الي فيهم تخلف يفرزون روايح غيييير

[هذا من فضل ربي]

السلام عليكم


عمة زجي موجوده عندنا بحكم انه مااحد عايلها وماعندها الا اخت وحده وماتبيها

واهي فيها نوع من التخلف طبعا هي كانت مع بيت اهل زوجي كان عايلها اخوها الي اهو عمي ابو زوجي

وبعد ماتوفى شالتها خالتي بس في يوم من الايام اختها تعدت على خالتي بكلام

خلت خالتي تقول انا خلاص شلتها طول عمري وجا الوقت الي ابي ارتاح فيه ودام اختها ماتبيها وتتعدى علي

بكلام مايدخل العقل انها ماتبيها وطولت السانها الكل شال ايده

وبما انه مافي احد يبيها اخذها زوجي واهي الحين عندي

المشكله وين انا ماعندي خدامه وعندي 6 اطفال وبيتنا صغير وساكنه عند حمولتي

واهي تحتاج تسبح وانا استحي ادخل معها انضفها

ويوم الي بتنزل تحت عند اهل زوجي يطردونها ويوم الي انا انزل يسوون روحهم ميتين عليها

الي اهم حمواتي بس مشكلتها انها تحس ولها مشاعر فتنقهر منهم لانهم طاردينها

وتصير في حاله غريبه تروح وترد وتتحرك حيل وتفرز ريحه قويه حيل وتحتاج تسبح كل يوم مع تنضيف المنطقه الحساسه مع الابطين

لاتقولون جيبو لها خدامه زوجي ماعليه مني حنيت عليه لين قلت بس

وانا متوهقه فيها شسوي ياربي

 

[هذا من فضل ربي]

شدعوه ولا رد

 

[miss non]

الله يصبرج
up

 

[الغلا كله لبوي]

الله يكون بعونج ومالج الا الاجران شاء الله وعلى طاري الريحه ليش ماتخلينها
كل يوم تتسبح علميها وخليها تتسبح لحاله وعطيها مزيل للعرق وخليها تتعطر
وين اختها عنها المفروض هي الي تقوم بااختها وترعاها
وربي يوفقج

 

[فررروحة]

الله يعينك واصبري عليها

لك الاجر يارب

 

[عالمي انا غير]

انا اقول عبي الحوظ ماي موحيل يعني عادي عساس مايصير لها شئ وحطيلها ليفه وصابونه و شامبو وعلميها شلون تتسبح حرام تكسبين فيها الاجر اذا تستحين اوقفي برى لا تبعدين عنها خاف لاسمح الله تطيح او شئ تحتاجج واخر شئ خل تحط لوشن للجسم ومزيل عرق

وربي يعينج ويجزيج خير

 

[شذى2007]

الله يجزاااج ربي خير وديها للمستشفى يشوفوون شنوسبب الريحه ويعطونها كريم مناسب لها

 

[Tom ♥ Jerry]

،


سبحيها و فركيها آعتبريها آمج !
ومآعلى المريض حرج (=
بعد شتسوين .، احتسبي الأجر يا قلبي

 

[^^ريهام^^]

هذا خير ويالج

اجرج عند الله كبير حيل

هذه وحدة مسكينة و مافيها شي علميها تتسبح اشتريلها ديودرنت وصابون ديتول
ونبهيها ما فيها شي

 

[**مسك**]

لا حول ولا قوه الا بالله
الله يكون بعونج اختي
ماتدرين اهتمامك فيها سبب دخولك الجنه هي بحاجه من يرعاها

 

[فدوووو]

الله يصبرك وصدقيني والله لك الاجر وحنى على زوجك مرة ثانيه وقولي له يجيب لك شغاله لو بالايجاار

وبعدين صدق ليه ماتسوون له اختبار ذكاء هذا يكون خااص بالمعاقين ويدخلونهم داار للمعاقين يدرسوون فيها ويستفيدوون

ماقصدي تظل بالدار بس قصدي تتعلم عالاقل كيف تهتم بنفسها

 

[∫ ∫ ∫ ∫ جــوان ∫ ∫ ∫ ∫]

اصبرى عليها ومالج الا الاجر وراح تشوفين الى تسوينه فيها بعيالج صدقينى مايضيع شى عند رب العالمين

والى يطردونها هذول مافيهم رحمه ولا يعرفون صله الرحم حرام عليهم ياخذون هالمسكينه بذنب اختها

 

[عبير العنزي]

قال صلى الله عليه واله وسلم

والذي نفسي بيده لا يضع الله رحمته إلا على رحيم ، قالوا : كلنا يرحم ،
قال : ليس برحمة أحدكم صاحبه ، يرحم الناس كافة " .

وقال عليه الصلاة والسلام

" الراحمون يرحمهم الرحمن تبارك و تعالى ، ارحموا من في الأرض يرحمكم من في
السماء​

وقال عليه الصلاة والسلام​

من لم يرحم صغيرنا و يعرف حق كبيرنا فليس منا ​

حبيبتي خلي كل شي تسوينا لها لوجه الله تعالى​

وصدقيني بــتأجرين على كل تعبج معاها​

والله هنيئاً لج...اصبري عليها واحتسبي الأجر..​

اهتمي فيها لوجه الله..وبعد عشان خاطر زوجج​

واذا ع الريحه حبيبتي ياكثر الغسولات واللوشنات والبخور والمعطرات..قولي لزوجج ع الاقل يوفر لج المستلزمات اللي تحتاجينها برعايتها..وسبحيها او حاولي تعلمينهاا شلون تتسبح​

وجزاج الله خير..وان شاء الله لج الجنه..وزوجج بعد جزاهـ الله خير..في ناس تقط اهلها بدار العجزه ..وزوجج ماشاء الله ماقصر بصلة الرحم​

 

[LuLiTa]

هذي مرة عودة .. ميخالف جابليها و اهتمي فيها و قعدي معاها سولفي وياها و سايريها ...اعتبريها حسبة امج ...و وديها الدكتور خل يشوفون من شنو الريحة يمكن عندها حالة مرضية .. و اشتريلها منتجات ديتول و لايف بوي اللي اهمه شور جل و وليفة و شامبو ..حرام تلقينها اهي بعد تتضايق من الريحة ...و وقت التسبح ترسيلها الحوض ماي و خليها تقعد اتفرك روحها على راحتها ..


الحريم الكبار هذوول بركة البيت ...

 

[شذى الجنان]

حطي بالك عليهااا وارحميهاااا وبااذن الله
يكتب لكي اجرهاااا اعتبريهاااا مثل امك
الله يصبرك ويعوووضك

 

[PO PO22]

ماقصرو البنات


وصح ماتدرين يمكن عملج هذا اهوا اللي راح يدخلج الجنه

 

[دلوعة أبوهآ]

آكسبي فيها آجر ..

والله يعينك

 

[توتــه]

شلون تبين نعطيج حل غير الخدامه مالها الا خدامه عالاقل تسبحها وتنظفها

والله يعينج ويصبرج والله يهداها اختها ماتخاف ربي يبلاها بعيالها حرام والله

 

[احبك ياحبي]

الله يجزاج خير وربي عيني دمعت علا هلمسيكينه اتخيل يوم تنزل لهم ويطردونها خلاص الناس صارالو مايرحمون اما انتي اختي الله يجزاج خير واهتمي فيها وخليج ابرك من اهلها تكفييييين

 

[حناين الخير]

ربي يجزاج الجنة مثل ما قالوا الخوات لج الاجر العظيم عند الله سبحانه وتعالى .. وصدقيني الله بسخرلج عيالج السته ربي يحفظهم ويبلغج فيهم وصدقيني بعد راح تكبرين بعين زوجج اكثر واكثر ولو زوجج وافق يحطلج خدامه تساعدج انتي رفضي وخلي اجرج مستمر واعتبريه صدقه جارية .. وبالنسبه لها ترى حاسه فيج وتحبج دام تعاملينها بحب وبدون تذمر .. ولا تنحرجين او تستحين اذا تكشفت وسبحتيها ترها مثل الطفلة فاقده الاهليه والله سخرج حقها وصدقيني حتى عيالج يتعلمون منج البر والاخلاص بالعمل وانتي احسن قدوة .. واكو احسن من البر والصبر .. همسة اقولها لكل اللي يقرا الحين: ترى جدتي انا اللي باريتها وكنت اسبحها كل جمعة واقص اظافرها وانظفها وادهنها وكانت تطالعني وتبتسم الدموع بعينها ولما توفت بين يدي ذكرتها بالشهادة وانا اللي تشرفت بغسلها .. الله يرحم الحي والميت قولوا آمين.