الي مسوية عملية التكميم ضروري

[Q8stylle]

شخباركم بنات
عندي جم سؤال عن عمليه التكميم
اللي مسويه العمليه :
1- اللي سوت العمليه وصارلها سنه او اكثر هل فيها اثار جانبيه
وهل تحسين بدوخه لمن وصلتي لوزنج المطلوب​

2-اذا ضعفتي هل بعدين تقدرين تاكلين بس بكميه قليله ولا يظل اكلي مثل اكل اليهال​

3- اشرايكم بالعمليه التكميم تنصحون فيها ولا لا

انشالله بسويها عند الدكتور احمد الشرهان بس حبيت بالاول تردون علي اسئلتي​

 

[رمشْ الحَيآ]

رد: اللـــي مســـويــه عمليـــــــه التكمـــيـــم ضــــــــروري

اب اب اب لعيووونج

 

[قبيلة نساء]

رد: اللـــي مســـويــه عمليـــــــه التكمـــيـــم ضــــــــروري

مرحبا

انا تاريخ 22/6/2011 بكمل سنه سبحان الله كيف الاام بسرعه مرت

ندمانه اني ما سويت العملية من زمان ..

ماشاء الله .. تبارك الله نزلت تحت المثالي في سبع شهور ما شاء الله

طبعا الحين اكلي عادي لكن بكميات جدا اقل عن قبل العملية

الاكل وقدرة المعده تختلف يعني لو ما تريقت وتميت فترة الصبح بس سوائل يكون صعب علي الغداء

لازم اكل على فترات عشان ما احس بتعب على المعده من الاكل مره وحده

اعتقد الدوخه بتكون فتره ملازمتج وهي دوره خفيفة لما تقومين فجاه انا لين الحين اعاني منها بين فترة وفتره

العملية انصح فيها وبشده

الله يوفقج ويسهل عليج عمليتج

 

[one two 3]

رد: اللـــي مســـويــه عمليـــــــه التكمـــيـــم ضــــــــروري

مرحبا

انا تاريخ 22/6/2011 بكمل سنه سبحان الله كيف الاام بسرعه مرت

ندمانه اني ما سويت العملية من زمان ..

ماشاء الله .. تبارك الله نزلت تحت المثالي في سبع شهور ما شاء الله

طبعا الحين اكلي عادي لكن بكميات جدا اقل عن قبل العملية

الاكل وقدرة المعده تختلف يعني لو ما تريقت وتميت فترة الصبح بس سوائل يكون صعب علي الغداء

لازم اكل على فترات عشان ما احس بتعب على المعده من الاكل مره وحده

اعتقد الدوخه بتكون فتره ملازمتج وهي دوره خفيفة لما تقومين فجاه انا لين الحين اعاني منها بين فترة وفتره

العملية انصح فيها وبشده

الله يوفقج ويسهل عليج عمليتج

يابج الله :eh_s(17):

اول شي حمدلله على سلامتج :eh_s(17):


بعدين دام صارلج سنه اسم الله عليج ابي اعرف وابي اسأل السؤال الي مرددني ومخوفني من التكميم


سؤالي


ترهل جسمج ولا لا ؟؟



وشنو حل الترهل ؟؟؟ انا ما بي ادش عمليات مره ثانيه واسوي شد وشفط وهالسوالف :eh_s(2):اخاف :eh_s(2):

وانا مدمنه قهوه وحلو :ggdw:وتدرين ما ياكل الحلو الا الحلو مثلي

تقدرين تاكلين حلو وتشربين قهوه ؟ولا صعبه عليج ؟؟

ارجو انج تردين علي للضروره



وشكرا :eh_s(7):

 

[قبيلة نساء]

رد: اللـــي مســـويــه عمليـــــــه التكمـــيـــم ضــــــــروري

هلا 1 2 3

والله يا اختي الترهل فظيع خاصة صدري حزنانه عليه .. ترهله مش طبيعي

بس كان الغلط مني ، ماكنت اسوي رياضه اثناء نزول الوزن لين يومج هذا

فترة الخمس شهور الاولى ما كان فيني طاقة والشهرين اللي بعدهم دخلت كورس سباحه

استفدت من السباحه في الذراعين شوي لاني كنت مع مدربه بس الحين وقفت لاني خلاص قررت بسوي شد لصدري وبركز على رياضة الذراعين لان الترهل فيهم خفيف ولله الحمد

وبعد من المناطق اللي ترهلها مزعج الفخذين وما افكر اشدهم الحين بحاول بالرياضه وبعدين بقرر المهم عندي الصدر الحين

اكل الحلو .. لا تحاتين كل شي مفيد تتعبين وانتي تاكلينه الا الكاكاو والشيبس والخرابيط

لكن في الفتره الاولي ما بتقدرين الاكل الحلو والدسم يغثج وعلى طول تحسسين بلوعه يعني انا جازفت وكلت سبع تمرات وراء بعض بغيت اموت من اللوعه بس ابي ارجع مع اني لعيبة في الحلو

لكن سبحان الله تستغربين كيف كنتي وكيف اصبحتي عقب ما كنت اكل جيس صمون ما اقدر اكمل صمونه خخخخخ ما شاء الله علي

موفقه حبيبتي

 

[krkosha]

رد: اللـــي مســـويــه عمليـــــــه التكمـــيـــم ضــــــــروري

انا ماسويتها بس 4 من عايلتنا مسوينها بصراحه انصحج فيهااااا توكلي عالله ولاتستشيرين احد لان الكل بيقولج عمليه وشلون تجازفين وخصوصا كبار العايله ماراح يرضون يعني روحي بسكات وتوكلي عالله وانا شوف عيني البنات اللي مسوينها شحلااااااتهم صارووو والله ياحلو الضعف بس

 

[Q8stylle]

رد: اللـــي مســـويــه عمليـــــــه التكمـــيـــم ضــــــــروري

يعطيكم العافيه بنات ماقصرتو
بس في بنات يقولون ان لمن يوصلون للوزن المطلوب
بعدها تبين اهني اثار العمليه يعني يصير فيهم دوخه

 

[one two 3]

رد: اللـــي مســـويــه عمليـــــــه التكمـــيـــم ضــــــــروري

هلا 1 2 3

والله يا اختي الترهل فظيع خاصة صدري حزنانه عليه .. ترهله مش طبيعي

بس كان الغلط مني ، ماكنت اسوي رياضه اثناء نزول الوزن لين يومج هذا

فترة الخمس شهور الاولى ما كان فيني طاقة والشهرين اللي بعدهم دخلت كورس سباحه

استفدت من السباحه في الذراعين شوي لاني كنت مع مدربه بس الحين وقفت لاني خلاص قررت بسوي شد لصدري وبركز على رياضة الذراعين لان الترهل فيهم خفيف ولله الحمد

وبعد من المناطق اللي ترهلها مزعج الفخذين وما افكر اشدهم الحين بحاول بالرياضه وبعدين بقرر المهم عندي الصدر الحين

اكل الحلو .. لا تحاتين كل شي مفيد تتعبين وانتي تاكلينه الا الكاكاو والشيبس والخرابيط

لكن في الفتره الاولي ما بتقدرين الاكل الحلو والدسم يغثج وعلى طول تحسسين بلوعه يعني انا جازفت وكلت سبع تمرات وراء بعض بغيت اموت من اللوعه بس ابي ارجع مع اني لعيبة في الحلو

لكن سبحان الله تستغربين كيف كنتي وكيف اصبحتي عقب ما كنت اكل جيس صمون ما اقدر اكمل صمونه خخخخخ ما شاء الله علي

موفقه حبيبتي

بعد عمري ما قصرتي عالرد :eh_s(7):

زين الترهل له دخل بالعمر ؟؟ ولا ماله شغل
دكتور رفيجتي قالها انتي صغيره ماراح تترهلين دكتورها العجمي

وانا دكتوري العنزي قالي شي طبيعي الترهل بس مع ممارسه الرياضه قضين عليه

انتي منو دكتورج
واذا تقدرين تقولين عمرج

بعدين انا صدري صغير مافي شحم عشان يترهل:eh_s(1): شلون اليه ما يترهل رياضه بس ؟؟

 

[هوى بحري]

رد: اللـــي مســـويــه عمليـــــــه التكمـــيـــم ضــــــــروري

انا صارلي سنه وشهرين من سويت العملية وفعلا كنت اتمنى اني لحقت عى العملية من زمان بس الحمدالله على كل حال

في امور احب اوضحها لكل وحده مفكره تسوي العمليه لاني مازلت اعاني منها بعد نزول الوزن :

1- تساقط الشعر الشديد ، انا شعري خلص كله بدون مبالغه قرعت مع اني كنت اخذ الفيتامينات الضرورية واستعمل الامبولات بس للاسف ما نفع معاي .. والحين البيبي هير اللي طلعلي طلع خشن !!!! مو نفس طبيعة شعري قبل !!


2- الترهل مخييييييف في صدري وزنودي وفخوذي مع اني استمريت بممارسة الرياضة والمشي والسباحه ولا نفعت معاي ، الترهل ورانا ورانا

3- الدوخه لازمتني مده طويله بس الحين خفت عقب سنه مع الاستمرار باخذ حبوب الحديد، وعانيت منها بكثره في شهر رمضان اللي طاف مع الصيام بس الحمدالله اللي الله عاني على صيام كل الشهر ..

4- الاكل ما استمتع فيه بالمره يعني راحت متعة الاكل اكل بس علشان سد الجوع مو اكثر ...

 

[قبيلة نساء]

رد: اللـــي مســـويــه عمليـــــــه التكمـــيـــم ضــــــــروري

بعد عمري ما قصرتي عالرد :eh_s(7):

زين الترهل له دخل بالعمر ؟؟ ولا ماله شغل
دكتور رفيجتي قالها انتي صغيره ماراح تترهلين دكتورها العجمي

وانا دكتوري العنزي قالي شي طبيعي الترهل بس مع ممارسه الرياضه قضين عليه

انتي منو دكتورج
واذا تقدرين تقولين عمرج :d

بعدين انا صدري صغير مافي شحم عشان يترهل:eh_s(1): شلون اليه ما يترهل رياضه بس ؟؟

حبيبتي الترهل ماله علاقة بالعمر

الترهل جلد زايد كان تحته شحم وهالشحم راح

وكل ما كان الوزن كبير والنزول سريع كان الترهل اكبر

عموما تعيشين مع الترهلات وايد ارحم من انج تعيشين مع السمنه

وبعد ما تضعفين تعيشين مع اثر جراحه ارحم من انج تعيشين مع الترهل

وتمضي الحياه :d

الله يعينا ويرحمنا ويعافينا اللهم امين

 

[Q8stylle]

رد: اللـــي مســـويــه عمليـــــــه التكمـــيـــم ضــــــــروري

تسلمون حبايب قلبي

 

[اسبانيه]

اب اب اب

 

[لولو ليلاس]

آب .......... آب

 

[cramela]

اها انا باذن الله عمليتي يوم 14 -6 مو خايفه بس قاعده احاتي الترهل وخرعتوني عاد انا وايد ضخمه ومتينه عظمي عريض تهقون راح يكون وايد صراحه خايفه ريلي ينقرف مني شي يضيق الخلق وايد يعني واللا عادي

 

[yam_yam]

موفقين يارب

كاراميلا لا تحاتين انشالله فترة و تشدين كل شي

 

[donat]

الترهل اكيد له علاقة بالعمر هذا اكيد لان الصغار بالعمر للحين مطاطية الجلد تكون زينه و الجلد مافقد المرونه اللي يفقدها الجسم مع العمر يعني العيايز بترهلون حتى و اهما ضعاف لان الجسم يقفد المرونه و ينقص افراز الكولاجين مع التقدم بالعمر .... اللي بقوله ان اذا كنتي صغيرة بالعمر مايكون الترهل مثل الاكبر سنا و طبعا في عوامل ثانية تأثر غير العمر مثل مقدار السمنه؟ و تشقق الجلد او ستريتش مارك هذول يزيدون من الترهل بغض النظر عن العمر

 

[SILVER ROSE]

الموضوع من سنة

 

[cramela]

صار لي سنه كل عام وانتم بخير الترهل بدا يوضح علي قطيعه وحدي متوتره ضعفت بس ما وصلت للوزن المثالي باقي 35 كيلوووووووووووو وحدي متضايقه صار لي اشهر واقف وزني واللله كريم طبعا الترهل ما فيه حل غير العمليه طبعا الصدر راح مو ترهل اهو صغير واختفا