الي والده بالسلام ادش بليز

[غلاي عزوزي]

شلونكم


انا بولد يالسلام ان شاء الله
انا مجربه دار الشفا بصراحه خوش سترات واهتمام ونظافه
والحين بيولدني دكتور من بره وشرط الا السلام


منو ال يابت دكتور من بره وولدت بالسلام شلونها المستشفي والكمام والسسترات


وجم ادفعت
لاني متعوده ادف تقريبا 500 بدار الشفا والدكتور منهم
هالمره غير دكتوري من بره جم الحسبه كامله
الي ترد علي وتبرد جبدي ربي يجزاها خير ويوفقها​

 

[ربيعه]

حبيبتي ان شاء الله البنات يفيدونج .. والله عندي نفس الاستفسار :\

 

[LiL MaMa]

رد : الي والده بالسلام ادش بليز

انا ما ولدت اهناك بس اعرف الطريقه

الدفع يكون اول شي لازم تعرفين سعر الغرفه اللي تبينها
و ثاني شي الدكتور جم بياخذ منج

لأن سعر المستشفى غير و سعر الدكتور غير

 

[غلاي عزوزي]

رفع

 

[twinsmam]

شوفي حبيبتي يعتمد على الغرفة الي بتاخذينها و جم ياخذ دكتورج لازم تسألينه و اذا كانت ولادتج طبيعية او مع شفط او قيصرية طبعا كل شي حسابه غير
انا ولدت بالسلام و خذيت غرفة vip الليلة اب 140 دينار وانا قعدت ليلتين يعني 280 و دكتوري خذا 300 دينار و ولادتي كانت طبيعية بس متعسرة مع شفط طلع حسابي كله 880 دينار
بس من ناحية السسترات و الاهتمام و النظافة روعة و كمامهم قوي طول الوقت نايمة
و ترى اذا الدكتور من نفس المستشفى يفرق السعر

 

[myfashionbag]

رد : الي والده بالسلام ادش بليز

انا ولدت بالسلام عند دكتوره نجمه قبصريه تقريبا قعدت 5 ايام بالمستشفى ما شفت منهم الا كل خير خوش سسترات ونظافه والاكل زين من دايت كيروخذت سويت عندهم كلا طلع 1100

 

[غلاي عزوزي]

انا ابي غرفه عاديه بس مو قرقور يعني حجمها حلو
لاني مراح اسوي استقبال ومحد راح يزورني اللهم المقربين مني وبس


توينز مان تقولين الفي اي بي ب140 امممممممممممممممممم يعني كبيره والا صغيره؟

 

[twinsmam]

والله زينة انا بعد ما سويت استقبال بس يا دوب تكفي الأهل الصراحة انا كنت ابي اكبر بس ما كان موجود و شوفي الي تطل عالبحر منظر عجييييييييب و ترا ماكو مطبخ
ليش ما تروحين تشوفين انواع الغرف و الأسعار احسن لج عشان تحسبين حسابج عدل

 

[Om-Faty]

رد : الي والده بالسلام ادش بليز

حبيبتي اذا تبين الاسعار انا حاطتهم بهالموضوووع
http://www.q8yat.net/showthread.php?t=13097&page=112
:wqedqw: