ال في الصالحية ......!

[كشوخه]

حبايبي كل المحلات الماركات بالكويت يغشون بس طريقتهم انهم يخلطون نص البضاعه اصلي ونصها مو أصلي وانتي وحظج وهالكلام معروف عند الناس والمينونه اللي تشتري من الكويت انا عن نفسي اشتري من بره ماأشتري من الكويت ولا عود وإذا ماسافرت الله يعافي النت طلبي منه كل شي ... كلهم غشاشين لا تقولون سمعه ولا بطيخ لأن اكثر من واحد قايلينا واهمه أصحاب المحلات الماركات انهم يسوون هذه الطريقة يخلطون الأصلي بالتقليد واولهم محلات الصالحيه ... حسبي الله عليهم مايخافون الله....
بره اضمن وارخص واحسن والمصيبة تقليد وأغلى من الأصلي بس شنقول حسبي الله عليهم

 

[اوملييتا]

حبايبي انا هالكلام ما اقتنع فيه اللا لما اشوف بعيني @@

بصراحة انا شارية جناط من الكويت اهمه نفسه القاهم في لندن و فرنسا

بالضبط

وبعدين التقليد درجة اولى يبين و الله انه يبين

و اسعارنا فيالكويت تكون اغلى شوي لانه بره يعطونج تاكس عالبضاعة

كل سنة يقولون هالحجي مره شانيل مره فندي او الحين طلعو هالحجي عن الفي

انا بصراحة اشتري من الكويت كل الماركات انا واثقة انها اصلية 100 ب100 وانا شيكت جم مره في لندن اهمه اهمه ماكو فرق

 

[noty]

هلا حبيبتي

اول كنت اصدق لما اسمع سوالف

بس الحين لا والله ما اصدق لانه مابي اطلم احد

عالعموم الكلام سهل و لا لو انا اروح و قولي تقليد و اسكت !! << هذذا ما يدش العقل

هذي وكالات لماركات عالميه

تندز لهم كميات و مسجله ارقام كل قطعه

الاصلي و التقليد يفرق حيييل

بس في نوعيه اللي يكون الماتيريال اصلي بس ايدي العامله رخيصه

تشوفين كل شي صناعة الصين مثلا يعطيهم الماتيريال يكفي حق عشر الاف جنطه بس مثلا سووا 13 الف جنطه

اهم ياخذون ال 3 الاف و ابيعونهم ارخص و خاصه اذا صار فيها غلط او شي فهذا العامل او المصنع يستفيد لو ابيع القطعه برخص تراب

لانه اساسا ماخذ اجرة الشغل و خالص فهذا زيااده عنده

و سلامتج

 

[رهوف]

خلاص عيل اللي شاكه ان الماركات اللي هني تقليد خل تشتري من برا يمكن يخف الضغط عالماركات مو كل ما اسأل عن موديل ولا خاااااااااااالص

بس مستحيل هالشي يصير

 

[ABoOoBA]

صح والله واانا اذكر وحده من رفيجاتي قايلتلي قصه وحدة تصيرلهم


كاشخه بجنطتها ومااذكر السالفة عدل بس قالت حق الي بالبوتيك انه شايرتهل من ال في الي بالكويت رد عليها برد كبر ويها فحمها مسكينة

قالها اصلا احنا ماعندنا بالكويت .. حتى يوم ردت دززت ايميلات انه ال في الي بالكويت بضاعتة مو اصلية ومادري شنو وكتب قصتها والفشلة الي صارت لها


والله العالم

بس الله يساااااااااامحهم الصراحة

 

[القبله]

بنات صاجه حيادر حتى انا صار معاي موقف قبل جم سنه شريت جنطه من فيلا مودا برادا و بسرعه توصخت لأنه لونها ابيض و كنا بفرنسا و الا ادخل البوتيك قلت ابي انظفها جان يقولولي هذي مو أصليه و انا ماخذتها ابـ 485 دينار بغى يوقف قلبي و أمي تسب و تلعن من بعدها و أنا ما أشتري و لا جنطه من الكويت الا من الأسطوره الأسطوره صج صج ماركاتهم اصليه نفس بلنسياقا و مارك جكوبس و بوليني و طقتهم

 

[القطانيه]

واي من صجكم

 

[نيبال]

والله ياحيادر من باب الامانه حبيت اشارك بموضوعج لان وايد اسمع سوالف من هالنوع واكثرت الاشاعات على بوتيكات معينه " واسماء ماركات معينه "
خن اقولج سالفتى بعدين اقولج مصدر الاشاعات
من ثلاث اسنين تقريبا كان عندى صندل من " LV " كوليكشن " المونغرام " ومن الاستخدام تفجج من ناحية السير اللى ورا وأخذته لهم للتصليح ودزوه فرنسا وتم عندهم " شهرين " وبعدن اتصلوا فينى وقالتلى مايتصلح بس تقدرين تأخذين بقيمته اى شئ من البوتيك ................اشرايج ابسياستهم ؟ وهذا ايدل على ثقتهم ابمنتجاتهم وثقة المستهلك بالدرجه الاولى وهذا اللى حصل معاى شخصيا .
انيي الحين لمصدر الاشاعات واهى معروفه ، اللى ايبون جناط مقلده من كوريا وتايلند " تقليد درجه اولى " بدوا بجذبة ان هالجنطه فيها خطاء من المصنع " بايطاليا " فيشترونها منهم بسعر ارخص ........وماكانوا يقولون من كوريا مثلا ، وبعدين الجذبة الثانيه ان البوتيك الفلانى بضاعته مقلده علشان يروج لبضاعته اهو المقلده وحجتهم ان بوتيك شانيل " مثلا " ماعندهم فرع بالكويت ، او رحت لباريس وشافوا الجنطه وقالوا مو من عندنا ............شنو هالجذب والاستغفال !!
وكل هذا علشان اصحاب لجناط المقلده ايروجون بضاعتهم بسعر خيالى يتعدى ساعات " 100 د.ك "
مهما صااااار نقدر انفرق بين التقليد والاصلى واللى بالكويت اصلى ، و بعضهم مايقدر يشترى الاصلى فيقولج " والله اللى بالكويت تقليد " ..........معروفه علشان ايبررون لكم ليش انهم يشترون تقليد !!!! عرفتوا الغمنده الحين
وعلى فكره الماركه اللى ماتتقلد ماتطلع عليها اشاعات . وترى المنتجات المقلده بالكويت مهربه لان الجمارك تحارب هالظاهره السلبية وذلك لحفظ حقوق العلامات التجارية من مختلف الماركات والمنتجات العالمية واللى بالجمارك يآخذون دورات في التعرف على الفروق وأوجه التشابه فيما بين البضائع الأصلية والمقلدة للقضاء على القرصنة وحماية حقوق المستهلكين والمستثمرين والمنتجين.
وآكوا سالفه ثانيه بعد " اللفات الماركه " اللى ايبونها من شرق آسيا .........اطلعت أصلى
وفولالالالار .................طلع تقليد ............وهذه آخر إشاعه :0bee2e8d89: ​

 

[bint_looda]

مشكله

 

[ii DareeN ii]

واللة صدقت نيبال شدعوة الشنيل المشقوقة اسمع بسالفتها من يوم كنت بالثانوي وصارت على كل الماركات طول عمرنا نشتري ماركات من لكويت وبرا وعمري ماشفت تقليد مثلهم التقليد يبين

 

[qa6wa_q8]

الحمدالله اغلب غالبييه اجناطي من باريس وابو ظبي الاا جم جنطه من اهيي بس وااثقه انهاا اصليه
بس داايماا الشيين يعم ع الزيين والله يستر الدنياا صاارت ما فيهاا مصدااقيه

 

[qa6wa_q8]

وآكوا سالفه ثانيه بعد " اللفات الماركه " اللى ايبونها من شرق آسيا .........اطلعت أصلى
وفولالالالار .................طلع تقليد ............وهذه آخر إشاعه :0bee2e8d89: ​

ايي والله انا كلش ماا اثق بفووولااار اشدعوه اللفه اغلى من البووتييك ارووح البووتييك اشترييهم اضمن وارخص ماا احب ملاا فعهم

 

[كشوخه]

حبيبتي نيبال صاحب محل معروف بالصالحيه بنفسه قالنا انه يخلط التقليد مع الأصلي وتبيني اشتري منهم ؟؟؟؟؟ والله هذا الإستهبال الصجي وعلى سالفة جنطة الشانيل مو أصليه ترا القصة صح واحنا نعرف البنت عدل وهذي مو جذبه ، وحبيبتي لو تشيكين على الموديلات اللي عندهم نصهم ماتلقينهم بسايتات الماركات شيكي وشوفي ...

 

[shai5at al3arab]

شانيل سكروه عشان بيغيرون ديكوراته موعشان بضاعته مغشوشه>>>> هذا اللي سمعته

لووووووووووووووووووووووووووووووووول


شكلهم مألفين القصة والكل صدق :krkrkr:

انا ما استبعد صراحة انه السالفة كلها تأليف بتأليف واحنا نصدق :krkrkr:

 

[84 Miss Chocolate]

انا اول كنت اشتري من الكويت بس الحين مستحييييييييييل صراحه لما اسافر اتسوق من اهناك ضمن لأن واييييييييد سمعت بهالشي .

 

[وحــده..]

نونونو نونو ... محل شانيل تسكر لانهم كانوا يغيرون ديكووور .. وغيروا اصلا مكان المحل .. قبل 5 سنين او اكثر .. كان فوق .. وعقب نزلوا تحت ...

-- انا عندى اقتراح .. لا تقولون سمعنا .. قولى صارلى هالموقف .. علشان لا تحوشنى جلطه ^_^

-- لا بنات صج . لا تقولين سمعت قولى انا اشنريت هالشى وصار هالشى معاى .. اهنى انا ممكن اصدق ..على نيه الراويه .. وبس سلامتكم ^_^

 

[Bnota 56era]

اول مرا اسمع منكم والتقليد يبين

وعن سالفة ال في دخل الموقع وتشوفين في فرع بالكويت شلون تقولون مافي فرع هوو

وايد يبالغون اهني بصراحه وبدون زعل

 

[بنفسجية]

حبيبتي نيبال صاحب محل معروف بالصالحيه بنفسه قالنا انه يخلط التقليد مع الأصلي وتبيني اشتري منهم ؟؟؟؟؟ والله هذا الإستهبال الصجي وعلى سالفة جنطة الشانيل مو أصليه ترا القصة صح واحنا نعرف البنت عدل وهذي مو جذبه ، وحبيبتي لو تشيكين على الموديلات اللي عندهم نصهم ماتلقينهم بسايتات الماركات شيكي وشوفي ...

انا دايم اشيك بالمواقع قبل لا اعزم
اشتري شي ، يعني بدال لااطق درب
ادش اتمقل و اشوف شكو شماكو
و شمنزلين ؟
تالي اروح البوتيك و اشتري
و الحمدلله ، دايم البضايع تنزل اول باول
و كل الي بالسايت موجود
بالبوتيك ، الا الي يكون
خالص منه السايز حق
الجواتي عزج الله مثلا
و حتى الاسعار وااايد متقاربة
واذا اكو فرق ، فيكون وايد بسيط !​

 

[حيادر]

مشكورين بنات

وكلامكم يخلينا نفكر وايد قبل لانصدق اي شي

وقبل لانشتري اي شي بعد

بس هم في سوالف صارت لناس قراب منا ولازم في وحدة سامعة او حاصل معاها موقف او حتى مع اختها او رفيجتها

وفي بنات حطوا بردودهم ان لاتروحين بعيد انا صارلي كذا وكذا


يعطيكم العافية بنات

نوروننا ونبهوننا اكثر

 

[قطووووة]

انا مع الاخت صح وبالذات بالصالحية في غش مو طبيعي ولعلمكم ماتطلع سوالفهم لان في وحده بعد صارت لها نفس السالفه وارفعت عليهم قضيه على ماركة لويس فويتون وانا متاكدة 100%والله ولعلمكم لا يغركم ترى اغلبهم نصابين ومعروفين صراحه وانا مااقول هالحجي الا متاكده يحطون اغلب بضايعهم تقليد وقبل فترة صارت مشكله مجمع الصالحية وصكروو محل لاسباب .

واحترامي للكل