الي مجربه تطلب من سايت فكتوريا سيكرت اتفضللللل

[نطوووعه]

هاي بنات شلونكم


حبيت اعرف شكثر يطول على ماتوصل طلبية فكتوريا سيكرت؟ اللي اعرفه اسبوعين بس سمعت ان اقدر اطلبها و توصل خلال 6 اسام بس شرط ادفع اكثر؟؟ صحيح هالكلام ابي تفصيل لو سمحتووو


و لاااازم يكون عندي صندوق بامريكا و الا احط عنواني هني بالكويت و خلاص كافي؟؟؟




ابي الرد بسرعه لو سمحتو ضروووووووووري

 

[جوجو.]

اسبوعين تقريبا ولازم يكون عندج صندوق بامريكا فتحي صندوقج من ارامكس

 

[سنـــــا]

لا عادي انا طلبت على عنواني بالكويت ...ومعروف باي سايت ان اذا تبين مستعجل تدفعين اكثر
انا طلبت منهم قبل هالمره على عنواني

 

[@Miss Dio@]

انا ماجربت بس لازم ارامكس

 

[زيـنـه]

على عنوان الكويت يقبل سايتهم

و يوصل خلال 5-7 ايام .. و تزيد المده حسب الموسم بس ما تتعدى اسبوعين

و موفقه

 

[مريوما الحلوه]

بنات صج يقولون بالمطار ياخذون بضاعه فكتوريا لانها من اسرائيل وله اشاعه لان في كذا شغله عاجبيني و ابي اطلب

 

[نطوووعه]

مشكورة زينه


ويه مريوما من صجج !! بنات فيدووووناااا

 

[مرت حمد]

انا طالبه قبل شهر و صل خلال 5 ايام بس دفت بالكويت يوم وصلوه للبيت ما يجتاج صندوق على عنوان البيت

 

[حناينq8]

طلبي عادي حبيبتي وحطي عنوان بيتج راح توصل طلبيتج ليمه البيت بحدود الاسبوع توصل اغراضج

انا وايد اطلب من هالسايت وانا مرتاحه

 

[حناينq8]

بنات صج يقولون بالمطار ياخذون بضاعه فكتوريا لانها من اسرائيل وله اشاعه لان في كذا شغله عاجبيني و ابي اطلب

لا حبيبتي ما يصادرونها المطار

انا صار لي سنتين اتعامل وياهم عمره ما صار لي شي جذيه


تحياتي

 

[نطوووعه]

تسلمون حبايبي


و مقاساتهم كبيره وايد؟؟ يعني ال لارج اهوا نفسه الارج اللي بمحلاتنا هني والا كبير وايد مثل المقاسات الامريكيه؟؟

 

[Violetta]

يعني ماحط عنواني بالارامكس احسن ؟؟؟

 

[غيـ الناس ـر]

اذا يوصلون للبيت راح يكون السالفه فيها نصب .. يعني ياخذون فلوس الشحن فيكتوريا .. واللي يوصلون لج ياخذون 10 دنانير ..


فاحسن تفتحين حساب ارامكس


ويوصل خلال اسبوع بس الدفع زياده

 

[غيـ الناس ـر]

تسلمون حبايبي


و مقاساتهم كبيره وايد؟؟ يعني ال لارج اهوا نفسه الارج اللي بمحلاتنا هني والا كبير وايد مثل المقاسات الامريكيه؟؟

لوول ديري بالج ..


انا طلبت وتوهقت :dddds:


انا مقاسي هني لارج


طلبت منهم لارج طلع يدشون فيه 3 مني لول


شوفي عندج مال المقاسات يحطونج سايز شارت تحت صورة اللي بتطلبينه وترى هو بالانش مو بالسانتي

 

[مريوما الحلوه]

ana size 12 blooozat gm a6lb

 

[زنوبة الحلوة]

والله ماعندي فكرة

بس والله انا متشوقة اطلب منهم اشياء

لاني رحت فكتوريا سكرت عندهم جم شغلة قالولي خالصة وقالت اقدر اطلبها من الانترنت

بس ترى اذا طلبتيها من النت راح تطلعلج قيمة اكبر من اذا شريتها بالمحل نفسة

واللي تبيع بالافنيوز اهيا اللي قالتلي

 

[Violetta]

انويت بنات انا ابي عطور وهالسوالف من فكتوريا سيكرت اشلون ؟؟
مره طلبت و اسحبوها لانه الارامكس مايصير اطلب عطور
تهقون لو حطيت عنواني بالكيوت بتوصل العطورات ؟

 

[منارو]

الصراحه موضوع روعه
انا ادخل موقع فكتوريا كذا مرة
بس ما جربت اطلب لان ما توقعت انهم يوصلون للكويت بهالسهولة
الصراحة موضوع روعه ياليت الي عندها خبرة بالطلب منهم تدلنا على افضل طريقة
وانا بحاول اطلب واذا توهقت ترا مالي الا انتو

 

[مريوما الحلوه]

انا بعد ودي اطلب بس ما اعرف

 

[ام سليمان 2008]

ممكن تحط
ون لنا السايت بليز