- إنضم
- 24 يونيو 2010
- المشاركات
- 300
- مستوى التفاعل
- 0
- النقاط
- 0
- الإقامة
- بـ قلـب رفيـج ـاتـي ..~~
- الموقع الالكتروني
- www.formspring.me
السلام عليكم ورحمة الله وبركاته
خواتي يمكن موضوعي مو بالقسم المناسب فمنكم السموحه ..~
إلى كل من عندها هم يثقلها
معطل حياتها
كارهه لأجله دنياها
أقولها وأقول لنفسي قبلها
محد بالدنيا يستاهل !!
ولا شي بالدنيا يستاهل
الدنيا ماتساوي جناح بعوضه
انتي ومشاكلج واحزانج وافراحج
وبلاويييييج كله ما يساوي جناح بعوضه
محد يستاهل ابجي عشانه
ولحد يستاهل احزن و اتضايق عشانه واوقف حياتي لعيونه
الدنيا ياجماعه فاانيه
فانيه
فانيه
يعني بيوم من الأيام بموت وبيحطوني بالقبر
وبنسأل
شنو بقول؟؟
انت يارب بليتني وانا كانت عندي بلاوي عشان جذي ماطعتك
يارب كانت عندي مشاكل وتعطلت حياتي
وقعدت مثل الغبية ابجي عليها
ياجماعه الدنيا تمشي
وإذافي توقف
فهو احنا اللي واقفين
حطي كل همومج ورا ظهرج وخلي شعارج
محد بالدنيا يستاهل
لا أهل ولوجفوج
ولا زوج بهذلج
ولا رفيجه جفت فيج
ولا حقير حرق قلبج
الدنيا عندالله جناح بعوضه بس
يعني حتى مو بعوضه
حقيييره ياجماعه
احتسبي كل بلاء عند رب العالمين
واحمدي ربج على كل نعمه انتي عايشتها
حنا في نعمه والله مو حاسين
الناس ..!!
الناس عامليهم بذوق وإسلوب ..
ومثل ما علمتج امج من يوم كنتي صغيره
سوي خير .. سوي خيييير ولا تنطرين رد من احد
او اعتبار من احد .. اذا بتسوينه سويه لنفسج ..
لج إنتي عشان تعيشين مرتاحه
ما تنامين وتقولين زعلت فلانه وتضايقت فلانه
وترا الدنيا دواره كما تدين تدان .. ربي ما ينسى ظلم !!
طنشي طنشي طنشي ..!!
فلانه تحش فيج فلانه تتكلم فلانه ما تحبج ..!!
خليها حلالها .. هو احسن بعد خففت علي ذنوبي ..
وعطتني من حسناتها
تعلمي التطنيش والبرود وتوقعي انج تنصدمين ..
وكل ما انصدمتي بأحد كل ما صرتي اقوى
كل ما صارت تجاربج وخبرتج الاجتماعيه أحسن وأحسن ..
قطت عليج كلمه .. عادي ولا جنج سمعتي ..
ان دل يدل على قلة ذوقها وتهذيبها ..
كشرت بوجهج .. ابتسمي !!
واذا رفعت صوتها .. وطي صوتج .. !
واذا اتجنبتج .. تجاهلي وجودها ...
"وترا ما طاح من النجوم اخف للسمـا "
دموعج !!
دموعج ومشاعرج تراها اهم واغلى شي عندنا احنا البنات
وهي الي تتحكم بنفسيتنا وأفعالنا..
حبي نفسج حبي نفسج حبي نفسج ودلعيها ..!!
عشان تعيشين مرتاحه...
خلي قلبج لج .. لا رفيجه ولا قريبه
ولا اي احد يستاهله..
حبي الناس بعقلج مو بقلبج عشان ترتاحين بحياتج ..
نحبهم !! ليش نحبهم في الاخير الي يبجونا
وهم مصدر تعاستنا و حزنا .!!
لا تبجين على احد..!!
ابداً ابداً منو ما كان ..!!
صدقيني لو كانوا يستاهلون كان ما خلوك تبجين
ولا تحزنين ولا تتظايقين ..
ولا خلوا مجال دمعه وحده تنزل من عينج
العافيــه !!
كافي انج تمشين وتحركين ايدينج ورجلينج
مافكرتي يوم تقولين الحمدلله !!
يارب اني أمشي مو أتسحب من كرسي لسرير
وأشوف نظرات الشفقه تحرقني
احمدي ربج على كل نعمه انتي فيها .. الحمدلله !!
المال ..!
تاكلين تشربين تشترين تتسوقين تلعبين بالفلوس
بيدينج ورجلينج عايشه بأمن وأمان
وتقولين يارب شنو هالدنيا الغثا
فلانه ضيقت صدري وعلانه سوت
واختي سببت لي مشكله ولا أمي ولا أبوي
أنا ما أبي الدنيا كرهت العالم ابي اموت !
احمدي ربج
وصلي لك ركعتين عشان ربي يرحمج
ويرفع عنج ضره
احمدي ربج على العافيه والله يابنات
والله ولا شي ولا احد بالدنيا يستـــاهل همي !!
إذا عندج هم صلي ركعتين واطلبي ربج يفرجها
لاتذلين نفسج لخلقه
ترى كلهم ضعاف
ما راح يسوون لج شي
واحتسبي الأجر
احمدي ربج حتى على البلاء
ان ربي بيكفر لج به ذنوبج
اللي يشوف أهل البلاء يوم القيامه
يتمنى ان جسده قرض بالمقاريظ
حنا المرض الخفيف ما نتحمله
احمدي ربج على كل بلاء
لأنه خير والله لج
وانتي اللي في النهايه بتلاقينه حسنات
ولأن الدنيا ماااشيه
وبتنتهي بيوم من الأيام
ومراح تبقى كل النعم اللي اليوم انتي تطولينها
مراح يبقى إلا عملج
حنا ياجماعه همومنا موقفتنا عن كل شي
ماعندنا غير نندب حظنا
وعملنا
ودينا
ماسوينا شي
شنو له من الأجر عندالله
نشكي لفلان وعلان
محد بينفعج
وإن نفعوج فإن ربي هو اللي يسّر لهم !
الحمد الله على كل حال ..~
و السلام عليكم و رحمه الله و بركاته و اسال الله العظيم يفرج كل هم وحده فيكم و يحققلها مطلبها
التعديل الأخير:
