الي مسويه تحزيم (الحلقه) تدخل بلييييييز

[lolo6688]

مرحبا رشيقات شخباركم ))
عندي الف سؤال وسؤال فبالي
ناويه اسوي تحزيم
بس من خلال بحثي بالنت
كل التجارب الي قريتها
الي سويت تحزيم ردت صعدت وزنها عقب جم سنه ؟
بعرف كلكم جذي رديتوا وزنكم ؟
الصراحه انا مابي اتعنى واسوي اخر شي اصعد الي نزلته
وانا خايفه من باجي العمليات لان مابي يتغير شي بمعدتي اخاف من سوالف القص والخياط ومادري شنو
فبلييييييز بشنو تنصحوني حدي محتاره ومادري ليش اكثر تجارب التحزيم فاشله وله يتراوالي ؟؟؟
ناطرتكم ياحلوات

 

[ام زين العابدين]

هلا حبيبتي طبعا انا قبل سنتين مسويه العمليه واذا خربطتي بالحلوا مده اي يرجع وزنج انا الحمدالله لمه ما اضعف يوقف وزني وبس اخفف اشوي ينزل على طول
بس اذا بتسوين يكون في بالج رجيم طبعا راح اتقولين انا سويت عمليه عشان لا اسوي رجيم بس صدقيني راح اتساعد حيل بتخفيف الوزن وطبعا اغلب شي ما نجحت لانه يهدون نفسهم وتفشل العمليه

 

[lolo6688]

انتي رد وزنج ؟؟
انا مو ذاك الزود مع االحلو

 

[lolo6688]

وشكثر نزلتي ؟

 

[ام زين العابدين]

حبيبتي ما رد وزنيبالعكس حتى بالحمال كنت موسعتها ووقف وزني بالحمال كله وبس ولدت نزل وزن البيبي والماي والمشيمه وطلعت ضعفانه 5 كيلوات زياده وانا لحد الحين نازله 35 كيلوا ادري مو وايد بس انا وقف فتره لاني خربطت

 

[lolo6688]

مشكوووووره حبيبتي ماقصرتي

بعد نبي تجارب

 

[om_e5dood]

:0bee2e8d89:انا بعد ودي اسويها بس هم خايفة يوم اقول بسوي تغير مجرى المعدة ويوم اقول تحزييم ما ادري شسوي بعمري بس المهم عندي اني اضعف
بس خااااايفه من تغيرر المجرى وااااايد التحزييم احس اهون اشوي ما يغيرون بجسمي شي

 

[miss_Ba6oOo6a]

التحزيييييم له فتره معينه وينشاال لان يسوي اختراق ارتجاع شق المعده او التهاااب هاذا كله صار فيني بعد سنتين ونص من العمليه
بس نزلت فيها 48 كيلوو ولما شلتها رد الوزن كله وانا مسويه الحين باي باس تحويل ونزولي اسرع من التحزييييييم
واحسن لان التحزييييم كله ابره كل 3 شهور والحيااه كلها ترجيييييييييع ومع الحلووووو فاااااااااااااااااااااشله ونسبه نجاحها 45% سالي فيها اي دكتوووووووو وواايد سوو الحلقه وشالوها بعد فتره لان مو دايما

 

[عاشقة الكاكاو]

انا مسوية عملية التحزيم

هي زينه وتضعين عليها بس اذا كليتي حلو يروح كل التعب اللي سويتيه

يعني وخري عن الحلو تضعفييييين وايد

 

[Kuwaitigirl1973]

أنا سويت تحزيم وشلته وسويت تحويل قبل عشر أيام وأول مرة أحس إني خلصت من هم وصرت طبيعية يالله لك الحمد
التحزيم عملية حرام أحد يسويها ويظلم عمره ماوراها إلا المصايب، شفت الويل منها

 

[Kuwaitigirl1973]

الجملة الأخيرة صمم علي أخوي قاعد يمي إني أكتبها لأنه يقول لي مادام إنتي تعذبتي حرام ما تنبهين باقي البنات وبصراحة جزء مني لازم أعترف لكن صج عذبتني مابين لوعة وترجع وكرهت نفسي

 

[om_e5dood]

عاد كنت مفكرة فيها وما اقص عليج لي الحين افكر فيها لاني وايد خايفة من التحويل:0bee2e8d89:

 

[برونريه راقيه]

فااااااااااااااشله العمليه وانا مسويتها ووزني 82 من شهرين وانا الحين نفس الشي والله يشهد اكلي قليل والله لا يسامح من اقنعني فيها ومو راضيه عنه
:eh_s(14):وتعبانه كله ترجيع روحي بتطلع :krkrkr:
والله كريم وانتي وكيفج​