الي ياكلون حبوب بريجنانت بلان دشو عفيه

[lolo_cat]

بنات انا اول 3شهور وصفتلي الدكتوره فولك اسد بس
والحين انا بالرابع قالتلي وقي الفولك اسد واخذي حبوب بريجنانت بلان بس
سالتها اخذ معاها حبوب كالسيوم او حديد ؟؟
قالتلي لالا هذي تغنيج عن كل شي ؟؟

عاد البنات قالولي لا لازم تاخذين معاها كالسيوم واغلبهم كانو ياخذون بريجنانت بلان + حديد + كالسيوم ؟

شرايكم ؟؟ منو نفسي تاخذهم ؟؟

انا دكتورتي د.ليلى اشكناني

 

[*دنــيـQ8 ــا الوله*]

انا آخذ للحين بريجنانت بلان + كالسيوم ..... وانا بالشهر السابع الحين ... الله يتمم علينا :eh_s(17):

 

[كلاسيكال]

حبيبتي انا عن نفسي كنت آكل مثبت دافستون وفولك اسيد اول 3 شهور ، دشيت الرابع وصفتلي الدكتورة بريجنآ بلان ، مع كالسيوم ، وانا ملتزمة بس في بريجنآ بلان لي الحين ، الكالسيوم اخذتهم بس 5 مرات يمكن لاني ماقدر ابلعهم كباار علي

وقالتلي الدكتوررة عوضيهم بالجبن والحليب قلاصين وفوق باليوم وعسى ربي يتمم عليج

والبريجنآ بلان كلها فيتامينات وحديد يعني صج تغنيج

 

[miss mama]

الافضل تلخذين كالسيوووووم تحت اشراف دكتورتج. لانه ساعات الفيتامين يكووون اصلا فيه كالسيووم وحديد وماتحتاجين تاخذين فووقه انا اخذ حبوب بريجنا كير. ودكتوري تم فتره مارضا اخذ كالسيوم بس لاني قبل ولدت ولدي ناقص كالسيووم وبلغته بهالشي قالي خلاص اخذي الكالسيووم. وبس

 

[توتــه]

انا كتبتهم لي ثلاثتهم لان مشيمتي نازله وماتغذي عدل

لكن والله ما اكلهم كله انسى

 

[دايم على البال]

انا من الرابع
كنت اخذ
بريجنانت بلان + كالسيوم وانا على نهاية الشهر السابع الحين الله يتمم علينا

حبيبتي لازم الكالسيوم مو على كيفها

بكره اسنانج تعورج عضامج محد راااح ياكلها الا انتي <<<<<حدي عصبت هههههههههاي


بس مااقولج الا الصحيح
هي ع بالها انج بتشربين يوميا حليب وبتاكلين جبن بس هذا مايعوض كثر حبة الكالسيوم

انا هذي حبوب الكالسيوم اللي اكلها معاها فيتامين دااال

 

[دايم على البال]

انا كنت مااحب اكلها

بس لمن قريت عن اللي مافيها كالسيوم وااايد بجسمها يمكن البيبي يصير فيه شي وانتي سوي سيرج وشوفي مابي اخوفج

لاني خفت يوم قريته وتحسفت ع الايام اللي ماكليت فيها كالسيوم

والحمدالله عالصحة والعافيه وعسى ربي يتمم علينا حملنا ورزقنا من حيث لا نحتسب اللهم امين

 

[الحرير]

من الشهر الرابع
بريجنا بلان + كالسيوم

 

[كويتيه مذهله 87]

والله اخذي حجي الدكتوره احسن لج من حجي البنات

 

[جوـوـوري]

سمعي كلام دكتورتج
لانه هم مو زينه زيادة نسبة الكالسيوم بجسمج ....

والله يتمم عليج وعلي كل الحوامل ...

 

[ام قدووور]

ما عليج من حجي الي يقولونه كل وحده حسب جسمها شنو يحتاج والدكتوره قاعدا تعطيج بناء علا تحاليلج

والجسم ما يستفيد من الحبوب بس ! من اكلج بعد … والبرقنا بلان فيه نسبه حديد وكالسيوم

وعلا فكره كل شي نسبه وتناسب واذا زدتي عن الحد المعقول فيه مضره والدكتوره اخبر بشغلتها فلحد يسوي روحه فاهم

انا خذيت برقنا بلان بالرابع وبعدها بالخامس والسادس صرفتلي زياده كالسيوم والحديد ماله شغل اذا فيج نقص يعطونج

فنصيحه سمعي كلامها ولا تسمعين كلام فلانه وعلانه لانج راح تتاذين *

 

[ام الحوراء زينب]

سمعي كلام دكتورتج
انا دكتوري كتبلي برنجتبلانت بس ما اكلهم لانهم حيل كبار وطعمهم يلوع الجبد

 

["*آآآنؤؤؤقهـ*"]

كلام دكتورتج هو الصح بالاول والاخير تحاليلج هي اللي تحكم .. ونظرة دكتورتج وبس

 

[om MaRyooM]

انا اللي احبه بدكتورة ليلى انها ماتعطي ادوية عالفاظي والمليان

وترا فعلا لو تجيكين على العلبة بتلاقين فيها كل المحتويات


بس اذا تحسين انج ماتاخذين منتجات الالبان او سمك وايد ممكن تاكلين الكالسيوم

انا دكتوري قالي اخذي برجنابلان ويا الكالسيوم بس موقاعدة اخذه

 

[worood82]

انه اخذ بريجنات بلان قبل الحمل لانه اكلي كلش يعني تخيلي ما اكل لا لحم ولاسمك فقالتلي المتورم اخذيهم عادي

 

[فرح79]

اختى انا الدكتوره عملتلي تحاليل دم وبين عندي نقص حديد وكالسيوم لذا كتبتلي البرجنابلان مع كالسيوم وحديد
يعني كل وحده وجسمها اذا دمك منيح والكالسيوم عالي ما في داعي

 

[مابين بعينكك]

صح كلام البنات انا كل حملاتي الدكتوره توصفلي برغنابلين+ حديد+ كالسيوم
لازم تقول علشان مايصير فيج انيميا وعظامج ماتتعب بعد الولاده وصح كلامها انا بعد ولادتين جسمي وايد يعورني يعني لو مو ماخذه جان الله يستر

 

[shak!shoka]

انا نفسج الدكتوره عطتني بريجنابلان و اسألتني تشربين حليب قلتلها اي و قالت عيل بس بريجنابلان واذا شفتي نفسج ما تشربين حليب ولا تاكلين اجبان تعالي اسويلج تحاليل لان يمكن تحتاجين الكالسيوم


خلج متابعه مع دكتورتج و قوليلها شنو اكلج علشان تعرف عدل

 

[razona]

انا صارلي شهرين تقريبا او اكثر اخذ بريجنانت بلان وكالسيوم وانا فنهاية السابع وللحين اخذهم بس الدكتورة قالتلي ان ماخذهم مع بعض واحد الظهر واحد بليل

 

[نور الدنيا 88]

انا بعد دكتورتي ليلى و عطتني الحبوب حسب تحاليلي
بريجا بلان + حديد لان نسبة دمي نازلة بسبة الحديد
و الكالسيوم قالتلي يفضل انج تشربين حليب و البان و تاكلين بيض و سمج
و اساسا البريجنا فيها 100 ملجم كالسيوم + اللي بالاكل تآكلينه يغنيج عن حبة الكالسيوم
شلج فيها شربي باليوم حليب و لبن و انتهى الموضوع