الي يعانون من القولون العصبي ابيكم

[الاسطورية]

هاي بنات

للاسف اليوم بعد معانا اسبوع من انتفاخ البطن

اكتشفت ان عندي قولون عصبي

وقالي الدكتور الحل
الراحه النفسيه والرياضه

وعطاني حبوب حمر نسيت قبل الاكل ولا بعد وشراب بعد الاكل


وحبوب من الصيدليه

ضاق خلقي صج

المه حيل يعور ويضايق

ابي خبره الي عندهم قولون

قالي ابتعدي عن البقوليات والخيار سنو تعرفون بعد عنه

ساعدوني بليز
والي تعرف عن حبوب المستوصف الحمر قبل لا بعد الاكل؟

 

[supermarket]

ابتعدي عن الحليب و الملفوف والخس وهالسوالف


وماتشوفين شر الزم ماعليج صحتج شلج بالتفيكر وعوار الراس

 

[coffee]

سلامات الاسطوره يا كره القولون لما يتفخ البطن جنه بالونه

انا ما اخذ حبوب تعلمي تسترخين بدون ادويه وابتعدي عن اي شي يضايقج وسمعي موسيقى هاديه .. وراقبي اكلج وابتعدي عن البقوليات والحليب واللبن والخيار والفلافل والزعتر واكلي اشياء مودسمة

انا سامعه بحبوب ياخذونها حق الانتفاخ بس ما اعرفهم ان شاءالله البنات يفيدونج زود

 

[.]

سلامات الاسطوريه ..

ماتشوفين شر ان شاءالله..

انا امي فيه قالون عصبي..

اسالها باجر عنه..

 

[الاسطورية]

مشكورين بنات الشرما اييكم

سوبر ماركت الدكتور قالي الخس زين؟

والنعناع بعد قال وايد زين

 

[on line]

هلا الاسطوره انا اعتقد فيني بعد صراحه مارحت للطبيب بس من اشكي وبطني ينتفخ واسأل يقولولي اي هذا قالون عصبي بالنسبه للاكل والله مادري بس صح لاحضه لمن اشرب نعناع ارتاح بس اعتقد مثل ماقال الدكتور الراحه النفسيه
بس من وين نجيب الراحه النفسيه؟؟

 

[الاسطورية]

اي والله ماتنباع


معاناه

 

[ii DareeN ii]

ماتشوفين شر انا القولون تعودت عليه واهو تعود علي بطلت ادويه من دهر بس قمت اعلم نفسي ماعصب

 

[مرمر زماني]

انا معاي القولون وقالي الدكتور كل شغله تحسين انها تسببلك انتفاخ او عوار لما تاكلينها ابتعدي عنها وابتعدي عن التوتر لانه يزيد العوار طبعا انا كل شئ يسويلي انتفاخ ويمكن ما تصدقيني لما اقولك حتي المي يسببلي انتفاخ حالتي كسيفه وطبعا اللحوم ابتعدي عنها بس السمك لا والمعجنات والخبز والعيش والبيبسي شربي عصير برتقال وايد عي الريق وابتعدي الدهون والوجبات السريعه وكثري سلطات هذا بالنسبه لي لان كل شئ اكله يتعبني واسلم شئ العصاير والسلطات

 

[الاسطورية]

الله يعينا اجمعين صج متعب ويتعب النفسيه هو بنفسه

 

[الفرحه السجينه]

ما تشوفين شر

احنا بعايلتنا متعودين عالقولون لان وراثه فينا ... بس اهم شي الراااحه النفسيه انا مره من كثر ما شب علي بسبة الدوام ومشاكله لدرجه ما قدرت اوقف على حيلي اسبوع و تعبت وودوني الطواريء بالهادي .. كانت دكتوري اشرف زهيري يهبلللل وعطاني علاج يهبلل بس هالموضوع من سنتين

الحبوب الحمر اذكر اخذتها بس نسيت والله ... من زمان عنها انتي مري المستوصف وسألي عادي

البرتقال ممتاز و العنب و الرقي والكمون وابتعدي عن الحليب و العيش و البهارات والفاصوليا و الفول والفلافل مصيييبه ديري بالج تكثرين منها ...انتي لا تحرمين نفسج من الاكل الواحد لازم يشتهي بس لا تكثرين

عندج اعشاب عند عسل المرشد حق القولون و في اعشاب عند الحواج حق القولون روحي حق واحد شاطر وبيعطيج..عندج مثلا الشيح والكمون و اليانسون

وفي عندج ماركة ناتشورال ميد natural made الطبيعيه ..الدكتور وصف لامي مسحوق مثل البودره تحطه مع الحليب او اي مشروب مفضل وماااله طعم ابداااا امي ارتاحت عليه وامي ترى قولونها حااااد والعلاج مفيد حق النفخه والقولون والغازات وضغط الدم والسكر ما منه مضر وطبيعي

انا انصحج بالاعشاب والاشياء الطبيعيه والفواااااااااكه مهمه لا تعودين معدتج على الادويه والحبوب

قريت ان الكيوي ممتااااز للقولون على الريق بس ما جربته

 

[الاسطورية]

مشكووووووووووووووووره بعد عمر ي ماقصرتي رايتج بيضا

 

[ورق عنب]

الحليب والاجبان سمعت انه يسبب اسهال وانتوا بكرامهحق اللي في قولون عصبي بس يمكن كل حاله غير

 

[النبع الصافي]

ماتشوفين شر ياقلبي والقولون العصبي معاي من سنين بس عرفت شلون أتعامل معاه ومع الوقت تعرفين الله يشافيج وفيه علاج بسيط وجاب معاي نتيجه في وقت ذبحني فيه الألم واللاوي المؤلم
على فجة الريج تاكلين روب مخلوط معاه الدباغ ماأدري تعرفينه مال الصميل <<شكلج حضريه منتي بعارفه
باسهلها عليج أخذي رمان يابس مطحون أخذي ملعقه الحوس مالة السكر واخلطي الرمان الناشف مع الروب لمدة 7أيام والله انه زين وجزاها الله خير الي ذكرت هالعلاج وترى الرمان ممتاز لأوجاع الباطنيه ,,,

 

[هدوي]

ماتشوفين شر يالغاليه

والقولون العصبي داء العصر

ابتعدي عن البقوليات والفلافل يمه تذبح والبهارات والعلوب وكل شي سبايسي

وعلى فكره في مرات اكلات معينه تثير قولونج في حين انها تريح شخص آخر.....اعطيج مثال انا اخوي مايهدى قولونه الا لما يشرب حليب بارد !!!!!


واهم دوا اللي هو الراحه النفسيه ولاتحاتين

وماجوره ان شاءالله

 

[قمر ضاوي33]

الراحة النفسي اهم علاج حق القولون العصبي ... والإبتعاد عن التوتر عن التفكير الوايد ...


اهم شي الإبتعاد عن الفول والفلافل والخيار الحليب وراقبي اكلك اي شي يتفخ بطنك ابتعدي عنه ...

كثري من شرب الماي وخاصة الماء الدافي على الريج ...

شربي نعناع وايد وخاصة لمن تحسين بإنتفاخ او تعسر هضم ... اعتمدي على الأكل الخفيف مثل التوست والجبن والسلطات والمشاوي والرز والمكرونة المسلوقة ...

الشوربات الخفيفة ...

القهوة شربيها بالكفي ميت بدون حليب .... بعد شنو يا ربي ... اي في بالصيدلية حبوب كبسول بالأعشاب حق القولون وايد ممتاز وبالنسبة للحبوب الحمر حبيبتي هذا مسكن للألم بعد الأكل علشان اهم شوي ثقيل على المعدة ...

احتفظي بالبيت بحبوب لابركس وباسكوبال لشان الألم والمغض ...


حاول يتقضين على الإمساك بمساعدة شرب الماء والفواكه ....


يا الله وبالسلامة وما تشوفين شر ...


اي استفسار انا حاضرة خبرة قولون عصبي لمدة 15 سنة

 

[شندوخه]

عليج بالمرقدوش والله يهبل للقولون العصبي وانا راعيه قولون والله وقولوني عنيف اللي ادخل المستشفى بالاسابيع والمرقدوش يريح
واكلي عالريج قفشه عسل على ماي دافي والله انها احسن علاج
وفوحي قشر رمان وشربي مايه وحليه بعسل ممتاااز انا واختي مانستغني عنه
والله يشفيج ويشفيني وكل مسلم يارب

 

[New Mum]

كلنا بالهوا سوا انا لا انتفخ قولوني تقولين حامل بالتاسع ...
الله يعنيج بس ترى اهم شي تبتعدين عن البقوليات والمعجنات والمشوبات الغازيه

 

[الاسطورية]

بنات صج صج مادري شلون اشكركم افدتوني وايييييييييييييييييييييييييييد

الله يعينا

بس شنو مرقدوش؟

قمر ضاوي ماقصرتي بعد عمري

كلكم ماقصرتو

 

[رسيس]

المردقوش تلقينه بالجمعيه ...غرشه مويتها شفافه والغرشه تقولين كأنها غرشة ماى ورد

الاسطوريه ماتشوفين شر ياقلبوو

اول شيء .."احتسبي الاجر"

ثانيا ماراح ازيد على البنات تقريبا الكل اتفق على خطر البقوليات والدهون والحليب

انا عن نفسي بالبداية كنت استخدم مجموعة ادويه وبعد اسبوع وقف الدكتور كل الادوية وكتب لي بس "زنتاك" كان يريحني لاضرب عندي القولون بس مع طول الاستخدام ماعاد ينفع

الحين اشرب لبن باااااارد ..طريقة قالها الدكتور لبنت خالي عى اساس ان اللبن قلوي يقدر يقضى على الاحماض قلويه <<<شلون ما ادري هذا اللي قالته لي
وبصراحه نافع معي ..

بعد شغله ضرووريه وقت النوم حاولي ترفعين ظهرج(تكبرين الوسائد ) يعني تكون اعلى من مستوى باقي جسمج<<مدري فهمتي علي

وسلااااامات