الي ياكلون حبوب بريجنانت بلان دشو عفيه

[q8 83]

سألي الدكتورة بالمراجعو اليايه احسن

انا وصفتلي بريجنا بلان وكالسيوم لان كان حوضي على طول يعورني

 

[anooma_86]

حبيبتي انا اول ثلاث شهور خذيت فولك اسيد و لم دخلت الرابع خذيت برجنا بلان من غير كالسيوم لان الدكتوره قالتي مو زين للجنين تاخذين كالسيوم باول الاشهر و قالتلي الكالسيوم تاخذينها مع البرجنا بلان بالاسبوع 26 فسمعي كلام دكتورتج احسن

 

[انجبر قلبي]

آنا من دشيت الرابع وانا اخذ بريجنابلان + كالسيوم

بس ما اخذ حديد لان فيها حديد وتغني عنه

ماله داعي

 

[ام عفاف الكويت]

انا الحين ماعديت الرابع
المهم اللى اتذكره بعيالي كلهم
من الشهر الخامس ابدي كالسيوم ودرب حديد وبريقنال

 

[tmtmt]

الي تقولج ياه الدكتوره امشي
كل وحده على حسب التحاليل !!

وحده تاخذ معاه كالسيوم
والثانيه كالسيوم وحديد

وكل وحده ولي تحتاجه

 

[ScarletteO'Hara]

لا تقارنين نفسج مع البنات مو شرط تعطيج دكتورتج نفسهم
انا بعد ما قطعتني دكتورتي عن الفوليك اسيد بناءا على تحاليلي شافت اني احتاج كالسيوم
و لما دشيت الخامس او السادس عطتني حديد لان نسبة الحديد كانت قاله عندي
يمكن انتي ما تحتاجين كل هذي الحبوب لا تاخذين شي دكتورتج ما وصفته لج
و اهي اذا شافت انج محتاجة كالسيوم و حديد بتوصفهم لج

 

[الأمل باقي]

انا اخذ بريقنان بلان من الشهر الرابع وماخذ معاهم شي
بس انا اشرب كوب حليب وكوب لبن يوميا ومرات اكل اجباااان
واكل فواكه واشرب عصير برتقال
سمعي كلام دكتورتج واكيد هي ماقالتلج الا وهي عارفه تحاليلج واللي تحتاجينه
عموما البريجنان بلان فيها كل شي يحتاجه الجسم

مع اني بحملي الاول ما خذت غير الفوليك اسيد والحمدلله انا وولدي بصحه وعافيه

 

[فلافل وبطاط]

انا بدش الخامس وللحين عالفوليك اسيد
وانا اساساً من وانا بنت عليه

الدكاتره ادرا ..

خلج على كلامها..

فبجري من الرابع كالسيوم وبريجنا بس هالمره لأ
للحين فوليك اسيد...

والله يتمم على خير ويسهل ..

 

[بتبوتااا]

من الرابع خذيت برجنابلان وهالشهر ضفت معاه حبوب حديد عادي ..

 

[beauty rose]

انا خلصت الثالث وقفت الفوليك اسيد
و قالت لي اكلي بريقنا بلان + حديد + كالسيوم
بس قالت لي اكلي البريقنا بلان مع الحديد بعد الغدا
و الكالسيوم بعد العشا

لان مو زين تاكلين الحديد و الكالسيوم مع بعض

 

['طبق حنا]

حسب التحاليل الي جدامها تقولج

 

[*عيشي حياتج*]

انا نفس دكتورتج ووصفتلي بس بريقنابلان وقالتلي مثل كلامج


بس انا المشكله من اكلهه معدتي تثور علي اتعب وودي اغيرها
سألت اختي قالتلي في بنات مايتحملون بريقنابلان اول ثلاث اشهر


ف انتي اخذيهم لاتحاتين

 

[Umzayooon]

انا من دشيت الخامس عطتني بريقنانبلان وقتلها اني ماتحمل الحبوب تلوع جبدي
وعطتني وياه كالسيوم بس ككاو طعمه ككاو بحت يهبل استانست
احسن من الحبوب كبار
سالو دكاترتكم عن كالسيوم الكاكاو

 

[هندوناا]

انا اخذ البرجمنت بلان +الحديد+الكالسيوم
وانا اقول دكتورتج ابخص
لانها شايفه تحاليلج واللي يناسبج وتحتاجينه من الفيتمينات تعطيج اياه

 

[قَلبڪْ صًخرْ]

دكتورتج اخبر

 

[أخاف اجرح]

بريجبلان + كالسيوم

 

[sosowaty]

حبيبتي مو شرط كل جسم عن جسم يفرق

بس اذا شافت تحاليلج و ما صرفتلج الا بريجنا بلان يعني ما تحتاجين شي غيره و كل شي فيج اوكي

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[أحبج يمه]

انا أخذ حاليا بريقنا بلان وحديد وكالسيوم

 

[Emanii]

لمن تدشين السادس راح تعطيج كالسيوم تاخذينه مع البقرنان بلان بس كل واحد مع وجبه غير و انا بالرابع دكتورتي عطتني حديد و برقنان بلان ' متدري يمكن انتي مو محتاجه ' عموما البرقنتن بلان لو تقرين المحتويات فيه كل شي لا تحاتين