الي عندها خبره بالخيانه الزوجيه ابي مساعدتها

[Kona83]

تخيلو يابنات رجعنا الكويت الحين عشان زوجي بادي فريضه الحج حتى ماوصلني لبيتنا خله احد ياخذني واهو اهله خذوه وبعد يومين دقت امه علينا يبي يطلقني تغدا فيني قبل لا اتعشه فيه وانا كنت ساكه ماتكلمت حق اهلي حسبي الله ونعم الوكيل تدخلوا اهلي بعد ماقلتلهم سوالفه الحين طبعا مأجل كل شي لبعد الحج وشكله يدور علي الزلة مايبيني لاني شفت خرابيطه شكله مايبي يعيش والله يابنات اترجاه بالتلفون اقوله عطني فرصه نصلح الي كسر موراضي هذا واهو غلطان بحقي والله من وصلت الكويت لا ليلي ليل ولانهاري نهار حتى العيد بين اهلي موحاسه بطعمه ابجي بليل وادعي ربي يجبر بخاطري المكسور عروس ماصارلي ٨ شهور اتطلق عشان ريال مايبي يحفظ بيته وكرامة زوجته

 

[احلا المزايين]

اول شي انتي حامل اذا الجواب اذا مو حامل ماكو شي اتحسفين عليهواذا انتي عاتبتيه علا خيانته وعافج هاذا واحد يدور الزلة
وماعليه حسوووووفة
وانتي ترا ماغلطتي ورايتج بيضا ماقصرتي صبرتي علا خماله وسكتي
ريحي نفسج وضميرج
واذا مايبيج لا اتقطين نفسج عليه احمدي الله مليون مرة ماحملتي مننه الحمدالله عندج فرصة ثانية ويمكن فرص
ولا تنسين قول الله تعالى وعسا ان تكرهوا شيئا وهو خير لكم
والله يعوضج باللي يصونج ويريح ان شاء الله
واللي لازم يتسوا الحين غيري شريحتج وافتحي صفحة جديدة وطلعيه من مخج

 

[Kona83]

لا موحامل وللحين الاخ مخليني ع نار لين يرجع من الحج يا يطلقني يا يرجعني يقولي يصير خير لين ارجع بس للاسف انا حبيته ومابي اطلق كل انسان يغلط وانا قاعده ادعيله ان الله يفتح بصيرته بالحج ويهديه ويسخره لي ياارب

 

[بدوردا الأموره]

اذا كان تلفون بس ومكالمات ممكن تتفاهمين معه وتسامحينه اما اذا كان ممارسة فواحش تطلقي منه ماكو فايده بكره ينقل مرض لا قدر الله و ينهي حياتك ....

 

[Reelax]

ااستغفار. والدعااااااء الله يهديه لك.

 

[om Firas]

الله يسخرررر لج ياااارب

 

[Kona83]

اذا كان تلفون بس ومكالمات ممكن تتفاهمين معه وتسامحينه اما اذا كان ممارسة فواحش تطلقي منه ماكو فايده بكره ينقل مرض لا قدر الله و ينهي حياتك ....

انا كل الي شفته مكالمات وتانغو وفايبر وواتس اب وحده منهم بنفس البلد الي احنا فيها والثانيه والباجي لا مادري اذا وصلت للفواحش ماعتقد لان ماحسيت هالشي عليه بس الي عرفته من وراه ان هذي الي معاه بنفس البلد بينهم شغل سمسارات وعقارات بس ريلي يعرفها من اول ماتغرب يعني 4 سنين قبل لايتزوجني ف اكيد ان تعود عليها الي لدرجة المسج الي بينهم تقوله احبك ويرد عليها احبج هذا الي قتلني وخلاني اشيش 180 درجه بس مابي اتذكر خلاص
الحين كل الي ابيه ان الله يسخره لي ويرجع لصوابه ومايطلقني لان يوم كنا هناك كان يتعذر ويبوس راسي بس تغير يوم وصلنا الكويت انا اقول يمكن اهو يسوي جذي كنوع من التأديب لي يمكن عشان يخليني احرم اقرب صوب تلفونه انتوا شرايكم

 

[خالتي قموش]

الله يقدم اللي فيه الخير لج
ويهدي بالج و يسر خاطرج للي فيه صالح لج
ادعي ربج اذا رجعته لج خير لج ييسره
واذا رجعته شر لج
الله يبعده عنج ويعوضج خير عنه

حطي شروط وخلي اهلج يكلمونه انتي لا تكلمينه ولا تردين عليه
بنات الناس مو لعبه

 

[Kona83]

اللهم امين اي والله مو لعبة يابنات

 

[أدعج غنج]

قطعتي قلبي...
الله يرده لج رد جميل ويهديه للصواب ...ادعي ربج يسخره لج ويشيل سالفة الطلاق من راسه
بس نصيحه حبيبتي لا تترجينه انتي ما غلطتي في شي ولا قصرتي فيه الغلط منه اهو..وان كان عافج ترا ما يشوف شر
وانتي خلج معززه مكرمه لين ما ربج يفرجها عليج

 

[Kona83]

قطعتي قلبي...
الله يرده لج رد جميل ويهديه للصواب ...ادعي ربج يسخره لج ويشيل سالفة الطلاق من راسه
بس نصيحه حبيبتي لا تترجينه انتي ما غلطتي في شي ولا قصرتي فيه الغلط منه اهو..وان كان عافج ترا ما يشوف شر
وانتي خلج معززه مكرمه لين ما ربج يفرجها عليج

يابعد عمري جزاك الله خير ع الدعاء اللهم امين ويسمع منج الرحمن لان صج احب بيتي واحب زوجي الله لايحرمني منهم والله قلبي متقطع الله يفرج همي وهم كل وحده مثلي:yaaaaaarb::yaaaaaarb::yaaaaaarb::yaaaaaarb::eh_s(16)::yaaaaaarb::eh_s(16):

 

[Kona83]

بنات زوجي باجر يرجع من الحج ان شاءالله وخايفه وايد من قراره احس هاليومين بقعد ع اعصابي لين اشوف شنو الله كاتب بنات طالبتكم بالدعاء لي بظهر الغيب ان يصلح الحال ويسخره لي ان شاءالله الله يخليكم طلبتكم الدعاء لاخيك بظهر الغيب مستجاب ان شاءالله ولكم مثله ادعولي الله يستر عليكم

 

[مشتطـه]

انا ما يصدمني الا ردودكم
دام إعتذر سامحيه


وخل يغير رقمه

اخذيها بالعربي مني انا وبصريح العبارة

الريـآال اذا خاين
مستحيل يتغير الا اذا اهو من داخله عاف هالشي


انتي ما بإيدج الا الدعاء له بالهدايـه


الخيانـه شي صعب صعب صعب
ما تقدر الوحده تنساه
وتنجرح وتحتر
وتحس ان في احد مشاركها فيه

انا عن نفسي لو طحت عليه مستحيل مستحيل مستحيل ارجع احبه
وراح اتغييييييييييييييييييييير حيل عليه وما انسى
وافقد الثقه

 

[مشتطـه]

واي توني اقرا انه بيطلقج
مادري ليش دشيي قلبي وحسيت فيج حيييييييل

ياعمري خاينج وتحبينه
عورتي قلبي والله

حرني حسبي الله عليه

بس لو طلقج ماعليه حسااافه راعي بنات

 

[Kona83]

واي توني اقرا انه بيطلقج
مادري ليش دشيي قلبي وحسيت فيج حيييييييل

ياعمري خاينج وتحبينه
عورتي قلبي والله

حرني حسبي الله عليه

بس لو طلقج ماعليه حسااافه راعي بنات

دشيت قلبج لان صادقه باحساسي وكلامي وللاني احبه مسامحته واهو لو يفتر الدنيا مايلقه مثل طيبة قلبي واخلاصي له لاتحسبين عليه الله يخليج ادعيله بالهداية بس لان ادري ربي ماراح يقصر معاي وبيعطيني ع قد نيتي

 

[مارلين منرو]

دامج بأول الطرييييج .. شاللي جابرج عالمر ؟ يمه يخووون في غيره مليووون !! يا يتأدب يا يرووح بطريجه !

 

[Kona83]

دامج بأول الطرييييج .. شاللي جابرج عالمر ؟ يمه يخووون في غيره مليووون !! يا يتأدب يا يرووح بطريجه !

الكلام سهل والفعل اصعب لمه تتعلقين بشخص وتحبينه ولمه يكون زوجج وكل شي تحبينه تلقينه فيه وخطأه ان تمادى بحق مو حقه الله بسماه يغفر للعبد انا بشر ما اغفر خطيئة زوجي اهو يعرف بقرارة نفسه ان غلطان انا قاعده اعطيه فرصه ينظف نفسه بس اهو استعيل علي وماعطاني فرصه انصلح الي انكسر بينا عسى الله يهديه

 

[Kona83]

وبعدين تبين الصج ياما في رياييل سوو بلاوي اكثر من جذي وفي بنات حلال اصبروا ونالوا في النهاية الوحده موكل يوم لها ريل وبعدين اذا في اغلاط نقدر انصلحها ونسامح فيها ليش لا شالي يمنع سمعتي بالمثل الي يقول نارك ولاجنة هلي! الوحده لمه تتزوج وتجرب طعم الحياة الزوجية والاستقرار صدقيني ماكو احلا منها طعم كافي حضن زوجج بليل ولمته وانتي تدرين ان يحبج بس في شي بره اقوى منه موقادر يتخلص منه الواحد لازم ساعات يفكر بعقله شوي مو بس قلبه واكيد كل وحده متزوجه تقرا كلامي راح تحس باحساسي وتفهمه انا لوما حسيت بحب زوجي لي وغلاتي عنده ماكنت تمسكت فيه كنت عايشه بجنه معاه وادري ان فتحت ع نفسي باب جهنم لمه فتحت تلفونه بس كان وقتها شي اقوى مني يوم نبشت وراه لمه شفته بدا يتغير الي تحب الاستقرار وبيتها تحافظ عليه بكل اسلحتها

 

[أعشقه]

خلاص وعدك يكفي ياقلبي
عطيه فرصه ولا تجيبين له طاري للخيانه وكذا
شوفي وش يصير من بعيد لبعيد
حاولي تثقين فيه بكل شي مو تمثيل ..
تراه يحس ويعرف .. اذا ربك يسامح ويغفر ويعطي فرصه تجي علينا يالبشر
وسعي صدرك انا اعرف ان الخيانه شي قاسي بس ربك يعينك وييسرها لك ويكفي انه وعدك
الله ييسر امورك

 

[Kona83]

خلاص وعدك يكفي ياقلبي
عطيه فرصه ولا تجيبين له طاري للخيانه وكذا
شوفي وش يصير من بعيد لبعيد
حاولي تثقين فيه بكل شي مو تمثيل ..
تراه يحس ويعرف .. اذا ربك يسامح ويغفر ويعطي فرصه تجي علينا يالبشر
وسعي صدرك انا اعرف ان الخيانه شي قاسي بس ربك يعينك وييسرها لك ويكفي انه وعدك
الله ييسر امورك

والله ان بعطيه فرص مو فرصه بس اطلب من ربي اهو يعطيني فرصه ولايطلق ماستحق ان يبخس حقي فيه