الي عندها اسلوب وتعرف ترد .. أبي رد عالمواقف هذي .. بليز الكل يشارك ولكم مني دعوه

[غـــلا...]

موضوووووع جمييييييل يعطيج العافية بس ردودي الاغلبية قالوها

 

[وفاء ولين]

شوفي فيه احد عبيط تحسين ماعنده سالفه
وفيه احد ملكع وفيه احد حقود وفيه اللي يقول شئ وهو يقصد شئ ثاني
وفيه اللي تخزتس بعينها اللهم ياكافي
والصراحه الناس متعبين واذا تبين نصيحتي خلي دايم اسلوبك راقي واذا ماعجبتس كلامهم ابتسمي ابتسامه باهته ورددي لاحول ولا قوة الا بالله وهو يسمع
والناس ما ينلحق لهم طرف الله يرزقنا الهدوء والسكينه

 

[كويت الاناقه]

صراحه الرد يختلف انا ماسكت واذا صار ناصار كوفتها لج هههههههههههههههههه

 

[miss $_$ semsem]

اول موقف : كنت بعرس وقربت مني بنت من قرايبنا بينا سلام جان تقولي اتحاسبين نفسج حلوه ؟ مع فيس معبوس ( امبيه والله ماقلت انا حلوه ههههههه) بسراحه ماعرفت ارد بولا حررف بس ابتسمت ومشيت

قولي لها الحمدالله وابتسمي وامشي

الموقف الثاني : كنا قاعدين انتناقش بموضوع ووحده قطت كلمه ماعرفت معناها قلتها شنو معناة هذي الكلمه جان اتنط وتقولي انتي جذااابه في احد مايعرف هالكلمه وتأشر بيدها وتقول انتي جذاااابه اتركني عنج الجذب الزايد يعني اتدلعين ( اهم شي الدلع بالموضوع لوول )
ردة فعلي : تنرفزت وتهاوشت معاها وبجيت :eh_s(11):فشششله

قولي لها و شستفيد اذا جذبت ؟ تعرفين معناها قوليلي ما تبين تقوليلي كيفج ما جبرتج و بس صكري الموضوع لأن في ناس تحب تكبر المواضيع التافهة ولا تناقشينها اكثر ...



الموقف الثالث: بالموقف هذا انا الي بديت خخخخ ضغطت وحده بالغشمره وتنرفزت جان تقلب الموضوع وتقولي زين انتي ليش اتصنعين الدلع ؟ قلتها بالعكس انا اشوف نفسي طبيعيه قالت لا مو طبيعيه مبين اتتلعين بالحجي
ردت الفعل : ماكو هزئتني وماعرفت ارد كالعاده

قولي لها أولا انا آسفة اذا غشمرتي نرفزتج و ثاني شي بالعكس انا اشوف نفسي طبيعية ومااتصنع واذا على قولتج اتصنع مو معقولة بضل طول عمري اتصنع فليش اتعب عمري ؟



شوفي حبيبتي في ناس ماله داعي تبررين لهم و تعطينهم ويه بزيادة و هم مع هذا ان اغلطوا لا تنزلين لمستواهم وتغلطين نفسهم
اكتفي بكلمتين و صكري الموضوع ....

 

[النجمة المضيئة]

خير الكلام ما قل ودل
(اللي مايظول العنب حامضا عنة يقول)

 

[نونه المنكوشه]

انا لومكانج ماعندي وقت اقلب عليها الكرسي واهيا قاعده >>>> متاثره ابجكيشان هههههههه
والله ريحي بالج ولاتفكرين بالرد لانه بالنهايه الله يعطي علي قد النيه اذا وحده اتعمداتغثج الله بيسلط عليها اللي يغثها اما اذا اشكره اتقل ادبها لااهني دوسي اب بطنها خخخخخخخخ ماكوفايده فيني هوشه

 

[في غيبتك راحه]

ذكرتيني بحادثه سمعتها لمن عائشه رضي الله عنها سمعت يهودي يقول السام عليكم اي الموت عليكم ردت عليه بل الموت عليكم وووووالخ قال لها الرسول صلى الله عليه وسلم فيما معناه قولي وعليكم فقط! شفتي اختي شلون الرد؟يعني ماتردين على اللي غلطت عليج بحجي طويل عريض ع بالج قوة شخصيه لا ردتج يكون قوي وبكلمه مختصره ومهذب بنفس الوقت وايد ردود ممكن تحرجين فيها اللي جدامج وتخلينها تحمق منها . مشكووره حبيبتي من طيب اصلج! يزاج الله خير !استغفرالله.،الله يهديج ويصلح بالج.،يامثبت العقل والدين،ياصبر الارض بس،الحمدلله صج العقل نعمه،واذا خاطبكم الجاهلون فقلوا سلاما على فكره يالغاليه ترى القران الكريم فيه وايد ردود حتى الناس ااول كانوا ياخذون ردودهم من القران من كثر مايقرونه ف رسخ بعقولهم .بس طبعا مو بالردود الغبيه من زينج من حلاتج والخ مادري فهمتي علي ولا لا حلوه الردود اللي تعبر عن سمو ورفعة صاحبها وتدل على انه شخص فوق مستوى الكلام الهابط اذا مافهمتي علي مو مشكله اشرحلج اكثر؟!

 

[مريووم..]

قلبوو ابقوولج حل واحد يكفيج

لا تحفظين كلام ولا غيرة

اذا ماكنتي واثقة بنفسسج

ماراح تسسوين ولا شيء

اوفى عمل تقدمة لذآآآتك هو ثقتك بنفسسك

اذا انتي طايحة من عين نفسج اكيد

محد راح يقدرج

خلي الثقة من داخلج ولا تنطرين احد

يرفعلج معنوياتج انتي ارفعي معنويات نفسج

وقوي قلبج وصدقيني بتنسسين كل همومج

وبيطلع الرد منج تلقائي

خلي منبع الثقة يكون من داخلج

نصصيحة لوجه الله

ثقي بربك اولااا ثم بنفسسك

 

[واثقه من نقسها]

رووووووووووووووووووووووووعه بالنسبه لكلام بنوته دربه
​

 

[نوف الصقعبي]

بحطلج ردود وانتي قولي شرايج

اول موقف :اتحاسبين نفسج حلوه ؟ مع فيس معبوس ؟

الرد: لا ما احسب نفسي متأكده اني ملكة جمال الكون مع ابتسامة فخر ورفعة راس
الرد: فديتني وانا كايدتهم مع هزة راس وضحكه
الرد: يوووما فديت جمالي يالبى زيني مع حركة سريعه بالرموش ودلع وابتسامه
خخخخخخخخ راح تمووووووووت

الموقف الثاني : انتي جذااابه

الرد: وانتي منو عشان اجذب عليج واخذ ذنب عشانج صج كلن يرا الناس بعين طبعه !!
الرد: مالومج كلن يرا الناس بعين طبعه الجذاب يشوف كل الناس جذابين !!

الموقف الثالث: زين انتي ليش اتصنعين الدلع ؟

الرد: أدلع ياااااكايدهم خليهم يشوفووونك < مع حركات دلع وختميها بضحكة دلع
الرد: يحقلي ادلع ,,
الرد: مالومج عشتي في بيئه ماعمرهم دلعوج صرتي ابو الشباب فتغارين من الدلعواااات :$
الرد: اتدلعي انتي شحارج مناشبتني خخخخخخ





ابي رااااااااااااااااااايج

فعلاآ في فئه مريضه ماينفع معاهم إلا جذي​

 

[zozo.7ob]

نصيحة مني اخذي هذا المثل شيء اساسي بحياتج(طنش الحمير تعيش امير)لان مو من الحكمة تردن على وحدة عقلها صغير يعني طالعيها و ابتسمي و خليج هادية هذا الشيء ينرفز و اذا كان المووقف محتاج تردين ردي بهدوء و تقولين في اول موقف انا مو شايفة نفسي حلوة و لا انا الي راح احكم بس الناس هيا الي تحكم و شايفيني حلوة
الموقف الثاني قوليلها :انا ما اجذب واذا انتي شايفة جذي والله عاد كيفج الله داري اذا كنت اجذب ولا لا مو محتاجة تاكيد منج
الموقف الثابث: قوليلها: كل واحد له ذوق في اختيار الملابس و الناس اذواق يعني انالي حرية بكل شيء اسويه
الموقف الي بنت تقولج انتي دلوع قوليلها: الدلع هذا شيء طبيعي بالبنات /ملاحظة/:طلا الدلع الزايد والغرور هذا يمكن فعلا يخليج مو حلوة فخلي دلعج مقول لما تردين عليها

و خلي ردودج ب هدوء و حكمة و عقلية مع ابتسامة مستفزة

 

[zozo.7ob]

وخي عندج ثقة و بداه عشان تقنعين الي جدامج ان انتي صح وا هيا غلط

 

[بدوردا الأموره]

الموقف الأول : تحسبين روحج حلوه بوجه معبوس

الرد ; انا حلوه بكل حالاتي ...

الموقف :أنتي جذابه...

الرد : الشرهه مو عليج جذابه و تشوف كل الناس مثلها ...

الموقف الثالث: انتي تتصنعين الدلع

الرد: ايه أنا دلوعة من أساس و أدلع زيادة ....كيفي

 

[alzeen- almuteri]

انتي مثلي انا اذا صارلي موقف فجاه ماعرف ارد بس ابتسم واسكت لان مااتوقع يصيرلي موقف لو ادري جان ازهب كلام



اذا وحده قالتلج انتي حسبالج حلوه !؟
اقولها مشكوره من ذوقج حبيبتي. لان الناس كلها اطالعكم اكيد فابين للناس انها قاعده تمدحني واهني راح تحتر اكثر هههههههه

اذا قالتلج وحده انتي جذابه !؟

اكبر غلط انج بجيتي وعصبتي لان هذا اللي اهي تبيه
اقولها اي اناةجذابه اشعندج. اخاف بس هميتيني عاد اجذب ولا مااجذب


واذا قالتلج وحده تتصنعين الدلع !؟
اي اتصنع وانتي شحارج هههههاااي < اهم شي الضحكه

 

[اميره^_^بحلآها]

مثل ما قالوا البنات ..~

 

[مِتحَديه نفسِيْ]

اول موقف : كنت بعرس وقربت مني بنت من قرايبنا بينا سلام جان تقولي اتحاسبين نفسج حلوه ؟
الرد: ما أحسب متأكده اني حلوة تسلمين ع المدحه
الموقف الثاني : كنا قاعدين انتناقش بموضوع ووحده قطت كلمه ماعرفت معناها قلتها شنو معناة هذي الكلمه جان اتنط وتقولي انتي جذااابه في احد مايعرف هالكلمه وتأشر بيدها وتقول انتي جذاااابه اتركني عنج الجذب الزايد يعني اتدلعين
الرد: ما أعرفها صدقتي صدقتي ما صدقتي الله وياك بسس وش دخل الدلع بالموضوع الحين؟..
الموقف الثالث: بالموقف هذا انا الي بديت خخخخ ضغطت وحده بالغشمره وتنرفزت جان تقلب الموضوع وتقولي زين انتي ليش اتصنعين الدلع ؟ قلتها بالعكس انا اشوف نفسي طبيعيه قالت لا مو طبيعيه مبين اتتلعين بالحجي
الرد: أنا كذآ!!.. لا أعوذ بالله أجل شمعنى انتي اللي ملاحظة من بين كل هالناس اللي قابلتهم بحياتي؟
وأحب اقول لك لا تتعبين نفسك وتشغلين بالك بهالنوعيه لأنهم وااجد وما عندهم غير النقد والتحطيم
شطحهه : اذا مرة وحدهه قاعده تذمك وما لقيتي كلمه تناسب قولي يعني ؟! وانزين !؟ وبعدين !؟ وشو اسوي ؟! اخر شي قوولي بصراحه سوري بجد لأني تعبتك وانتي تذمين وتحطمين فيني و مع تعبك ما راح اغير ششي .. واثق الخطوة يمشي ملكا "وامشي من عندها"

 

[Huda.A]

أضن الخوات فادوج بالنصايح
بس بقول شي
تبديل الصاد بالسين وااايد يعتبر مياعه
و أتكلم عن تجربه يعني حتى الشباب يشوفونه تصنع
أذكر كنت مع زميل في الكلاس ووحده كانت تتكلم بهالطريقه
فوق إنه ضحك عليها قاال (( غصب يعني تصير دلوعه ))
الموضوع مو صعب ، و إذا ماتقدرين تلفضين حرف الصاد لو فرضنا
تقدرين تكتبينه .
لاتاخذين كلامي بطريقة هجوميه أو إني أنتقدج بس أنا قاعده أسدي لج
نصيحه من أخت لإختها .
حلوه حررفنا ، و الدلع حلو بس بدون تغير الحروف لنه أحس مبالغه جداً