الي عنده محل باسواق القرين يدخل

[عقربة الكويت]

السلام عليكم



يا احلا بنات.......
اليوم عندي طلب واتمنى ماتردوني انا عندي محل باسواق القرين
وادري وايد ناس ماخذين محلات بس للاسف امسكرينها
وقاعدين يدفعون اجار

فتحت محلي 3 اشهر بس للاسف ايد وحده ماتصفق فقلت ببتدي (حمله )
دعايه واعلان مو حق محلي حق السوق كله عشان انفيد بعض

فيا حبيبتي ويا اختي الي عندها محل او اتعرف احد عنده محل اهناك خلونا
نتفق انه نفتح محلاتنا شهر 7 قبل رمضان وانا انادي زبايني وانتي اتكلمين
زباينج وكلنا نستفيد

ولا قعدتنا جذيه وندفع اجارات وانخسر .......خصوصا انه لولو هايبر راح يفتح
اخر شهر 6

 

[عقربة الكويت]

استغفر الله الذي لا اله الا هو الحي القيوم واتوب اليه

 

[جـــواهر]

عسالله يوفقج خيتي ياااارب ولايضيع تعبج


بس اعرفي ان مكااااانج استرااااتيجي حيل انا من سكان القرين وبصراحه اسواق القرين

نعمه كبيره اختصروا علينا كل شي ماشاء الله كل شي متواجد فيه من جميع الاحتياجات

بدال لاطق مشوار كل شي قريب مني ..

همن اهلي بعد الحين اي شي يبون يروحون هناك ...

وعسالله يوفقج يااااارب اصبري عليه شوي ان شاء الله تجارتج بتربح

 

[kingq8q8]

ياليت يكون عندي محل

 

[طـفولية]

لا تستعيلين ..كلها مسألة وقت .. وادعي ربج يرزقج ويعوضج ..
ربي يرزقج من اوسع ابوابه يا رب .. وانتي بطلي محلج ومالج شغل بغيج = )

 

[فـلـفـلـهـ]

آنا وايد أروح أسواق القرين

ياريت تقوليلنا شنو محلج أو ادزينه لي عالخاص واذا احتجت منج شي بييج ان شاء الله

 

[ليمونه حلوه]

موووفقة خير ..

 

[أم حمد 4]

انا سمعت انا هالمنطقة ازالة وتوهقت قيها الحكومة والناس الس شروا

 

[حجيه هيونه]

الله يوفقكم ويرزقكم يارب

 

[Marka Store]

اكثر اللي خذوا من محلات القرين شباب وتاجرات المنتديات
وهالتجار ما يبونهم يترزقون الله مسوين سالفة على هالمحلات وانها لازم يكون ترخيصها حرفي مادري شنو يعني
ثلاث ارباع المحلات موقفين حالهم

 

[أحبه موت]

انا سمعت والله العالم ان اسواق القرين راح يتسكر
حماة اختي عندها مشغل هناك وللحين مو راضين يعطونها ترخيص المحل ولمن سألت الجهة المختصة قالولها ماراح نعطيكم لان المحلات راح تتسكر
عاد حرااااااام والله الموقع وايد حلو واستراتيجي وفروا علينا وايد أشياء وكل شي هناك متوفر

 

[لـولـو الحلوه]

اختي ممكن اعرف شنو محلج عشان اسويلج دعااايه
طرشليلي عالخاص

 

[^kloOot^]

الله يعينكم

بصراحه المكان يخرع
بس اللهم يم لولو هايبر ورامز
والباجي ظلمممممممممممممممه المكان وكله قهاوي

انا امر عشان فيه محل ككاو اروح اخذ منه


الله يعينكم
سالت ذاك اليوم محل بو 100 وفوق جدام رامز جم اجاركم قال 600 دك بشهر شدعوه وايد واااايد

مايسوى ومحل فاااااااااااضي مافي اوادم ولا بضاعه عدله

 

[اي اسم]

شنو نوع نشاط المحل
انا مادري اصلا شنو فيها اسواق القرين وشنو انشطة المحلات
فيالله سووا دعاية وقولو لنا شنوا في هناك عشان نتشجع ونروح
وموفقين ان شا لله اجمعين

 

[المطيريه]

رد : الي عنده محل باسواق القرين يدخل

الله يعينكم ويفتح لكم من اوسع ابواب رزقه

 

[james546613]

الله يرزقج من حلاله ويوفقج ويسهل امرك والمسلمين

 

[emankuwaiti]

لاحول و لا قوة الا بالله

الحين بعد مابنوا و سووا المكان يبون يشيلونه

لا حول و لا قوة الا بالله

 

[S.O.S]

على جم الاجارات هناك ؟؟

 

[Om_Ksha]

الله يفتحها عليكم

 

[Om_Ksha]

استفسرو عن القانون هناك واذا هذا اتفقو وروحو عند محامي ورفعو عليهم قضيه ..
وطالبوهم بالتعويض عن خسايركم
وشوفو ترفعون ضد منو قضيه يالتجاره يا البلديه ياصاحب المجمع نفسه .. انه شلون يعطيكم محل وعليه ازاله و موقفين التراخيص عنهم ..
اعتقد يعتبر غش