*** الي عندهم هالسنه رابعه ابتدائي حياها الله نناقش امور عيالنا ***

[استعجلت الرحيل]

رد : *** الي عندهم هالسنه رابعه ابتدائي حياها الله نناقش امور عيالنا ***

ياغث الدراسه حيل صعبه على المساكين اما احنا سهالات بنات اليوم على وليدي عربي الورقه الاولى وباجر عربي الامتحان الله يستر

وبالنسبه للاجتماهعيات يقول يمه سهل والحمدلله عديناه

 

[<<لمار>>]

انا ولدى امتحن اجتماعيات ودين ورياضيات يقول سهل معنة موذاكر الاسئلة الاخ شلون سهل ماادرى وباجر عربى احاتية موعارفة شلون ادرسة اياة الله المستعان

 

[القرآن ربيع قلبي]

انا بنتي خلصت الاجتماعيات والرياضيات اليوم
وخلصنا الانجلش
باجر اسلاميه الله يعينهم مكثف
وكله تقول سهل والله يستر من هالسهل
والله يوفق عيالنا ياااااااااااااااااااااااااااااااااااااااااااارب

 

[مي الحلوة]

رد : *** الي عندهم هالسنه رابعه ابتدائي حياها الله نناقش امور عيالنا ***

شلونكم بنات ان شاء الله بخيرر..
انا الحمد الله ولدي امتحن تربية وطنية ويقول سهل..واليوم كان امتحانه عربي..والحمد الله يقول انه قدم زين
وبكرة ان شاء الله امتحان اجتماعيات..والخميس انجليزي..
والله يعيناااا يارب على ولايضيع تعبنااااا فيهم..

 

[عود ومسك]

الله يستر ويعديها على خير
انا بكره امتحان بنتي اسلاميه ومدري شنو راح يجيها
اول مره تمر علي امتحانات فا مادري شلون نظامهم
شنو يعطونهم وما يعطونهم
امتحنت عربي والابله الله يجزاها خير كانت كاتبه للبنات شنو الدروس اللي بتجيهم وبنتي تقول حليت زين
فا الله يستر كل شي يبين عقب ما يخلصون

 

[ام فهووودي]

بنات اشلونكم مع التدريس

اهم شي النفسيه لازم اتكون بالعلالي

انا بنتي باجر عليها امتحان اسلاميه

 

[um meshoooo]

انا بنتي باجر اجتماعيات مو راضيه تستوعب الجهات الاصليه والفرعيه دخت وانا افهمها انشالله تحل باجر عدل

 

[أم أحلى البنات.]

هلا بنات ...

خلصت بنتي العربي اليوم وتدرون شقالتلي ؟؟

تقوووووووووول >>> يمه الحمدالله الأبلات غششونا ماقصروا :krkrkr: !!!


كان أقوللها >> لااااااااااااااااااااا ياماما :eh_s(4): الأبلات ساعدوكم حبيبتي ماغششوكم !!


وباكر امتحانها اجتماعيات ومن اليوم ترجع مريضه ياعمري عمرها :eh_s(2): >> عاد مادري أخليها تروح

والا لا:080402ask_prv:

الله يوفقهم :yaaaaaarb:

 

[أم حمني المزيون]

أم أحلى البنات بنتج مدرستها تبع العاصمة ؟ نفس جدول بنتي؟
وباجر الله يعينا اسلااااامية :eh_s(1):

 

[<<لمار>>]

انا باجر انشاء الله امتحانة وطنية ان شاء الله سهالات والاحد علوم اااااااااااااة من العلوم بيوقف قلبى اتوقع منة

 

[ام فهووودي]

قوه بنات

انا بنتي اليوم قدمت امتحان الاسلاميه اتقولي يمه ايدي قامت اتعورني من الكتابه بس الابله ساعدتنا

وباجر عليها امتحان وطنيه وايد حلو وخفيف والله يسهل علينا وعليهم


احلى البنات ماتشوف شر بنتج اذا وايد تعبانه لا اتخلينا اداوم واخذي لها مرضيه عشان يأجلون امتحانها ابيوم ثاني

وسلامتها ماتشوف شر

 

[أحلى الألماس]

بناااااااات الله يوفق عيالنا يارب قولو آمين
يكسرون الخاطر المناهج حده صعبه
ولدي عليه باجر انجليزي بس ماادري شنو
التعبير اللي احفظه
والمشكله لمن اسئله اقوله حددو معاك شنو
موضوع التعبير يقول لا
بنات علموني الحين احفظه تعبير من عندي ولاشنو

 

[CrystalQ8]

السلام عليكم ...باجر بنتي امتحان انجليزي عندي مذكره تهبل والله يامهات عجيبه وسهله خصوصا قواعد والمفرد والجمع والكلمات بجدول وامثله مرتبه ارتحت وانا ادرسها مع اني ميح بالأنجليزي لأن مالقيت مدرسه تجي البيت ....والله يعين العلوم الأحد شلون الأسلاميه سهل اختبارهم اخر يوم علينا وبنتي ملت

 

[<<لمار>>]

كرستال حطيلنا مذكرة الانجليزى ماعليج امر وامتحان الاسلامية كميتة وايد خمس صفحات ياهم يكتبون الحديثين ويجوز اولا يجوز على درس الخلاء وترتيب احداث الاسراء والمعراج وهذا اللى ذاكرة ولدى الاخ ذاكرتة ميح ينسى شكتب

 

[CrystalQ8]

المذكره للفصل كله بحاول انزلها بسكنر

 

[كريستآله]

انا ولدي امتحن العلوم وخلص ويقول جتهم رسم مراحل البيضه ورسم مراحل نمو النبات هذا اللي قاله وصح وخطا وطبعا بدع بالامتحان الله يستر

 

[om al ghaleen]

ربي يوفق عيالي وعيالكم ان شالله ولا يخسر التعب يارب

ام الغالين
سلامات ياقلبي ماتشوف شر
ومبروك عرس اخوج الفال لعيالج يارب

انا بنيتي امتحنت اجتماعيات والاسلامية واليوم انجليزي الورقه الاولى وربي يسهل عليهم ان شالله

والله تعبنا مع عيالنا يارب لاتضيع التعب ان شالله

حببيتي الشر ماييج ولايقرب صوبكمٌ والله يبارك لج يالغاليه ونفرح لفرحج " :hjy5jewf:
والله يوفق عيالج ياارب وعيالنا



يلا هانت باقي الحين العلوم والعربي وان شاء الله تعبنا مايروٌح بلاش
الحين قاعد يقدم الاجتماعيات والله يوفقه يااااااااارب
لازم هالفتره نطلعهم ونونسهم علشان لايزهقون

 

[استعجلت الرحيل]

رد : *** الي عندهم هالسنه رابعه ابتدائي حياها الله نناقش امور عيالنا ***

انا ولدي اليوم عنده اسلاميه واحس انه حيل سهل لان انا ماخذه من النت مذكره حييييل حلوه يابنات جد سهلتلي الدراسه

والاحد علوم يمه وماادراكه ماالعلوم

والاثنين وطنيه والحمدلله على كل حال

 

[CrystalQ8]

امهات رفيجتي تمدح بالمكتبه مراجعه جمعية المعلمين حق العلوم تقول درسي بنتج منها وخاي الكتاب يضيع الوقت

 

[<<لمار>>]

اخيرا اليوم بنريح ماكو تدريس بس الله يستر الاحد علوم الكمية وايدة وكلها حفظ الله يعين ويسهل الامور يااارب