متحبطه اقولها السالفه قالتلي اصلا ما يحطون مع الجنطه قرنتي و عمرها ما صارت انه يحطون قرنتي مع الجنطه
و استوعبت اني خفت عالفاضي

 

[النهج الاسمى]

شفيه سوق الجمعه؟:0bee2e8d89:

واشفيه سوق السلاح؟؟:krkrkr:


:dddds:

 

[bambena]

بوتيك بالصالحيه ماخذ الوكاله وتقليد !!

حدث العاقل بما يعقل !

جناطي منهم من اكثر من 10 سنين وشزينهم لي الحين

المحل موجود بالسايت الاصلي مال الماركه !!!

تقليد وقاعد لي الحين !! الله يهداكم بس

 

[@شوق@]

مع راي نوااره_

 

[flooonah]

والله كلاااامج صح انا اشهد وحده رايحه بتشتري جنطه من بربري قالتلهم ابي هذي راح داخل ويابلها قالتله ابش ما عطيتني المعروضه جان يقولها لا المعروضه ميد ان جاينه الصين @@ امبييييه يعني هذي الصين واللي داخل لا ..والله ما يندرا عنهم تقول والله هديتها وماخذيتها وبعد ماراح اخذ منهم

ثاني شي : ليش اللي تشيل تقليد هيلقيه الحين اكبرها واسمنها يشيلون تقليد وانا اعرررررررررف وااااااااايد ولا حلال عليهم وحرام على عيال الفقاره .. واذا اهي شالتها حتى لو تقليد سوييتوها اصلي واهم دايما يقولون نروح نقط 400 ولا 500 ولا 600 على جنطه وبعدين نقطها .. الحين بالصين كل شي يسوولج طبق الاصل من ليبل من جيس من كرتون ويطلعون لج الصوره ويورونج شي شي .. بالعكس ليش هيلقيه والله اللي سنعه وتعرف تلبس ومرتبه كل شي حلو عليها ولا يبين تقليد وعن التفلسف والتشيحط حرام تكسرون مياديف الاوادم وعليه .. وبس سوري عالازعاج

 

[Pink GirL]

هالسوالف سمعناها 6000 مره
مره ولد ومره بنت
مادري لي متى ؟!

شلون بوتيكات ومعترف فيها رسميا والسايت مال الماركة كاتبينه بلستت الافرع واخر شي تقليد !!!؟؟؟
حياتي هذيل اجانب اهم شي عندهم سمعتهم لو صاير هالشي تأكدي ينسحب التوكيل من الحبشي وشلهوب اصحاب شانيل او حتى الالفي

طول عمري اشتري منهم واسافر ولا احد تكلم وقالي تقليد يبة خرابيط لاتصدقون اي شي

 

[SeDuCTive]

صج بنات سالفه شانيل وايد سامعه فيها واصلا بوتيكهم يظيق الخلق مافيه شي ما شريت منه الا مره وحده وما ارتاح لهم فرررررق لي رحتي محل مثل هارودز واللا تسوقتي بايطاليا واللا استراليا صج اسواقهم غير.. وحتى LV بعد يخورونها وصج مو كل شي عندهم ثقه لا وعلى كل هذا معاملتهم موشي.. ومو معناته انه اذا عوايل معروفه فاجين اي شي يعني مافي غش بالسالفه.. عادي كله ينخش تحت هالاسم الرنان هذا اذا كانوا ناوين يغشون طبعا مع احترامي مو كلهم جذي بس كونه بوتيك لعايله غنيه مو تبرير لأي عمليه غش للمستهلك.. وصج انا احب اخذ من بره مضمون ومن المحلات المضمونه بعد حتى اذا رحت دبي افضل اخذ الجنط من Harvey Nicholes او saks عالاقل لي صار شي في شركه عالميه تهتم بعملائها وتشوف مواطن الضعف بمجموعتهم مو مثل بوتيكاتنا قطيعه نقط فلوس شكثر والمنه علينا بعد ومحد ينكر هالشي خواتي.. وعندي مداخله بسيطه بالنسبه لخواتي اللي يعتبرون البنات اللي يلبسون تقليد غش..:eh_s(1):
حبيبتي اذا عالغش ما يت عالجنطه وانا وحده من الناس اذا زاغت عيني على شي طلبته من مكانه الاصلي واذا في وقت ماقدر اشتري فيه.. مو لازم.. بس مو معناته الناس ما تلبس الموديل لا يبا خلوا الناس تستانس وتلبس وتشتري عليهم بالعافيه.. وترى الدنيا دواره واللي شايف نفسه عنده ومحد لازم يشتري مثله يحط باله! بس انا برايي الغش بالموضوع اذا سألتيهم يقولونلج لا اصليه واهي تقليد والمشكله واضح خصوصا للي متعود على الاصلي وهالظاهره موجوده عند الطبقه الغنيه والفقيره والحمدلله مافي بديرتنا فقير.. عزيزاتي مافيها شي خلوا الناس تلبس ليش هالتعجرف والعنصريه وموعيب اذا عجبني شي مقلد والفينيشنق ماله حلو.. العيب هالتشلخ اللي قاعد يصير بين الحريم ..
واتمنى تفهمون وجهه نظري وبالنهايه الموضوع مطروح للاستفاده مو للتجريح ومشكوره اخت حيادر_03BA:

 

[عسوله_8]

والله بصراحه شي يزعل وايد ،،،، يعني الى هالدرجه انعدم الضمير عندنا والله حرام عليهم

وحسبي الله ونعم الوكيل ، الي ياكل فلوس حرام الله ما يخليه يتهنا فيهم ،، بس المفروض علينا الحين اذا بغينا شي نشتريه من محلهم الاصلي علشان نفسياتنا
ويعطيج العافية اختي على المعلومه

 

[pretty sarona]

اذا بغيتي تعرفين ان الماركة اللي موجوده عندنا اصليه ولا لا دشي السايت وشوفي فرعهم بالكويت , راح تشوفين ان ال في الصالحيه موجود و رقمهم و عنوانهم ,, نفس الشي فندي و ديور ,, انا جم مره اخذ جنطه ال في الكويت و الاصليه تبين و حتى لما ناخذ جناط من برى و ناقصنا القفل ولا شي نستلمه من فرع الكويت ! ما اشكك بكلامج بس الاغلاط المصنعية وارده , ليش الاصلي ما يخترب يعني ولا بس التقليد ,, ومشكورة

 

[Morena]

لا البوتيك اللي بالكويت اصلي 100% ... انا مره ببتويك اللي بفرنسا فحصتها وقالي الريال اصلية وقعد مده يقولب ويشرح وقالي محلكم اصلي

ومره بايطاليا هم بجوتشي وفندي فحصت جناطي وهم قالي اصلييين ومحلاتكم اصليه لكن مرات ينزلون كولكشنات ماتنزل الخليج بس داخل اوروبا او داخل بلد المنشا مثل جوتشي مرات ينزل ليمتد اديشن خاص حق ميلان او روما بمناسبة او بغير مناسبة مثل اسابيع الموضة وهم ال في مرات ينزل شغلات حق اليابان ودول اوروبا ولندن قبلنا

ومرات ناخذها من بره ارخص من الكويت مثل بربري

 

[حيادر]

هلا فيكم بنات

ماقصرتوا على تعليقاتكم

بنات لاحد يزعل من كلام احد

البنات مو قصدهم شي

كلنا عيال خير ونعمة الحمدلله

لكن مو معناتة ان نقطط فلوسنا على الفاضي والمليان
لازم نشتري بعقل وبحذر

خصوصا ان الضمير شبه معدوم هالايام والكل يبي الربح باي طريقة:0bee2e8d89:



واللي تلبس تقليد مو هيلقية بالعكس
ذكية
قدرت تحصل اللي تبيه ونفس الاصلي بالضبط لكن بسعر ارخص


واللي تغش ببضاعتها الله فوقها وبيحاسبها




لاتزعلون بنات
ومثل ماقالت وحدة من البنات

الموضوع للافادة مو للتجريح


حياكم الله ياقلبي