*** الي عندهم هالسنه رابعه ابتدائي حياها الله نناقش امور عيالنا ***

[الكوويت]

اليوم ولدي خلص العلوم ولله الحمد
بس الامتحان كان جداً صعب هذا على كلام مدرسه بمدرستهم
وولدي المسكين جايني ومعصب يقول يمه الابله خذت مني الورقه وباقي لي سؤالين ماحليتهم قلت لها تكفين ابله شوي مارضت وسحبت الورقه ... ساعه ما تكفي حرااااام عليهم
الله يستر بس ... بكره دين وكله حفظ الله يعيني عليه

 

[nsoom777]

حسبي الله على مدرسة بنتي ابلتها العلوم معطيتها الدروس الداخله في الامتحان وباقي الدروس محذوفه
انصدمت من بنتي اليوم تقولي يما الدروس المحذوفه في الامتحان بس حليتهم مادري اذا صح او غلط انا انصدمت اشلووون
وهي محذوفه والمسكينه جايبه
كتاب العلوم وتشوف الاجابات قلتلها خلاص انسى الامتحان خلاص جاني احباط
باجر عليها دين يارب سهل عليهم امتحاناتهم ونجحهم ياكريم

 

[بحرينيه كيوت]

رد : *** الي عندهم هالسنه رابعه ابتدائي حياها الله نناقش امور عيالنا ***

مساء الخير جميعا

الله يخليكم أبي حل الإجتماعيا صفحه 40 و41 لانه بنتي كانت غايبه وباجر إمتحانها ..

الله يعافيكم اللي عندها الحل لاتبخل علي الله يوفق عيالكم يارب

​

 

[::كيك وعسل::]

رد : *** الي عندهم هالسنه رابعه ابتدائي حياها الله نناقش امور عيالنا ***

مساء الخير جميعا

الله يخليكم أبي حل الإجتماعيا صفحه 40 و41 لانه بنتي كانت غايبه وباجر إمتحانها ..

الله يعافيكم اللي عندها الحل لاتبخل علي الله يوفق عيالكم يارب

​

هذا الحل حبيبتي ودعي الله يوفق بنيتي بالامتحانات
ص40
عندج خريطة الكويت :
لون الاحمر تنتشر نباتات الهرم في جهة الشمال
لون الاصفر تنشر نباتات الرمث في جهة الغرب
لون البرتقالي تنتشر نباتات الثندى جهة الجنوب
لون الازرق تنتشر نباتات العرفج في جهة الجنوب

اجابة الاسئله اللي تحت
1_ الرمث
2_فصل الربيع السبب لتساقط الامطار

ص41
اكتبي حقيقتين الى اخر الكلام ...:
1_الرمث اكثر النباتات انتشار في الكويت
2_تنمو النباتات في فصل الربيع

اسباب فقر الغطاء النباتي ....؟
1_الحراره
2_الرياح
3_قلة الامطار
والله يوفق بنيتج

 

[::كيك وعسل::]

رد : *** الي عندهم هالسنه رابعه ابتدائي حياها الله نناقش امور عيالنا ***

بناااات مارديتوا علي
شنو يجي بالانجليزي ؟؟؟؟؟؟؟؟

 

[بحرينيه كيوت]

رد : *** الي عندهم هالسنه رابعه ابتدائي حياها الله نناقش امور عيالنا ***

مشكوووووووووووور حيااااااااااااااتي

فديتج يالغاليه الله يوفقج ويوفق عيالج يارب

 

[ام فهووودي]

قوه امهات

واي شنو هذا صج مادة العلوم وايد دسمه وفيها تعاريف وحفظ اليوم بنتي قدمت الامتحان اتقولي زين بس صعب شوي الله يستر

وباجر عليها انجليزي ومحتاسه معاها ادرسها جني قاعده ادرس طوفه مومعاي بالمره مالها خلق يتني حالة اكتئاب من كتبها

كيك وعسل انا نفس حالتج جان زين البنات يفيدونا شنو المهم بالانجليزي

 

[<<لمار>>]

الله يوفقهم ويعينا عليهم انا اليوم ولدى امتحن انجليزى ويقول صعب واليوم فر راسى وانا ادرسة الاجتماعيات المعلومات كلها داشة بعضها الله المستعان وبعدة الرياضيات من الحين احاتية

 

[CrystalQ8]

السلام عليكم صراحه اجرام العلوم انا شفت الامتحان بمدرستي مابقي شي موجايبينه واللي يحر مركزين بين السطور رسمه البضه والجهاز العصبي تكمله واسباب ان الباندا معرض للانقراض وماوظيفه الماء في الجسم هذا اللي اذكره الله يسامحهم بس طويل الامتحان

والدين حفظ الله يستر من باجر انشالله صدفه اكون في لجنة صف بنتي

 

[::كيك وعسل::]

رد : *** الي عندهم هالسنه رابعه ابتدائي حياها الله نناقش امور عيالنا ***

العلوم من خمس اوراق

 

[mooomooo]

رد : *** الي عندهم هالسنه رابعه ابتدائي حياها الله نناقش امور عيالنا ***

ولدي بدع بامتحان الاجتماعيات

المصيبه حافظين كل شي بس في اسئله مو مباشره

والله حده قهر وشفت الامتحان

جزيرة وربه مايابوا طاريها بالمنهج بس موجوده بالخريطة ويايبينها لهم

 

[السنعة2]

رد : *** الي عندهم هالسنه رابعه ابتدائي حياها الله نناقش امور عيالنا ***

واااااي خرعتوني من العلوم باجر الله يستر

ملت وماكملت لها مراجعة

وتقولون يايبين من المحذوف الله يستر

 

[<<لمار>>]

خرعتونى بنات من العلوم عاد انا قاعدة على اعصابى الكمية كبيرة وهاليهال يتمللون لى درسناهم ومايعطون من نفسهم

 

[nsoom777]

الله يستر باجر امتحان بنتي الانقليزي اليوم امتحنت دين تقول وايد سهل وحلو
يارب توفق عيالنا وتسهل امتحاناتهم وتنجحهم يارب

 

[gardenai]

الله يستر امتحان ولدي باجر علوم فر راسي من الكمية والمذكرة ذيم لاحظ واستنتاج

 

[مي الحلوة]

رد : *** الي عندهم هالسنه رابعه ابتدائي حياها الله نناقش امور عيالنا ***

انا اليوم حدي تعبت من تدريس الانجليزي حتى ولدي احسه تعب وما قام يركز بالكلمات..
الله يستر يارب بكرة..اما العلوم يقول التجارب ما عرفت لهااا..وفعلا جايتهم اسئلة من الدروس المحذوفة..
جايهم سؤال عن اللبون..اما التربية الاسلامية ولدي يقول الحمد الله مو صعب..يارب الله يستر من المواد الباقية..
حيل احاتي العربي والرياضيات..
الله يوفق عيالناااا يارب ولا يضيع تعبناااا..

 

[nsoom777]

امتحان بنتي اليوم انقليزي تقولي سهل بس 4 اوراق الفتره الاولي 2ورقه والفتره الثانيه 2ورقه
مادري والله خايفه كل ما سألتها عن امتحان قالت سهل وانا على اعصابي بس والله العلوم إلي حاطه ايدي على
قلبي منه لان جابولهم اسأله من الدروس المحذوفه وانا ما درستها منهم على كلام ابلتها مراح تدش في الامتحان
وانصدم انهم جايبين اسأله منهم يارب سترك يارب تنجحهم
باجر عليها اجتماعيات

 

[um meshoooo]

بالتوفيق للجميع

 

[<<لمار>>]

بنات شلون يايبين اسئلة من الدروس المحذوفة النشرة طالعة من الوزارة يعنى شئ رسمى لاتسمتون وحاسبوا المدرسة بروحها ندور الدرجات لعيالنا هالنوب بعد من المحذوف

 

[أم عبووووود]

السلام عليكم ورحمة الله وبركاته

انا شفت امتحان العلوم لمنطقة الاحمدي واعتقد السؤال المحذوف هو علل ان الخفاش من اللبونات وهو يطير طبعا انا اللي وصلني بنشرة التربية ان درس اللبونات محذوف والله اعلم

امس كان امتحانهها العلوم وافتكينا من هالمادة الثقيله

بنتي اليوم امتحان عربي ربي يوفقها ان شالله

بقى لنا الانجليزي والاجتماعيات والاسلامية وربي يسهل

امتحان الاسلامية مال منطقة الاحمدي كان دسم مترووووس اسئلة والل المستعان اللع يعينا عالحفظ